小曼谷泰國美食 (已搬遷) 新店位置

自從轉咗工作地點後, 我就多了去九龍城一帶食飯, 今次我就去了小曼谷泰國美食食嘢.天氣咁熱, 當然第一時間點椰青. 椰青水夠清甜, 又解渴, 而且仲有椰青肉食.主菜點了粉絲焗大頭蝦, 泰皇咖喱法包軟殼蟹和明爐蒸烏頭.泰皇咖喱法包軟殼蟹. 咖喱係微辣, 即使唔食得辣的我也食得到, 仲覺得好惹味, 夠醒胃.用來配包一齊食, 兩者好夾.軟殼蟹幾脆口, 而且也算大隻. 粉絲焗大頭蝦.上枱時已經香味撲鼻.蝦幾大隻, 若再彈牙一點更好味. 我係為了粉絲而點這個菜式, 因為粉絲吸收晒所以精華, 特別好味.明爐蒸烏頭. 一口氣食了兩款較濃味的菜式, 就點個魚中和一下.魚肉夠嫩滑, 而且入口帶點檸檬的味道, 感覺清新. 這一餐非常豐富.

好耐好耐好耐冇去過泰國，亦都好耐好耐冇食過泰國嘢。平時同朋友食飯通常都係西式日式中式，好少會提出食泰國嘢。九龍城最出名就係泰國嘢架啦～嚟到九龍城唔係唔試下泰國餐廳呀～於是我哋就揀咗小曼谷呢間比較出名嘅泰國餐廳嘞！門口仲擺咗呢個好可愛嘅吹氣公仔，會一直招手添！當日雖然係平日，但都好多食客！泰式青檸梳打（$30）去親泰國餐廳都要嗌青檸梳打～真係好好味，又唔會太甜～泰式拼盤（大）($163）我哋5個人，所以就叫咗個大嘅拼盤，但其實細嘅都已經夠因為全部小食都想食，所以就叫咗個拼盤哈哈呢個拼盤有蝦餅、魚餅、春卷，仲有個炸燒賣咁嘅嘢～好熱氣但係好好味泰式馬拉盞炒通菜（$74）呢個都係每次去泰國餐廳都一定會叫嘅！好好味呀呀呀呀呀，好香，通菜又夠入味！泰皇咖喱法包軟殼蟹（$128）呢個超級推薦我哋都知道呢度嘅蒜蓉包係必叫嘅，但呢一道嘅法包其實都已經夠晒～首先講下個包，外層焗得好脆，配上咖喱係好好味～咖喱唔會太辣，唔係好食得辣嘅我都ok～軟殼蟹有好多舊，幾個人share都ok！炸得好夠，好脆～配咖喱食仲正！小曼谷炒飯（$80）呢個我都好鍾意！首先上枱個樣已經好靚，用蛋包住啲飯～入面嘅炒飯好足料，有啲海鮮

想吃泰菜❓必選小曼谷‼️小曼谷起九龍城岀唒名好食🙊前前後後都幫襯左好多次了 介紹下平時我必定order嘅幾款菜式☺️💓 泰式炸芝士蝦丸 $125呢個芝士蝦丸上枱嘅時候就好似乒乓波一樣咁大粒🤩蝦丸好彈口 蝦味夠唒濃 仲炸得外脆內軟食嘅時候一定要好小心因為裏面嘅芝士醬非常熱同流心‼️小心辣親咀仔呀🙊💓 泰皇咖喱法包軟殼蟹 $148咖喱唔係剩係得汁 係炒香左嗰隻👍🏻裏面有洋蔥蛋白同埋青椒 所以更加香口而炸到香脆嘅軟殼蟹就放一邊 可以自行決定點唔點咖喱汁🤭呢個餸嘅重點係法包因為法包索晒啲咖喱汁吸收晒啲精華堅好食👍🏻👍🏻💓 明爐香檸汁蒸桂花魚 $188桂花魚本身就冇咩骨 啱晒我呢啲最怕啃骨嘅人食😂條桂花魚都幾大條 質感比較滑 好味👍🏻香檸汁非常開胃 仲微微辣 我飲左一兩啖湯喔🙈 💓 椰波 $45懶人必點之一 幫你起晒啲椰肉唔使自己刮得咁辛苦😍🍽 小曼谷泰國美食 🔎 九龍城南角道8-10號

今日來到九龍城食泰國菜，小曼谷係我其中一個必食之選。門口有架篤篤車，可愛的氣球公仔十分易認。夜晚都幾多人，記得預早打電話訂枱。泰式咖喱法包依個咁震撼的菜式，幾乎每次都會點。今次食叫咗 泰皇咖喱法包軟殼蟹。大大的法包，裡內是滿滿的咖喱，旁邊是炸得香脆的軟殼蟹。將法包切開，醬汁都從麵包中澎湃地流出，好喜歡這震撼的畫面。法包烤得外層香脆 ，中間柔軟，吸收晒咖喱汁，啖啖香濃滋味。咖喱微辣偏甜，帶有蛋香，怕辣的都可以食。軟殼蟹炸脆，啖啖肉，重點係唔要剝殻，懶人之選。 唔覺唔覺兩個人食晒成個法包。 不愛吃魚的朋友，今天突然話想食魚，一於叫個明爐蒸烏頭。 原條烏頭圓潤肥美，份量十足。魚肉肉質細嫩，魚皮柔軟帶油香。唔食魚的朋友都表示好味，沒有泥味，讚！伴菜有豬肉丸、芹菜 、椰菜等好好味。整個菜的精髓在於個魚湯湯底，鮮、甜、清，還帶有、酸梅、香茅、南薑等味道。食晒啲魚肉，仲忍唔住要飲埋啲湯。 最惹味的香葉肉碎燴皮蛋。外層炸得脆卜卜的蝦肉 ，彈牙的蝦肉包住溏心皮蛋，伴香辣肉碎和豆角。肉碎味道似生菜包嗰種，香辣醒胃的。上面炸到翠綠的珍珠葉，令整個餸的擺盤更吸引，食落香味不大，不過脆卜卜咁幾過癮。椰