火水爐冰室火鍋

其實以懷舊為主題的餐廳早已屢見不鮮，而這間火鍋店的門面則模仿舊式戲院，令人過目不忘，但多次經過亦未曾一試，趁著一月天氣開始轉冷，經過附近終於找到機會到訪。套餐包括花膠雞煲及海鮮拼盤，另外亦有各款任飲任食項目選擇。店內裝修佈置充滿懷舊風味。醬料方面可以自由配搭。首先送上麻辣花膠雞煲，當中有大片花膠，真材實料亦甚惹味。海鮮拼盤賣相精緻，包括海蝦、蜆及鯇魚片等。享用雞煲後便開始火鍋，湯底依然香濃。任食肉類只得特級安格斯牛、美國珍寶肥牛及黑毛豬肉片三款，不過不失亦沒有雪藏味。其他配料選擇款式大路，質素正常。…查看更多

今日係星期三，約左朋友食飯佢好想打邊爐，話美國🇺🇸果d唔夠香港味於是去左旺角嘅火水爐店舖嘅裝修好有香港70/80年代特色因為我地好早就去到 店員還在準備中我地食HKD258/位嘅套餐，2個鐘任食。叫左個濃厚花膠雞湯鍋，仲落火鍋料前飲咗雞湯先足料大花膠同雞，味道都濃郁。套餐有包海鮮拼盤：蝦、生蠔、蜆、脆魚腩，仲有魷魚🦑膠。當然有叫安格斯牛肉、黑毛豬肉片，比起肥牛我哋更加鍾意食安格斯牛肉，脂肪含量均勻，冇咁肥膩。好驚喜佢嘅海鮮同肉都好新鮮，特別係啲蝦：原來啲蝦頭仲有啲蝦膏好新鮮一啲回味都冇，肉質都好彈牙鮮甜。另外魷魚🦑膠入邊有馬蹄粒，食落爽口，唔會一pat pat。我地order安格斯牛同埋黑毛豬肉片最頻密，其實我朋友唔多鐘意食豬肉，但今次佢食左好幾碟，味道唔洗多講。食蝦嗰陣時，唔小心將啲蝦膏彈左落件衫度，店員見到俾咗件圍裙我哋，見到火鍋冇湯，會自發加湯、收空碟同食物渣。成個過程都食得好舒服。其實係可以轉湯底嘅，有四款俾你揀，湯底由濃到淡，任君挑選。可惜我哋食得慢，冇轉到湯底下次可以叫多啲朋友一齊嚟食，咁就可以食多啲唔同款嘅嘢…查看更多

之前都提過，火鍋對於香港人是有著一定的情意結，無論是傳統的鴛鴦鍋還是現在大熱的麻辣鍋、美人鍋，相信大家都不會陌生吧？！早前行經旺角煙廠街，發現了一間新開火鍋店，以舊日本地色彩、生活文化為主題，小店位於一樓，地面入口大大個霓虹光管招牌，入口複製了昔日戲院售票處的模樣，掛着「即日上映」的膠牌，沿樓梯直上，就好像進入了時光隧道一般，周遭都是不同的舊物，火水爐、收音機，手繪電影廣告、夜總會招牌和舊式木紋圓摺枱，地下還鋪上懷舊紙皮石，一景一物均充滿著七八十年代的昔日情懷，全都是一些老香港特色，對於新一輩來說可能完全沒見過，只是一些有趣得來老土的擺設，但對於筆者這個跨年代的「老人家」而言，卻是一些珍貴的回憶，童年時的感覺全都回來了。現在開始明白，父母以前常說的「舊時嗰陣」是怎樣的一回事，原來人大了經歷多了，緬懷過去就好像是一種生活的調味，甜酸苦辣在心中，捨不得、放不開……港式情懷、集體回憶就是這樣成為了大家心中重要珍惜的一環。用心別緻的裝修當然吸睛，食物種類和收費也很重要吧？！這個大家就不用擔心，皆因這店的價錢也算是街坊價，有齊港式前菜小食、海鮮拼盤、特色鍋底和不同的配料，加上任飲汽水，每位也只是$258 / $298，價錢分別在於包有不同質素的牛肉，10點後宵夜時段更只是$178一位，預早訂座還會加送豪華花膠麻辣雞煲，實在超值，筆者當然約齊朋友一同來試一下。當晚選了$258一位的套餐，可以任食安格斯肥牛，而且因預早訂位的關係，還有花膠麻辣雞煲贈送，實行用盡優惠。先來的是炸魚蛋和炸燒賣這2款經典街頭小食，炸魚蛋爽口炸燒賣外脆內糯，蘸上甜豉油後完全還原了舊日的風味。跟著便是花膠麻辣雞煲，因為朋友不太好辣，所以只點了小辣，辣度不強，花膠大大塊滑溜養生，足夠每人一件；雞件嫩滑惹味，份量十足完全無欺場。其他的配料如洋蔥、豬皮和豆卜亦很豐富，吸上濃厚醬汁更顯惹味。吃完雞煲，店員即端來火鍋湯底，這店的鍋底款色也不少，足有9款選擇，除了基本的清湯和沙嗲鍋外，較特别的還有冬瓜蓮子百合、黃豆涼瓜排骨和泰式冬陰功鍋。筆者點來了另加$18的星洲肉骨茶鍋，湯底材料十足，排骨、蒜頭和油條支竹堆滿鍋中，藥材香陣陣飄來，味道剛好不會過濃，用來淥灼食材帶上淡淡的獨有藥材甘香，感覺滋補健康。套餐有齊海鮮肥牛，安格斯牛小排，肉質粉嫩鮮紅，油脂分佈平均，牛味濃郁；海鮮拼盤雖不算很豐富，但都有齊大蝦、大大隻生蠔、蜆肉、青口、魚片和Q彈的墨魚滑，部分雖是冰鮮貨，但仍算鮮甜爽口，質素不錯。而另外追加任點的配料選擇亦不少，足有近40款之多，黑毛豬片、牛柏葉、爆漿魚丸、玉米貢丸、墨汁墨魚丸、龍蝦沙拉丸、雲吞水餃，午餐肉、脆炸響鈴、炸魚皮、老油條和不同的蔬菜均有供應，不能盡錄，款式豐富品質亦不俗，而且汽水亦是任飲的，完全讓你飲飽食醉吃得捧著肚子。食完火鍋正想離開之際，原來還有飯後甜品贈送，自家雜果涼粉紅豆冰，份量超多很有看頭，甘爽涼粉配上紅豆椰果雜果和碎冰，懷舊地道得來又冰爽解熱，吃完清涼得由頭爽到腳趾尾！正！能夠在老港風味的環境下用餐，而味道和用料質素均算不錯，店員服務更是親切友善，加上價錢亦算實惠，難怪能在眾多競爭對手下突圍而出，客如輪轉，座無虛席，如此用心經營的小店，實在值得推介一下！…查看更多

天氣雖然十分炎熱，但仍然無阻香港人打邊爐烚下烚下嘅興致。今日就去到旺角煙廠街嘅一間火鍋店名<火水爐>，店內裝修主打懷舊氣息， 就連餐廳播放嘅音樂 ，都充滿著七八十年代嘅特性 ，呢一餐飯實在勾起咗我呢個80後好多兒時回憶。價錢方面，258蚊一位包咗一個雞煲，配料任食兩小時。 除此之外亦都會跟埋一個海鮮拼盤，入面有生蠔，海蝦，蜆等等，都幾有誠意。如圖所示雞煲都好足料，有好多雞件，花膠亦都很大件，入口口感豐旭， 仲有好多煮到好冧嘅蘿蔔。我哋四個人將啲湯飲到一滴都無！食完花膠，亦都可以選擇另一個湯底打邊爐。我哋就選擇咗 濃郁花生沙嗲湯底 。湯底一奉上，就已經聞到好濃好香嘅花生味 ，打咗邊爐冇幾耐，我哋要求服務員加熱水，就算加咗熱水亦都冇稀釋到湯底，反映出係真材實料 。配料方便就有 安格斯牛，輕輕放入湯底烚十秒八秒就食得，厚薄啱啱好。另外仲有美國肥牛，肉同脂肪嘅比例都算均勻，很不錯。其他配料選擇方面亦都有好多， 例如有芝士腸水餃，墨魚丸，炸魚皮等等，推介嘅就係豬粉腸 。友人們原本打算食飽去搵糖水食，但原來餐廳會奉送 雜果紅豆涼粉冰。自從有咗仙草等等，我都好耐冇食過涼粉， 一食之下，先至記得原來涼粉係咁好食㗎。 我仲好記得細嗰時，甜品冇咁多選擇，夏天就經常食涼粉㗎啦。總括嚟講，加埋一300蚊一位， 有咁多嘢食咁多嘢飲，夫復何求呢。…查看更多

今日同埋一大班朋友食鷄煲打邊爐，知道旺角有間火水爐冰室火鍋唔錯即刻就Book 定位，因爲要等齊人收工，所以我地差不多9點先入座。餐廳裝修很懷舊！好有八九十年代的香港Feel~好有特色！今次我地叫左安格斯海鮮任食套餐！每人$258（任食）。店員送上炸魚蛋和炸燒賣小食，可以等我地食住先，跟住就上花膠湯雞煲（我地無叫麻辣，所以個湯係唔辣的），湯料的花膠十分足料，最少沒人都分分到一件，花膠嫩滑軟腍，加上雞件熬製成日湯味道十分濃郁！而且感受唔到味精的味道。我地每人飲左兩碗湯，重點係飲完覺得好補生，而且完全唔會覺得口渴。食完個雞煲店員就會收起，然後拎個新一鍋湯底等我地打邊爐，今次我地叫左沙爹湯底。沙爹湯底味道好濃烈，一放底個鍋我地已經感受到。海鮮拼盤：裏面材料多多，包括有有墨魚滑，蝦，蠔，脆鯇同鱔片。全部都好新鮮，其中蝦肉分量夠多又爽口彈牙。任食的火鍋配料除了炸魚皮，蔬菜，餃類之外，最重點係有安格斯牛任食！！！安格斯牛真係超正，肉質鬆軟不得止，牛味更是很重。食到最後餐廳居然仲會送雜果涼粉紅豆冰！！真係好滿足。因爲個花膠湯雞煲太正la~所以我一定會再去食。我地食到11點幾的時候已經無咩人，所以影到餐廳很好feel 的一面。…查看更多

同朋友喺旺角行完街，順便食埋晚飯，佢話之前食過嚟間幾好，想再食，而我又未試過所以上去試試好在我哋早去，原來walk-in好易無位店以舊香港位主題，裝修設計有趣，餐具也有懷舊feel店員話濃厚花膠雞湯鍋係新嘢，友人亦非常雀躍話未試過，就order左叫左$258嚟個餐煲到的同時，會先給我哋可以即吃的餐前小食-炸魚肉燒賣，炸陳皮魚蛋，俾客人可以在煲未滾先過一過口癮海鮮拼盤-有墨魚滑，蝦，蠔，脆鯇，鱔片濃厚花膠雞湯鍋-花膠好大舊，個湯底超好飲而且雞量很多，最少有大半隻火鍋配料大部分免費任點我推介美國安格斯肥牛，肉質鮮嫩得嚟，牛肉味勁重，仲可任叫懷舊甜品-雜果紅豆涼粉冰，整個甜品甜度適中，不會太甜紅豆總結，此店性價比可謂高到爆燈，打邊爐可任食之餘仲要食物質素高，重點系不用$300就可食到花膠雞煲…查看更多

平時經過煙廠街，都會見到有一個好特色既招牌，寫住「火水爐」不過週圍都有好多舊電影的海報～～🎬好正！.入到去，所有裝飾都係舊年代的收音機、鐵閘、枱等等等等阿魚叫咗「安格斯海鮮火鍋仼食套餐」（每位$258）🐟💬：.一開始就嚟咗個「風味炸物」，即係炸魚蛋、炸燒賣!!!!好好食，岩岩炸起，所以係脆卜卜，熱辣辣好正!!!.之後到主菜了!!!「🍲豪華花膠麻辣雞煲」因為叫左BB辣，所以只係有少少麻既感覺，辣就得好少，對於唔食得太辣既朋友仔就好合適.個雞好滑，又唔會太咸，岩岩好.而花膠都有幾多舊，每人都食到大約3-4舊!!!重好入味TIM!!!.食完雞，當然就要打邊爐啦!!!.阿魚叫咗2個湯底.🍲星州肉骨茶 + 🍲宮廷藥膳湯底兩個都要加18蚊.首先會有個海鮮拼盤，都有幾多野食：.🦐蝦、🦑墨魚滑、🐟魚片、蜆、蠔🦑墨魚滑吸哂湯底ge味！重好彈牙tim!!!!.另外，必叫「墨汁🦑墨魚丸」，彈牙！有🦑墨魚味！.蜂巢豆腐都一定要叫，吸哂啲湯底好味！.肥牛同牛小排都好大塊！不錯！🐟FISH'S REMINDER🐟💡阿魚提醒💡.🍲肉骨茶算係濃烈的藥材味！要留意返！不過兩個湯底，都非常足料！肉骨茶重包咗好多油條，吸哂d味好食！.最後會有個超大碗的雜果涼粉冰！重加咗花奶！大家記得留肚食呀！🐟📝：8/10…查看更多

這間店走懷舊風，裝潢非常有特色，不難發現一些古物，例如火水爐等。在店內猶如時光倒流、身處舊時香港。食物：4/5自助火鍋，不同價位配不同質素的牛肉，如果提早訂位可享用雞煲，但我們是walkin所以沒有。除了仼食的火鍋配料外，每枱另按人數送一份海鮮拼盤。「沙嗲湯」非常香濃入味，而且比較稠，不辣「麻辣湯」愈吃愈辣，亦帶有麻味但不算重全部火鍋配料與其他餐廳不相伯仲，沒有太深印象、味道還可，特別想介紹每枱附送的「海鮮拼盤」種類頗多，有桶蠔、海蝦、魚片、墨魚滑、青口、蛽等，全部都新鮮。餐廳最後會附送「雜果涼粉紅豆冰」作飯後甜品。性價比:3.5/5二百多接近三百一個人，算比較貴的仼食火鍋，但食物質素未到有驚喜。…查看更多

天氣冷了，又是吃火鍋時候了之前經過火水爐已被其外觀吸引，見天氣轉冷便在前兩天訂座原來訂座有花膠麻辣雞煲贈送，好抵食裏面的環境很有香港七八十年代特色絕對是打卡的好地方另一驚喜：有前菜雖然分量不多但足夠頂肚先！雞煲我們選了bb辣，一試之下，這個辣味很對我們胃口很惹味，而且花膠很巨型！吃過辣味食物，少不了飲品解渴解辣汽水是任點的so happy!店員見我們雞煲吃得七七八八，很貼心主動替我們上火鍋湯底。我們點了芫茜皮蛋湯，清熱氣。它的湯底值得一讚十分足料。芫茜控必點海鮮拼盤擺碟超級美，食物亦新鮮，但如果可以任食就更完美了由於吃過雞煲，我們也不叫太多火鍋料，免得浪費食物。雖然飽但仍點了牛小排和豬片，很多吃另外還有甜點贈送，大滿足P.s今次二人同行，但火鍋一班人吃會更快樂喔…查看更多

天氣開始涼,梗係唔可以放過呢個大好機會去打邊爐啦~不過朋友話想食雞煲滋補D,試下又無妨嘅最近D餐廳係咪興懷舊風呢?之前去過幾間都係呢D港式style,我自己都幾鍾意,而且同隔離位又唔會好近今次目標係滋補,所以我地叫左個花膠雞煲及海鮮拼盤,原來佢D安格斯牛肉同其他火鍋配料係任食,安格斯牛肉都任食實在太開心,好彩我下晝特登留肚姐～花膠雞煲都算足料, 二人份量都有4大舊花膠, 而雞嘅份量大約係半隻, 都算新鮮, 入面仲有豆卜、洋葱等配料，相當豐富，醬汁味道不錯, 非常惹味，一睇個色就知道沙嗲湯底好濃郁，食開重口味嘅朋友食到勁滋味，話咁先係雞煲，佢濃到豉油都可以唔使點，Ｄ雞肉係完全索曬味，係豐富係有風味嘅。至於海鮮拼盤入面有蝦、青口、魚、花甲、墨魚滑同埋蠔，款色都幾多。蝦同花甲比到驚喜我，爽口鮮甜，墨魚滑今次都做到野，好彈牙又唔腥，仲會令你想係咁食海鮮～講到重點嘅安格斯牛肉，油花不太多，肉味都幾好，以呢個價錢嚟講是高分的，另外個黑豚肉都好食。整體黎講佢性價比都幾高，不過我呢Ｄ草食性生物黎講蔬菜類別可能要再多Ｄ～～哈哈，我食好多菜架！免費飲品大部分都係汽水，唔鍾意飲汽水的朋友就要叫付費飲品，而我今次就叫咗個椰青水，是meko牌，没添加糖，健康之選！…查看更多

當日同朋友行完山行到好肚餓，夜晚決定要同朋友食餐勁，所以就決定去食雞煲加打邊爐😍我哋1行六人，一去到餐廳已經覺得成個感覺好新鮮，佢啲擺設同埋設計都係用返80年代嘅用具或者設計裝飾🤩我諗如果同屋企人黎佢哋應該都會好開心😂回憶湧現。餐廳仲會不停播80至90年代嘅英文歌。叫完嘢食之後侍應拎咗一碟小食俾我哋（送嘅）有炸魚旦同埋炸燒賣。原本諗住送嘅都唔方會好食😂點知係超級好食完全係小學果種味道，燒賣係脆卜卜熱辣辣，我偷jap左好多粒😂我地叫咗個花膠雞煲，花膠係超級大塊，同埋超淋超好食！又好入味，雞煲都好食。佢呢個火鍋係包埋海鮮拼盤，選擇都非常多唔洗我講，可以睇相都睇到。佢呢間火鍋餐廳部份食物係放題任叫部份係需要收費，我最想講嘅係佢連芫荽都可以放題！！！！！！我會因為呢樣野而再返轉頭食佢🤣💚最後都要提一提侍應真係好貼心，見到我哋有好多袋會主動比櫈我哋擺低，上菜收碟都好快手好乾淨👍🏿亦都無溜單情況。…查看更多

基本上我每個月都會同唔同嘅朋友約出嚟食飯，所以每次都要搵唔同嘅地方同餐廳食飯~不過今次呢班朋友就大部位住新界，所以就搵個中間點嚟食飯，於是有人提議試呢間。朋友訂咗枱，所以去到就即時有位，唔使等，上到去嗰時見到店舖唔係好似出邊打邊爐啲餐廳咁大，而係細細間，啲枱都細張啲，由於我哋一行四人入面有3個都係屬於肥同大隻，所以我哋迫係張細圓枱度覺得好辛苦，不過冇辦法啦～香港地係寸金尺土，好多店舖都有咁嘅情況~聽聞嗰度雞煲係任食，即係可以食完一煲又一煲先再叫湯底打邊爐😋不過由於係有限時，所以我哋覺得都係食完一個雞煲就開始打邊爐算😆費時唔夠時間食其他😙不過睇返張order紙，又唔係有太多種類食物，同埋好多飲品都要收錢，除咗汽水外😅仲要唔係有個雪櫃放係出邊俾客人自己拎，係你需要就同侍應order,等佢哋拎俾我哋…除咗店舖環境同擺設特別外，其他嘢食都係一般般，算過得去😂…查看更多

又係食雞煲嘅時候啦今次同朋友去咗旺角。依間店門面好有趣，好似舊戲院。一上到去見到好多火水爐仲有大大個夜總會牌係我隔離。朋友好叻仔識得訂咗位先，唔單止唔使等仲有個花膠雞煲送。佢個前菜竟然係炸魚蛋同埋燒賣，但係都幾好食嘅。轉頭就嚟咗個花膠雞煲全部用好濃嘅汁包住。大約煮多5分鐘等佢滾就食得。啲雞幾嫩口，但係個汁真係太鹹囉！特別係啲豬皮索晒啲汁咸得太緊要。好彩佢唔係用依個煲加水打邊爐點左個冬瓜蓮子百合煲清清地。海鮮拼盤係跟餐嘅，都幾新鮮，翠肉鯇夠爽脆，蠔都好大隻，肥牛質量不過不失唔會太肥。…查看更多

今次一行五人想去打邊爐，咁有次係旺角見到呢間既裝修幾特別，就係 openrice book 位，咁岩預訂就送一份花膠雞煲，所以就決定試一試。平日晚飯時間都不至於要排好耐先有位, 去到門面環境都很整潔。入座後，枱與枱之間都比較近，所以感覺較迫，但侍應態度都好好。跟住先黎一碟炸魚旦燒賣前菜，不過燒賣內裡還是凍的，所以我地只食魚旦。到咗最期待既花膠雞煲，上枱既賣相唔係咁吸引，但食落都唔係太差喎，只要將花膠同雞煲既少少辣溝勻，味道都唔錯。之後，我地揀咗鴛鴦湯底(涼瓜排骨湯及冬陰公湯底) 涼瓜排骨出面打邊爐都好少見，食落清清地，感覺好似可以下火咁；而冬陰公就真係比較辣，不過味道就一般。呢碟手切牛就真係夠厚喇，不過唔知係煮得太耐定點呢？感覺有點韌跟住我地仲點咗肥牛，生根，魚皮，菜同丸，大致上同一般打邊爐既餐廳一樣，無咩特別。最後，呢個海鮮拼盤都唔錯，每樣都好新鮮，好味。其實去到最後個個都飽到食唔哂既時侯，我地都堅持食埋呢個飯後甜品「紅豆雜果涼粉冰」，好彩有要咋，可能真係打完邊爐關係，呢碟野好搶手，一陣就食咋喇！出奇地好味～不過個日咁岩隔離枱成班男士可能飲酒又加上太興奮關係啦，嘈到成晚我地完全聽唔到對方講咩，唯一令我地想快D食完走囉，不過呢一點係好難避免！…查看更多

火水爐係油麻地地鐵站出去既登打士街隔離，都算係近近地。今日同個fd 興起，見火水爐既任食火鍋同安格斯牛肉非常吸引，於是就上左去。門口有個非常搶眼既霓虹燈，裡面既裝飾仿照六七十年代，非常懷舊。連桌上既碗碟都有陳列品既感覺。——————豪華花膠雞煲呢個花膠辣雞煲不得料，超級足料，味道香濃，叫左個bb辣既，唔食得辣既都食到。冇諗過咁抵既火鍋套餐都會有花膠，雞肉很多，很新鮮。其實食完個煲都半飽啦。———————小菜仲有一碟炸花枝丸同魚蛋墨魚丸，係有d奇怪既前菜不過好味就得啦——————-然後先開始食主菜，火鍋底叫左麻辣鍋。 但係警告⚠️真係好辣，入面好多辣椒仔同花椒，食到先叫，一唔係就叫鴛鴦鍋。成碗紅油辣椒，地獄火鍋啊點心紙有價錢既都要加錢，梳打汽水免費飲，稻庭烏冬都唔洗加錢！火鍋配料選擇多，大部份都唔洗加錢，一份細細份，我將所有野都叫下，款款都試d.重點推介有黑毛豬肉片，安格斯牛肉，芝士腸都爆多芝士汁，好味。————-海鮮拼盤當天海鮮拼盤好豐富，入面有青口，蝦，蜆，墨魚滑同魚肉。 但稍嫌蜆內有沙粒。墨魚滑大大份，好彈牙，好好味。—————安格斯肥肉新鮮，抵食！—————-成桌食物，好不容易先食得完，最後三四位朋友一齊食，我同一位朋友好不容易先食得哂，冇諗過一個258 既套餐包咁多野，當我地以為食完個鍋就完，點知仲有甜品！———————-記住記住！留肚食呢個超好味既涼粉紅豆配雜果。個涼粉好爽滑，食完火鍋食涼粉下火，又消濟，爽…查看更多