老川皇

營業中

休息中

今日晏晝同同事突然間想食辣野，所以揀咗公司附近嘅老川皇，其實不嬲都有食開老川皇嘅晚飯，午飯就真係少啲，今日第一次嚟試，先發現原來lunch非常之抵食！$58就食到酸菜魚！貪心嘅我哋仲在嗌多咗個二人餐因為真係好想食水煮肥腸，諗住應該都唔會太多應該食得哂。食飯叫前菜是常識吧，所以我哋仲叫埋涼拌土豆絲！涼拌土豆絲配上川味，小小辣好惹味！🌶而且土豆絲切得好幼好薄，條條都好爽脆！水煮肥腸係以邊爐型式上，仲送生菜可以一齊煮！肥腸煮得好入味，而且肥得嚟唔太漏！正！酸菜魚🐟雖然只係58蚊，但係份量非常之大而且有好多魚！酸菜魚好開胃，個湯用嚟送飯一流！特別一提，餐廳服務員服務態度一流，要比個like 佢地！👍🏻

早前已經試過地舖果間老川皇，今次帶食得辣既朋友黎到位於砵蘭街歐美廣場內既老川皇!我地大概7點左右到達餐廳，當時餐廳已經坐了8成既客人，只係過左十幾分鐘，門口已有等候既人，果然係人氣既川菜餐廳!餐廳入面男女老少都有，非常有家庭既感覺，我同朋友安排坐卡位，而餐廳入面亦有不少卡位及圓枱!每個卡位都有一個鐘，方便落單，不過其實都可以唔駛按鐘，侍應都會招呼你!我地兩個人叫左幾樣菜式黎試下，以這裡全部菜式都可以揀選辣度，而我地今次全部都係叫小辣!涼拌土豆絲，土豆絲好爽口，酸辣度適中!四川涼麵，食落去有少少似擔擔麵，辣度剛剛好，還有少少麻的感覺，而涼麵本身亦好爽口乾身，醬汁掛係麵上，非常入味!酸菜魚，早前雜誌上也有介紹過，當然要試一試!魚非常滑身，厚薄適中，酸菜份量也很多，還有酸蘿蔔，湯亦越食越酸及麻，非常開胃!燒烤茄子，茄子表面有很多蒜蓉，配上少少辣粉及孜然粉，同埋茄子本身既鮮甜，不會太油膩!燒烤牛丸、花枝丸及韮菜，牛丸及花枝丸經過燒烤及配上辣粉及孜然粉，非常惹味!而韮菜我係第一次燒烤咁食，估唔到入面會有好多汁，加埋辣粉及孜然粉原來係可以個味咁出!餐廳亦有多款飲品可選擇，而我就揀左王老吉，感覺比較

朋友突然間話想食川菜，於是我哋就上網搵，見到呢間正評好多，未試過心思思放工就立即飛奔過去了。店內裝修走平實路線，感覺似係一間傳統舊式老派川菜館，都係一啲大圓枱和卡位，我同朋友兩個就被安排坐卡位。大概七點幾店內就開始爆滿，我同朋友見到好多人在打邊爐，可惜我們只有二人未能叫太多嘢食，於是叫一些麵食和小菜類別為主。我們先點了它的酸辣粉（$26）和擔擔麵（$26），我冇睇錯吧？一碗酸辣粉和擔擔麵分別才$26，可真平價，另外再加餸都係$6一個餸，於是我和朋友決定食豪d每人加4個餸，我們加了牛筋，牛肚，牛𦟌，墨魚丸，肥腸，豬手，龍蝦丸和肥牛，其實都係打邊爐嗰啲差唔多，正正常常，唯獨牛筋好似橡筋咁咬不開，不過$6加1款都算幾抵。四川擔擔麵比較推介，湯底比較麻辣同香濃，麵身又夠爽及掛湯。不過酸辣粉就一般啦，唔算好特別。另外我哋叫咗半隻樟茶鴨（$98），都算幾入味味道幾特別，值得一試。我哋仲叫左個涼拌土豆絲（$34）味道不算突出，而且偏油偏辣不夠麻。最後我哋重點左金銀饅頭（$30），一般係蒸一份係炸嘅饅頭，啱啱蒸起或者炸起，加上煉奶真心好味！全晚我最鍾意係食呢個！😋整體來說呢間老川王嘅食物價錢都幾親民，

聽聞夏天食辣野係可以解熱,所以我好鍾意食四川菜。依度嘅午市套餐非常之抵食,價錢平之餘選擇多,份量亦大。尖椒皮蛋係我每次食四川菜必要嘅小食之一,依度用嘅係正宗嘅四川皮蛋同平時食開嘅黑色皮蛋吾一樣,蛋香味更濃。口水雞肉質嫩滑,配上麻辣醬汁送飯一流。涼拌土豆絲份量比我想像中多,每條土豆絲都切夠幼細,口感爽脆,酸辣嘅味道令人開胃。水煮牛肉上枱果一刻完全嚇親,因為實在太大份完全唔似一個午市套餐,面頭鋪們辣椒同辣油,內裏嘅牛肉份量亦好大方,味道雖然唔算太辣,但就充滿花椒嘅香氣。