魚事者 (威德閣)

營業中

休息中

又一次證明美食在民間。今日下午來到「魚事者」一試佢嘅魚麵🐟🍜，估唔到非常有驚喜😍，菜式新穎食物味美，絕對係用心製作而唔係求求其果腹小食。「魚事者」主打自家製魚品輕食，包括多款創新魚麵，仲有各種自家製魚肉小食。菜式新穎fusion多種異國口味例如川菜、泰式、越式、西式甚至墨西哥菜，非常大膽創新！餐廳裝修以湖水藍為主調，配上粉藍及少女粉餐桌，環境清新舒服。價錢亦都非常親民，以咁嘅質素絕對係高性價比。六點前仲有下午茶餐，我哋叫咗兩個茶餐再加幾個單點，其實都算幾抵食。香脆雞翼+炸魚無薯條+魚粒莎莎 （套餐連飲品）$43冇薯嘅薯條，係店鋪嘅signature強烈推薦一定要點👍🏻用魚肉代替薯條感覺新穎，堅食到有魚味，而且口感煙韌，不會太淋身。雞翼炸得夠香脆而且味道非常吸引，並非一隻普通炸雞翼。魚粒莎莎好有墨西哥dips 嘅感覺，魚粒煙煙韌韌幾有趣。港式多士三併配黑松露醬（蝦+魚+墨魚）（套餐連飲品）$38多士炸得非常香脆，三款多士味道其實分別不大，topping一樣係咁彈牙，沾上黑松露醬味道好豐富，必試推介👍🏻Fish-chos •扮墨西哥魚皮 $33以香脆炸魚皮代替墨西哥nachos，非常創新！

魚事者Fisholic，一聽店名就知道呢間係專用魚肉做料理，一直想試吓。今日放工經過就買咗個外賣魚麵撈返去食。可以用手機掃描QR code落單，外賣自取可享有八折。個外賣盒仔細細，設計隱約有陣文青嘅味道。泰式-蝦頭油炸蝦球魚麵撈($56)原價$70，八折後$56就買到。魚麵鋪上櫻花蝦，再增添香氣。唔知係咪因為外賣既關係，炸蝦球唔係平時日本炸物咁香脆，但勝在夠彈牙！但主角一定係魚麵，因為食落爽彈，唔會覺得腥，我相信唔鍾意食魚既人都會鍾意食。整個份量偏少，係女仔食嘅份量，下次要加配小食先得！

//< 魚事者 Fisholic >呢間餐廳小編想食好耐！適逢小編去開北角就即刻去馬🤪店員態度超好，超好客！真係要比個讚👍🏻————————————- 蒜爆牛油雞翼 $18 -雞翼正正常常，蒜蓉🧄牛油🧈味都幾香～ 相對上唔係好特別，但係好想食過吓口癮都唔錯🤪————————————- 炸魚無薯條 $28 -呢個係店員好推薦我哋試！因為入邊一啲薯仔都無，係用魚肉去做😝趁熱食都幾香口，裏面有少少魚肉嘅煙韌感🥰有四種醬汁可以揀！小編揀咗雙子醬，冇記錯嘅即係明太子加蟹籽😝 好味😋————————————- 泰式-蝦頭油炸蝦球魚麵撈 $63 -小編同朋友見到幾個味都好想試，店員就話呢個都比較多人叫！魚面煙韌韌，配埋蝦頭🦐油好惹味～ 黑糖有啲似蝦丸，都幾彈牙～ ————————————- 黑白鴛鴦春卷 +$10 -好開心食麵餐可以加錢食到春卷～ 揸得非常香脆，墨魚滑亦都好彈牙有墨魚味😎————————————- 凍柚子茶 +$8 -柚子茶正正常常，都幾夠味😏————————————評分：7.8/10地址：炮台山宏安道14-28號威德閣地下14號舖營業時間：11:30-21:00#魚

星期六又係同呀媽四周圍行下覓食嘅親子時光，🤣潮媽睇完Youtuber介紹就話想食依間位於炮台山嘅「魚事者」。難得佢有好提議，我梗係奉陪到底。餐廳門口已經好引人注目，因為係用上大熱嘅湖水綠色做主色調😍，令人舒服之餘又唔造作。不過環境面積頗細，繁忙時間都幾大機會要等位。餐廳改個咁特別嘅名，當然有玄機喺入面！你無估錯，絕大部份菜式都係關「魚」事㗎🐟，魚類製品全面進場，包括魚麵同魚湯等。食物價錢大眾化，但留意番份量係偏精緻，男仔可能要嗌多少少小食先夠食。由於樣樣食物都好過癮，全部都想試，所以我哋叫多咗啲啲...，真係啲咁多🙈。黑白鴛鴦春卷配黃錦錦咖喱湯爽彈魚麵($46)，🍜湯麵(即係有得揀至係老闆系列)可以自選湯底同麵底。阿媽本身有興趣試車仔麵嗰款，但原來嗰款湯底指定咗，於是就轉戰春卷。「黑白鴛鴦」春卷係指魚同墨魚，而咖喱湯🥘聞落超香，食落都OK！麵底當然試招牌魚麵，另有得揀米線或者米粉。泰式-蝦頭油炸蝦球魚麵撈($66)，輕鬆Come撈魚麵系列有幾款揀，港西日泰川式任你選擇😉。我揀咗🇨🇷泰式口味，撈麵造型吸引，而且非常夠汁，但我認為味道可以再重口味啲，貫徹番泰菜嗰種酸酸辣辣嘅感覺。無論湯煮定

魚肉高蛋白質又低卡，常常係我嘅減肥戰友！😝 ​最近炮台山開咗間主打魚品輕食嘅小店「魚事者」！可以試勻多款由魚肉打造嘅創意料理！價錢仲要勁親民！簡直係一眾fish lover嘅福音！😍👩🏻‍🍳​呢度嘅魚品輕食，主要以港式風味為基礎，再加入車仔麵、街頭小食及西式Fusion菜等元素，令大家有親切感得嚟又不失驚喜。​▲老闆Hyvan因愛食魚，所以決心開一間主賣魚品嘅店子。造訪當日，店家仍在試業中，老闆Hyvan亦剛好在場～然後我當然借啲2同佢吹下水！估唔到呢位咁後生嘅老闆，原來自小對魚品已深深著迷！成日魚蛋當正餐咁食！​後來，佢去咗美國留學，因為太耐無食到高質魚品，所以萌生想將來開魚肉食店嘅諗法。「自己開檔，想幾時食魚蛋都得啦！」基於呢個理由，就聯同Partner開咗魚事者。😝​不過，魚事者賣嘅輕食當然唔係傳統嘅魚蛋粉，而係利用魚肉，製作唔同嘅Fusion料理～老闆Hyvan及佢嘅廚師團隊，每日會係漁市場入貨，以多款新鮮海魚打造菜餚，好似𩶘魚、九棍、紅衫、門鱔及剝皮大眼魚等等。因深海魚運動量大、深海又壓力大，肉質份外紮實，所以做出嚟嘅魚品，更具「白」、「彈」、「鮮」三大美味元素。（由於試咗好