Amaroni's New York Italian Restaurant & Café (又一城)

營業中

休息中

近來在選擇餐廳時,食物的質素變得次要,反而會鍾情於一處舒舒服服,可以座得耐同三五知己坐得耐既地方今次約左老師一聚, 朋友便專程於個多星期前訂座訂座時亦問清楚店員有冇time limit, 個staff 應該get 到我地會hea好耐, 都好細心留左張可以飽灠全餐廳又唔會被disturb 既sofa 位比我地三個人叫左四樣野食, 加埋籃包, 一共五樣~~好full, 要打包呢個真係好好味!! 個汁好refreshing, 而個青口都好新鮮!~呢個都係推介, d飯軟硬適中, 汁亦較得好好味~亦都好足料!朋友覺得好好味,反而我覺得冇咩特別, 好似o係屋企都會好易整到咁, 配料都係一般既bacon呢個最上屠係麵包糠,牛油,蒜蓉焗香而成,中間係菠菜個人覺得唔太好食, 因為覺得最上層太buttery, 好漏,冇咩特別!可能係我本身expect 佢有cheese 出現...點知...分量一如以往偏大, 最後要打包!~店員服務好好, afternoon 時段亦冇咩人, 我地足足o係入面留左4 hrs!!

Booking有少少混亂，女兒早幾天才訂枱，居然有枱，真是奇怪，絕對相信女兒會錯，過去曾經安排全家9天台灣自遊行，非常井井有條。當天到歺廳，門外已有不少人黑着面等枱，侍應更說我們booking是明天，再查看下，便安排我們入坐，但八時前要還枱，有個半小時，非常足夠。店內環境較暗，牆上掛了不少相和畫，加上60年代歐美歺廳佈置，感覺非常好。 坐低後即安排凍水、歺牌，跟着是麵飽、橄欖油和醋上枱，不用order，不夠可免費再加凱撒沙律 - 比起過去，這是最差一次。但和坊間歺廳和酒店，也是天與地之分別，所以女兒說"好好味"芝士焗薯片 - 必點之選，仔仔吃了大半盤，希望可再來一盤意式前菜拼盤 - 第一次點這菜，估唔到真的大碟抵食，意式火腿、尤魚、青口、大蝦、沙律菜、橄欖、青椒、蕃茄、笳子白汁青口 - 好味，但不是我口味，全家也大讚好味海鮮意大利飯 - 如果是意大利米，多一點點忌亷，令飯可更加香滑...就PERFECT肉眼扒 10oz 5成熟 - 須然5成熟，但也不可能快過即食麵，入單後不到3分鐘，便巳送上枱。肉質非常好，應是A3貨，蘑菇燒汁也好味道共1千1百多元

最近染上Tiramisu 癮，加上意大利飯癮未退，正好到此餐廳過過癮下午二時許，peak hour已過，可以輕輕鬆鬆walk in就坐，加上仍有set lunch供應，正好令我可以試到海鮮意大利飯同Tiramisu兩款食家勁推既"鎮店之寶"！ 可能海鮮意大利飯係"鎮店之寶"，因此被編入貴d既executive set lunch section，而普通既set lunch 都有好多選擇，carbonara，意大利粉，天使麵…都有得揀！但一心要過下海鮮意大利飯同Tiramisu癮，貴d就貴d！ set lunch 包括是日餐湯 / salad + 主菜 + coffee or tea. 忌廉磨菇湯：夠滑，夠creamy，但磨菇味唔夠濃郁 海鮮意大利飯：好足料同香濃既意大利飯！每一口都有海鮮！勁！但海鮮以墨魚粒、大蝦粒同青口為主，本人比較抗拒青口…所以較難評論；但蝦就好爽！而個海鮮汁則加入少許龍蝦汁同茄汁，味道唔錯，但比較溜，亦無非食不可既吸引力… 加上意大利飯過林，缺少左應有既趙口，有d可惜。 Tiramisu：好失望… ，mascarpone cheese 係成本較貴既食材，但佢係t

已經有幾年冇黎過, 食物水準同裝修依然keep得好好, 久遺了o既味道又重拾返, 好滿足的一個生日晚飯!1) 首先待應梗係送上好好味o既餐前麵包 (2個軟包+2塊脆餅), 因為太肚餓o既關係, 所以我同老公食晒之後再叫待應比多一份我地2) 海鮮意大利飯 - 好濃味o既海鮮湯煮出黎o既飯, 好在又夠熱, 好難o係第二度食到呢個質素o既海鮮意大利飯3) 紅酒汁牛扒 - 好香炭燒味道, 塊扒都夠肉汁, 我地好怕切開有血, 所以叫7成, 都ok, 冇血水但又唔會過熟, 又有好大個新鮮蕃茄+大pat薯蓉伴碟, 好開心!4) 菠菜炒磨菇 - 好香o既磨菇味, 配合入晒味o既菠菜, 份量又啱啱好, 係叫沙律以外o既選擇5) 因為訂枱時講明我生日, 所以餐廳送左一個麵包布甸比我, 仲插埋支蠟燭添, 不過我都唔想咁高調, 所以叫佢地唔好唱生日歌, 放低就ok喇, d待應service都好好, 同我講左句"happy birthday", 之後又主動幫我同honey影相, 好開心當晚我都見到在場起碼有5枱客生日, 我諗呢度都係慶祝生日o既熱點!

生日飯局展開中,而今次可是同一批最要好的朋友慶祝,所以選擇了九龍塘的Amaroni's Little Italy,喜歡這裹有家的感覺.古舊的裝修配上油画及水晶燈,這種中世纪的感覺一流,加上這裹大量的人客,一入門口就有種熱鬧的感覺.而且是開心的那種.由於齊人後大家便滔滔不絕地閒談起來,所以整顿飯裹,我真的没有放太多注意力在食物上,只是吃到美味的食物時會望一下,睇一睇.所以這篇食評也由最深記憶的食物開始寫起吧! 海鮮意大利飯:外表己看得出用料的豐富,用上大量的大蝦,魷魚,青口...等,分得一小份的利大利飯中,我也能吃到两種新鮮的海鮮材料.而且這個飯的茄汁和芝士分配相當平衡,再加上蝦膏的鮮味和甚有口感的飯粒,真的是越吃越鮮,越吃越滋味. 焗鱸魚:外層包上麵包糠,香草和芝士同焗,所以外層又香又脆,好喜歡這種香ロ又脆的口感.加上內裹無骨又鮮嫩的魚肉.一流!最緊要是一點兒腥味也不存在.更令人開心的是没有魚骨. 鮮茄湯:這湯的濃度可比美於茄膏,但絕對不是用觀頭茄膏來弄的.清新的鮮茄味配上帶有芝士味的脆麵包.又有味感又有口感. 芝士菠菜大虾:喜歡菠菜和芝士溝埋的味道,两種材料都有自己獨特的味道,只是溝

果日同3個朋友去慶祝生日～事先book定dinner台～餐廳服務非常好～會晏晝打電話黎同你confirm booking入到餐廳裝修真係好靚好有氣氛～牆上面有好多畫同相～仲有巨型吊燈～配暗紅色梳化～純白色枱～真係好有氣派任添餐包 vs 黑醋檻欖汁 白汁(卡邦尼)火腿磨姑意粉：原先呢個粉真係要俾個喊佢架啦～因為太少汁，意粉同配料就夠哂多，但汁太少搞到無左卡邦尼o既意義....好彩後尾叫待應俾多個汁我地，個意粉即刻復活！！好香奶油味添～檸檬汁香草露絲瑪莉雞：原先想叫主菜的露絲瑪莉雞，但決定叫pizza就試下呢個前菜；首先個汁，唔錯架～檸檬汁唔會太酸但幾開胃但ｄ雞就有點鞋啦可能佢只係雞鎚，唔夠原隻雞咁滑啦；但總括黎講，係雞還雞，汁還汁．．． 海鮮意大利飯：勁濃龍蝦汁起初見佢咁橙仲以為係茄汁底～點知成個飯都好香～而且飯粒夠硬身～唔會一pat pat Creamy又多料～讚好！意大利辣腸pizza：朋友們給這個評價是批底和邊不夠脆，但我覺得ｏｋ～邊同底厚度適中，配料同個底中間有層薄薄的茄汁令佢唔會太乾身，而且勁巨型的ｓｉｚｅｓ真係可以塞飽你！(一客有12件嘛)香蕉朱古力麵包布甸：生日送的甜品，４

八月中旬，選擇在 Amaroni's Little Italy 為好友慶祝生日，近三百個的笑面，相信食物有一定水準的。一行六人，訂了某周日晚上七點，是繁忙時段，侍應早已說明八點半要還檯，當然沒有問題。標準的西餐廳格局，燈光調得較暗，少少缺憾是當人客一多，環境就會變得十分嘈吵，感覺跟高格調的茶樓差不多。七時入座，一邊等朋友，一邊吃餐前麵包，入口軟熟又不會凍冰冰，搽些牛油吃也不錯。今餐由朋友發板，下單後不到十分鐘，所點食物已一次過全送上來，上菜速度令我有點傻眼。先試的是特色沙律，「特色」在於所用的材料百搭，生菜、洋蔥、雞肉、芝士乜都有，菜倒算新鮮爽脆，味道則較淡，感覺比較健康，但我會喜歡凱撒沙律多一些。壽星女喜歡吃青口，就叫一客蒜蓉青口，約有一打，青口頗肥美的，入口帶一絲清甜，以蒜蓉調味非常穩陣，失手的機會不高。主打的意大利特色拼盤內容豐富，包括拼全雞、肉丸、肉腸及牛膝，加上甜椒、焗薯作伴菜，份量剛好六人分享。先試佈滿醬汁的烤雞件，雞皮仍算香脆，肉質也比想像中嫩滑，雞脾位更加吸引。肉丸茄味十足，口感比較實在，不比宜家吃到的差。肉腸相對比較普通，牛膝軟腍入味，但數量不多，真係好快有好慢無。最