小曼谷海鮮燒烤屋

呢排係甘比飛泰國既posts洗版，我除左羨慕就係非常羨慕，飛泰國既機會暫時不是我的，一於去食泰國菜止下癮！係九龍城太子道西有間小曼谷海鮮燒烤屋，門口擺左個招手吹氣公仔，非常吸引眼球！泰皇咖哩炒海鮮（$246）滿滿既咖哩汁加上大蝦、青口、蜆、魷魚等豐富海鮮，配埋泰式原味烤酥餅（$32）去蘸咖哩汁。泰式臘腸（$20）男朋友堅持要叫，佢話泰國臘腸係唔同普通腸，味道同口感都正好多，我自己覺得入口比較甜同重香料味，送酒一流！泰式木瓜絲沙律（$72）醒神開胃既青木瓜沙律，份量唔算大，不過好多花生，岩曬鐘意食香口花生既朋友。泰式拼盤（小）（$149）有蝦餅、魚餅、春卷同雞棗，蝦餅、魚餅夠彈牙，春卷同雞棗炸到好香，同朋友share就最好啦！泰式鮮蝦炒金邊粉（$89）未算超級熱辣辣，但料都算豐富，同埋金邊粉炒得好，夠煙韌。原本諗住可以食埋芒果糯米飯同椰汁糕，點知太飽，睇黎都要留返下次！…查看更多

今晚同寶寶嚟九龍城呢邊買嘢，順便嚟呢邊懷緬下以前讀書嘅日子，畢竟之前喺呢度都讀左兩年書😝一場過到嚟，順便喺呢區食埋飯先返去😎嚟咗呢一間以前成日同同學來嘅餐廳❗️呢度仲有live聽添，有少少泰國海邊酒吧嘅feel😝 唱嘅歌都係英文歌為主～牛油蒜蓉燒聖子王（3隻）$163蟶子皇真係超大隻超多肉❗️食落爽口彈牙好新鮮❣️同時夠濕潤，冇燒到乾晒咁，燒得岩岩好👍🏻鋪喺表面脆卜卜嘅銀魚仔仲增加左脆脆口感☺️.泰皇咖喱炒海鮮 $238好大份，應該係二人分量來～入面嘅海鮮有青口、大蝦、蜆肉、魷魚及帶子❗️好豐富❣️青口及蜆肉同蟶子口感一樣咁彈牙爽口😍大蝦嘅殼幾易剝，咬落感覺實在，冇霉～仲有啲蝦嘅鮮味添☺️咖喱好香，唔會好辣，平時唔太食得辣嘅我一直食落去都唔使點飲水😆 最欣賞佢軟滑綿綿嘅質感☺️泰式原味烤薄餅（2塊）$30一睇就知係點來蘸咖哩食嫁啦🙈熱辣辣♨️香氣四溢❗️上枱即刻聞到好香牛油味🤤入口香軟酥脆，蘸埋咖喱一齊食更加係錦上添花😍.小曼谷原隻芒果糯米飯 $78大大個原隻芒果🥭 切成細細舊，好方便食🥰入口鮮甜軟熟，生熟程度啱啱好❗️配埋芒果糯米飯➕椰漿，口感豐富又甜甜地咁，做飯後甜品一流❣️…查看更多

小曼谷可謂是九龍城泰國菜的代表之一，在我中學時已經曾慕名而來，最近再次到訪覺得裝修後環境比較舒適，但朋友卻認為小曼谷海鮮燒烤屋更加出色，極力推薦一試。環境方面顯然與小曼谷的泰式風味截然不同，裝潢比較新派而醬上更有壁畫塗鴉。冬蔭鮮蝦雲吞湯 ($128)冬蔭功湯原鍋端上並以明火保溫，份量比想像中多，可以分為約四碗，酸辣辛香亦不過分嗆辣。附有五粒巨型雲吞，皮滑餡多而且鮮蝦比例頗多，雖鮮味欠奉但口感爽彈。雞腎沙嗲串燒 ($16) 串爆墨魚咀 ($28)墨魚咀和雞腎均質感爽彈而不乾韌，惟沙嗲醬偏甜但香氣與層次感薄弱。蒜香胡椒炸墨魚咀 ($78)炸墨魚咀淹沒於大量炸蒜胡椒當中，比燒墨魚咀更加香口惹味但油膩感重。泰式燒原隻魷魚 ($148)原隻魷魚配上泰式甜辣醬，本身並沒有多加調味，口感軟彈不會過韌，但感覺平平無奇亦沒有技巧可言。極上燒安格斯西冷牛小排 ($228)牛小排外層燒至微微焦香，肉質較韌且肉味薄弱，油香四溢，不過脂肪比例太高充斥不少肥膏。泰皇咖哩炒海鮮 ($238)咖哩當中有炸大蝦、青口、蜆等海鮮，另加一碗白飯($15)拌飯同吃，咖哩辣度適中，混有陣陣椰香。泰式芝士烤酥餅 ($32)酥餅加上芝士烤香，比較油膩但配以咖哩同吃甚為匹配。小曼谷炒飯 ($98)炒飯以薄薄一層蛋皮包覆，當中混有少量豬頸肉、扎肉、蟹柳及蝦。炒飯口感濕軟而且較為油膩，不夠乾爽和粒粒分明。或許因朋友及網上評論推薦期望較高，結果整體而言水準只屬不過不失，不少菜式無需太多技巧但定價偏高，人均五百多元實在有更好選擇。…查看更多

九龍城最出名是甚麼？一定是泰國菜啦！今次同朋友去了小曼谷海鮮燒烤屋食午餐。榴槤沙冰&芒果椰汁沙冰：朋友最愛食榴槤，見到這個沙冰急不及待就點了杯，我離遠都嗅到榴槤香味，朋友話榴槤香十足，不會太甜，十分足料；後者有粒粒芒果肉，再加上椰汁香味，味道香甜。泰皇咖哩炒海鮮：海鮮有多款，有蝦、蜆、青口等等，海鮮新鮮，蝦肉彈牙，蜆肉大隻無沙，咖哩裏面有很多的泰式香料，咖哩味道不辣，帶點椰汁香味。泰脆豬手：豬手足兩磅，表皮十分香脆，一咬入去聽到卜卜聲，但豬手仍然保留到肉汁，肉質嫩腍不鞋口，旁邊還有些酸蘿蔔，可以減輕油膩感，還有些炸蝦片伴碟。整體食物質素中上，價錢中等但份量真是十足，大件夾抵食。…查看更多

小弟好日唔黎一次九龍城遠道而黎都係為左黎呢間之前呢間已經想食好耐還掂約到舊同事出黎一於黎食返餐好既！我地6點幾黎到適逢啱啱放工既時間都唔係話好多人呢度環境簡約設計簡約之餘我又幾喜歡牆上幅畫同結他擺設我諗呢度應該有時會有人喺度獻唱XD呢度野食都有唔少款式眼花撩亂經店員介紹後最後揀左小曼谷五星燒雞, 泰皇咖哩炒海鮮, 泰式鮮蝦炒金邊粉同埋椰青另外餐牌有教幾句基本泰文都幾貼心XD蒜蓉包店員另外附近蒜蓉包一份焗得香脆之餘蒜味亦好香！小曼谷五星燒雞燒得好香而且燒得剛剛好唔會話太乾太燶另外雞肉用黃薑粉等香料醃製肉質夠滑嫩之餘亦夠哂惹味點泰式酸辣汁一齊食亦係好好配搭泰皇咖哩炒海鮮咖哩香味十足亦十分濃郁而且海鮮亦好足料大大隻包括鮮魷, 大蝦, 蜆, 青口等等煮得好入味必食！泰式鮮蝦炒金邊粉炒得好香而唔會好油膩配菜同大蝦足料份量滿滿的！加花生碎一齊食亦增添口感椰青夠哂清甜解渴飲完再食裡面啲雪白椰肉雙重享受！班蘭椰汁千層糕餐後附送既甜品有濃郁椰香…查看更多

收工收早了 可以來遠少少的九龍城食泰國餐門口好特別有個氣球做招客手勢晚上12點前還有DJ坐陣有少量食物有半價9點後還有7折呢椰皇沙冰 $32 用上新鮮椰皇整成的沙冰 清甜得來也有少量椰肉 最緊要剛飲時是起痧的 冰溶灑後不是水味 非常適合夏天飲用熱龍眼水 $28 因老公仔病病地 飲龍眼水潤一潤 甜甜的極上燒安格斯西冷牛小排 $198 Order了5成熟 肉質鮮嫩多汁 不會因為燒而乾 反而內肉夠淋身明爐香檸汁蒸桂花魚$ 238 第一啖嚐一嚐湯汁先 酸酸辣辣滿開胃 桂花魚魚質滑嘟嘟 很新鮮 很怕食又梅又鞋的魚 很適合喜歡食魚的人另外放得耐會比較辣 所以建議快快食啦泰皇咖哩炒海鮮$ 238 我的至愛蛋花咖哩 汁配飯一流嚐一嚐海鮮 味道岩下次可以order炒蟹呀嘛入邊滿豐富 有大虎蝦兩大隻 青口 蜆 鮮魷 樣樣都好入味味道賣相衞生服務抵食推介…查看更多

我應該最少半年沒來過九龍城吧，有部份甜品店易手轉了其他餐廳，不過九龍城的泰國菜地位始終不變，仍然是區內主導的美食。要吃九龍城正宗好吃的泰國菜，我一定會選小曼谷海鮮燒烤屋，除了菜式美味，更重要是選擇夠多。極上燒安格斯西冷牛小排充分滿足嗜肉者愛吃肉的強烈慾望，安格斯西冷牛小排滿有厚度，以適當的火喉燒烤，把安格斯西冷牛小排牛肉香氣淋漓盡致散發出來，並且一次過囊括柔嫩與嚼勁的肉質在口中。泰皇咖哩炒海鮮那黃澄澄的咖哩未吃先猜肯定讓人大呼惹味得很，咖哩不只香濃更是鮮，所用海鮮食材多元化，有青口，魷魚，蜆用，虎蝦，入口滿嘴盡是泰皇咖哩香料和椰汁氣息，還有不容忽視的海鮮，我和朋友都吃得痛快不已。冬蔭鮮蝦雲吞湯我也是第一次吃，平時來這裡都是吃蟹肉雞絲魚肚羹。雲吞比乒乓球還要大，不是騙大家，雲吞滿滿的好料，蝦肉大顆又彈牙，搭配酸辣夠勁的冬蔭湯，香茅，魚露的提味，喝起來酸香鮮美，也令我想念起泰國。泰式椰肉涼粉冰在黑漆漆，彈性十足的涼粉，搭配上雪白的椰汁，光看顏色對比相當搶眼，涼粉的清香加上椰汁甜香整個融合在口腔中，甜而不膩。這裡居然有懶人最愛的椰子波波，我當然要叫上一個清心去火。微甜的椰子水清涼暢快，非常消暑。椰肉滑嫩甜美，吃起來很清甜，同時也省卻挖椰肉的麻煩。…查看更多

提前慶祝母親節，主角話想食泰國菜。九龍城既♥小曼谷海鮮燒烤屋♥ 一定岩佢口味！6點幾去到冇咩人，唔洗等位，7個人食，有大台可以坐，唔會逼。利申：小妹本身唔係好食得辣餐牌野食多都唔洗再講，直接跳到正題講下野食啦～～泰式酸辣鳳爪 $78一開波整返個開胃菜先，酸酸辣辣，對於我唔食辣黎講其實都真係有d辣，不過酸may may又好鬼好食，點都會忍唔到口食返2隻。冬陰公湯 $178酸辣味重，好正呀！而且湯料都好足，仲有原隻大蝦。個人認為酸味重過辣味，又係一樣好開胃既餸。不過比想像中個湯唔夠大，7個人1人1碗唔夠喉呀。。。泰式馬拉盞炒通菜 $75每次食泰國野都一定會叫既馬拉盞炒通菜，炒到又係好入味 食到停唔到口。鐵板豬頸肉啫椰菜苗(馬拉盞) $88呢個菜比上面個炒通菜略為咸左少少，但係豬頸肉又炒得好香口，椰菜苗反而老左少少，但都係好正好有味 配埋白飯一流呀！泰皇咖哩炒海鮮 $238呢個咖哩都係好好食，小朋友食完都係咁拎黎送飯食。海鮮都好大隻，有原隻虎蝦，青口，蜆，魷魚，個個都食到lam lam味！！泰皇咖哩法包軟殼蟹 $168呢個咖哩法包軟殼蟹都係重頭戲之一，咖哩好食唔再講，配埋個法包又係好鬼好食，軟殼蟹又大隻，點埋d咖哩又係正！菠羅雞肉炒飯 $78小朋友既最愛，不過無咩特別，都好食既。略嫌唔係好夠份量，兩個碗仔就食哂。*最後埋單總結: $933*…查看更多

公司做一個新加坡的項目，全組人加班OT成個星期，終於停一下，可以一起食返餐~最識食嘅同事搵左呢間泰菜，話環境好，價格又唔貴~話走就走，分頭行動，搵人去等位搵人去泊車，大家因為一起做野都好耐了，都係有默契嘅~等位的時候影咗幾張相，確實環境都不錯。泰國菜點可以少得了咖喱同海鮮呢？呢個泰皇咖哩炒海鮮，兩百幾蚊，首先海鮮品種多有青口、大蝦、魷魚、蜆等等，第二個就係夠晒新鮮~滿足曬唔同人的海鮮的口味，我就食咗大蝦，爽滑咖喱味正中，好似我呢種咖喱就可以撈飯嘅人，就覺得好滿足了，D蜆新鮮，隻隻都開，而且肉質都大件爽口又無沙，好乾淨！另外亦叫左泰式鮮蝦炒金邊粉，口感豐富，配料多，蝦肉都係好彈牙，炒得好爽滑，又有泰國風味，新鮮青檸檬汁當然都唔可以漏咗。而泰式原味烤薄餅，上來嘅時候，都係好熱辣辣，係新鮮出爐，脆卜卜，又有嚼頭，外焦里嫩，好有風味~~還有仲叫左小曼谷五星燒雞~重點來了......燒雞，一定要點燒雞，因為真係堅好味，外脆裡面嫩，大家都爭住食雞脾，其實係屋企都可以有雞脾食，但係有人一起爭，又覺得更加好味~~~最後當然係一齊啤啤佢啦~唔飲得嘅女同事就叫咗椰青，今晚氣氛熱鬧又開心，又食咗一餐正嘅~下次都可以再來，睇來跟住鐘意食嘅“吃貨”果然係有好介紹既~~…查看更多

泰癮起啊，有無人好鍾意食泰國咗菜？我久唔久就好想去食，呢間已經數唔出嚟過幾多次了，貪其價錢唔太貴之餘，質素都算幾穩定次次都叫以下2款沙冰，好新鮮果香甜味<芒果沙冰> $36 <椰皇沙冰> $32<極上燒安格斯西冷牛小排>(約9安士) $168每次都必叫佢呢個牛，用咗泰式炭燒法，外層被炭燒得頗香，入面仲嫩溝得嚟帶少少筋位，加上點埋個泰式醬汁更提味<泰皇咖哩炒海鮮> $238海鮮有青口大蝦魷魚大蜆海鮮好新鮮無霉，而且件件都好大隻下，大蜆好鮮甜外，大蝦都幾爽口彈牙另外不得不叫就是他們蒜蓉包，焗得非常香肥，蒜香不段，點少少咖哩汁仲正<小曼谷炒飯> $95蛋未算好嫩滑，但都夠蛋香味，飯粒炒得分明軟硬適中…查看更多

之前食了九龍城泰國菜都相當滿意，事不宜遲，來到這家折然不同、食過返尋味的泰國菜：小曼谷海鮮燒烤屋。門口的吹氣公仔好熟口面，好似網絡紅人Ming仔玩左一大輪左勾拳的那個。作為養生女子，燒烤並非我杯茶，不過這裡的燒烤仍讓我泛起了「心心眼」。牛油蒜蓉燒珍寶龍蝦($238)約11吋長重一磅這些的龍蝦有兩款，由於另外一款有臘腸的關係，我選了這一款。比較特別的是，這一款面頭有些白飯魚仔，非常鬆脆。龍蝦果真有11吋長，比我的大手掌還要大。烤過的有陣陣鮮味氣息，重中之重是要蘸上餐廳特有的酸辣汁，馬上起了畫龍點晴之效，毫不誇張！看了看那酸辣汁的成份，有青檸和魚露！難怪！有魚露的地方就有鮮味，青檸的清新和酸味，提振了燒烤食物的滋味！龍蝦啖啖肉，咬落彈牙，頗為新鮮。明爐香檸汁蒸桂花魚($238)有買開餸的人都知，桂花魚愈來愈貴，而吃貨們會知道，桂花魚的肉質比鯇魚、烏頭好上太多。所以一見餐牌有明爐蒸桂花魚，想都不用想，馬上已敲定要這款。果然！桂花魚又香又滑，肉質的口感毫不拖泥帶水，嫩滑好咬得很，連牙齒都分辨得出來的好食！加上那個汁，飲落像不辣的冬蔭功，酸得來惹味，有香茅和檸葉等香料氣息。配上桂花魚亦非常夾。整道菜式可謂驚為天人！我覺得我可以一人之力，力吞全條魚並清晒所有湯，不誇張！全5分！極推介！泰皇咖哩炒海鮮($238)平常愛吃椰香味濃的青咖哩，這天叫了個泰皇咖哩。青咖哩感覺像柔弱的女子，泰皇咖哩則有王者之風。泰皇咖哩香料感較強，辣度不強，但香濃惹味。這裡的泰皇咖哩汁感覺厚實濃重，但是讓人忍不住用匙羮一啖啖地吮著。講講裡面的海鮮，有青口、蜆、蝦、魷魚。個人覺得最好食的是蝦，有炸過的蝦吸收咖哩汁後原來可以這麼好吃，爽口脆身又彈牙。份量頗大，海鮮量亦足，由於咖哩汁太正，所以也要了個酥餅來沾汁吃。泰式芝士烤酥餅(2塊)($30)問店員原味烤酥餅好食些還是芝士味好食些。店員毫不猶疑馬上說：芝士味好食。好！信你！果然店員無呃人。芝士味烤酥餅一上檯香得不得了，拿上手又熱又酥。沾上咖哩汁堪稱一絕！最後一人叫個椰青($36)新鮮！椰肉晶瑩剔透，刮得郁，正！總結小曼谷海鮮燒烤屋菜式選擇相當多，而且味道非常好！我選的3個菜式，命中率100%地好食！相當有驚喜。尤其是明爐香檸汁蒸桂花魚！一試難忘！忍不住四處向人推介啊(哈哈)。…查看更多

晌九龍城小曼谷食泰國菜,好多嘢都想試,但朋友唔太食得辣,都係揀啲唔辣嘅菜式,所以冇叫到冬陰公呢!泰式拼盤,由蝦餅,魚餅,春卷,雲吞組合而成,我哋揀咗各三件嘅大size,以為會好似其他泰菜館咁精緻,但拎到嚟時我哋被佢嚇咗跳,蝦餅同魚餅嘅體積至少係其他地方嘅兩倍,同埋堆到好似小山丘咁.冬甩形嘅蝦餅彈牙,魚餅入面有豆角同辣椒等等,幾香口,春卷包住粉絲,胡蘿蔔同冬菇,雲吞就係蝦肉豬肉餡,外皮幾香脆.配上餐廳自家品牌泰式酸辣汁,單張介紹係由泰國原裝入口,同埋用咗新鮮青檸,再加辣椒,魚露,蒜蓉同糖調製而成,酸香微辣,就算食唔到辣嘅同行朋友都食到,甚至幾鍾意.泰皇咖哩炒海鮮,咖哩汁加咗蔥同辣椒等等,食起嚟偏甜唔辣,仲加咗蛋花令佢增加濃稠感,感覺惹味.海鮮有大蝦兩隻,以及青口,大蜆,魷魚等,整體肉質爽彈,份量唔少.鮮菠蘿雞肉炒飯,配料分別係鮮菠蘿,雞肉,蛋絲,雜豆,洋蔥,提子乾同肉鬆,睇落豐富,可惜炒飯調味略淡,相對起嚟較為失色.青檸菠蘿沙冰(後),沙冰打得非常綿密細碎,菠蘿同青檸味都突出,飲咗之後幾消滯.…查看更多

九龍城朋友生日，相約在其附近共聚。既然來到九龍城，當然是食泰國菜。朋友建議下午時分用膳，可以避開晚市高峰期，又可以慢慢嘆，吹几耐水都得。選擇了屋企附近的小曼谷。九龍城有很多內街，自己總是分不出各個街名。就按著網站地圖，來到餐廳了。面對著大馬路的餐廳，果然很容易找到。下午茶時段，客人不多，於梳化位就座後，要看看有什麼好吃的。在泰國餐廳，要點泰國咖喱。另外再加２個飯，應該很足夠吧！　　　泰皇咖喱炒海鮮　　　一大盤的咖喱，中間放滿了不同的材料。點算後，青口X3, 蜆X3, 大蝦X2, 魷魚，洋蔥及青椒大量。泰皇咖喱整體不太辣，没有蓋過海鮮原有的鮮味。咖喱內裡夾雜著淺色的東西，是否蛋花？　這就是泰皇咖喱的意思嗎？　大蝦背部已開邊，方便剝殼，輕易地拆出完整的蝦肉了。還有魷魚，大量的洋蔥及青椒，都是很健康呢！　　　　泰式原味烤酥餅　　用來沾上泰皇咖喱，一流。但偏身的烤酥餅，較難沾上更多咖喱。如果選用法包就更好了。法包中間多氣孔，又乾身，可以吸收更多泰皇咖喱。一滴也不浪費。　　　小曼谷炒飯　蛋包飯，內有豬頸肉，蝦，札肉，蟹柳。這個炒飯不辣。　　小曼谷原隻芒果糯米飯來到泰國餐廳，總要來一份芒果糯米飯才算完滿。　可是芒果糯米飯，來到香港就會有點變化，加了紫糯米。泰國當地全是白色糯米，白色椰汁，黃色芒果。原本白白黃的配搭。現在是紫白黃了。芒果及糯米都是甜甜。如果糯米稍為改善軟硬度就更完美，更接近泰國的風味了。（糯米保持全粒狀態，煙韌ＱＱ有咬口，而非煮到失去輪廓的腍身糯米）　　芒果椰汁沙冰＆可樂　　　　　　　　　　　　這個生日飯很滿足，在非繁忙時間，不用迫，水～可以吹呀吹！慢慢吹！看看餐牌，原來有得學泰文。…查看更多

特地又走到九龍城去，回味這裡的與別不同的咖喱！泰式的炸蝦餅，釀入濃郁的拉絲芝士，少有地能拉絲又有濃香芝味，鹹香突出。蝦球非常彈牙，一個有拳頭般大，非常飽肚！原個椰青焗飯！份量很大，飯、海鮮、配菜不僅塞滿整個椰青，還拱拱的堆起！飯本身拌了椰漿，份外濕潤帶香，再淋上不少的椰漿，又甜又香。有點像芒果糯米飯，但變成了主菜，換了鹹的配料。我懷念的，是小曼谷的「泰皇」咖哩加入花奶及蛋花，比別的地方都要香滑。這次吃到的依舊香料十足，不過有點偏鹹。但原來海鮮咖哩有吃不完的海鮮比起上次吃的炒蜆更為划算耶！剩下來的咖喱，當然少不了要點份蒜蓉包或薄餅來襯襯。不過蒜蓉包顯然有點鹹上添鹹了。飲品方面，我們要了一個椰青、一杯芒果沙冰。椰青很清新鮮甜，解渴解膩，而且肉依然很嫩！芒果沙冰亦不錯，不過甜味有點假了。雖然感覺到質素不如上一次的好，但希望只是偶爾失手吧！畢竟我們還未有找同類似的咖喱可取代呢！…查看更多

食泰國野點可以唔去九龍城呢，今次係九龍城就試左有幾間分店咁犀利既小曼谷。裝修主打黃木色，有好warm既感覺。餐具印有佢地個名，而且外形係一隻大象，幾得意。先來一客菜，健康一下先。鐵板果然夠熱辣辣，上台時仲出緊煙。椰菜苗綠油油，但唔係因為多油，係本身菜苗夠新鮮夠靚，爽口。豬頸肉煎得岩岩好，夠香口，有小小脆口感，讚呀。食泰國菜點少得冬蔭公湯，新鮮熱辣，材料又十足，有幾隻大大隻蝦，入口陣陣香茅味，最重要係佢既酸味同辣味岩岩好，唔會好似出面食咁太酸。大大一盤既海鮮，睇見都流口水。海鮮有大頭蝦，青口同蜆。泰皇咖喱汁不太辣帶甜味，好易入口，送飯真係絕配。咖喱汁用左練奶，椰汁和蛋煮成，所以特別香濃，食完又唔會話好濟。賣相雖然冇話整得好靚，但係食落真係無得頂。雖然話係燒既雞肉，但係一d都唔鞋，反而仲滑滑地，相信係新鮮雞先可以做到呢個效來。燒雞既皮脆口，雞肉夠滑真係口感一流。雞肉除左夠滑外，帶有醃料既惹味，真係唔錯。埋單時仲有甜品送，椰汁西米露既椰汁味道香濃，千層糕彈牙外帶點煙韌。呢個好味既甜品為整頓泰國菜劃上完美既句號。…查看更多