BAKE Cheese Tart (已搬遷) 新店位置

每一次經過Sogo 超級市場見到這間流心芝士撻還是心思思想買返一個黎食。還記得初初剛開業時，因為是日本過江龍的關係，客人蜂擁而至，一撻難求，要排隊起碼45分鐘先會買到。至令已開業兩年多，熱潮過了，當然人流已不再，所以好容易便可以買到了,之後其實再出左朱古力味流心撻，雖然朱古力醬都濃味濃郁，但始終都不及芝士原味正流心芝士撻，在店外的櫥窗可以睇到一個個芝士撻整齊地排列在盤子上，每個的芝士撻都新鮮出爐，好挺身，睇到都流哂口水。芝士撻攞上手都感受好溫熱，外面的曲奇皮好脆而且牛油味好重，咬開中間濃郁的芝士不停地流出來，芝味十足，回味無窮～店舖有建議是即食同凍食（即是放在雪櫃之後先食），個人認為當然新鮮熱辣辣是最好食，Bake的芝士流心撻是貪食專員心中最愛的小食之一

上完堂，買完野，甚至係街邊食左小吃，但個肚仲有點空虛，於是走落SOGO，買了一客流心芝士撻充一充個肚皮流心芝士撻($20)價錢少許貴，到手時，仍有微溫，咬下第一口，發覺撻皮很脆，不似坊間的流心撻，一般撻皮較易碎開，內裡的流心香氣四溢，而且食落口內帶有點點甜滑的芝士香，濃郁而不膩，吃完一個，不會像吃了一般芝士般墜著胃子。絕對是頂級的芝士撻，值得再來幫襯。

其實呢次係第二次食，呢次見熱潮稍退，唔使點排隊的情況下，同埋而家買六個平$10，原價$20/個，只須$110/6個。於是帶了幾個回家。由最初將芝士撻熱潮帶起, 到而家幾乎全港麵包店都出左芝士撻，呢股瘋潮實在利害。呢次食既芝士撻有少少失色，個牛油曲奇撻皮帶點燶不過都尚算脆口。用了三種不同芝士，因為咁，芝味真係好濃，好飽滿。熱食：芝士帶點輕輕既乳酪酸味，流心溢出，配少少甜既曲奇皮，外脆內流心，十分滋味！個人覺得係最夾最好食！凍食：雪完芝士味無咁濃，餡料及撻皮變實，變成一款芝士蛋糕甜品。喜歡凍品既 可以一試。個撻比較細件，就價錢來睇，有點偏高，但此終係來自北海道，真材實料。如果大件返少少就更加滿足。即焗即賣有些面好似焗到葡撻咁有少少燶好飽滿既芝士呢個係雪完後既樣，芝士餡實左, 另一種口感食法，不妨一試。Re姐推介指數：4/5

唔流心嘅流心Cheese tart，今日行過見唔使點排隊就買來試吓啦，條龍咁短都要排左足足排咗二十分鐘應該係史上排得時最短時間勉強可以接受，其實幾好食都無用，冇諗過排隊買個撻食，期待左咁耐梗係好想快啲試啦，返到公司路程4分鐘都冇一打開攞上手一啲微暖嘅感覺都冇仲要冇流心～原來流心芝士撻要自己返叮先會流心，真心失望～真心冇下次，怪只怪包裝過程太慢卡係熱辣辣先至最好食嘅，係等嘅過程已經由超熱變到凍冰冰

報告報告 :流心芝士撻 : $20/ 個.$110/ 6個 (盒).(9月4日前, 買5送1, 即係 $100/6個).每人限買12個.當日星期六, 7pm, 排左1小時45分鐘. 的確條龍keep住甘長, 因為下午2pm龍尾位俾店員叫停, 唔俾排.晚上再黎, 龍尾都係同樣位置, keep住不停有人黎排.當日出爐既芝士撻都係常溫, 食唔哂可放雪櫃, 可保存4天.(店員提提你: 流心效果, 食時小心漏到落衣服)我當日買回家食, 係常溫食, 一樣有流心效果. (再焗熱可能更好味)芝士味好濃郁, 而且好軟滑. 帶酸忌廉味較重的芝士蛋糕味. 撻皮邊硬身脆口. 可能酸味重, 食完唔太膩.(女仔1個都夠喉, 男仔1個唔夠喉) 食法. (1) 出爐當天, (2) 凍食, (3) 再次焗熱.已出燼芝士撻 (上)未入爐芝士撻 (下)店員冇停過手, 不停有新出爐芝士撻, 但條隊甘慢既原因係, 將撻放入盒, 因為要小心包裝好, 所以都好費時, 但店員越黎越熟手, 應該會越黎越快.