人和月雞煲火鍋店

🙋🏻‍♂️餓底探員今晚去咗尖沙咀調查呢間火鍋店，佢嘅火鍋放題有多款海鮮，牛肉同40多款火鍋配料，另外頭盤仲有雞煲，酸菜魚或者卜卜蜆可以任選一款，120分鐘無限量追加，保證吃到飽😂🦐🥩澳洲M4和牛海鮮大滿貫 $398🌶️🐤原創酥皮麻辣雞煲 (頭盤升級+$58)📸表示個酥皮由原先一塊扁平透過加熱整到個酥皮漲卜卜，過程好治癒，之後店員會幫忙將酥皮切開再撈勻個雞煲🙋🏻‍♂️表示個雞煲份量好多，口感嫩滑，個雞煲入食落好惹味，將個酥皮浸落個雞煲度，吸收晒個汁一齊食，味道好正，呢個酥皮雞煲好有gimmick，餓底推介必食🍲野菌冬瓜湯📸表示個湯底有好大嚿厚切冬瓜放咗喺入面，仲有野菌，素翅，杞子等配料，夠晒豐富🙋🏻‍♂️表示個湯底飲落好清甜，連埋啲配料一齊食感覺好似食緊冬瓜盅咁，加上啱啱食先完雞煲，未開始打邊爐已經飽咗五成😂🥩美國牛肉大滿貫📸表示呢個拼盤有唔同牛肉嘅品種同部位，一次過可以試到多款牛肉，好滿足🙋🏻‍♂️表示咁多款牛肉入面，餓底最愛極上黑安格斯牛小排，油花分怖平均，入口鬆化，好有牛味，當然唔少得近期打邊爐嘅新歡牛胸爽啦，爽脆嘅口感食到停唔到口，要不停追加先得🦐海鮮盤📸表示個海鮮盤有鮑魚，扇貝，青口，海蝦同蜆多款海鮮，全部插喺啲冰上面，一上枱時已經好吸睛🙋🏻‍♂️表示啲海鮮夠新鮮，鮑魚口感彈牙有咬口，海蝦鮮甜，扇貝夠大隻⚠️其他火鍋配料都好吸引，芝士牛丸食落爽口，芝士溶晒夠流心，芋泥包心貢丸入面有滿滿嘅芋泥，口感特別，花膠仔食落軟腍，每啖都食緊collagen咁，蝦滑加入咗蟹籽，食落彈牙📈吃貨指數😋好味度 8/10🔙返啅度 8/10…查看更多

秋風起，最啱就係去食雞煲打邊爐！😎近年食過最有質素嘅雞煲火鍋店，莫過於尖沙咀嘅「人和月雞煲火鍋店」～120分鐘嘅火鍋放題，有5款套餐可以揀， $298/位起，包一款頭盤＋一款火鍋湯底＋40多款火鍋配料＋飲品＋甜品。今次我地就揀咗個中價位—Set C 澳洲M4和牛海鮮大滿貫（$398/位），餐廳仲做緊活動優惠，💕惠顧C餐或以上嘅套餐，每枱食客可以抽一個扭蛋，我哋就抽中咗支大啤，啱晒打邊爐啤啤佢！😎🔸頭盤可以4揀1：招牌麻辣雞煲、老檀酸菜魚、韓式芝士雞、味鮮卜卜蜆，最近仲有升級食法！酥皮麻辣芝士雞煲、椰香香茅青檸烤魚、麻辣烤魚/藤椒烤魚。平時麻辣/芝士雞煲食得多，酥皮雞煲真係第一次試！麻辣芝士雞煲加上香脆酥皮，Gimmick十足！😎⭐️推薦❗酥皮麻辣芝士雞煲🧀酥皮焗至金黃酥脆，切開酥皮，將酥皮和雞煲二合為一～裏面嘅芝士激多，勁拉絲！🥰酥皮吸晒雞煲精華，和芝士融為一體，啖啖邪惡好芝味！雞件採用雞髀肉，厚肉多汁，香辣惹味～食完雞煲之後，就可以換個湯底打邊爐！☺️小編最欣賞就係雞煲同邊爐係分開兩個煲/湯底，唔洗咁油膩，唔會食極都係一個味！❤️🔹火鍋湯底呢度嘅湯底真係好多選擇，又夠特色！🤤揀左比較少見嘅椰青香茅青檸湯！原來係泰式風味！😳食落好清新，酸酸地幾開胃，同海鮮或肉類都好夾！絕對會因為呢個湯底再返黎encore！👍🏻同埋由始至終都唔洗加湯，夠晒原汁原味！☺️🔸海鮮盤雖然只有一客，不過勝在夠鮮！多樣化！量足！有鮑魚、青口、日本🇯🇵扇貝、鮮海蝦、大蜆、深海龍躉片，龍躉片好大塊，肉質爽彈鮮甜，超正！😎海蝦二人份都有4隻，肉質鮮甜彈牙，讚👍🏻！大蜆洗得好乾淨，冇沙！扇貝肉質鮮味有嚼勁，鮑魚肉質軟腍又不失口感。如果可以encore就好！😌😂🔹美國牛肉大滿貫牛肉原個木盒上陣，啱晒打卡！😳📸有超過8款澳洲或美國高級牛肉：澳洲M4和牛、極上黑安格斯牛小排、手切美國封門柳、嚴選美國牛下肩、嚴選美國牛板腱、高級美國雪花肥牛、美國特選牛舌心、特級美國牛胸爽⋯⋯🤤唔好睇個木盒細細，每款牛肉都起碼有4片或以上，超足料！⭐️推薦❗澳洲M4和牛油花較多，肉質更軟滑多汁～⭐️推薦❗黑安格斯牛小扒肉質有口感得黎，入口酥嫩，肉香味美！⭐️推薦❗封門柳肉味最濃！牛胸爽口感超爽，牛味豐富！牛板腱和牛下肩脂肪分佈平均，前者相對地比後者有嚼勁！總之，每一款牛肉都相當有質素！😎除咗牛肉之外，仲有其他火鍋配料可以無限量添加！⭐️推薦❗日本廣島蠔急凍廣島蠔保留着生蠔嘅多汁滑嫩、肉質鮮美嘅口感，蠔迷必試！⭐️推薦❗ 日本豚肉五花片紅白相間，肉質軟嫩，肉味十足！⭐️推薦❗ 鮮打家鄉墨魚滑真係見到有粒粒墨魚粒係裏面，好有咬口，一定要encore！😋比較失望係台式鴨血，食得出唔係台式。。。另外，仲有冷盤、蔬菜、丸類、飲品、甜品等在自助區，⭐️推薦❗泰式鳳爪、手拍青瓜拌雲耳⭐️推薦❗火鍋粉係小編食過最煙靭嘅寬粉條！❤️飲品除了罐裝汽水，仲有養生自家飲品。甜品有芋圓、小丸子、熱辣辣豆腐花等自行拼配，正！☺️整體來說，$400蚊，包雞煲＋自選湯底打邊爐＋海鮮＋日本A4和牛＋包飲品、甜品，任飲任食，食物有質素，環境舒適，性價比高！😏…查看更多

朋友想食依間雞煲火鍋店好耐，去之前就咁望menu已經流哂口水🤤佢menu總共有5個set，我地就揀咗set c，有齊雞煲、肉類同海鮮🍗🥩🦐┈✨ 澳洲M4和牛海鮮大滿貫✨ 酥皮芝士麻辣雞煲+海鮮盤+任食邊爐 每人$427(已連加一)- 成個set都好豐富😍頭盤揀咗酥皮芝士麻辣雞煲，芝士同雞煲好夾，而酥皮就索哂雞煲既精華，好味😋食完雞煲就打邊爐，邊爐湯底揀咗野菌冬瓜煲，湯底超鮮甜，就咁飲都好滋味(˶‾᷄ ⁻̫ ‾᷅˵)牛肉種類都有好多，而且質素都好好，當中最鍾意既係安格斯牛小排、牛胸爽同牛舌😋而店員就教我地要係冬瓜入面碌牛肉，食到最後冬瓜就會索晒牛肉嘅鮮味～另外，除咗menu既嘢食之外，出面自助區都有少量嘢食可以拎，例如有自家製花茶、芋圓甜品、雪糕杯等等，我試咗豆腐味同伯爵茶味嘅雪糕都覺得好好食😋💕整體來講，一餐飯食到芝士雞煲，又打到邊爐，個感覺係滿足嘅，而且味道唔錯👍🏼😕不過略嫌cut單時間太快，原本以為90分鐘cut order係好夠時間，但入座之後其實等咗段時間先上雞煲，轉打邊爐又等咗陣，上配料既速度唔算快，每次落單都要等好一陣先先嚟，所以當時感覺就係啱啱打邊爐冇耐就話要cut單(´･_･`)然後明明個場只有三成滿，但一夠鐘就即刻叫人走，如果比多幾分鐘走盞，比我食埋我枱面杯雪糕就好（話哂成餐飯等既時間都唔少😕）最後埋單每人$427，價錢唔算親民，講真食物係好食既，但太快cut order同夠鐘就要人走依樣野有啲扣分，希望餐廳可以改善一下啦(´･ω･`)…查看更多

💛❤️🧡酥皮麻辣芝士雞煲🧀食完再打邊爐終於都去食啦🤣前排俾依間餐廳洗版，諗住熱潮過後先去食，點知佢長期大熱😂唯有乖乖訂枱，睇吓平日有冇位啦😗今次係平日去食，人流都幾多🫣好彩店員效果高，上菜快、refill都快😆一坐底就可以order「頭盤」先！❣️Set C SRF極黑和牛海鮮大滿貫❣️ $398/ppl一共有5個set揀，Hatty揀咗中價位嘅Set C🤭有海鮮又有和牛，仲有其他任食選擇🤤夠晒滿足！💛酥皮麻辣芝士雞煲💛 頭盤頭盤自選，都係鍋物！🍲不過嚟呢度唔食佢哋嘅酥皮麻辣芝士雞煲又點得呢？🐣雞煲係即叫即整嘅，所以等候時間會耐啲🤏🏻不過見到酥皮漲卜卜咁誘人，等耐少少又有咩所謂喎🥧店員會幫忙切開酥皮再輕輕翻炒雞煲，令芝士同雞肉完美混合🧀牽絲嘅芝士配埋雞肉一齊食，麻麻辣辣又有啲奶香🌶惹味又過癮！旁邊嘅酥皮可以中和辣度，仲為雞煲增加層次同口感呀！💜藥膳養生牛奶鍋💜 湯底火鍋湯底可以8選1，既然頭先食咗麻辣嘢🌶湯底就揀返一個比較溫和啲而且養生嘅平衡下🍲湯底滾咗之後飲返啖，奶香又順滑🥛雖然係藥膳但係味道都好易入口😝🤍海鮮盤🤍 一客款式都幾多🤤有日本扇貝、鮮海蝦、鮑魚、青口、蜆，每樣都有返咁上下份量😛而且好欣賞佢哋嘅海鮮，清洗得好乾淨，食嘅時候好放心🐚海鮮入面嘅日本扇貝、鮮海蝦最深得我心😍大大隻仲好鮮甜添😝❤️牛肉拼盤❤️ 美國牛肉大滿貫一共有七款，有高級雪花肥牛、美國特選牛舌心、嚴選牛下肩、特級牛胸爽、極上黑安格斯牛小排、手切特級封門柳、澳洲M4和牛🥩每款都好好味，最正嘅就係澳洲M4和牛，油花分布完美而且油脂味都好香🤤💚火鍋配料💚 自助區火鍋配料有常見嘅蔬菜類、菇類、丸類，仲有我最鍾意嘅響鈴🤩放入湯底即刻吸晒所有精華！正！如果係自助區搵唔到自己想食嘅火鍋料，可以掃code手機落單㗎！🤭🧡小食🧡 自助區自助區嘅小食有川味特式，有酥肉、糍粑、水煮牛肉、蒜泥白肉卷、川式涼粉等等😝水煮牛肉好入味，而且都好嫩🌶麻麻辣辣好醒胃！🤎飲品、甜品、雪糕🤎 自助區飲品有罐裝、樽裝、枝裝、杯裝，仲有佢哋自家製飲品🥤甜品嘅部份就可以自由搭配，鍾意食豆腐花嘅Hatty就瘋狂encore 咗幾次啦😏豆腐花加仙草仲有唔同嘅topping，按自己喜好配搭自己專屬嘅甜品😎最後加返雪糕，食完夠晒滿足！依間火鍋店最正就係佢哋嘅雞煲😆當初就係睇中佢哋嘅酥皮麻辣芝士雞煲而book枱，味道有驚喜！而且甜品區嘅topping選擇都好多🤤自己整嘅配搭真係會特別好食！😛BTW記得save post，方便向店員查詢有關套餐啦❣️📍人和月雞煲火鍋店📍尖沙咀海防道38-40號中達大廈3樓…查看更多

在尖沙咀工作的朋友介紹海防道的這間火鍋店，而餐廳宣傳的原創酥皮麻辣芝士雞煲看上去十分吸引，於是便應約和朋友去食晚餐✏️位置: 9/10✏️環境: 8/10✏️衛生: 8/10✏️服務: 9/10✏️食物: 9/10餐廳走簡約裝修風格，不算大但四四正正，播放著流行曲，有家庭式的感覺。侍應積極主動，少有收碟有這麼快，有禮貌而服務亦很不錯。食物方面，套餐的指定食物質素都很高，而自取區有不少港式甜品，既吸引亦特別🍱SET C澳洲M4和牛海鮮大滿貫 - $398/位思前想後，還是選了中間的這款套餐，為了海鮮盤及高質一點的牛肉🌟頭盤(四選一) - 原創酥皮麻辣芝士雞煲 (套餐升級2人份+$58)原本就為了這個雞煲而來，當然要升級，侍應會把酥皮切開並放入雞煲內，酥皮融入芝士變得煙韌，口感相當不錯，加上雞煲的麻辣口味，雞肉又嫩滑，味道豐富滿足🌟火鍋湯底(八選一) - 胡椒豬肚湯湯底選了胡椒豬肚湯，雖然上鍋時豬肚不算稔，但胡椒味夠香，用來做湯底也很不錯🌟海鮮盤(一客)跟餐的海鮮盤，有日本扇貝、鮮海蝦、沙白、鮑魚及青口，看上去相當豪華，特別是扇貝及鮑魚都大大隻，而且亦吃得出新鮮感🌟美國牛肉大滿貫(一客)一盤看上去很豐盛的牛肉盛盒，包括有澳洲M4和牛、極上黑安格斯牛小排、手切頂級美國封門柳、嚴選美國牛下肩、嚴選美國牛板腱、精選美國金錢展、特級美國牛胸爽及高級美國雪花肥牛。由於同一時間放入多款牛肉，除了爽口牛香味濃的牛胸爽及味道獨特的自製鮮打三色丸外，其他的牛肉也不分不太清楚。但有一樣肯定的，就是牛肉的質素明顯較其他火鍋店，特別是連鎖任食火鍋店高質及出色，可惜是大部分都不能追加🌟其他任食火鍋料自取區有大量蔬菜、丸類及出前一丁等，而除了牛肉外，掃碼下單有日本豚肉、日本豚肉五花片、廣島蠔、元貝、海蝦、嫩滑脘魚片、家鄉墨魚滑、蟹籽蝦滑及花雕醉雞件，其中飽滿鮮味的廣島蠔最令人印象深刻🌟飲品自取雪櫃有三款自家製飲品，同時有樽裝汽水及各式罐裝飲品及啤酒，選擇不少🌟甜品前文也提及有不少港食甜品，如豆腐花、喳喳、芋圓等，亦有幾款雪糕供選擇，算是很豐富呢🍽人和月雞煲火鍋📬地址：尖沙咀海防道38-40號中達大廈3樓酥皮麻辣芝士雞煲…查看更多

天氣凍特別想打邊爐，今次去左尖沙咀好多人幫趁嘅任食邊爐，120分鐘任飲任食，分左三個唔同價位，最大分別係牛肉款式唔同，最貴嘅大滿貫套餐仲有海鮮盤。我地七點未到黎到已經有幾枱人，去到7:30基本上已經坐滿人。人和月嘅任食打邊爐分左三個價位，黃金時段$228/$298/$378，除左豬牛海鮮滑類係QR code落單之外，其他醬料、火鍋料、麵食、野飲同甜品都可以喺出面自己拎。自助區嘅火鍋料選擇唔算太多，主要係丸類同蔬菜。麵類方面，除左大路嘅出前一丁同烏冬，仲有火鍋粉，即係類似寬粉咁。野飲方面，除左韓牌果汁汽水，仲有三款自家涼茶。甜品雖然冇雪糕，但就有豆腐花同芋圓，都幾有心思。自家涼茶有三款揀，唔會太甜，都幾潤喉。自家韓式芝士雞 - 人和月同其他任食打邊爐最大唔同，係打邊爐之前除左可以食麻辣雞煲，仲有老檀酸菜魚或者韓式芝士雞揀，我地就揀左後者。芝士雞上面有超多芝士，雞件其實已經熟，只係開火熱溶啲芝士再撈一撈佢就食得。雞件甜味為主，辣度只係BB辣，雞肉唔會太鞋，芝士拉絲效果明顯，中間仲有年糕，所以都幾飽肚。川式麻辣湯 - 湯底有六款揀，鴛鴦湯底另加$30。麻辣湯冇辣度選擇，辣度大約係小辣至中辣之間，裡面只有辣椒同大蔥，如果想要鴨血或者豆腐，可以經QR code落單。我地揀左大滿貫吃到飽套餐($378)，佢包左八款唔同部位嘅牛肉同海鮮盤。上完湯底，侍應會即刻上埋一盤八款牛肉，每款牛肉上面都有名牌，排得好靚，其中除左牛小排同封門柳之外，其他都可以免費追加。而可以免費追加嘅牛肉入面，我就最鍾意外裙柳同牛胸爽，前者帶啲咬口，後者就食落好爽口。而再追加嘅牛肉除左比較細塊啲同解凍得咁好之外，質素都同第一轉唔差太遠。海鮮盤包左海蝦、鮑魚、扇貝、青口、帶子同兩三款唔同蜆，全部都好有睇頭。墨魚滑&蟹籽蝦滑 - 兩款滑都好彈口，兩款之中我比較鍾意墨魚滑，因為佢比蝦滑更彈牙。鴨血 - 我地點左麻辣湯底點都要配鴨血，佢一份只有兩件，唔怕一次叫得太多冇人食。鴨血好滑都幾彈口。牛柏葉 - 好爽口一啲都唔韌。鯇魚片 - 鯇魚片都幾腍滑，不過因為切得比較薄，快灼幾秒就食得，否則會變到太腍唔好食。廣島蠔 - 雖然係雪藏貨，不過都幾厚肉肥美，但就要灼耐少少先食得。豆腐花 - 係新鮮豆腐花唔係現成貨，豆腐花幾滑，除左可以加黃糖，仲可以加芋圓、小丸子、椰果......。總結，火鍋料選擇雖然唔算太多，但鍾意食牛嘅就啱晒，因為都有好多款唔同牛肉可以任食，最貴嘅大滿貫set，比中間價嘅set只係相差$80，但就多左三款牛肉同有海鮮盤，如果本身想試多幾款牛又鍾意食海鮮其實大滿貫係抵食啲，我最鍾意佢頭盤除左麻辣雞煲，仲有韓式芝士雞同酸菜魚揀，而且食完唔洗加錢都會幫你換鍋先打邊爐，唔怕成鍋都係油。服務方面，QR code落完單野食都好快上枱，收碟都快，但留意返因為任食係限時120分鐘，所以QR code落單要喺入座後90分鐘內完成，而落單頁面都可以睇倒剩餘時間。 …查看更多