德美壽司

營業中

休息中

今日好鬼忙！忙到冇時間坐低慢慢食，咁就咋咋臨去買外賣返嚟再繼續做！醒起附近德美壽司呢期做「外賣自取有九折」！正合我意❤️呢度出名食材新鮮抵食又大件🤫🤩🤩🍣 加州卷：卷物好大舊👍🏽一啖食唔晒😲青瓜咬落係索索聲㗎！好新鮮😋🍣芝士鰻魚卷：芝士佔1/4，鰻魚比例係1/2，份量十足！舊鰻魚食落口仲係暖暖地，加埋勁多蟹籽卜卜聲...識食一定要叫兩個卷物🤭抵食夾大件💯🍱活鰻魚朴葉飯：鰻魚大條又厚肉，肉汁豐富肉質軟滑，配埋鰻魚汁餸飯一流，推介🙌🏼等咗15分鐘就有得拎，芥辣豉油麵豉湯乜都齊！我冇食午餐連晚餐宵夜一次過😬食完飽到上心口🤤🤤🤤

上個月先食完依間，今晚又心思思和朋友過來食。可惜疫情嚴峻下餐廳食客需隔枱坐，座位有限等位需時，所以我地轉左外賣食。原本打算去K11空中花園用餐，可惜花園無開，好彩朋友諗到去附近的訊號山公園食。對住維港夜景戶外用餐都係第一次，公園無人我地好似包場咁，感覺又幾正喎。外賣有9折優惠，賣相和堂食差別不大，份量亦唔少，叫左沙律和壽司戶外食比較方便。蟹子沙律 $50粒粒的蟹子和美味的沙律醬，撈埋爽口的青瓜絲和軟綿的蟹柳絲，清新美味的前菜，最愛大大啖當麵咁食。厚燒玉子 $38得三件價錢不便宜，但又幾好味喎。口感細密味道甜美，凍食好似食甜品，一啖一享受，唔錯。自家製燒腐皮餃子 $49薄薄的腐皮作餃子皮包住軟彈的肉餡，口感味道唔錯，醮埋餃子汁食落無咁油膩，幾好食。活鰻魚朴葉飯 $99鰻魚肉肥美軟腍，肉質嫩滑無碎骨，飯粒粒分明，可惜美味的鰻魚汁不多，飯未能粒粒掛汁，總覺得不夠滿足。牛油果軟殼蟹卷 $79外層牛油果入口即溶，果肉薄欠點果香，卷裡包住炸軟殻蟹都幾足料的，炸蟹炸得香脆美味，大大件份量唔少，不過要小心夾以免散晒。加州卷 $48配料又係蟹子沙律啲 friend，口感味道唔錯，四件抵食夾大件，食唔飽打

因為聽日係假期，所以非常多人，多人到差d 連𨋢都出唔到🙈，餐廳既裝修幾有日本居酒屋feel，包括少少嘈雜既環境🤣，由日本仔乾杯嘅聲音變左女仔既傾計聲😝，可想而知係有幾熱鬧。餐廳仲有吧枱座位提供，等大家可以睇住師傅炮製大家將會食到嘅刺身😍！吧枱上方仲有是日推介既新鮮時令刺身寫係黑板上面～今晚我叫咗個魚生飯，寶寶就叫咗個鰻魚飯，另外仲加咗個牛油果軟殼蟹卷。麵豉湯 （丼飯免費送沙律及湯）味道唔濃，但好多配料，除咗豆腐、紫菜等一般都有嘅配料，竟然仲有隻蜆😳。沙律夠涼菜夠新鮮，沙律醬亦好夠，酸酸地幾開胃。德美海膽魚生飯 $158魚生種類好多好豐富丫！有海膽、三文魚、油甘魚、帶子、熟蝦、蟹柳、蟹籽、三文魚籽、甜蛋及青瓜絲。海膽雖然唔算高級，但好新鮮冇臭味(試過食過放題有變質嘅臭味😖)，帶子好鮮甜，三文魚肥美，油甘魚有啲入口即溶feel🤩，樣樣都唔錯，一碗入面有齊咁多種刺身，真係好抵食！活鰻魚朴葉飯 $97鰻魚肉質好嫩滑，完全冇鞋既感覺☺️，細骨好軟唔吉嘴，軟到可以吞得落肚咁。鰻魚汁香甜但唔會太鹹，岩岩好，冇蓋過鰻魚既味道，絕對冇功高蓋主之嫌👍🏻。雞蛋絲切得好細好香蛋味，撈埋少少鰻魚汁同鰻魚一齊食，真

厚福街H8 有間壽司店德美壽司，平日晚上也有超多食客，安排坐在bar枱，可以一路看師傅弄壽司，一邊吃。食材很整齊有條理，食物很精緻，師傅也很熟手。甜蝦壽司 $36，甜蝦好甜，蝦尾有細心擺放，芥辣八爪魚軍艦 $30，芥辣八爪魚多到滿瀉。活赤貝壽司 $65，也鮮甜，不過偏貴。火炙帆立貝壽司 $42，火炙洋風三文魚壽司 $33，火灸燒得剛好，比起前幾天放題吃的火灸壽司明顯優勝。牛油果軟殻蟹卷 $77，分開了兩碟上，牛油果好香，實在太喜愛這味道，軟殻蟹卷內有蟹膏，更美味。活鰻魚朴葉飯 $97，份量很多，燒鰻魚配上鰻魚汁，入口即溶，好吃，只可惜飯一般，汁不夠，且口感不及壽司飯。

今日我哋又想食壽司啦，就打算試吓一間未試過既日本料理餐廳.. 就係位於厚福街 H8 5樓 －德美壽司。.一入去已經感受到充滿日式既裝潢，我哋坐嘅位置係比較偏入面嘅一個房間，係間房入面有一個按鈴，可以叫職員點菜。.店內供應多款壽司，但價錢都比普遍既迴轉壽司餐店較貴. 但料理方面都好多款好獨特. 除佐壽司，佢既鰻魚都好出名😍.壽司大盛（3-4人用） $500（鰻魚，三文魚，蟹子，帶子，油甘魚，德美熟蛋，熟蝦同吞拿魚茸）由於太多種類好吸引唔知點簡😍所以就嗌佐依個盛合。（每個種類都各有四件，壽司24件，卷物12件，壽司款式係隨機提供）我地唔夠喉仲encore佐一盆🤤 油甘魚同帶子 ：最鮮甜，唔會腥.熟蝦：好大舊，比平時食開既蝦大好多，好彈口有蝦既鮮味，非常新鮮熟蛋：印有德美的寫樣，好有心思，幾甜其他都不過不失，但三文魚就有根，扣左小小分. .洋風鰻魚班戟 $59一款比較有特色既料理，中間夾雜佐啲水果，味道吃起來很清新，再帶出微淡既鰻魚，好特別.野菜牛肉鍋 $74牛肉好嫩.. 個湯都好濃仲有粉絲好夠味 份量都好足料.活鰻魚朴葉飯 $97會有一塊河葉包住，類似中式河葉飯咁，每啖飯都有葉既香味，鰻

夜啲去等位都等到傻，好彩成幢H8都仲有好多其他選擇，萬一要等好耐又好肚餓都可以去其他樓層睇下！三文魚茶漬飯初次品嚐茶漬飯，很好奇飯同茶到底點樣撈埋一齊食？點知試過後不知不覺就會愛上那股清香的玄米味道🍵，既飽肚又美味！感覺又健康！仲加埋我最鍾意食嘅芫荽，更加香！😻紫蘇沙追魚海膽天婦羅 Basil Sha Jui and Sea Urchin Tempura非常精緻，同時份量都幾少😂不過真係好好味嘅！有啲好Hea嘅餐廳嘅天婦羅咬落去只係一pet粉！相反今次食嘅呢一隻天婦羅炸得非常好！非常可口香脆！紫蘇葉淡淡嘅清香最令人印象深刻！反而海膽嘅味道並唔突出！沙追魚食完我都唔知自己食咗啲咩，分唔到同靖魚嗰啲有咩分別😂😂牛油果軟殻蟹卷Soft Shell Crab Roll with avocado都係好有驚喜嘅一個卷！條炸軟殼蟹真係好大條好完整！個股油益味並唔會好似其他餐廳咁重，蟹味亦都非常突出！卷物上面嘅牛油果非常新鮮，又夠熟！有一種接近入口即溶嘅感覺！蟹籽分量又夠多！鰻魚朴葉飯精緻得黎份量又唔細，用個木兜裝住感覺又高級左！鰻魚切得厚身又多肉，燒到微焦，非常香口而且啖啖肉！醬汁嘅味道亦都恰到好處