Outdark (H8)

營業中

休息中

隔咗一排又好想食韓國嘢！成日一諗唔到食咩就會嚟到呢間！即使禮拜四晚都爆座，即興約無book枱我哋都要等一段時間先入到去～睇到餐廳仲有free photo box! 大家可以試下玩😜期間限定🌟Chimac set $248而家做緊超抵優惠，雙拼炸雞再加兩支CASS先$248！要咗甜辣同醬油，兩者都係炸得外皮香脆，內裏十分鮮嫩多汁，大大嚿雞但同時都做到無骨，名乎其實啖啖肉！仲有一大堆薯條薯角薯格，我哋仲加咗芝士波🤣🤣🤣拉絲拉到癲咗！呢個餐食得晒一定飽到傻仔！🌟水冷麵配牛肉 $138香港夏天熱辣辣，食返個水冷麵降下溫先啦！呢個味道同韓國還原得好似～麵質十分煙韌，高湯帶唔少碎冰，食落超清爽！另外仲可以揀牛肉/豬肉/五花肉，我哋揀咗牛肉，炒得超香口好惹味～🌟海鮮蔥煎餅煎餅帶有大量蔥段、蝦及魷魚，煎得香口，點埋醬汁更好味，送酒一流✌🏻

Outdark 店舖細細但佈置環境浪漫雅緻，一出升降機門就見到情人鎖扣，都是情侶情定終生的浪漫字句，進入店舖昏暗浪漫氣氛襯托星形燈飾好有情調，可惜我唔係同情人嚟進餐，只是同朋友聚餐烤牛肉炒粉絲～粉絲炒得爽彈配上鮮美牛肉，芝麻配菜的甘香映聚，滋味無窮海鮮煎餅超級美味，煎餅一點也不油膩，海鮮配菜帶出不同層次口感，脆焦鮮甜豐富口腔味蕾半份炸雞配上薯條，炸雞🍗咸中帶甜外脆內軟，肉汁在雞肉中，一點不用點醬已非常夠味薯條🍟亦是熱騰騰配上店鋪秘制味粉，又是別有一番滋味飲品賣相有心思，但味道一般般，食畢脆炸食物嚟一杯凍飲正好中和味蕾平日晚上惠顧店鋪細細已座無虛席，侍應無暇招呼，有時要呼喚幾次才有人理睬。食物水準很好，但服務上有改善空間😅

炎炎夏日同朋友喺尖沙咀行街前去吃一吃韓國菜。今日嚟到呢間outdark….之前都嚟食過幾次，因為這裏的韓國餐種類很多，有韓式炸雞、韓式鍋物、飯卷、小吃等等，非常多元化。而且味道很好，還有韓國侍應生，感覺好像來到韓國旅遊一樣。餐廳環境也十分舒適，很適合與朋友相聚。我跟朋友點了兩杯鮮果味乳酪，一杯是士多啤梨味乳酪，另一杯是藍莓味乳酪。鮮果乳酪十分好味，而且果味很重很鮮甜很開胃。另外主食方面點了一款串串魚糕湯和海鮮煎餅。串串魚糕湯入邊有很多唔同配料，分別有多款不同的魚糕串，有圓柱狀的、扁狀的、竹輪狀的，每款口感十分不同，所以吃起來十分特別，而且充滿彈牙口感，我跟朋友也很喜愛這款魚糕湯。除了魚糕串串外，鍋內還有韓式粉絲、韓式年糕、鵪鶉蛋、金菇、菜等等十分多不同配料。除了配料多，湯也十分鮮甜好味。另一款海鮮煎餅，也做得相當出色，海鮮煎餅上鋪滿了不同的蔬菜，還有很多不同的海鮮配料，吃起來口感豐富，而且很健康很開胃。蔬菜有一些韭菜、椒類。而海鮮有爽口彈牙的蝦。十分豐富，真是大滿足。海鮮煎餅沾上了獨有醬汁很鮮甜很好味。能夠在香港吃到出色的韓國美食，真是十分方便又抵吃。

今日lunch 去左尖沙咀，呢間餐廳係韓國過江龍，同埋人氣好高既餐廳😋🌟 香蒜蜜糖炸雞🍗（半份）（$138）炸雞即叫即炸，雞肉鮮嫩，外層炸得香脆，無骨，蒜味濃郁，配上蜜糖，味道好夾，除左炸雞外，仲有薯塊，薯條，份量多，都係即炸，調味唔錯，唔儲太咸😋🌟 烤牛肉飯捲 （$88）牛肉飯捲大份，調味唔錯，配料多，食材新鮮，好香麻油味，同韓國食既飯捲味道差唔多😋🌟 海鮮煎餅 （$138）海鮮煎餅即叫即煎，煎得香脆，海鮮新鮮，加左好多配料落去煎，食落口感更加豐富，配上特製醬汁，味道好夾，必點😋🌟 士多啤梨乳酪 x 莫希扥梳打 （$48 & $38)士多啤梨🍓鮮甜，唔會好酸，加埋乳酪酸酸甜甜，好開胃😋莫希扥唔會太甜，飲落清新，食炸雞🍗必點😋

一行5人book 左dinner 時段, 準時入座。5位來講, 座位比較窄, 因為都係share 4人卡位, 建議最多4個人一齊來就好了食物質素方面, 十分唔錯的雙拼炸雞嗌左醬油同香蒜蜜糖味, 無骨啖啖肉, 醬汁都好惹味, 很好~ 另外有3款唔同形狀嘅薯條, 好正! 特別係好似薯角形狀嘅, 甜甜地, 似蕃薯條海鮮炒年糕個炸魷魚不得了! 食之前店員好有心機慢慢幫我地切到一圈圈, 值得讚賞~ 年糕配料都好足料, 有好多魚糕！海鮮煎餅黎講本人係有少少失望, 佢啲菜同䓤佔太大比例, 餅佔太少, 一上枱我以為係炒菜... 中意普通市面上其他煎餅多啲剪蛋卷好正常, 唔錯的蘋果芒果米酒有驚喜, 估唔到$133 嘅價錢夠我地5個人飲總結黎講, 食物質素唔錯, 而且全部野都好大份, 好抵食 會再幫襯的~

一入到嚟餐廳，見到漫天星星，好浪漫呀！餐廳以木燈嘅卡座形式為主，牆上掛滿了鎖頭，燈光微暗，好有氣氛。餐廳喺韓國已經有65間分店，將正宗韓國的啤酒炸雞帶來香港。蜜糖蒜香炸雞由於臨近萬聖節，炸雞配上南瓜型的薯條，和插了蝙蝠和南瓜的牙籤，為萬聖節增添氣氛。半份炸雞份量都不少，足夠兩個人食。炸雞外皮鬆脆，內裏肉汁豐富，配上甜甜香香的蒜香蜜糖，特別嘢味。海鮮煎餅好鍾意食海鮮煎餅嘅大葱，每次去韓國餐廳道必點！可惜煎餅粉漿過多，煎餅比較淋身，適合喜歡吃淋餅的朋友。韓式炒粉絲用料豐富，唔好睇細細碟，有好多粉絲，牛肉和配料。美中不足是都是比較淋身，粉絲不夠煙靭。藍莓乳酪和草莓乳酪這兩杯絕對有驚喜，不會假甜和藥水味，是新鮮的果肉，絕對推介！個人更喜歡藍莓味。最後餐廳整體質素都不錯，侍應服務有親切有禮，韓式打扮的後生女，更有韓國人在場，以為自己飛咗轉韓國。

💬 之前都有聽過朋友強烈推介終於喺OpenRice book到可以去試因為都好難walk in 上到餐廳已經見到好多人排緊隊職員安排咗我哋兩位坐喺卡位所以都坐得舒服兩個人叫咗三樣嘢食其實都比較多🐖豬肋骨鍋好多芝士好濃郁但係因為個人唔係好食得辣所以覺得個醬如果冇咁辣會更好🍙 好鍾意側邊啲飯團同埋路邊蛋🦑 seafood pancake 足料好食🍟炸雞配左幾款唔同嘅薯仔造型 - 薯條薯格薯角 如果有多啲醬汁就更好💁🏻‍♀️ 餐廳食物質素同員工服務態度都唔錯可惜有限時大概一個半鐘就要走所以同朋友食飯都唔可以傾耐啲個人覺得係好食嘅但係餐廳嘅受歡迎程度更誇張有機會都想再試下其他鍋同埋飯卷 🍙

今日約咗姐妹聚下，然後帶咗我去佢其中一間最愛韓國餐廳 — Outdark。舖頭係厚福街H8，姐係好多餐廳嗰橦樓上面，位置非常方便！一入舖頭映入眼簾嘅係一面色彩繽紛嘅鎖牆，而餐廳入面燈光較暗，令人感覺幾放鬆，天花板仲吊住好多星星月亮吊燈，效果好靚！辣炒豬肉（$268）芝士鍋算係Outdark招牌之一，今次揀咗嘅辣炒豬肉係將薄切豬腩肉片連埋芽菜、洋蔥等等嘅配料用辣醬炒勻，食嘅時候可以配旁邊嘅小食，包括粟米水牛車打芝士、紫菜飯、菠蘿粒、泡菜，令到整體口味更加豐富！海鮮煎餅（$118）個人超推薦呢款海鮮煎餅，餡料有蝦、八爪魚同各類蔬菜，非常豐富，外皮煎到好香口，再蘸埋特製嘅醬汁，完全食唔停口！OUTDARK RITA（$78）韓式餐廳當然要飲番杯啲啤酒，打卡必點特飲RITA，Blue Curacao (Orange) Flavour with Kronenbourg 1664，藍色睇落好靚，整體來講甜味比較重，好易入口！OUTDARK YOGURT（$45）飲品方面我哋仲叫咗藍莓乳酪鮮奶，味道酸酸甜甜，同韓式辣嘢好夾！老闆同店員好多都係韓國人，聽住韓文歌，感覺真係好似身處韓國，食物正宗又有唔錯

以前都係睇食評多 今次第一次寫食評 話說 琴日同幾個朋友去左尖沙咀玩VR然後朋友好醒地訂左枱 話outdark好出名 一定要食！我同男朋友都睇定有咩必嗌 話哂過江龍嘛分享不愉快經歷之前 想講 炸雞真係好食！應該係我食過頭三位我地叫左香蒜蜜糖併醬油炸雞炭豚飯捲同海鮮煎餅都係我心水我同朋友一行六人 但坐既座位唔似六人？！友人們要腳貼腳 有個patpat仲要坐半邊另一邊都要手臂掂手臂我都勁唔好意思 條街又熱 又出完汗於是，我同店員反映張枱太迫店員話，除非我哋嘢食唔夠位放 如果唔係唔會加枱但眼見 隔離同樣大細嘅枱只係坐緊兩個人😅隔離枱望一望我 對望完 除左微笑一下 我都唔知比咩反應好下圖係野食未到齊 張枱已經冇咩位最右邊朋友要找住隻碟食 我都想比D位佢 可惜我真係器夠值得一提係 有韓國姐姐幫我地炒雞不過佢炒完之後我地先知原來痴左底唔知係咪芝士既關係？建議大家留意下海鮮炒粉絲好普通最後我地賣單有糖食不過店員睇唔到我地其中一人？？！！hahhahah五粒糖要分比六個人應該點做IQ題 ^ 然後你有一把刀

近年因為疫情,所以無得去旅行,唯有食韓國嘢當去咗旅行,餐廳嘅天花掛上星星吊飾,環境好有氣氛👍🏻海鮮煎餅煎餅份量好足料,外脆內軟,面頭淋上韓國醬汁😋香蒜蜜糖炸雞雞肉嫩滑,外脆內軟,蜜糖味同香蒜味好夠😋面頭仲有香脆嘅薯格.薯角同薯條😍海鮮炒粉絲粉絲個醬汁幾惹味,配料份量好足.有紅椒,青椒,蜆肉,蝦,木耳同埋魷魚𝑆𝑡𝑟𝑎𝑤𝑏𝑒𝑟𝑟𝑦 𝑆𝑚𝑜𝑜𝑡ℎ𝑖𝑒香濃士多啤梨味加乳酪,帶有士多啤梨果肉,甜而不膩𝑀𝑎𝑛𝑔𝑜 𝐴𝑑𝑒底部有芒果蓉,配上梳打.檸檬.薄荷葉,味道清新

今日嚟尖沙咀厚福街H8食lunch, 呢間過江龍餐廳源自釜山，由韓國人主理。木色枱櫈配上星星吊燈 🌟 環境氣氛好和諧浪漫💕海鮮煎餅上碟好香好大份，材料好豐富，有蝦仁🍤，魷魚仔🦑，青紅椒🫑，香蔥，煎得好香脆，配上特製嘅醬汁十分惹味，煎餅厚薄適中，粉漿與材料嘅比例亦恰到好處，做法正宗👍🏻🍤炸蝦飯卷份量充足，共有十大件，餡料有炸天婦羅蝦，醃蘿蔔，雞蛋🥚，蘿蔔🥕，青瓜🥒，炸天婦羅蝦好香脆，配上酸酸甜甜嘅醃蘿蔔同爽脆清甜嘅青瓜，顏色鮮艷，口感一流😋海鮮炒飯賣相吸引，材料豐富，有煎蛋，蝦仁🍤，魷魚仔🦑，青紅椒🫑，蘿蔔🥕，上碟嘅時候炒飯仲係熱辣辣會出煙，飯炒得粒粒分明👍🏻🍠Sweet Potato Cheese Stick (4pcs)🧀呢款甜薯芝士條外皮炸得好酥脆，內裏甜薯蓉好幼滑，中間有芝士軟心，好creamy好香濃，拉絲效果啊～😍🍹OUTDARK RITA （Peach Flavour with Kronenbourg 1664)造型好得意，酒杯上面倒放咗支1664，份量夠晒多，酸酸甜甜嘅🍑香桃汁配上檸檬🍋好refreshing, 有少少酒味好開胃👍🏻🍓Strawberry Smoothie好

今日又黎呢間outdark食下韓國美食先，呢間outdark旺角同尖沙咀都有分店，間中兩間都會去下，最緊要係食到好好食既韓國野食。尖沙咀分店都係一樣咁有韓國風味，入面播住韓國既kpop，燈光暗暗地，傾計一流。仲有好多星星掛飾，好靚好吸引。今次依然點了半份炸雞，再加$28配了芝士條。芝士條脆卜卜又抵食，而且入面仲係滿滿芝心架，好好味，熱熱地個陣食仲正，芝士仲融融地可以少少拉絲架。炸雞點了半份原味道。脆卜卜，啖啖肉，無骨炸雞好惹味，雞件唔係炸到乾晒，仲保留住juicy香味肉汁，一絕呀，同埋雞件數量都唔少架...呢份炸雞內仲有大量薯條、薯塊、薯格，好多好多唔同口感，好好味，成件事都好脆好滋味。另一樣點了炸醬麵，黑漆漆既炸醬麵相當正宗，係香港都好難搵到咁正宗韓國風味既炸醬麵了。味道又香又濃，好惹味，入面仲有好多海鮮粒粒，彈牙好惹味。成碗麵份量超多，好飽肚，好抵食。仲點了一份海鮮煎餅，海鮮煎餅大大份，上面仲有好多海鮮粒粒、蔬菜、青椒等，色彩好鮮好靚。口感仲好好食，海鮮煎餅煎得香香脆脆，又唔會太多油份，而且爆多料，好惹味，啖啖都好有份量，而且我都好欣賞咁多蔬菜，咁樣食起來口感好爽脆，又唔會太油膩，

韓國炸雞確實是好好味，都會經常食，但今次轉下口味食韓國其他菜式。上星期同好朋友來到厚福街H8的 Outdark，品嚐一下地道的韓國料理，美食太吸引啦！在餐廳門口見到有塊大鐵網掛上好多情侶鎖，當日即時回想起之前在韓國旅行時都有掛過情侶鎖，感覺好似在韓國一樣。餐廳氣氛很好，柔和燈光令人心情放鬆，而天花掛滿了星星裝飾，感覺好迷人！地道韓國美食，餐牌上有新出的韓式烤鍋系列、芝士豬肋骨、炒年糕、、炸雞、魚糕湯、炒粉絲、煎餅、炸醬麵、飯捲、特飲等，款式好特別。原味炸雞    $118去骨炸雞，方便易食，韓國雞肉味香濃，質地嫩滑不乾身，而且有肉汁，炸得好香口，外脆內軟，配備炸薯條、炸薯角和脆薯格，同樣都是很鬆脆。而這裡的炸雞有獨門技巧的製法，炸出來不油膩又鮮嫩酥脆的雞塊，配備爽口前菜、茄汁、蒜蓉醬、辣醬，沾上更惹味，更層次豐富，必食首選。海鮮煎餅    $118整個煎餅滿滿都是餡料，材料豐富，包括有蝦、八爪魚、京蔥、紅椒等，海鮮好爽，味道清甜，粉漿不厚，食起來不會有黏口的感覺，煎餅沾上韓式醬汁，味道更提升，好滋味。海鮮辣炒麵    $108熱騰騰的海鮮炒麵，單看已經覺得好美味，海鮮材料非常豐富，有青

近排煲少左韓劇, 但對韓國菜嗰種澎湃嘅賣相同美味嘅熱情❤️‍🔥仲keep住🤣, 黎到TST喺厚福街li頭一唸就唸起OutDark啦✌🏻.🐖辣炒豬肉嘩成個圓鍋都係豬肉片&芽菜, 炒完之後一齊食充滿油香又juicy, 芽菜, 洋蔥加泡菜汁底好好味, 想講啲豬肉認真高質, 完全唔使用牙力咬得開而且豬肉味香濃, 韓式style炒真係好有風味.•最正最正嘅, 韓國菜必定出現嘅cheesy位, 就在鑊邊嘅一半邊位, 隨住熱力增加, d芝士拉絲拉到可以包住塊豬肉食😋😋😋.🦑海鮮煎餅之前食過泡菜煎餅正正子, 面頭鋪滿海鮮嘅煎餅原來都好好味, 切足料堆滿餅面, 仲要多葱tim👍🏻. 食落又有微香Q感又啖啖海鮮, 魷魚n蝦好爽, 切好一塊塊勁啱happy sharing.🍹Yuzu Ade大大杯Ade, 啱哂一路食一路嘆, 以柚子嘅清新掩蓋拉絲芝士+Meaty嘅罪惡感🤣.