君蘭冰室

營業中

休息中

主打麵包店既君蘭，今次做埋兩餸飯同冰室，食物質素比想像中好，係呢個商場黎講非常抵食。今次晚餐時段去，除左有6款晚餐，仲有其他套餐選擇，用QR code 落單，注意兩餸飯係中午時段提供。餐廳係商場底層連接地鐵出口，剛好當日落雨唔怕淋濕，好方便，位置係電梯底，空間感大。✨鹹蛋黃雞中翼 (4隻) $36炸到表面金黃色，仲有肉汁唔乾身，表面舖上鹹蛋黃醬，鹹香適中。✨港式西多士 $26 👍🏻👍🏻👍🏻非常厚身，表面炸到酥脆，食到蛋香味，仲保留到內層麵包鬆軟，最滿意係成塊麵包連邊位都搽滿花生醬，配合牛油同糖漿無得輸，呢個價錢好抵食，必定會再次黎食。✨沙嗲牛肉炒河粉 連飲品 $71分量多大碟，沙嗲醬惹味，香氣適中，略帶少辣，牛肉不少，炒得均勻，有鑊氣，配料有紅椒、青椒同洋蔥增添口感同色彩，整體味道唔錯。有自助飲水位斟，仲有賣麵包，夜晚有優惠買二送一，款式唔少，但太飽無買到黎試。