果子｜海南雞飯·喇沙摻摻 (啟昌樓) (已結業)

果子｜海南雞飯·喇沙摻摻 (啓昌樓) (大埔)間中會跟家人到大埔逛街再順道吃個晚飯回去座位多而闊落大約到晚上七點近乎滿座而且眼見不少外賣落單辣蟹醬火山包藍碟花椰漿飯馬來西亞肉骨茶無骨海南雞都是果子出名的菜色馬來西亞肉骨茶 $84-今次試了肉骨茶，包一碗白飯 肉骨茶用黨蔘，川芎，當歸，玉竹，甘草，陳皮多種藥材慢火煮成 入口甘香，配飯一流海鮮喇沙摻摻 $68-裡面有大蝦，蜆，魚觸，豆卜，芽菜 摻摻為油麵及米粉兩溝 亦可轉兩者其一 兩溝口感特別 椰香味特出馬拉盞炒通茶 $50-份量很多 通菜炒得爽脆 馬拉盞味香口開胃！無骨白雲酸辣鳳爪 6件/$18-酸辣適中，非常開胃小食拼盤 $62-南乳雞翼，春卷，香辣魚餅，香脆吉列蝦 每款各兩件 春卷及香脆吉列蝦非常香脆可口 配上泰式醬料增添層次 南乳雞翼大大隻 香辣魚餅「陰滋」少少辣美祿恐龍 跟餐+12-鍾意美祿者絕不能錯過 飲一啖美祿再用匙品嚐一口美祿粉 這是小朋友時好想體驗一下的食法凍珍珠奶茶 跟餐+10-家人點的！果子｜海南雞飯·喇沙摻摻 (啓昌樓) (大埔)大埔汀角路11-13號啓昌樓地下13號舖…查看更多

難得嚟到大埔睇下戲棚踩roller 就緊係搵下好西食先向戲棚附近搵左間星馬菜餐廳餐廳裝修企理，食物多元化海鮮喇沙摻摻$68材料豐富，好爽既蝦，冇沙又肥美既蜆，白魚蛋豆卜雞蛋，配埋椰奶香味濃郁嘅湯底，好好味無骨走地海南雞半隻（配油飯）$138平時就咁無骨海南雞就食得多，今次試下走地海南雞，油脂唔會多，肉質尚算嫩滑，唔會太硬，適合減肥人士白雲酸辣鳳爪$18味道酸酸辣辣又夠凍，但怕辣既我都覺得好開胃超好食，唔會有麻痺麻既感覺，大推！小食拼盤$62南乳雞翼好香南乳味，唔會過鹹，夠晒香口吉列蝦皮薄春卷夠哂卜卜脆，勁好食香辣魚餅味道香辣，不過比較鹹，一般沙嗲雞肉串燒$22沙嗲醬好香花生味同椰香味，勁正！配埋燒得恰到好處既香嫩雞肉，仲食到juicy既感覺認真驚喜！忍唔住encore 多次黎食青檸梳打$12熱薑蜜$8餐廳行親民路線，做街坊生意多，但估唔到食物質素好好，CP值好高，回頭率高，難怪長做長有…查看更多

在太和開業了好長時間的星馬菜小店，常常路過見到菜單好多選擇，平日還有價錢相當相宜的晚市套餐呢。星馬菜不能缺少的喇沙，果子的海鮮喇沙配料很豐富，有鮮蝦﹑蜆﹑白魚蛋﹑豆卜等，海鮮食材新鮮，尤其鮮蝦肉質爽甜，的確有驚喜。喇沙的湯底椰奶香味很重，非常濃郁，而麵條則是混合了油麵及米粉兩種麵條的，一粗一幼的口感，搭配太量芽菜，是正宗的喇沙😎餐廳連海南雞都有兩款選擇，我們今次試了無骨走地海南雞飯，走地海南雞的雞皮非常爽口，平日我很怕走地雞的肉質會較硬身，但這裡的走地雞處理得相當好，油脂不多但肉質同樣軟滑，配上黑醬油﹑油飯﹑拍青瓜及清湯，非常滿足的組合。點了一份馬來西亞肉骨茶煲，原來是跟白飯的但我們怕吸收太多澱粉所以向店員表示不用配飯😋肉骨茶的藥膳味道適中，平時不敢吃藥膳口味的人相信也很能接受，裡面有排骨﹑豆卜﹑枝竹﹑滷蛋等，全部吸滿了肉骨茶的精華🤤還有油炸鬼可以蘸肉骨茶吃呢最後還點了一份無骨鳳爪小食做一碟炒通菜，晚餐跟了凍檸檬薏米水(+$8)及美祿恐龍(+$12)，叫了一滿桌大餐都只是$343，CP值相當高的平民餐廳呢😁…查看更多

第五波前都有同大埔老友踩吓單車，之後，就當然要暫緩吓啦，直到最近，疫情落咗好多，單車就仲未踩住，不過，就行轉短山。既然就大埔老友，就行番嗰邊，並專登晏少少起步，行完食午餐都可以避咗個高峰時段。老友帶路，推介呢一家主打星馬菜小店「果子」:)，見人話風評不俗。門面唔算好大，但原來踏入鋪中，就會見到個鋪位好深、好長，環境整體都闊落，一室木系裝修，設計比較簡約。絕大部份都喺4人座，加上依家仲喺2人限聚，又過咗放午飯嘅高峰時段，啲客又識各自走位，所以，倍感寬敞，坐得舒服。雖然，餐廳主力喺賣星馬菜，不過，午市各類套餐亦增加咗多元化，定價亦親民。午餐基本上附送飲品，不過，既可以加配小飲，轉其他嘢飲，又有優惠，變得更具彈性。 飲品方面，除提供意式咖啡之外，最驚喜有唔少台式飲品，補番個價亦唔貴，所以，我哋都轉飲特飲。其實，佢哋加咗咁多台式飲品，就喺見佢哋拓展埋飲品外賣嘅生意。用餐期間，都見唔少年輕人嚟買凍飲。惹味沙嗲牛肉串燒 $22星馬菜嘅小食，第一時間就想起沙嗲，老友同我都鍾意食，所以，試上一客沙嗲牛肉串。牛肉面面淋咗好多沙嗲醬，香濃惹味，帶有花生微粒，貨真價實，而牛肉燒得有點焦香，又唔乾，記緊要趁熱食。 馬鈴薯炸蝦卷 $22另一款小食就揀呢個炸蝦卷，因為覺得幾得意，賣相亦都幾靚仔，炸到金黃。外層嘅薯仔絲炸得香脆，最緊要喺唔油膩，而裡面嘅大蝦亦好鮮甜，口感爽彈，食得出唔喺雪藏貨，沾上類似泰式嘅甜酸醬，更具風味，並更減油膩度。 海鮮喇沙摻摻 $60睇外觀就知份量好十足，大大碗，兼且個喇沙湯頭色澤金黃，面頭放滿海鮮，有鮮蝦、大蜆、魚片、豆卜及雞蛋，老友話實在吸引。先呷一口湯底，濃郁鮮香，椰香慢慢滲出，夾雜富層次嘅香料味，佢話個湯的確好得；啲餸料亦都好正，蝦同蜆都好鮮，魚片夠爽口，老友話第一次食「摻摻」，即油麵拼米粉，覺得好過癮，特別有口感，索晒啲湯入口，真喺無得彈。 無骨走地海南雞飯 $65午餐中有款「無骨海南雞飯」，但我見餐牌面又有一款賣貴少少嘅「無骨走地海南雞飯」，問問店長，原來前者喺油脂多啲，肥啲，而後者就基本無乜肥膏，爽身啲，所以，揀後者嚟試試。走地即喺走地，皮下脂肪近乎無，而雞皮好爽，啲肉又好嫩滑，加上已去骨，啖啖肉；佐食嘅3款醬汁：薑蓉、秘製橙醬、黑醬油，夠晒傳統、地道，油飯亦出色，飯粒爽身，帶少少油香，卻唔膩，搵埋啲薑蓉同黑醬油撈飯食，更喺一流。 仙草奶茶 +$10老友話估唔到飲落都幾大杯，台式奶茶味道唔錯，茶底幽香，雖無港式奶茶咁濃，但一樣有風味，加上滑溜溜嘅仙草，有得飲，有得食，夠爽呀。 黑糖珍珠鮮奶 +$16黑糖喺小弟嘅心頭好，由於一朝早已晌屋企嘆咗杯咖啡，所以，就無揀珍奶茶，改飲珍珠鮮奶，其實，鮮奶一樣啱我。大大杯珍珠鮮奶，睇見啲黑糖沉落底，形成少少「虎紋」，已相當吸引。近排天氣好熱，飲杯凍飲特別爽，啜一啖先，奶味都好濃郁，而黑糖嘅味道好純香，加上珍珠煮得QQ咬口，確喺好飲。 今餐午飯真喺食得稱心，一來地方大，客人唔多，食得較安心，二來無論啲星馬主食，抑或台式特飲，都相當具水準，定價又親民；加上服務好，食完仲即時幫我哋收拾好枱面，等我哋繼續坐，慢慢嘆埋杯嘢，有種慢活嘅感覺，正如店名「Life Cafe」，享受人生。…查看更多

位於太和嘅星馬餐廳，午市時間都唔少人嚟幫襯💁🏽‍♀️💁🏽‍♀️1️⃣ 海鮮喇沙摻摻 $60🤍4/5🌩 呢碗麵好足料🤩有原隻大蝦、蜆、魚片、豆腐、汆蛋等配料非常豐富😍🌩 米粉搭油麵口感更有層次✨🌩 喇沙湯底亦唔錯，比起出邊嗰啲感覺冇咁鹹，而且少少辣更惹味😋2️⃣ 印尼炒飯 $60 🤍4/5🌩 原隻流心太陽蛋佢係炒飯上邊🍳🌩 炒飯味道有啲似生炒糯米飯😂幾有鑊氣🌟🌩 沙嗲雞肉串燒得幾香幾惹味🐓🌩 啲蝦無喇沙嗰碗咁大隻🦐不過唔影響味道，配上秘製辣醬好滋味😋而且仲好細心咁剝咗蝦殼，食得方便😌😌3️⃣ 南乳雞翼 (跟餐+$15) 🤍4.5/5🌩 色澤鮮明，賣相吸引🤩🌩 一叫即做熱辣辣，肉質嫩滑多汁，食嗰陣雞皮仲要係脆嘅🥺4️⃣ 奶茶芝士奶蓋 (跟餐+$14)🤍4/5🌩 份量好多🌟鹹鹹芝士奶蓋好creamy，配上淡淡茶香幾清新😌5️⃣ 美祿恐龍 (跟餐+$12) 🤍3/5🌩 同上份量都好多，美祿配上美祿粉嘅星馬特色飲料，美祿粉嘅份量偏少💦不過幾鐘意佢唔會太甜😄…查看更多

其實本身無諗住去呢間食，只係路過被門面吸引加上去個時又唔洗等位。就咁睇門面同個名叫果子睇落仲以為係食蛋糕甜品cafe，睇餐牌先知係星馬菜。座位空間唔會有壓逼感。Lunch time時間仲要禮拜日食60蚊就連熱飲都合理既。碗麵係油麵同粉絲撈埋一碗不過都無咩違和感，但聽落係有些奇怪既撈埋一齊，但都係滿足到又想食粗麵同幼麵既我。有3粒蜆 2條蝦 幾塊豆卜同魚片 不過留意少辣，所以我係會簡凍飲配呢碗麵，感覺無咁熱。對果子既評價係都算可回頭既餐廳。:)…查看更多

個飯有淡淡既椰奶香好好味而且飯身唔會濕蝶豆花其實本身無咩味但就係天然既食物染色劑佢既花青素更係一般植物既10倍真係好睇而又有營養👍🏻✨跟飯可以自選兩餸或者三餸同朋友們揀左香茅豬扒同去殼蝦個飯本身仲會跟埋滷水蛋、蝦片、花生同魚仔乾仲可以點埋沙嗲醬辣辣地特別惹味成個飯都好豐富好香好好味😋👍🏻其他菜式都一樣好味👍🏻最重要一點係佢既價錢我覺得係非常實惠👍🏻 CP值高👍🏻有機會一定會再幫襯呢間餐廳😋…查看更多

Follow得耐小編既人都知道我係1個超級鍾意星馬泰食物既忠粉黎既😆，一黎到已經備門口既餐牌吸引左，大件夾抵死！吾洗$80蚊就食到飽，佢地既飯用左蝶豆花整既椰漿飯，食完個口變左阿凡達🤣可以自選2️⃣～3️⃣個餸，每份既份量都頗多！飯隔離既醬汁超級好撈飯，無論係掂餸定系撈都係無得頂，之後仲refill左1️⃣碟😋-另外仲叫左海鮮喇沙摻摻，湯底好濃，啱哂重口味嘅人！但係可以再酸啲，份量亦都幾多，用左幼麵黎左，所以都幾吸湯汁！所有精華都索哂🤤…查看更多

呢日去完慈山寺洗滌心靈🙏🏻 就出返去大埔醫下肚好耐冇食過星馬菜又見到呢度嘅午市套餐睇落唔錯就去試下😋.🌟海鮮喇沙摻摻（微辣）($60)摻摻係星馬出名嘅湯麵🍜麵底用左油麵同米粉一齊放湯 好有歷史典故餸菜方面就有蝦🍤、蜆、魚片、豆腐卜同芽菜 都好豐富精粹在於湯底有好香椰奶味 微辣🌶️更令我地胃口大開.🌟肉骨茶飯 ($56)肉骨茶當然有排骨、蛋、豆腐卜而且餐廳仲好貼心咁用另一個碟分開裝起油炸鬼 咁就可以自己浸湯 控制軟硬程度 湯底好有藥膳味 感覺好滋補😛仲跟一碗白飯🍚 將飯加落湯底就可以搖身一變做埋湯飯.🌟絲網春卷 2 件 (+$15)大食嘅我地當然會追加小食😋春卷炸得鬆脆 餡料用上芋頭同肉碎 🫔食落份量十足.🌟馬鈴薯炸蝦卷 2 件 (+$20)呢個蝦卷整得好精緻🍤大廚用左馬鈴薯捲着隻蝦然後油炸非常香脆亦都都唔油膩.🌟芒果沙冰 (+$20)雖然已經係九月 但係天氣仲係好熱 真係要加個特飲沙冰消下暑 沙冰嘅芒果足料 非常大杯🥭香甜嘅芒果味仲好解渴解.🌟鮮檸天葵梳打 (+$16)天葵一直都有聽過係健康食材 所以都好想試吓同養生飲落天葵冇乜藥味 同檸檬仲好夾添🍹.餐廳好闊落坐得都好舒服而且店員仲好細心 環境乾淨企理適逢中秋節仲掛上燈籠裝飾🏮 好有氣氛…查看更多

之前係Openrice做功課，已經見到好多人都話呢間新加坡小店抵食又好味，而家仲有軟殼蟹火山包，見到好多食客都讚不絕口，加上自己係麵包愛好者，所以餐廳已經係我腦海留下深深既烙印😆。不過，當日同友人商討後，最終點左好抵食既二人餐，內有兩款小食、一個沙律、兩個主食、兩杯特飲，咁多野都唔過$200，如果唔試佢，真係同自己銀包過唔去😅。特飲先打響頭陣，凍紅豆薏米水、凍美祿恐龍(+$2)前者唔係好甜，飲落好有豆香；後者太甜。小食揀左馬鈴薯炸蝦卷、沙嗲牛肉串前者唔係新鮮炸，蝦亦比較細，一般；後者燒得比較乾身，沙嗲醬幾鹹，都係一般。蕃茄酸辣鳳爪沙律呢個沙律比想像中多，沙律菜新鮮，撈埋個酸甜汁好好味，鳳爪就麻麻地，唔係好入味。海鮮喇沙摻摻呢個摻摻材料好豐富，蝦、魚片、蜆、豆卜、芽菜，麵底都唔少。湯底偏椰味，細味品嘗會食得出海鮮味，個人覺得喇沙唔夠香，同埋可以鹹番少少。咖哩牛腩拼炸雞椰漿飯本身睇餐牌圖片係白色既飯，點知上枱果陣係藍色飯，友人即刻比佢嚇親😂，因為佢只中意食白飯...好彩呢個藍飯食落同普通飯無乜分別，無乜椰漿味。咖哩牛腩分量唔少，而且件件都係肉多過肥膏，咖哩香濃惹味，唔錯。炸雞類似唐揚炸雞，炸粉好薄，唔界口，雞肉幾滑，佢隔離個辣醬係重點，香辣惹味，令炸雞味道昇華😃。個人覺得整體味道一般，勝在價錢吸引，人均$110就食到咁豐富既星馬菜。…查看更多

餐單見到火山包既相好吸引，有咖哩牛腩、大蝦同軟殼蟹，我地揀左軟殼蟹火山包。個醬原來唔係咖哩醬，係新加坡胡椒辣蟹既果種醬，味道不錯，入面除左有軟殼蟹，亦有其他不同的海鮮。另一個主食要左個三餸藍蝶花椰漿飯，藍色飯好吸睛，亦夠椰漿味。三餸要左鯖魚、牛串同炸雞，三樣既味道都唔錯，尤其係牛串好嫩！另外加左碗細既肉骨茶湯，舊豬骨煲到好冧好易咬，好味！最後當然唔少得食喇沙啦！我地叫左個一人套餐，小食要馬鈴薯炸蝦卷，幾脆，蝦都爽口。海鮮喇沙摻摻都幾足料，湯底可以再濃味d。飲品要左杯熱檸檬薏米水，真係用薏米煲的！👍🏻…查看更多

趁著假期去大埔海濱公園遊玩後便吃午飯，見到這餐廳評價不錯而且門口有不少人排隊等外賣，難得來到大埔當然要找一間大埔的餐廳而非連鎖店。餐牌選擇蠻多，可選午市套餐，$48-$60不等，另外加$15-$20有小食，附送飲品，特飲補差價。海南雞飯相信是必點的，原來有兩款選擇，一款是普通雞，另一款係走地雞，想試下當中的分別就點了走地雞。首先顏色偏白，肉質較瘦，雞肉鮮味十足，雞皮都又薄又爽，由於沒有多餘脂肪，我覺得連皮食都沒有罪惡感。配上三色醬，非常惹味。我最鍾意辣醬，辣度剛好，薑蓉亦夠香。油飯粒粒分明而且充滿油香。海鮮喇沙摻摻材料好豐富，有大蝦，蜆肉，蛋，魚片同豆卜，摻摻是混合了油麵和米粉一起煮的，我特別喜歡這個因為口感豐富，不是很多餐廳會有這款，推介。另外湯底濃郁，魚片頭彈牙，海鮮新鮮。小食方面點了馬鈴薯炸蝦和沙嗲雞肉串燒。馬鈴薯炸蝦，外層的薯絲脆口，但內層的炸得不夠，引致過油。沙嗲雞肉串燒，雞肉幼滑，沙嗲醬汁香濃，好惹味。飲品點了檸檬薏米水和紅豆珍珠奶茶。檸檬薏米水是送的但一點也不馬虎，薏米非常足料。紅豆珍珠奶茶也不錯，茶底是偏濃味的，珍珠也有咬口，當然有黑糖味更好，但只是加$8，這個價錢非常抵飲。整體食物質數滿意，服務態度非常好。…查看更多

在朋友的介紹下，才知道太和這邊有喇沙吃！二話不說就跟朋友來這裡晚飯啊～～～個人很喜歡某一家連鎖餐廳的海南雞喇沙見到果子也有這款喇沙選擇，就決定試試，比較一下兩店的味道！朋友就選海鮮喇沙摻摻～～～喇沙湯底有很香的椰奶味，唯整體不夠香濃惹味！配菜有半隻雞蛋﹑魚片及豆卜，豆卜的豆味幾香，但不吸湯，所以略淡口～米粉和油麵都較幼身較稔海南雞夠嫩滑，但雞味不夠濃～朋友的海鮮喇沙摻摻，海鮮配料幾豐富，有蝦﹑青口及蜆60多元有這麼多配料，都幾抵食～朋友分了一隻蝦給我吃，惜蝦的肉質不算十分爽口彈牙～～飲品是美祿恐龍美祿味淡了一點之餘，奶味也稍稍重了一點點整體而言，食物及飲品質素中規中矩，未算特別出色座位算寬敞舒適偶爾想在家附近吃喇沙，也可以考慮光顧的！…查看更多

最初見到舖頭名以為都係all day breakfast或者咖啡店啦又估佢唔到喎 原來係星馬菜🍜海鮮喇沙摻摻賣相相當吸引 材料豐富蜆好鮮甜 但蝦就完全冇彈牙既口感喺星馬食正宗喇沙可選擇油麵或米粉而兩溝(油麵+米粉)就叫摻摻呢度既摻摻主要以油麵為主如果提高米粉比例 相信口感應該更佳值得稱讚既係湯底👍🏻濃郁惹味帶微辛椰漿味偏重 但絕對唔會遮蓋喇沙既香辣兩者互相輝映 既香且甜以呢個價錢 有呢個質素都算不過不失 值得回頭…查看更多

小編的媽媽是馬拉華僑，令小編從小接觸不少地道星馬美食。近年，香港也開了許多主打星馬菜的餐廳，今日終於去了位於太和的果子Café一試。我們點了肉骨茶飯和海鮮喇沙摻摻，午市套餐會附送兩杯飲品，我們點了熱即磨咖啡和熱柚子茶。🌿 肉骨茶飯 $58肉骨茶湯入面有蛋、排骨、豆卜，配白飯一碗。另外有小碟裝有辣椒粒、點排骨的甜醬油和兩小件油炸鬼。或者許多香港人未必知道，在星馬食肉骨茶可加油炸鬼浸湯食，我想原理跟打邊爐將炸魚皮浸湯食差不多🙈不過，這裡的小細節令小編更失望；因為油炸鬼不新鮮，浸湯後仍很硬，而且有油膉味，因此小編寧願無油炸鬼了。其他食材不過不失，值得一讚的地方就是湯的藥材味頗濃，而且夠香，有回甘， 撈湯食一流。🌿 海鮮喇沙摻摻 $63果子的喇沙摻摻跟許多香港餐廳一樣，味道較似新加坡叻沙：椰漿味重，偏香偏甜。在星馬食喇沙，麵底可選油麵、米粉或摻摻。摻摻是指油麵摻米粉，這裡的油麵多，米粉較少。喇沙的賣相吸引，有大蝦兩隻、半顆蛋、魚片、蜆、豆卜和少量芽菜。喇沙的湯惹味亦夠熱，湯面也有不少辣油的油花。唯一略嫌麵質較稔，不夠爽彈；另外，可能小編較重口味🙈，如果湯可以鹹少少就更好。🌿 小結：餐廳環境舒適，外觀設計似小清新咖啡店。價錢中等，份量足夠，午市套餐還可加小食和甜品。有機會的話，小編會試一試果子的蛋糕😛…查看更多