📌 大門橫丁 (厚福街) - 尖沙咀厚福街9號豪華閣地下🗓(25/5) 星期六 ⏰ 晚上6點左右 💈特式：大門橫丁係香港都有好多年歷史，最高峰好似都有4~5間分店，不過而家暫時就淨返尖沙咀同旺角兩間，不過都係旺區同位置都就腳。🥩🍔🌭🌮🥗🥯🥘🍲🍝🍣🥟🍤🍱食物：我十多年前都已經有幫襯開佢，最鍾意食嘅就係佢個沙嗲湯底烏冬，仲有佢地嘅串燒都做得唔錯，等我講吓🍲🍢味道先......🐮🍜特上橫丁沙嗲湯手打烏冬$8️⃣9️⃣ - 佢個沙嗲湯底濃得嚟夠沙嗲味，但湯身又唔係好杰身個隻，可以當湯咁飲，烏冬滑身又彈牙，配料就有牛肉/豬軟骨/糖心蛋/蜜糖豆/粟米/鳴門卷，牛肉重牛味，肉質唔韌，豬軟骨炆得好腍滑香口，糖心蛋就正常偏好味，蜜糖豆超爽口，我每次去親都叫呢個，食左咁多年都未厭。🍶🍜清酒湯大蜆手打烏冬$1️⃣2️⃣4️⃣ - 呢個清酒湯底出面應該比較少見，湯頭有陣陣清酒香，大蜆超過10隻，而且都幾大隻，食落除左唔韌無沙外，仲幾有鮮味。🦑芥末八爪鬚$5️⃣8️⃣ - 八爪魚鬚份量都幾多，個芥末醬係偏向日式芥末沙律醬，偏甜身唔攻鼻個款。🐮👅芥末籽燒特級厚牛舌$5️⃣2️⃣ - 牛舌都幾厚身，口感爽口，呢個芥末醬就係偏西式嘅蜜糖芥末醬，同八爪魚鬚嗰個芥末醬好唔同。🐮黑松露金菇牛肉卷$4️⃣6️⃣ - 金菇牛肉卷都算係串燒界嘅中流砥柱，呢個仲加埋黑松露，相得益彰。🐥鹽燒日本博多雞尾串$4️⃣0️⃣ - 雞尾即係雞屎忽，係日本好常見用嚟做串燒，香港就唔係間間串燒店都會有，餐廳處理得幾好，夠乾身又無異味。🐮👅香蔥牛舌卷$4️⃣5️⃣ - 餐廳用薄身牛舌片卷起日本蔥嚟燒，表面牛舌片僅僅熟，入面嘅香蔥仲係好juicy。🐥日本雞胸軟骨串$4️⃣2️⃣ - 呢個可以揀鹽燒/汁燒/辣汁燒，我地就揀左用鹽燒，香口得嚟個雞胸軟骨又唔會燒到乾晒水。🦐🐷自家製蝦膠滑豬腩串$4️⃣9️⃣ - 都係可以揀鹽燒/汁燒，呢個就用左汁燒，蝦滑彈牙有蝦味，不過如果揀鹽燒應該會更好，個蝦味會更出。☕️🍵🥤🧋🍺🍷🥃🍹🧉🍾🍶🥛飲品 - 飲品有不少清酒/啤酒選擇，唔飲酒嘅朋友都可以選擇汽水/梳打等等，我地就叫左支椰青水，同一杯桂花蜜，鐘意桂花香嘅朋友一定要試。🍽環境：餐廳佔地雖然唔大，但坐位佈置都幾闊落，枱與枱之間亦算鬆動，坐得都舒服，雖然開左咁長時間，但環境都keep得乾淨整潔。🤵🏻🤵🏻♀️🤵🏻♂️服務：職員服務好好，語氣溫柔有禮，亦會預早話俾你知有某d食品已經賣晒等等，因為上枱個鍋係好熱，所以佢地會提醒客人小心焫親。💰💸價錢：2個人食左2碗烏冬，6串串燒，一個小食，2個飲品，埋單連加一都只係剛剛$6️⃣0️⃣0️⃣多少少，價錢都算係合理。🐲💬總結：我通常一段時間就會同朋友去食，因為成日都會掛住佢個沙嗲湯底，出面未必食到咁香濃啱口味嘅沙嗲，推介各位沙嗲愛好者可以去試下。推薦指數：❤️❤️❤️❤️🤍…查看更多
