為食火鍋公司

朋友請我食生日飯，嚟咗呢間响觀塘商業區內嘅《為食火鍋公司》，個logo有隻好可愛嘅哥基，係一間幾特別嘅餐廳，lunch時間係普通嘅打工仔飯堂，到夜晚就變成火鍋餐廳。呢度「冇限時」係一大優勢，加上價錢都唔太貴，唔怪得响創業街比較「隱世」嘅地方，都可以全場爆滿，响北上消費熱潮下，呢間餐廳似乎未有受到影響。我哋點咗288個套餐，包餐前小食、前菜、刺身，頭盤有酸菜魚/雞煲、湯底、海鮮拼盤、牛肉拼盤同多達32款嘅任食火鍋配料。淨係食前菜同頭盤都已經飽哂。三點刺身拼盤唔錯，三文魚係厚切；另外佢個寵寵雞煲唔係細細煲，係standard嘅size，雞好入味，肉質夠鮮嫩同滑，冇雪藏同腥臭味，而且係任叫，有本事可以叫多幾煲嚟食。餐跟一套牛肉同海鮮拼盤，有5款唔同嘅牛肉(潮汕吊龍伴、黃喉、手切牛頸脊、本雪花一口牛、SRF和牛胛肉眼芯)同5款唔同嘅海鮮(鮮蝦、蠔、蜆、半殼元貝、脆肉鯇、白鱔片)，只限一次order，加上剛才提及過32款火鍋配料，每樣叫1件，食得哂都好利害。如果要講佢間店最唔好嘅地方係個洗手間嘅衛生認真要搞搞佢，比較唔太衛生。…查看更多

一個價錢包左前菜🥗、一次三款刺身、一次酸菜魚/任食雞煲、海鮮、牛肉拼盤、同埋任食邊爐配料🤗食到海鮮其實已經飽飽地😅⚠️每一層都要食完先可以食下一樣，無得返轉頭⚠️🥗前菜甜蕃薯條、唐揚脆炸雞、蟹籽沙律、酸甜炸大腸、鮑汁雞腳，5款任食🤗，蕃薯條好酥脆，炸雞炸粉夠薄👍🏻🍣三點刺身(一次性)有三文魚、牡丹蝦同北寄貝，幾新鮮☺️🐟酸菜魚(一次)/任食雞煲揀左酸菜魚，魚較薄身煮完有啲老🧐配左啲紅薯粉夠煙韌🫶🏻🦪海鮮拼盤好豐富😋有蠔、扇貝、蜆、脆肉鯇同埋蝦🦐蠔同蜆都幾大隻😆🐄牛肉拼盤5種部位，包括牛頸脊、吊龍伴、黃喉、肩胛、雪花一口牛😇吊龍伴比較散，黃喉太薄唔係好食到個口感、其餘牛味都好濃☺️🍲任食邊爐配料有5款牛羊豬肉任食，羊比較羶，另外推薦紫菜響鈴、流心海苔丸入面有流心咸蛋黃好特別🤗…查看更多

首間北海道和豚任食火鍋😳 4道菜包任食雞煲/一次性酸菜魚+任食火鍋，仲有吊龍、手切牛送～無限時火鍋盛宴 為食套餐 $288/人分Round 1-4，店員會提你每一Round 完咗就唔可以返轉頭🤭Round 1 餐前小食有甜蕃薯條、唐揚脆炸雞、蟹籽沙律、酸甜炸大腸、鮑汁雞腳。全部可以任食，質素正正常常。Round 2 前菜三點刺身盛合（一次性）。是日供應有三文魚、甜蝦及北寄貝，以為放題店會入貨hea，都唔係！比預期中理想。Round 3 頭盤頭盤（二選一）——為食酸菜魚（一次性，售完即止）或 任食寵寵雞煲。我地揀咗任食雞煲要中辣，上枱後要再炒8分鐘左右，醬汁辣得嚟帶甜，好惹味😍 雞肉肥得嚟夠香，皮下有黃油脂，每次份量都有成隻雞🐤咁多，雞煲Encore 左再加一次，店員就會用碟加落原有個煲到再煮，所以第二轉會更濃味，我地再DIY自己落勁多蒽花&蒜，超香！Round 4 火鍋盛夏（任食）湯底五選一，我地揀麻辣鍋！贈送海鮮拼盤及牛肉拼盤，海鮮拼盤（六款中送是日五款）：鮮蝦、蠔、蜆、半殼元貝、脆肉鯇、白鱔片；牛肉拼盤：潮汕吊龍伴、黃喉、手切牛頸脊、熊本雪花一口牛及SRF和牛胛肉眼芯。香港少有火鍋店有吊龍伴食，雖然唔係任食，但有得送都好🤭吊龍伴、手切牛頸脊質素唔錯，肉質鬆軟。另外大約30款火鍋配料任食，當然唔可以錯過店家主打北海道和豚，薄片易熟，好快食得，肉味濃而沒有豬羶味，仲有SRF和牛腰脊肉、美國Prime牛胸腹、美國Prime肩胛肉眼、紐西蘭羊卷肉，每次上枱嘅肉都保持到水準，色澤鮮，不過SRF和牛腰脊肉略為切得太薄，唔容易夾起落鍋，影響口感。丸類就必食少見嘅流心海苔丸、馬鮫魚丸。仲有自助飲品吧🧃、蔬菜吧🥬，無限時再加大食嘅話，我地由6點食到9點半😂🤭 人均$300真係抵，如果用Storellet app，適逢係三週年慶，仲有親子優惠小朋友免人頭費😬…查看更多

天氣終於開始涼涼地，又係時候打邊爐‼️‼️今次呢間一次過滿足多個願望🤤🤤大胃王注意😝😝無限時火鍋盛宴，係無限時🤓有2款套餐可以揀，詳細參考menu😉fafafoodie 就揀左豪食套餐😋為食套餐 HKD288/1位豪食套餐 HKD368/1位 星期五六日公眾假期+$10/位包非酒精飲品任飲，早一日訂座送時令燉湯1️⃣餐前小食 （任食）炸薯條🍟、甜番薯條❣️、唐揚炸雞🍗❣️、蟹籽沙律🥗❣️、炸大腸、鮑汁雞腳，全部都可以一人份咁order，即叫即整，全部都熱辣辣😁留意返係任食，不過去左下一round刺身 就冇得叫返上一round既餐前小食架喇😉2️⃣前菜 五點刺身盛合 🐟🦐（一次性）有三文魚❣️、帶子❣️、北寄貝❣️、赤蝦❣️、油甘魚，刺身厚身，好新鮮唔腥，放題可以有咁好質素真係好驚喜‼️3️⃣頭盤 任食雞煲🐥/一次性酸菜魚🐟揀左雞煲BB辣，職員會問有冇唔食芫茜芹菜洋蔥幾貼心，每2分鐘炒一次，total 8分鐘就食得～好香口惹味🤤食到一半就可以加牛百葉豬皮魷魚，索晒啲味，食落會辣過啲雞😜為左留肚，冇食晒成個雞煲🙈職員會幫手用碟裝起啲雞，就可以換煲打邊爐喇😁4️⃣火鍋盛宴🥘櫻桃鮮茄薯仔 / 黃金皮蛋芫茜/ 高湯牛尾/麻辣鍋（鴛鴦鍋+$30）揀左鮮茄薯仔湯🍅🥔比較天然清淡蕃茄味，正正常常喇個湯底🙈最緊要係有靚打邊爐料🤩▶️海鮮拼盤 是日6-8款🦐🦪🐟（一次性）是日海鮮有蜆、鮑魚、蟶子、龍躉片、脆肉鯇、鮮蝦、白鱔片😌蜆❣️、鮑魚❣️、蟶子❣️新鮮冇沙又夠彈牙😊白鱔片都好爽彈▶️牛肉拼盤 8款🥩🐂🐮（一次性）SRF和牛肩胛肉眼❣️、SRF和牛三角肉❣️、澳洲封門柳❣️、手切牛頸脊❣️、熊本雪花一口牛、潮汕五花趾、吊龍伴、黃喉🤗牛肉眼好軟淋😍封門柳充滿牛香😙一口牛淥耐左都唔會韌😲五花趾爽口🙂吊龍伴有咬口😛食晒呢碟都已經好飽🤣▶️任食火鍋配料🐷🐑🐮＋田園自助吧🥕🌽🥬🥦其實已經好飽，試唔晒咁多款😢推介澳洲M8和牛肩胛肉、美國prime肩胛肉眼、流心芋茸貢丸、寵寵濃汁牛肉丸、手打黑白滑、日本手打烏冬、冰菜、粟米😊可惜黑松露丸同金牌墨魚丸都賣晒試唔到🥺刺身海鮮牛肉都高質過一般放題，一次過食到咁多款野，不防一試🤤加一服務費為食火鍋公司觀塘#fafafoodie_觀塘…查看更多

📌 為食火鍋公司 - 觀塘創業街15號萬泰利廣場地下C號舖🗓(30/8) 星期三 ⏰ 晚上7點左右 💈特式：最近飲食界大新聞一定係觀塘區嘅工廈食肆，我今日過嚟呢頭搵下食，支持下呢區食肆，上網見到呢間除左「無限時」之外，仲熱心幫助🐱🐶毛孩，例如會有義賣幫拯救貓狗協會籌款，咁有意義就更加要大力支持啦。🥩🍔🌭🌮🥗🥯🥘🍲🍝🍣🥟🍤🍱食物：佢地嘅套餐係一個價錢$2️⃣8️⃣8️⃣包左幾類一次性嘅食物，有刺身/酸菜魚/雞煲/海鮮，之後仲有小食同大量火鍋配料任食，而家等我同大家講下🐶🍲味道先。Round 1️⃣ 餐前小食 - 餐前小食共有六款，包括炸瘋薯條/甜番薯條/唐楊脆炸雞/蟹籽沙律/酸甜炸大腸/鮑汁雞腳，以上各款都係任叫任食，整體質素都唔錯。Round 2️⃣ 三點刺身盛合 (一次性) - 刺身就係一次性供應，共有3款唔同刺身，包括三文魚/北寄貝/牡丹蝦，質素幾好同新鮮，尤其是隻牡丹蝦，size同味道都好多日式放題店仲要好，而且溶雪方面亦做得唔錯。Round 3️⃣ 為食酸菜魚(一次性)/任食寵寵雞煲 - 如果揀酸菜魚就係一次性，揀雞煲就可以追加任食，因為見佢都有好多野食，所以就揀左酸菜魚。個湯頭煲到奶白色，好濃魚鮮味，酸菜味道亦好突出，魚片鮮甜嫩滑，叫小辣我覺得剛剛好，個底仲有索晒味嘅薯粉，成煲野分量都唔少。Round 4️⃣ 火鍋盛宴 - 先有4款湯底揀，包括櫻桃鮮茄薯仔/黃金皮蛋芫茜/高湯牛尾/麻辣鍋，我地就揀左高湯牛尾湯底。之後會包埋一次性嘅海鮮拼盤同牛肉拼盤，海鮮拼盤有5款不同海鮮，包括有鮮蝦/蜆/半殼元貝/脆鯇片/白鱔片牛肉拼盤都係有5款，包括潮汕吊龍伴/黃喉/手切牛頸脊/熊本雪花一口牛/SRF和牛肩胛肉眼芯。火鍋配料 - 其他任食嘅火鍋配料都有超過30款，當中最吸引同最出色有SRF和牛腰脊肉/美國Prime級牛胸腹同肩胛/鹿兒島茶美豚/濃汁牛肉丸/流心芋茸貢丸/黑柏葉/牛骨髓/紫菜響鈴/日本手延手打烏冬。☕️🍵🥤🧋🍺🍷🥃🍹🧉🍾🍶🥛飲品 : 所有套餐都已經包左無酒精飲品任飲，有罐裝汽水/多款鴻福堂飲品/道地罐裝茶，選擇都有接近20款。🍽環境：餐廳都幾大，有好多闊落卡位，餐廳佈置亦用上大量狗狗元素，愛狗人士應該會坐得幾開心，出面醬料區同自助區都keep得好乾淨衛生，餐廳整體光猛企理。🤵🏻🤵🏻‍♀️🤵🏻‍♂️服務：餐廳主力用QR Code落單，亦無漏單/扣單情況出現，可能因為餐廳對貓狗好有愛，所以店員都好有愛心，感覺佢地十分有善。💰💸價錢：成個套餐只係$2️⃣8️⃣8️⃣，食完佢地提供嘅一次性食物已經開始覺得有點飽，而且佢地仲有不少任食嘅小食同火鍋配料，仲要「無限時」，如果自認大胃王嚟食就真係超值。🐲💬總結：我本身都係愛貓狗嘅人，去到咁多貓狗佈置嘅餐廳已經覺得心情會好愉悅，再加埋見到餐廳仲有義賣之類去幫助有需要嘅毛孩，就更加值得我地支持。推薦指數：❤️❤️❤️❤️❤️…查看更多

Round 1: 餐前小食有6款選擇，可以簡每樣要d，或者點自己想食既。食完覺得好食，可以再點。🔸炸瘋薯條：正常水準🔸蟹籽沙律：幾清新，做開胃菜一流🔸酸甜炸大腸：外皮夠脆👍🔸鮑汁雞腳：夠入味Round 2: 三點刺身盛合刺身就一次性，有三文魚，大蝦同北寄貝，三文魚切得厚身😍。Round 3: 頭盤有酸菜魚同雞煲，我地簡左雞煲小辣，雞煲可以任食，不過第一次上既時候都好夠份量，所以我地都冇添食。鐘意食辣既朋友可以叫中辣，會仲正😃Round 4: 火鍋一開頭會送上一次性既海鮮拼盤同牛肉拼盤。海鮮有🦐、🦪、蜆、半殼元貝同脆肉鯇，都幾新鮮，蜆無沙。牛肉有潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯。另外仲可以QR落單，有幾款牛、豬、羊肉都可以任食，加埋一大堆火鍋配料，絕對夠飽肚。出面自助吧都有菜盤拎。除左汽水之外，仲有d鴻福堂同道地既茶任飲。…查看更多

其實嚟過好幾次, 包括十個八個嘅舊同學聚會, 三五知己, 兩個傾密偈都試過.有三個重點: 1. 無限時2. 任飲任食3. 抵今晚同個小學同學兩條友嚟傾密偈, 有時間邊食邊影相.吹水最緊要可以任飲, 仲要汽水涼茶都有得揀.ROUND 1 小食包括1. 炸瘋薯條2. 甜蕃薯條3. 唐揚脆炸雞4. 蟹籽沙律5. 酸甜炸大腸6. 鮑汁雞腳雞腳味濃夠腍, 每次都會encore. 大腸熱辣辣, 入囗脆卜卜; 出邊又難揾到好食, 亦係必定encore. ROUND 2 三點刺身包括三文魚, 北寄貝同牡丹蝦.ROUND 3 雞煲好多雞肉, 仲有豬皮, 魷魚, 牛栢葉等材料可加入.味濃夠香, 自己睇火.最重要係, 可以encore, 同再encore. ROUND 4 火鍋是日海鮮拼盤五款包括1. 鮮蝦2. 蠔3. 蜆4. 元貝5. 鱔片未食肉之前, 湯底夠清至食到海鮮嘅鮮甜.牛肉拼盤包括1. 手切牛頸脊2. 潮汕吊龍伴3. 黃喉4. SRF和牛肩胛肉眼芯5. 熊本雪花一口牛仲有其他豬, 牛, 羊肉可以揀.蔬菜bar有一份份少份量嘅樣樣齊, 同時有單一大份可以揀.呢幾粒丸唔好睇小, 每次最多只可以order 10粒.食下呢樣, 食下嗰樣; 抖下又傾下, 飲下又食下.四五個鐘好快過. …查看更多

今晚見有d時間，一於收工約朋友打個邊爐吹吓水聯誼吓先，平時收工經過見到呢間店座無虛席但一直冇時間試，見今日有時間就一於入呢間睇吓值唔值得推介先環境都幾寬敞乾淨，而且牆身設計已狗仔哥基為主，主打冇限時任食火鍋放題，有兩個價錢選擇，$288和$368兩款，貴d嗰款主要係食物多d選擇，但我今次選左食$288嗰隻Round1~餐前小食炸瘋薯條、甜蕃薯條、唐揚脆炸雞、蟹籽沙律、酸甜炸大腸和鮑汁雞腳鮑汁雞腳：好入味，好淋炸瘋薯條、甜蕃薯條、唐揚脆炸雞、酸甜炸大腸：即叫即炸，每樣都熱辣辣，入囗脆咯咯Round2~前菜三點刺身盛合（一次性）北寄貝：入囗彈牙三文魚：甘香肥美牡丹蝦：大大隻，味道鮮甜可囗Round3~頭盤為食酸菜魚（一次性）或任食寵寵雞煲為食酸菜魚：湯底酸酸辣辣， 魚肉入口嫩滑，酸菜味道鹹鹹酸酸好惹味，薯粉入囗好淋好滑Round4~火鍋盛宴我選左櫻桃鮮茄薯仔湯底，待應就送上一個海鮮拼盤和一個牛肉拼盤，唔夠食還可以任食其他火鍋配料，而且飲品任飲櫻桃鮮茄薯仔湯底非常之足料，味道幾好，蕃茄非常 juicy海鮮拼盤鮮蝦、蠔、蜆、元貝和脆肉鯇，樣樣都好新鮮，脆肉鯇好爽脆，鮮蝦和蜆入囗彈牙，蠔和元貝鮮甜味美牛肉拼盤潮汕吊龍伴、黃喉、手切牛頸脊、熊本雪花一囗牛同 SRF和牛肩胛肉眼芯，黃喉入囗爽脆，其餘唔同部位嘅牛肉，牛味好濃，非常美味食完d一次性美食，就叫d無限任食嘅火鍋配料，有幾款牛都係任食，而且賣相和味道都唔差尤其是要推介個一囗雲吞和韭菜餃，味道幾正還有個日本手打烏冬，入囗煙煙韌韌都值得一試還有個蔬菜 bar和任飲品都好多選擇，呢個價錢算係唔錯…查看更多

經過這間餐廳好多次都冇一次去過， 今次終於 訂到位。首先選了幾款小食，薯條、炸雞、大腸特炸物都熱辣辣，同埋好香脆。然後上了蟲草花燉湯，盅湯無味精，同埋都幾清甜。跟住到魚生刺身，同普通的放題刺身不同，這裡的刺身比較厚同大件，特別係帶子同蝦，好甜。然後到酸菜魚，這個強烈建議大家必試，原本我都無咩特別，只見成日喺出面都係食雞煲，於是就揀了酸菜魚食，魚肉好嫩，唔「鞋」，同埋最正係已經吸收咗個魚湯嘅薯粉，超彈牙同入味。食完酸菜魚之後，就到海鮮拼盤，分別有鮑魚、蠔、蟶子、蜆、魚同蝦，樣樣都好新鮮，特別係隻大蝦，真係好大隻，同肉身都彈。之後到任食的牛肉，有好多唔同款的牛肉，同有好多唔同部位，全部都好新鮮，而且好香牛味，全部都好好食。總括成餐真係唔錯，絕對值得再幫襯。…查看更多

好耐無打邊爐喇😆～突然間好掛住打邊爐（可能喺因為天氣開始凍啦哈哈），今日約咗朋友去到觀塘食火鍋放題， $300都唔使仲可以無限時任食✨唔使趕時間，坐喺度慢慢食真係好開心🥳<為食套餐|冇限時火鍋盛宴> $278落座後店員都會解釋進食流程，火鍋盛宴共分為4 Round，其中包括有餐前小食、前菜、頭盤、火鍋盛宴，食完一Round可以追加野食，又或者食下一Round，但就唔可以食返上一Round🙌🏻餐前小食我地叫咗炸瘋薯條、唐揚脆炸雞&蟹籽沙律，其中唐揚脆炸雞同埋蟹籽沙律，質素唔錯✨前菜三點刺身盛合（一次性）呢個刺身盛合只可以叫一次，有三文魚﹑象拔蚌同蝦，刺身喺放題黎講都算新鮮🤩頭盤為食酸菜魚（一次性）/任食寵寵雞煲我地揀咗只可以叫一次既為食酸菜魚，魚肉都算嫩滑，不過要小心偶而有些少碎骨🤣而湯底就係酸菜＋花椒嘅味道，令人胃口大開🥰用呢個湯底打邊爐應該都唔錯☺️火鍋盛宴火鍋湯底可以四揀一，我地揀咗櫻桃鮮茄薯仔，而鴛鴦鍋要加$30。另外，餐廳會上埋海鮮拼盤同牛肉拼盤（一次性），海鮮拼盤有蠔、蝦同埋鱔片，而牛肉拼盤就有潮汕吊龍伴、黃喉、手切牛頸脊、熊本雪花一口牛同埋美國SRF和牛板腱肉✅黃喉口感爽脆，而手切牛頸脊油脂感重，最重牛味既係熊本雪花一口牛，不過朋友鍾意美國SRF和牛板腱肉多啲😌餐廳仲提供廿款任食火鍋既配料，可以用QR code 落單，而蔬菜﹑野飲同調味料就自己拎，種類都幾豐富，火鍋既配料當中推鹿兒島茶美豚，珍寶蟹柳，手打烏冬🤤蔬菜來講，南瓜﹑粟米同冬菇都好鮮甜💕…查看更多

為食，胃食得開心今日放工之後去到一間火鍋店，有兩個餐，一個$238，另一個$318。貴個個餐，多左菜膽扣鮮鮑魚，蟶子到海鮮拼盤、廣島蠔，肉方面係手切牛肩頸，所以我地二話不說就揀左$318個餐。 菜膽扣鮮鮑魚估唔到係咁大隻就真!真係好大隻，煮得入味，煮得好好味道，除左面績好大，佢仲要係好厚肉，所以好好味，好有奢侈豪華感覺 刺身五色刺身，三文魚，北寄貝，帶子，甜蝦等等。超鮮甜，係超鮮甜，火鍋店都可以食到這個質素既刺身確實係唔錯。而且都真係新鮮，作為今餐既開場實在唔錯。 先上雞煲，為食雞煲，係可以任加的，所以係超正。雞煲係你眼前爆炒，而且切得幾好，食起來唔會有碎骨，而且都好大件，雞外表香，但裡面仍然係好滑，再加上洋蔥，辣椒爆炒，實在係令人十分享受，而且佢有三寶(豬皮，魷魚及牛柏葉)比你加落去爆炒，令成個煲更是生色不少。而且重點係，佢係可以任加的。 到了火鍋時間，係會成個煲換走，確保雞煲既油都唔會影響到火鍋既香味。先上海鮮拼盤，上面有蟶子,扇貝，海蝦，大蜆，魚片等等。見到我地都覺得餐廳好比貨，竟然有咁靚既料，蟶子,扇貝係超大隻，超鮮味，大蜆一樣，沒有沙。覺得頭先換走整個煲既作用就係令你食出海鮮既原始鮮味。 手切牛肩頸仲有就係西班牙黑豚肉，牛味超重，食材食得出，我對面個位牛魔王就真係岩曬。佢切既厚度亦岩岩好，唔會太薄，又唔會太厚，恰起來岩岩好。丸組合，E個真係講一講，因為真係幾特別。第一款-和牛牛丸，認真好少食到咁重牛味道既牛丸，平日街市都係硬和乾，好少咁香牛味既牛丸第二款-豬肉丸，重點係佢裡面有芋頭，咸中帶甜，裡面有驚喜第三款，好似平日買到既蟹灸丸之類，但裡面竟然係有芥末味，真係好有趣，第四款，原來係手打魚蛋，味道唔錯，好彈牙仲有既係小雲吞，一口雲吞，岩岩好，火鍋食一粒就岩曬…查看更多