川滿居 (京都廣場)

在銅鑼灣的血拼前的川菜午餐，來到川滿居。店子開業經年，古早味的裝飾散發出經典川菜餐廳的風格。出來的是餐廳自己煲的酸梅湯，酸梅的味道很濃，能中和濃味川菜的膩滯感，還要是自家製用不同的玻璃杯上，好可愛。半份片皮鴨秒速登場，是第一下即時觸動味蕾！鴨皮竟然似薯片般脆，香口度登頂！鴨肉厚而鬆化，用麽麽皮包著青瓜及京蔥，加入鴨醬，好食到無與倫比！細的金湯酸菜魚都好大盤！金湯的酸辣度剛剛好，帶強烈的花椒香！魚片細滑柔嫩，配合荀片、白蘿蔔片、菇菌，與底下滑滑的薯粉，滋味爆燈！乾煸四季豆是食得出的鑊氣，煸得香而不油，小人當場食了三分之二！相反孜然羊肉沒多少孜然味；而最後才上的涼拌花甲不夠酒香，而且勁多粒都沒有開口。上菜快、價錢抵，除了羊肉和花甲之外都相當滿意。…查看更多

一直都鍾意食酸辣，酸菜魚呢啲食物。行過銅鑼灣呢一頭，之前都喺銅鑼灣食過其他四川菜，見到呢間lunch set好抵食咁，所以就試一試新餐廳。嗌咗個酸菜魚，佢係手機落單，有得揀好多唔同嘅options, 少啲油，少啲麻，濃味啲啊，好貼心，唔係得最基本嗰啲得個辣道可以揀。 咁我叫咗一個lunch set，同埋嗌多咗一個小食，因為突然間好想食涼拌花甲😂酸菜魚個份量勁多，上菜後已經有啲後悔嗌多咗個花甲。酸菜魚勁足料，好多配菜，有萵筍啊，有3種嘅菇，蘿蔔片，啲薯粉煮得啱啱好，唔係好硬咬唔到嗰啲，係好煙靭好Q. 叫咗少油，之後個酸菜魚真係唔多油。 欣賞。好彩涼拌花甲唔係好濟，佢係偏向甜鹹甜辣嗰邊，都幾清爽，處理得唔錯，冇乜沙。個調味都好正，個汁好好味。…查看更多

因為太鍾意食川菜😋今晚又約左朋友去發掘好食川菜。見到呢間餐廳有好多好評，一定吾錯👍🏻餐廳裝修好有特色，一出lift就見到中國風的磚牆，餐廳入面掛滿’川滿居’的燈籠, 一面牆掛滿紅色紙扇，好有四川風彩🎭涼拌花甲$78第一次凍食花甲，好好食😋粒粒花甲都好飽滿冇沙，粒粒都開晒口。川式風味加左芫茜辣椒，小小辣，超級惹味開胃。京葱牛肉(配6張麼麼皮)$88呢個超級好食😍牛肉大大片幾厚身，重牛味，幾淋。京葱份量好多，加埋一齊炒得好有鑊氣🤤再用麼麽皮包住一齊食，可以解左少少油膩感，個皮煙煙韌韌，好有口感。6塊吾夠食，可以另外再叫，都係$10有6張👍🏻糖醋蝦球$128呢個蝦球一食好驚歎，好彈牙！而且好大隻，炸粉好薄，好似有成8，9隻。個汁吾會太杰，酸酸甜甜，剛剛好。配菜都多，因為好鐘意食洋蔥，感覺好滿足🤤金湯酸菜魚$188 餐廳招牌菜之一，果然令人好滿意😍好大碟，性價比好高。魚片大大片，厚身好滑，份量好夠。金湯好好飲，好多香料，飲完吾會好頸渴。配菜份量超級多！有萵苣，白菇，炸左的雞脾菇片，酸菜，薯粉。薯粉好滑好掛汁，但實在太多，食吾晒🤣桃之夭夭$36 金柑檸檬茶$28 桃之夭夭個名好盞鬼🤪好好飲，係桃汁加無糖梳打，好清甜解渴。金柑檸檬茶都好解渴，但對我黎講甜左d。總括黎講，呢間餐廳食物好出色👍🏻值得一贊仲有兩樣野1: 每樣菜色都有好多選項，我全部有揀少咸少油少鹽，而且真係會做到，感覺食得好健康。2:餐廳職員態度十分有善！好親切。職員的態度絕對會令普通的食物加分，更何況呢間餐廳的食物真心好食。…查看更多

今日同媽咪👩‍👧2個人去食川菜，book左6:30pm，上到去得2枱客🤣🤣，去到差唔多7:15pm先開始多人。環境方面：地方唔算好大。我地嗌左涼拌花甲($78)，香辣魚皮($68)同埋金湯酸菜魚($188)。呢個花甲好好食，冇沙，同埋份量都唔小。雖然Menu上面寫左一個🌶️，但我食唔出辣味🤣。我好推介大家嗌呢個食💯。呢個魚皮Menu都係寫一個🌶️，但就相比會辣。魚皮好爽口，加埋蘿蔔絲做搭配，稱得上好開胃嘅前菜😋。魚肉好彈牙，好入味。但薯粉就一般。如果有額外嗌白飯，啲汁送飯一流。凍檸茶茶味偏重，可以解渴，解辣。要加一，最後埋單每人唔洗$200，真係好抵食！…查看更多

今日氣溫忽然驟降，中午就決定和朋友一齊去食下辣野，見到評語依家響銅鑼灣SOGO後邊嘅川菜都唔錯，就決定去試吓佢暖下身。上到去環境都闊落，好多四川面譜，連第一張枱都有啲四川仔都幾得意。餐廳有午市套餐都幾抵食， 大部份都係5-60蚊落到樓。我地叫左個：水煮牛：份量都幾大份， 牛肉片嫩滑， 都有8-9塊👍🏻仲有薯粉同芽菜， 湯底香辣野味有深度，食得出落左好多唔同既香料去煮。酸菜魚： 見到個個黎依間都食， 我都叫返份！ 一上菜真係哇哇聲， 大份到！ 魚片好厚身好滑， 所以食落口感好好😋湯底有少少麻辣既感覺，配上酸菜中和返又唔太辣，平時食開譚仔10小辣既我都食到，覺得辣得岩岩好，怕辣既朋友都可以一試。涼抹花甲: 依個又真係必食推介，首先花甲無沙！個涼拌汁啲蒜味勁野味，食下一隻又一隻，送飯一流！紅糖滋粑: 外脆内軟，都頗有驚喜，點埋紅糖漿令人欲罷不能，食完一舊又一舊。今個午餐真係食到肚滿腸肥！大滿足！…查看更多

星期二下班後和老公到銅鑼灣川滿居吃晚餐。秘制拍青瓜所有菜式都可以選辣度、油度、鹹度之類的，都選了小辣少油，青瓜辣度很舒服，挺爽脆。口水雞雞肉很嫩滑，一塊接著一塊，慾罷不能，作為冷盤很不錯。涼拌花甲花甲很新鮮，洗得很乾淨，沒有沙，吃得很爽。金湯酸菜魚魚肉非常嫩滑，份量很足夠，還有薯粉、萵筍、菇類等，非常多料，越吃越辣，在香港也吃得到美味的酸菜魚。孜然羊肉配有六張麼麼皮，像片皮鴨的吃法，只是鴨變成羊肉和沒有醬料，羊肉帶微微羶味，很惹味。飲品叫了金桔檸檬茶和桃之夭夭，兩杯都是少甜，後者是蜜桃梳打加一些啫喱珠珠。…查看更多

屋企人想食酸菜魚，咁啱今日要過海交收，就諗起銅鑼灣京都廣場嘅「川滿居」，味道正宗，又抵食，次次都食到大滿足而回👍🏻招牌金湯酸菜魚$188手機落單仲可以有好多唔同選擇..　除咗少辣，少麻少甜少酸少油少鹹…都得。今次要咗BB辣仲要少麻少油，味道一啲都冇走樣！湯底好飲，鮮味，酸菜魚魚肉又滑又嫩冇細骨。配料有萵筍，煙煙韌韌嘅薯粉，菇菌等等。這次感覺他的麻香十分精彩有層次，湯底不會過鹹，完全襯托出魚肉嘅鮮味。涼拌花甲$78花甲乾淨冇沙，煮熟後冰鎮再用各款川辣麻香嘅調味撈勻，麻度啱啱好，又唔會搶去花甲鮮味。花甲肉大大隻，每隻殼入面都有肉㗎～蒜香柏青瓜$38完全唔辣嘅涼拌青瓜，大大件囗感爽脆，配合切得幼細嘅蒜蓉，惹味非常！腩肉炒花菜午市套餐$58午餐份量十足，大大碗嘅白飯。花菜炒得有鑊氣，仲加咗蒜芯，整體鹹香惹味，豬腩片則油香十足。鮮椒田雞$138手機下單睇唔到泡椒田雞，就選了鮮椒田雞。紅綠圈嘅鮮辣椒係辣味嘅來源，即使BB辣都非常刺激。田雞切細件再泡油，肉質鮮嫩，再有海量嘅鮮辣椒，辣味令田雞鮮上加鮮。味道遠勝於收汁炒成嘅田雞。飲品方面，價錢唔貴。餐廳嘅凍檸茶好有水準！俾茶餐廳更有茶味～大滿足今次吃了多款特色川菜，味道同賣相都超正，特別之處係每款餸菜都可以有個人口味調節，少鹽少油淡味濃味自己控制，今餐吃完都唔覺得口渴！😍😋 …查看更多