Outdark (飛達商業中心)

【旺角鬧市數一數二嘅韓式抵食天堂🔥Outdark食評】今日同屋企人去咗旺角呢間位於飛達商業中心二樓嘅Outdark韓國餐廳，真係要大力推介吓！聽講餐廳由韓國人主理，連食材都係由韓國直送，難怪味道咁正宗啦～🌟雙拼炸雞（Honey Garlic + Sweet and Spicy）必嗌！兩款味都勁正🍗蜂蜜蒜香超惹味，甜而不膩；酸辣味醒神開胃，咬落去雞肉嫩滑到爆，外皮炸得酥脆唔油膩！配埋波浪薯角、番薯條，邪惡到停唔到口～🧀辣炒雞肉鐵板上枱時滋滋聲超治癒！辣雞肉醃得入味，旁邊圍住溶緊嘅芝士、粟米、紫菜飯、腸仔同泡菜，一拉絲就忍唔住瘋狂撈飯！份量夠3-4人食，大滿足！🍜炸醬麵真心係我喺香港食過最有驚喜嘅！醬汁濃郁得嚟唔會死鹹，麵條彈牙掛汁，仲有啖啖肉碎同青瓜絲平衡膩感，熱辣辣咁食真係無得頂！特別要讚佢哋嘅Menu係自製設計，連炸醬都係自家調配，唔係用現成貨！🦑海鮮炒粉絲粉絲炒得乾身夠鑊氣，海鮮料落得足，辣度頗勁🌶️建議同朋友share先搞得掂～🍙烤牛肉紫菜包飯牛肉香濃唔韌，米飯捏得實淨，做主食或者打包返屋企都得！總結：人均$250左右，性價比超高！由韓國人主理保證正宗，Menu全部自製設計有心思，服務態度友善，環境舒服，地點就腳（旺角站行幾分鐘就到）。想同朋友盡興食餐好嘅，呢間絕對可以encore☺️#Outdark #旺角韓餐 #炸雞鐵板必點 #韓國人主理 #自製Menu #抵食大份 #香港美食 #香港必食…查看更多

前排係旺角突然好向食韓國菜，就諗起outdark。好彩當日時間尚早，所以上到去都有位，如果係正常食飯時間想去，就book位好D~ps而家outdark由evening 5pm 開始有得食dinner，可以食到12am！無論幾時來，食物都一樣好有水準。🌟海鮮辣炒麵$108 -食過後一定會覺得性價比好高~拉麵好彈口，配上香辣湯底，越食越辣但超過癮。- 難得嘅係，拉麵好多配料，尤其喜歡大大隻青口，另外仲有墨魚、蝦、菜、洋蔥等🐷烤豬梅頭肉(韓式調味醬）$188-上菜時真係超正，剛剛烤好熱辣辣出曬煙！豬肉texture軟熟有嚼勁，肥瘦均匀，慢滿滿油脂香。-特別欣賞調味，酸甜汁加上粒粒，令豬肉味道同口感更升華。下面嘅金菇更加係精華所在，香口入味，滿滿豬肉甜香。🌟海鮮炒粉絲$98-粉絲滿滿麻油香味之餘夠乾身，仲撈上好多菇、芝麻蘿蔔、洋蔥、紅椒等，配埋小海鮮真係健康得來啖啖滋味。已經好期待再去~~…查看更多

餐廳進出處用上掛滿密密麻麻的繽紛情人鎖造成裝飾，環境昏暗，有氣氛令人放鬆嘅感覺😌。餐廳員工大部分都係韓國人，menu內亦是正宗韓國，超有韓國feel！😍🍢🍢魚糕湯韓國街頭小食用上鰹魚湯底浸著多種食材，韓國魚糕、蔬菜、韓粉絲、青口、鵪鶉蛋等，清淡得嚟，一D都唔油膩。🍤炸蝦飯捲🌯混合飯捲顏值，吃起來有脆度，非常開胃！🦐海鮮粉絲🐙海鮮雜錦加埋配菜洋蔥🧅、紅蘿蔔絲🥕、🍄菇、木耳芝麻等，粉絲炒得好淋有麻油香，好惹味😋！ 🍊柚子梳打水🥛清香柚子蜜加入梳打水，氣泡力強，代替汽水唔太甜，清新能解渴…查看更多

今日放工嚟旺角食dinner, 呢間餐廳來自釜山，入到嚟見到✨滿天星星吊燈好靚啊😍 木質枱櫈好大好舒適，好有戶外露營feel👍🏻🥘串串魚糕湯呢個魚糕湯表面睇落去份量好似好少，其實材料好豐富，有魚糕串，青口，獅子狗，香菇，金針菇，野菜，雞蛋，蘿蔔，年糕，粉絲… 果然寶物沉歸底。湯底好清；魚糕串好香好彈口；蘿蔔炆得好淋好清甜；年糕煙煙韌韌有咬口；粉絲吸左湯底嘅精華。海鮮炒粉絲 材料豐富，有🐙墨魚仔，🍤蝦仁，蜆，🫑甜椒絲，🧅洋蔥，🥕蘿蔔絲，木耳；粉絲好有彈性，晶瑩剔透，好香芝麻味；墨魚仔同蝦仁好爽口彈牙，蜆比較細隻；蔬菜絲幾香甜。烤牛肉飯卷 賣相吸引，份量幾多，有10件，每一件都好厚身；餡料有烤牛肉，🥕蘿蔔絲，醃蘿蔔，雞蛋🥚，青瓜🥒；配上芝麻同特製醬汁，酸酸甜甜好開胃好惹味。🫐 OUTDARK BLUEBERRY YOGURT SMOOTHIES大大杯好抵飲，口感幼滑，可以食到粒粒打溶咗嘅藍莓，好香藍莓味和乳酪酸味，好清新開胃。🥭 OUTDARK MANGO ADE一樣好大杯，酸酸甜甜嘅芒果汁配上檸檬🍋好清新，有少少薄荷葉香味，夏日消暑聖品。…查看更多

今晚又同朋友再戰韓國餐啦。鍾意黎outdark,因為呢度又有韓式炸雞、韓式鍋物、韓式飯捲、韓式小食等等，而且味道仲要好味呀。是晚我地早入座，所以唔洗點等位，一般七點打後，人流都開始多了。我地坐低之後，當然有四圍影下相啦。呢個環境好靚，好多星星燈，影出黎好靚，環境好舒服，傾計食野都好開心。睇過餐牌，揀左大家鍾意既野食，之後野食都好快送上了。先講一講呢個魚糕串串鍋，以gas爐加熱住，咁就幾時都可以熱辣辣咁食，唔怕野食凍啦。好貼心。魚糕鍋入面仲有好多唔同配料，分別有好多唔同既魚糕串啦，有圓條狀既、扁身既魚糕串、獅子狗串。鍋內仲有年糕、菇類、粉絲，十分多配料，好好味同飽肚的。而且個魚糕湯都好鮮甜好好味。呢個魚糕串鍋真係性價比好高，好好味又足料。另外仲點了炸蝦飯捲，飯卷惹味，中間既炸蝦脆脆地，蝦肉又彈牙爽口，唔錯，口感都相當唔錯而且又飽肚，豐富。除左炸蝦飯卷外，仲有其他款式既飯卷，總會有款岩自己既。仲有點了一客海鮮炒粉絲。粉絲都係韓國食品中必食既item...韓式粉絲寧捨爽口彈牙，吸埋d汁超級惹味。正呀，又香口又彈牙，好好味。而且海鮮配料都幾多，又有蜆又有蝦，好好味。有野食當然有點埋野飲，我地一人一杯soda。一杯是ice peach...桃味香香的，又唔會太甜，用黎解渴，唔錯另一杯是ice lemon..藍色好夢幻好靚。檸檬味酸酸甜甜好醒胃，好滿足。…查看更多

韓國菜永遠都吸引著我，精緻又美味，但要找到正宗的韓國菜，都不是很容易的。老友早前去過旺角Outdark，食完讚口不絕，上星期我們就到這裡聚餐，吃一吃特式的韓國菜啦！餐廳情調一流，覺得特別適合情侶去，門口佈置了愛情鎖，在韓劇看過，入到餐廳裡感覺好浪漫，天花板掛上滿天星星，再加上柔和的燈光及韓歌，覺得自己好似在韓國一樣，極享受！餐牌上面有多款特式韓國菜，包括有炸雞、芝士鍋、炒年糕、煎餅、街頭炒粉絲、鍋物、、飯捲、湯麵、小食、特飲等，種類都幾多。海鮮煎餅     $118我好喜歡韓國煎餅，除了有主要材料海鮮之外，仲有蔬菜在內，所以吃起來口感較清爽，不會覺得油膩。什錦海鮮好鮮甜，煎餅香脆可口，沾上韓式醬汁更美味。炸蝦飯捲     $88韓式飯捲外型好像壽司一樣，這個份量都幾多，做法是用紫菜和白飯包住炸蝦、雞蛋、青瓜、醃黃瓜、紅蘿蔔，口感豐富，吃起來好有層次感，全部食材非常搭配，而家想起都好回味呀！海鮮炒粉絲     $98韓國製造的粉絲特別煙韌，爽滑彈牙，條狀比港式較為粗身，材料很豐富，有蜆肉、八爪魚、蝦、金菇、雲耳、青椒、紅椒等，爽口的海鮮同什菜與粉絲很配合，醬汁濃郁，但味道不會太鹹，調味適中，太惹味啦！芝士條       $35超級香脆的芝士條，包著濃濃的芝士軟心，質感幼滑，外脆內軟，我這個芝士控當然不會錯過啦，太好吃，一定要再點。Strawberry Smoothie     $45口感似奶昔，香噴噴的味道，士多啤梨味非常濃郁，幼滑順喉，飲起來口裡有少少粒粒果肉，香甜美味。Blue Lemon       $34顏色好靚嘅特飲，酸甜味的 Blue Lemon，好開胃，冰冰涼涼，口感清新，都幾解渴，很不錯。…查看更多

吃過好多地方的韓國菜，總覺得outdark的特別有韓式味道和非常有心思。前排經過旺角，又和朋友去吃了店外鎮店之寶-可愛的小熊，可以打卡😝店內設計非常浪漫，是漫天星空的🌟感覺好舒服，好enjoy，最適合同fd慢慢傾計。而且店員都是韓國人，好正宗韓國菜！最近天氣有點回暖，先點個啤酒🍻涼快一下這盤芝士王國-炒辣豬肉真的非常夠氣勢，大大盤的而且非常豐富！中間的豬肉薄片配上辣度適中且會吃上癮的辣醬，還有好多芽菜、洋蔥、高麗菜等，會食唔停！待旁邊的芝士溶了後，還可以混在辣豬肉一起吃。芝士是拉絲的，邪惡得來味道香濃，帶來味覺享受😋還有混了紫菜和芝麻的飯糰，口感非常好之餘味香。另外還點了個light一點的海鮮炒粉絲，非常有驚喜！味道有點香辣味配麻油香，而且好有多海鮮配料，粉絲質感亦好滑，屬高水準之作！這裡的炒粉絲一點也不單調，色香味+配料🈵️分！😋非常習慣outdark的大盤拉絲芝士王國炒豬肉，下次會再來🥰😍…查看更多

又係冇得去旅行，唯有留港消費食外國菜系列，今次就輪到韓國菜啦，星期四嘅晚飯時間，餐廳門外已經有條長長嘅人龍，最少都要等成九個字，幾經辛苦終於坐低啦，梗係要飲返杯抖信條氣先啦Blueberry Smoothie $45Ice Peach $34今次就等我揭開點解大家都肯大排長龍支持呢間韓式餐廳中間紅色嘅部份就有豬肉、年糕、雜菜、菇、青椒等等，見到紅色嘅汁大家都知道佢係帶點辣嘅味道，而右手邊黃色嘅部份就有芝士同粟米，外圍仲有泡菜、菠蘿同埋紫菜飯添。係個煲下面其實係有個火爐，當個煲去到咁上下溫度，啲芝士就會溶晒，咁就可以做到拉芝嘅效果啦呢堆金黃色嘅炸物其實真係好大堆頭揭開左頂層嘅薯角、薯條，就見到切好咗嘅雞件，最欣賞呢度嘅地方係佢啲雞全部都冇骨㗎，啖啖肉而且仲有甜甜蜜蜜蒜蓉嘅味道，啱晒我呢啲懶人呢款海鮮煎餅都係非常推介俾大家，因為佢嘅粉相當少，但係都可以做到好脆嘅效果，上面仲有唔少蝦仁、椒絲等等，口感非常豐富整體食物水準唔錯，難怪咁多人嚟撐場啦…查看更多

上到中心2樓，見到電梯口同走廊位企滿人，原來大家都喺度等待入座。於Openrice book 左7:30pm，眼見門口店員不停翻揭訂座名單，再逐個打電話，鄧佢感到忙亂。終於見到店員準備打俾我，8:05pm左右獲安排入座。柚子米酒看似白粥咁，上面有啲小冰塊保持溫度，用木杓分落小碗飲。柚子味好香，而且混入大量柚子皮，感覺好清新。成餐飯最喜歡呢個，其實冇咩飲酒感覺，而且夠清新，食完辣同炸野飲好合適。然後期待已久ge芝士炒雞到了，好多芝士，好邪惡。中間係雞、年糕同芝士，另外再有飯、菠蘿、泡菜、爐邊蛋。眼見芝士慢慢溶化，爐邊蛋都浮起，急不及待開始食。到店員黎到幫我地炒ge時候，芝士都變焦了。店員再為我地加添芝士，再等芝士溶，店員都好忙，為免芝士再燒焦，我地自己炒。個人覺得唔算好辣，雞粒唔係炸雞，唔洗怕熱氣。三個人食份量剛好。眼見附近食客都有好大份炸雞+脆薯，令我地都好想食，於是叫左脆薯三重奏，份量唔算，食落好似有蜜糖同牛油味咁，都幾好味。海鮮炒粉絲同樣唔算大碟，上面有好多八爪魚仔、蝦、蛤，味道唔錯，有海鮮味。…查看更多

曾經聽過一個本地學者說過,如果想避免一些週期性漲價便要反其道而行,例如情人節吃西餐會貴了很多,那便吃其他菜或避開某些日期,因為同樣價錢可以吃得更豐富,服務也更好,不過我今次沒想過這個問題,只是太太想吃韓國菜便來OUTDARK試試,地下扶手電梯上二樓便會看到一隻很大BEAR BEAR熊,呃LIKE一流,由於訂了枱加上是6:30,不用等位,裏面都有四十個坐位左右,環境幾特別,燈飾別緻又有情人鎖等佈置,女生一定喜歡,我們六人點了:一份炸雞(原味+香蒜蜜糖)$192原味炸雞味道可口,肉質鮮嫩,鹹鹹地幾好吃,蜜糖炸雞表皮香脆,蒜味尚可,配以蜜糖可中和那份熱氣,雖然點的是全份但雞塊不多,還有薯條薯塊等算不錯,有四款醬供應芝士王國(豬肋骨)$322有大概十支豬肋骨,附上邪惡的芝士,看着火慢慢將芝士融化,賞心樂事,待應會為我們將芝士捲着豬肋骨給我們,非常美味,碟邊還有蛋漿,紫菜飯,泡菜和菠蘿,每樣配菜加上芝士都格外好味部隊鍋$258有金菇,肥牛,腸仔,午餐肉,魚糕,菇,葱和椰菜,附上一個公仔麵,份量很少,每樣材料只得四五塊,而且質素很普通,由於我們有人不吃辣的關係,那舊韓式辣醬未融已經畢走了,所以味道不過不失海鮮炒粉絲$98有魷魚,蜆,蝦等配以葱段炒成的粉絲,味道很好,絕對值得一試觀宏整場只得兩枱有男生,其餘每枱全都是女生來吃的,足證女生對韓風很熱愛,而且這裏的菜份量頗少,相信只有女生才吃得飽,但這裏的服務不錯,全場只有兩位女待應招乎,她們很落力走畢全場,我們還帶了個蛋糕,她們再忙也收了全枱的碟再給一些新的叉和碟給我們,值得加分,我們亦點了兩枝啤酒, 六人共吃了$1016…查看更多