千賀水產の鮮鍋道場

難得的星期日可以出黎行街食飯, 中午就同朋友去左想好耐的 千賀水產の鮮鍋道場 食個放題火鍋。朋友之前食過話好正, 仲係坐得舒服慢慢嘆 ! 記得係OPENRICE網上訂位,有積分呀!地點十分近觀塘站, B出口左轉的連接觀塘廣場就到, 建議到地下等升降機。我地訂左位準時12點正去到排隊, 好快就安排了坐位。餐廳係觀塘廣場上面, 裝修格局精緻, 多配飾, 尤其係整齊, 分類得清楚。好快都差不多坐滿, 仲見到原來有做緊團購優惠, 下次留意下先。睇返餐牌有幾個價錢, 我地揀左[特盛海鮮火鍋刺身環球自助餐], 每位$218, 價錢係最貴個個, 但可以比你坐4小時, 唔駛急慢慢食, 慢慢傾。有好多個湯底比你揀, 我地揀左[昆布干貝清湯], 味道清淡易入口。我地的套餐送好多特色美食, 有海鮮盛合, 五品刺身盛, 安格斯牛小排, 珍寶餃子及醬爆手打薑汁貢丸, 食物好新鮮, 值回票價。仲有多款火鍋食物可以任意再ORDER。等緊食物期間, 就可以係出面拎唔同的食物, 有沙律, 壽司, 炸物, 熱盤, 老火湯, 蒸點心, 好多火鍋材料, 甚至多款飲品係免費, 亦有熱水比你沖茶, 仲有甜品, 蛋糕, 雪條, 乳酪, 真係好豐富。主打火鍋當然少不了任意ORDER的牛肉,豚肉啦, 兩款肉的質素甚高, 而且ORDER後好快送到, 唔會拖你。我就喜歡老火湯, 真係好飲仲有好多豬骨, 沙律菜很新鮮, 款式亦多, 炸物就中意炸鮮奶, 一出好快無, 而且炸物會不停轉款, 熱盤數量也不少, 蒸魚, 豬紅, 雞, 等等都有…..…查看更多

今日和朋友相聚，朋友是食得之人所以選了在公司附近的這間火鍋放題。我們被安排坐在沙發位置，座位很寬敞，環境也不會很大油煙一坐下先選湯底，款式十分多，我們第一次見火鍋有波士頓龍蝦湯底，所以便試一試每一台都會送五款食物，另外肉類和魚類是可以任點。飲品，熟食，甜品便是自取來打火鍋第一時間當然是去取醬料醬料區款色十分齊，而且很衛生，值得加分熟食有炸物，中菜，還有第一次見的點心，款式真的很多元化自取區還有少量壽司，真的是回本必食回到位置上，湯底已送上一隻大過手掌的龍蝦佈有滿滿的蝦膏，吃得我們十分滋味！象拔蚌刺身五品 - 是每台必送的，有象拔蚌，甜蝦，三文魚，八爪魚和北寄貝。每款刺身都非常鮮甜！海鮮盛合 - 有蜆，鮑魚，蚌，扇具和脆肉腩。想不到在放題都可以吃到那麼大的海鮮蜆是用小籃裝住，避免放在火鍋裏找不到蜆肉，十分貼心！最後當然是吃甜品，是自取的乳酪，香滑而冰凍，吃得很滿足！想不到這個價錢都可以有海鮮和刺身，而且環境舒適，很適合和朋友三五知己來聚一聚…查看更多

剛和拍檔完成大project，大家異口同聲話要食餐勁。食乜好？第一時間想起放題或自助餐，最終大家揀了前者，還要是火鍋連日式放題，務必勁食。一出升降機門就見到非常醒神的店名招牌，門口仲好闊落。內裏環境光猛，地方寬敞，分兩邊大用餐區，設有一排排長椅和一行行卡座，還間了獨立區，最岩大夥兒餐聚。而中間就是食物自助區，放得夠集中。座位都幾寬闊，而出入通道又夠闊，方便取食物，環境不錯！見到自助區咁多野食，唔好以為只是自助餐咁簡單，另一重點是火鍋放題。星期一至四成人$278+10%，星期五六日$298+10%，而小童就一至日都半價，重點係任飲任食6小時，係6小時，真係6小時（重要說話講三次），真係可慢慢食慢慢傾。******************************一坐下便馬上揀選火鍋湯底，共有14款，當中3款需另外加費。原本打算點溫野菜蕃茄鍋，諗住清清地，但拍檔看中胡椒豬肚湯Peppered Pork Stomach Soup。先嚐一碗湯，用料十足，有不少腍嫩的豬肚、爽鹹的酸菜、有些紅椒等，帶胡椒香，味道偏鹹，再沸騰一段時間，仲越來越濃味，故雖是添回原有湯底，但我倆還是選擇加清水吧！醬料區亦好多選擇，有指天椒、炸蒜香、蔥花、芫茜、蒜茸、沙嗲、火鍋豉油等等。******************************先揀飲品作好準備，飲品自助區都分三處，除了有個巨大的凍櫃放滿汽水、果汁、清涼茶、紙包飲品等等外；另一處還有斟飲品機，包括凍提子汁、蘋果汁、果汁、菊花蜜、青檸薄荷水等；仲有熱飲處，包括咖啡、花茶、玄米茶、山楂等，極豐富。我要罐烏龍茶，而拍檔就要罐桃茶，大家都是茶，解渴解膩，用來配火鍋就岩。******************************火鍋所配的五款食品陸逐出場，先來一大盤旬之海鮮盛合，有脆肉鯇、大蝦、蜆、鮑魚、蟶子、蕃薯蜆和貝，的確豐盛，好滿足！七款都好新鮮，味道鮮美，特別喜歡爽脆的脆肉鯇、鮮甜爽彈的大蝦、肉嫩的鮑魚、爽甜的蟶子和肥美的蕃薯蜆，全部質素不俗。接着上枱是五品刺身盛，有爽甜的象拔蚌、鮮甜黏爽的牡丹蝦、肥美油潤的三文魚腩、脆卜卜的希靈魚和八爪魚，全部皆色澤亮麗，好新鮮，推介！原本有極上安格斯牛小排，但由於我倆都不太吃牛肉，避免浪費，故不要了！再來是韓國珍寶餃子和爆醬手打薑汁貢丸。餃子果然有份量，包着鮮肉菇粒，皮薄饀靚；貢丸彈牙，內竟是薑蓉，薑味突出，好特別。******************************其實仲有很多無限添食的肉類、海鮮和丸類，但還是先去自助區看看。嘩！真是令人眼花撩亂有亞洲風味、沙律、日本風味、中式佳餚、甜品等等....中間還有極多款火鍋配料，如不同款式的蔬菜、丸類、麵款、餐肉、台灣腸、炸魚皮、響呤、雲耳、芋頭、生根、野菌、薯仔等，色彩繽紛，選擇豐富。取了三大碟火鍋配料，包括有芋頭、南瓜、芋絲、腸、丸、油麥油、菜心、生菜、粟米、鮮淮山、蟲草花、蓮藕等等，全部蔬菜類都好新鮮清爽，特別一提兩粒可愛的魚丸，印有熊貓是芋蓉饀，而印有腳掌是菇茸饀，不止外表有趣，連饀料都特別。******************************除火鍋配料外，還有刺身、壽司、川味豬手、麻辣青瓜、藍青口；蝦多士、薯餅、雞翼、春卷、煙火腿、中湯、籠仔點心、紅酒燴牛肉、茄子班腩、咕嚕肉、醬油鴨、炒飯、清蒸海上鮮、霸王雞、和風串燒等等，最值得一讚是不止refill 咁簡單，還要常常換上新菜式，以蒸海上鮮為例，出過豉汁蒸烏頭，繼而換上清蒸桂花魚，再換上蒸多寶魚，最後還上梅菜蒸鯇魚，真係有心思，十分驚喜！第一碟要了涼拌及沙律，涼拌菜入味，沙律新鮮；第二碟取了蒸桂花魚、麵醬炆魚雲、炒豆芽和霸王雞，兩款魚都嫩滑肥美，很鮮味，絕對先encore之選，但就發現又換了另一菜式了。第三轉就揀點心，細細籠，一籠一件，岩晒！揀了燒賣、小籠包、紫薯包和馬拉糕，兩款甜食都好味，鬆軟香甜，正！******************************此刻已九成飽，但也不能差過甜品，選擇一樣咁豐富，有切餅、布甸、蛋糕、撻、豆腐花、雪糕、冰條、水果和即拉兩款乳酪雪糕，包括蜜瓜乳酪和蜜糖牛奶。大部分都好吸引，但無奈肚子沒有咁多空間，其實任食6小時已經可比平時吃多，但兩人還是只揀了士多啤梨雪糕條、抹茶雪糕杯和蜜瓜乳酪雪糕。蜜瓜乳酪雪糕好香甜幼滑，仲好有蜜瓜味，不錯！但最讚還是抹茶雪糕，雖未見過此品牌，但啖啖抹茶甘味，又幼滑。------------------------------對着極之豐富的美食，加埋講不盡的話題，傾下食下，一向不愛夜歸的我也不想離開，雖沒有坐達6小時之久，但也差不多4小時，盡情享受一整晚。…查看更多

2019年4月2日 星期二今日返工太辛苦，所以放工就即刻約咗女朋友同埋佢屋企人去觀塘食放題豪擦一餐，以慰藉我疲累嘅心靈搭lift一上到去轉右就見到門口入到去坐低左，店員就拎住餐牌同我哋講解任食嘅情況同埋一開始會送到黎嘅食物。可以任點嘅食物雖然唔太多，不過可以好似自助餐咁出去拎嘢食返黎喺出面就見到有好多個大雪櫃放咗唔同種類嘅飲品，比較特別嘅有好多唔同嘅韓式飲品，喺香港比較少見到，而我最鍾意嘅就係個梨茶，飲落去甜甜地得黎仲有一粒粒梨肉首先送到上嚟即係刺身拼盤，有三文魚，應該係魚腩嘅部位，所以食落去好肥美。仲有北寄貝同虎蝦，新鮮得來又彈牙。最重要係仲有象拔蚌刺身，一咬落去好爽口同鮮甜之後黎既係海鮮盛合，全部海鮮都好新鮮，其中鮑魚成隻手掌咁大，淥熟咗之後好容易就離殻，食落有咬口。而其他蜆類都無食到沙，證明洗得好乾淨。脆肉鯇好鮮甜，d骨好容易發現同挑出黎安格斯牛小排，見到油脂嘅分布好平均，食落去成個口都充滿牛肉味韓國珍寶餃子，睇得出裏面嘅餡料好豐富，一切開裏面嘅肉汁爆曬出嚟，除咗肉之外仲有蔬菜喺裏面，所以食落去爽口之餘口感都唔錯打邊爐打到咁上下當然希望有甜品可以試吓，行到出邊竟然見到成個雪櫃都放滿甜品，有好多唔同嘅款式，淨係芝士蛋糕都已經有兩款，而其中我嘗試左紐約芝士蛋糕，份量唔算太多，可以留肚嘗試其他甜品。芝士蛋糕本身充滿濃濃嘅芝士味，個餅底又脆脆地，食落去幾配合除咗成個雪櫃都係甜品之外，附近仲有部雪糕機，可以自己禁軟雪糕都出嚟，有雲呢拿同乳酪兩種味道，無論邊款都有好濃烈嘅牛奶味，為呢一餐火鍋放題做一個美好嘅完結每人都只不過係三百幾蚊，但係就可以食到刺身、火鍋甚至出邊嘅自助餐，絕對係物超所值，仲可以食足6小時添，完全冇得輸…查看更多