南駅 (已結業)

窩夫與蝦子餅經過南駅的門口很多次，但一直沒有機會光顧，早前TVB有飲食節目介紹過它的海南雞飯，窩夫很感興趣呢。南駅的門面採用落地大玻璃，在筲箕灣東大街一眾食肆中頗為突出，很容易便找到。來到南駅，當然要試海南雞飯，可以選龍崗雞($68)或清遠麻雞($78)，窩夫選了價錢較高、曾經得獎的清遠麻雞。清遠雞皮爽脆薄，雞味較濃郁，雞肉很嫩滑，高水準之作。海南雞旁由上至下有一碗油飯，放了一塊雪耳的碗，以及一個小茶壺。小茶壺裡放了美味的清湯，喝的時候才倒出來，這樣可以保持熱度，十分細心。除了海南雞飯，還嚐了廚師推介的香草紅酒燴牛尾配意粉($98)，牛尾的份量十足，炆得很腍，肉味香濃，香草紅酒汁的味道一流。鵝肝多士($78)共有四件，鵝肝不會只得細細粒，以這樣的件頭，真的十分抵食，煎得外脆內軟，只可惜吃時已放涼了一點，趁熱食應該更加滋味。南駅的咖啡吧看來很專業，點杯鮮奶咖啡($35)來試試，拉花很美，味道也很好。

中學畢業後，好多年都冇行番入去筲箕灣。知道筲箕灣近期有間幾出名食海南雞同埋Fusion菜的餐廳，一於就收工去行個圈。夜晚8點去到，餐廳門口依然重要排隊，睇黎大家對於呢間野都幾追捧，一於試試先！人山人海，好彩等左10分鐘左右就有得坐低。一坐低咩都唔洗講，叫左個海南雞飯先！呢間餐廳海南雞有兩種，一種係龍崗雞，一種係清遠麻雞(+$10)，如果要求全雞脾位丶全雞翼或者全雞胸既，可以再加$10轉，符合自己的口味。龍崗雞比較多黃油丶嫩滑丶肉質較肥，而清遠麻雞就比較皮薄丶雞味濃丶肉味重。平時食開的係龍崗雞，今次就試下清遠麻雞。首先要講一聲，海南雞飯的主角唔單止係雞，油飯都係佢靈魂之一。呢道的油飯好香，食落口時口感清爽，唔會覺得好油膩，飯亦都唔會痴埋一舊舊，相當唔錯！而另一主角清遠雞，食落口時好嫩滑，雞似味相當濃郁，食落口時有點雞油但唔會感到肥膩。配料有海南雞醬同甜醬油，各有特色，視乎你喜歡咸定甜。人生第一次見到鰻魚飯同糯米飯煮埋一齊，糯米飯食落口鬆軟，唔會太硬。鰻魚汁滲入糯米飯，令飯身唔會太乾，加添了香及甜味。而鰻魚就煮得好腍，油份好重，啖啖肉都係鰻魚的油香味，唔錯！不過我太大食，唔係好夠我飽話明F

這晚去試屋企附近新餐廳, 位於東大街。東大街餐廳林立, 這家店新開張, 整家餐廳是落地玻璃, 感覺光猛開揚, 我坐在玻璃旁的一張台, 對著大街, 非常舒適寫意!Menu 封面用餐廳實景拍攝!店員給每位客人一杯水!先來了一杯焦糖鮮奶咖啡, 有精美的拉花, 香濃幼滑, 值得推介!主打是這裡的海南雞飯, 選配了清遠麻雞, 肉質鮮嫩, 夠滑, 皮夠金黃及雞味夠濃 , 有傳統的3款醬汁提供, 油飯好入味 !隨碟附上雞湯.另外試左碟黑椒安格斯牛炒意粉, 牛肉份量夠多, 又炒得夠爽身,唔會好油店員推介我試的黑松露海膽凍豆腐, 好好食, 海膽及黑松露夠多, 海膽好新鮮!與黑松露的配搭加上凍豆腐,口感好滿足!配有獨有的醬汁, 是不可多得的一道冷盤.