新泰東南亞餐廳

約左一班朋友6個人，想食下泰國菜所以就book 左新泰，第一次幫襯，估唔到食物都好有質素👍🏻位置亦都幾方便，係灣仔，岩曬係港島番工既朋友翡翠螺都幾新鮮，夏日炎炎啱曬食d 涼浸浸既野，加上我地一枱6個人，岩曬我地一人一隻😋生蝦比起螺更吸引，同樣都好新鮮，加埋少少檸檬汁、蒜頭、辣椒，都好惹味👍🏻😋巴東牛展都好好食，如果餸白飯一流，由於本身巴東醬會有辣椒係入面會有少少辣，但係加左椰奶中和翻同埋會超級香😚呢個金邊粉賣相一流，用煎蛋整咗一個網咁包住啲粉，金邊粉都係有啲辣，但係唔會太辣，炒嘅時間剛剛好，食落仲有韌性，唔會太淋或者太硬👍🏻最尾唔可以錯過嘅係烤雞釀黃飯，本身烤雞都好香口，都仲幾juicy，入面既黃薑飯亦都吸收左啲雞味，味道好濃郁，如果怕太濃味可以夾埋左邊酸酸甜甜既泰式沙律👍🏻…Read More

W square既新泰係我去過既第三間新泰分店，裝潢一樣充滿泰式氣息，吊燈盡顯奢華，空間感更大。作為一間泰式餐廳，新泰嘅酒類選擇相當多，可惜之後要做gym，唯有忍下口。- 泰式蝦炒金邊粉賣相非常吸引，金邊粉上面舖上一層蛋網，食落完全唔油膩，炒得乾身，味道酸中帶甜。另外蝦幾大隻，食得出係新鮮蝦。- 砵酒羊架羊架有驚喜，醬汁似燒汁，羊肉大大件，味道唔氈之外肉質好鬼軟稔，肉汁仲好豐富。- 麵包焗咖哩軟殻蟹咖哩口感香滑，猶如滑蛋一樣，軟殼蟹幾多肉，炸得幾香脆之外唔算太膩，麵包索晒啲咖哩汁，即使已經唔脆但都好惹味。- 泰式生蝦生蝦肉質結實彈牙，少量蒜粒同辣椒更突出蝦肉的鮮味，酸辣既醬汁非常醒胃，作為第一道菜非常適合。- 飛天通菜通菜夠晒穫氣，味道濃香，真係食極唔厭。- 泰式奶茶因為煉奶嘅關係，自己預咗會幾甜，但估唔到咁多冰，飲幾啖就冇晒。新泰仍然係我最愛既泰式餐廳，沒有之一。…Read More

每日辛苦做完嘢總會想食一餐好嘅鼓勵一下自己😛今日就嚟到位於灣仔嘅新泰東南亞餐廳~由於一早已經book咗枱嘅關係，所以一去到就可以入去享受美食😋成間餐廳嘅設計都睇得出係花咗唔少心機...除此之外，雖然待應姐姐們係識講廣東話，但係佢哋溝通都係用翻東南亞語言，令人感覺真係置身係東南亞🌴我哋被安排入座係「帳篷」裏面，感覺都幾特別😆由於都幾肚餓嘅關係，我哋兩個人都嗌咗唔少嘢食😂首先嚟到嘅係椰青🥥椰青夠哂大個，椰青水非常清甜，好解渴💦入面仲有好多椰子肉添☺️可以慢慢刮出嚟食👍🏼第二個嚟到嘅係燒豬頸肉🐖豬頸肉每一塊都係薄薄的，口感爽口彈牙🥰配撘嘅泰式醬汁亦都非常惹味😍第三個嚟到嘅係香芒軟殻蟹米紙卷🥭🦀軟殻蟹唔會炸到油淋淋，入口唔會覺得油膩👍🏼可以改善嘅地方係米紙卷比較厚身，有啲難咬，影響咗少少口感👀第四個嚟到嘅係泰式青咖喱(牛)🐂同印度薄餅~兩樣嘢係要分開嗌，薄餅唔會因爲嗌咗咖喱而附送🙈呢個係我同朋友全晚最滿意嘅菜式💕青咖喱夠香濃，充滿香料味同椰香味😚牛肉煮嘅時間控制啱啱好，肉質軟腍~薄餅口感薄脆，價錢平但係份量十足，配撘咖喱一齊食嘅話簡直係一流!!!必試嘅推介🙌🏼第五個嚟到嘅係泰式蝦炒金邊粉🦐金邊粉外有一層蛋網，非常吸引✨一切開入面除咗有蝦之餘，仲有韮菜、芽菜同豆腐乾，比較特別嘅地方係入面有醃蘿蔔粒，脆脆的，加埋花生粒，令到成個口感有更多層次🤓而且金邊粉炒得乾身，甜酸度拿揑得啱啱好一餐嘅最後當然要有甜品做結尾啦🥳我哋就嗌咗芒果糯米飯🥭🍚呢到嘅芒果糯米飯混合咗白糯米同黑糯米，黑糯米會較為煙韌～整體嚟講糯米嘅軟硬度適中，唔會太黏糊👍🏼椰汁味道香濃，芒果香甜🤤為今餐飯畫上咗一個完美嘅句號🤩部分餐牌👇🏼…Read More

一直都知道W Square有好多好野食，今次終於可以黎食下哩間泰國野😋-我地六點半到都仲有好多位，但轉眼之間就坐滿晒咁濟，要黎食嘅朋友建議早少少到or book位🌟-入面都幾多位，枱與枱之間都唔會太逼，啱晒好耐無見想catch up下嘅朋友！-香芒軟殼蟹米紙卷🦀睇開我food blog嘅朋友應該都知我係勁鍾意軟殼蟹😆今次有埋芒果真係唔試唔得雖然佢每舊唔係好大，但作為前菜就啱啱好👍🏻整體唔錯，芒果令到成個米紙卷多左份清新感✨軟殼蟹炸得唔錯，唔會太油但keep到脆口要特別講下佢加左九層塔入去，個味好出，中意金不換嘅朋友就啱晒你啦🤣-泰式蝦炒金邊粉🦐佢上面有用蛋漿整嘅網係上面，啱晒又想食pad thai又想打卡嘅你😆比起泰國嘅炒金邊粉，佢嘅蕃茄味重啲，但又唔會炒到啲金邊粉碎晒👍🏻仲有花生同青檸比你自己想加幾多就幾多🥜如果可以係側面加啲辣椒粉，比想食辣嘅朋友加下就更好🤭-原個椰青大菜糕🥥哩個甜品大推！好特別！裡面有好多椰子肉，大菜糕嘅部分仲要係用返椰子本身嘅水整嘅，成件事好清新🥰-泰式甜品拼盤(小)😋得兩個人所以叫左個細嘅，叫完先知原來得大嘅有香芒糯米飯😭但哩幾款都唔錯，椰汁西米糕依然係我大愛♥️其他都幾好，唔會太甜，啱晒我怕甜嘅朋友😗…Read More

灣仔W Square食肆林立，今次我揀左食泰國菜，大堂佈置得金碧輝煌，充滿泰式風情，餐廳頗大，不用等位已經可以入坐 (哈...可能太夜吧) 泰式蝦炒金邊粉 $98 造型好靚， 我覺得有點似一個菠蘿。用蛋網包住乾身煙韌的金邊粉，蛋網不油膩，金邊粉甜酸度適中，海蝦份量亦可以。蒜蓉炒貴妃苗 $82 ⭐推介 貴妃苗好幼嫩爽口，簡單蒜蓉炒，惹味又不會搶左貴妃苗既口感。蜜糖燒肋骨 $88 見廚師推介，就叫左客食，泰式燒物， 蜜汁惹味，肉質嫩滑但如果鍾意啖啖肉的，這個不太岩你。…Read More

星期五約左朋放工去食泰菜，呢間位於灣仔雖然唔近地鐵站，但好近朋友公司，就選呢間試試！已經一早book左位，門面的泰式佈置好有心思，富有泰國風情！餐廳環境寬敞舒適，我們被安排坐窗邊的卡位！睇睇餐牌，屬中上價位，我們二人就點了明爐烏頭、泰式炒金邊粉！明爐烏頭好大條，食得出好新鮮！點埋個酸辣醬更加好味👍🏼泰式金邊粉是我至愛！用蛋皮包住好有泰國傳統特色！蝦好大隻又新鮮👍🏼以為呢個南瓜布甸係凍食，點知原來係熱食！口感似南瓜燉蛋多點😅青檸梳打係用泰國的梳打水，夠哂泰式風味！我地由6:30pm坐低，邊傾偈邊食飯，食到9:30pm才離開，夠哂盡興！食物環境服務都一流，價錢當然相對地提高！屬約三五知己見面食飯，或一家人食飯之選！…Read More

約了朋友在灣仔喜帖街 happy hour，傾得興起。。。意猶未盡 ，一於轉場去附近的泰國餐廳繼續下場。。。食 dinner是也！上次已經光顧過這家餐廳的盧押道分店，所以對它的菜式和水準也有一定的認識。 今次encore再來, 就一於試一試這家軒尼詩道分店， 水準是否及得上其盧押道分店。今晚我們只叫了以下四樣東西：泰式蝦炒金邊粉 $98金邊粉炒得很乾身， 咬下去軟靱有致，很滑、很有口感 。 金黃色的蛋餅網放在金邊粉的上面 ， 賣相非常精緻 ， 蛋網 吃起來 一點也不油膩， 蛋味很濃郁、很香 ；配上蝦仁和花生碎 一起吃，口感跟食味均十分精彩， 一吃便知是用心之作！醃無骨鳳爪沙律 $68酸酸甜甜的泰式鳳爪一直都是我的至愛， 起了骨的鳳爪，吃下去很爽， 偶爾吃到「較位亅的軟骨， 口感則十分脆， 而且感覺到骨膠原的豐富， 想著想著。。。就不其然再多吃一隻！ 直至全碟鳳爪逐漸、逐漸地在我們的眼簾裏消失了為止！泰式青咖哩(雞肉) $78咖哩雞的雞件 ，是已經去掉了雞骨的啖啖淨雞肉 ，十分貼心，很適合懶人吃！ 雞肉吃下去很嫩滑，而且一點也不肥膩，十分適合愛健康的福福郎。 青咖哩汁很creamy 、很香、很濃厚的椰汁味。。。 真的做得不錯！印度薄餅 $30薄餅烘得香脆 ， 單單吃它已經感覺良好！今晚我們把青咖哩汁用來配薄餅。。。食味更是一絕！正！今夜，整體食物的質素很高， 雖然「全院滿座亅，但是等候食物的時間也不長， 一會兒便有得吃， 證明餐廳overall 管理得不錯！👍👍。。。🦉我們對餐廳的裝修和環境，還有以下的評語：這間店舖要比盧押道的那一間來得感覺開揚， Ok高的樓底、加上精緻的裝修和闊落的大堂， 感覺上就是一家可以令人「食得得戚 、點得招積、坐得舒適亅的餐廳。順帶一提，這家店。。。枱和枱之間的距離，也比一般的餐廳稍為寬闊， 較能保障客人的私隱、 就算是要和朋友談「密偈亅， 來說人是非(說三道四)，也不怕讓別人聽到。😝對於今夜的泰菜晚餐， 福福郎覺得整體感覺十分良好。 菜式的價錢也不貴，屬於中價，可謂性價比十分之高， 可以再光顧 。 唯一美中不足的：就是餐廳的整體吸音設備「麻麻地亅， 像今天一樣全院滿座的日子，便會感覺到食客的聲浪有點大和吵耳！但，世事無完美，give & take 啦！。。。🦉+ ==============================立即訂閱我的食評吧！福福郎想 跟你分享上班族的苦與樂丶貓頭鷹的人生觀丶美食和「金句亅啊！Relax，and just subscribe！ 。。。🦉==============================…Read More

係駱克道打完波，成班朋友係灣仔揾飯食，其中有朋友就話想去食泰菜。行行下，最近的一間應該非新泰莫屬，我覺得這間餐廳很適合多人聚會！門面都幾靚，內裏環境都優雅，坐位也很寬敞舒適！我們來到時已是晚上九點，完全不用跟人逼和排隊，等著侍應安排入座。這裏的侍應也多是泰國人，但都識聽識講好多廣東話。大家熱烈討論下個餐牌，樣樣都想叫，款式太多。最後叫左馬沙拉雞肉，我地前後再加薄餅，法式包，估不到這樣子吃是非常好味的。然後還叫了泰式菠蘿炒飯、炒蝦金邊粉，這種飯面類很普通：其中蔬菜也叫了兩款：飛天通菜，很辣呢！頂唔順，哈！另外的蒜蓉炒貴妃苗，真的很推介這個菜苗，入口很幼嫩！也有叫串燒（雞肉，牛肉）以及拼盤，這兩款也是泰菜的經典款，呢間餐廳在這兩款菜式的煮法很香口，很抵order!可以一大班人分享多種小食！…Read More

之前在灣仔工作，經常到這一間泰國菜吃午餐，大件而且抵食。今日約舊同事吃晚飯便回來吃這一間餐廳聚一聚舊，而且回憶一下。可能是平日，餐廳晚上不是十分多人。即使我們沒有預訂也立刻有位置。我們二人一共叫了四道菜一起分享1) 冬陰功(⭐⭐⭐⭐💢):冬陰功湯是用爐上的。即使放耐了，湯仍然是熱辣辣。如果冬天來就認真一流。味道方面餐廳將傳統的冬陰功改得比較適合香港人口味，有十分香濃的椰奶味，但不太辣。一份大約有三至四隻海蝦，大隻而且新鮮，吃起來肉質結實，一般雪藏蝦絕對做不到的。2) 蒜蓉炒貴妃苗(⭐⭐⭐⭐💢):這個貴妃苗幼嫩而且新鮮。簡簡單單的配合蒜蓉炒已經十分惹味。3) 泰式蝦炒金邊粉(⭐⭐⭐⭐💢):這個金邊粉份量挺多，而且炒得乾身。味道方面甜甜酸酸，十分開胃。伴碟也十分豐富，包括有海蝦，魷魚，紅青椒和花生。4) 日本南瓜焗海鮮飯(⭐⭐⭐⭐💢):這個日式南瓜焗飯也是另一飽肚好選擇，一份大約有三至四碗。焗海鮮飯本身是用炒飯底的，香口而且乾身。配料方面有青口，海蝦，魷魚。特別一提，南瓜本身是頗為厚的，吃起來啖啖肉。即使幾個月沒有，來這間餐廳還有保持一貫水準，而且十分抵食。下次經過灣仔也必定會再來。…Read More

泰菜我一向都幾鐘意食，即使唔係成日食見依間新泰評價都幾唔錯，朋友話想食泰菜就於是黎試一試一出升降機有個好寬敞既大堂再行入去好多特色陳設，以木為主，感覺泰式得黎又好warm地方算幾大，又有足夠大枱，適合大夥兒聚餐。一坐低睇餐牌就發現都好多嘢食餐牌太厚既關係，俾幾頁重點俾大家睇下泰菜其中一大特色係燒物，我地揀左蜜糖燒肋骨即係泰式ribs，食落豬肉既油脂味配埋蜜糖既甜味好夾整體香口入味，好食泰國既海鮮類都必食我地揀左條魚黎食，依味鹽焗烏頭（佢可揀要就盲曹魚），都幾大條，兩個人食實夠飽雖然話叫鹽焗，但條魚皮係脆同硬既，感覺好似係炸既咁，但魚肉又滑嫩，點埋泰式辣醬更加好味泰菜必叫就係炒金邊粉用個蛋包網住黎上枱，幾靚金邊粉即叫即炒熱辣辣而且有鍋氣，淋上青檸汁食起上黎味道層次更好臨走既時候，見餐廳都幾旺場，但其實係閒日黎整體而言，坐得幾舒服，食物質素好，難怪評價好…Read More

香港係美食之都，原因係當你相想食任何一個國家嘅菜式時，都可以即刻搵到， 今次小妹就係突然想食泰國菜。同事介紹我食呢間新泰東南亞餐廳， 一上到去門面非常之東南亞style，職員亦十分友善。選擇十分之多，最後決定叫左個冬陰功雞湯，泰式蝦炒金邊粉，蒜蓉牛油雞翼，甜品仲有個芒果糯米飯。冬陰功湯十分之惹味，唔會太酸唔會太辣，同男朋友不斷飲湯，但啲雞就比較普通，冇什麼特別。金邊粉份量超多，味道亦正常。雞翼好好味，唔會太膩，亦炸得十分香口好重牛油味。最後嗰芒果糯米飯仲要係黑白鴛鴦，為整餐飯畫上完美句號。…Read More

W square向來的餐廳食物質素也不錯，在門外看了看菜單，便決定試試這間泰國菜-新泰。內在環境挺寬闊，有不少大枱，也有卡位，非常適合朋友來聚餐！打開Menu認真看看，才發現食品種類非常多，在多項選擇中要定下吃甚麼實在有點困難，因為每樣食物好像也很好味最後，和朋友爭論後，決定了炭燒豬頸肉。炭燒豬頸肉看似普通，但很多泰式餐廳的豬頸肉並沒有經過炭燒，而醬汁也大同小異。但這間餐廳的豬頸肉明顯有被炭燒過，而且更特別的是配上的醬汁較外面的餐廳特別，香茅味很重，豬頸肉醺上微辣的醬汁，很惹味再來是泰式蝦炒金邊粉，外型非常美觀，配料十分豐富，炒完也不會太乾或太濕。最後上菜的酥炸香茅魚，外型上已十分出色，一條魚片起魚肉後再把魚肉炸起，加上香芽菜襯碟，非常好看。醺上醬汁後試了一口，炸得十分酥脆，炸粉不算多，魚肉份量不少，吃過一條便會吃過不停，因為真的很好吃除了酥炸魚，還配試青芒果沙律，酸酸甜甜，稍減熱氣，由醬汁、炸魚和沙律均是很好的組合，實在推烈推薦大家試試這間店除了食物質素很好之外，員工的服務態度也不錯，常常面帶微笑，必定會推介朋友來試試…Read More

👁‍🗨 泰式蝦炒金邊粉（7/10）💲98呢個金邊粉個味都係泰式嗰種，酸酸甜甜，但就唔係辣既，如果鍾意可以再加青檸同花生碎，有蝦🦐、豆腐乾、蛋，餸份量唔算多🤤不過金邊粉頗為有咬口👁‍🗨 日本南瓜焗海鮮飯（7.5/10）💲108個日本南瓜焗海鮮飯係成個南瓜咁上😱望落似係蕃茄焗豬扒飯，因為面頭有溶溶地既芝士🧀食落原來個飯唔係南瓜汁，只係入面有南瓜粒，所以南瓜味唔重，反而係比較重椰漿味同埋咖哩味，辣辣地其實都幾惹味😍海鮮有青口、魷魚🦑同蝦🦐，啲料頗為豐富呀👁‍🗨 泰式青咖哩（雞）+ 印度薄餅（7/10）💲78 + 30食泰國野無理由唔叫青咖哩，當我地睇緊加唔加飯，店員建議我地加印度薄餅，一兜有八塊，但係掛住食唔記得影相😭薄餅熱辣辣得黎，食落都幾脆身同香口，不過因為兜青咖喱入面雞既份量比較少，而咖喱汁比較多，食落辣同鹹，點點下汁好快食曬印度薄餅🤤👁‍🗨 椰青沙冰（7.5/10）💲55唔可以唔講椰青沙冰，好正！呢度既椰青好大個，其實我地四個人每人叫一個，就算咖喱辣，大家已經不斷飲，但最後都係得一個飲得曬😂因為唔只成個椰青滿曬，仲要面頭都堆到好高😈不過沙冰始終會溶，所以一開始飲曬面頭嗰啲先，唔係既話瀉曬好狼狽🙈除左係重量級，味道方面都出色，唔似平時沙冰咁無味，飲落都幾濃椰子味，清清甜甜，超級解渴💦唯獨係間唔中會有椰子殼既顆粒，不過都證明係真材實料嘛🙆🏻‍♀️👁‍🗨 千層糕（6.5/10）💲52個千層糕望落層次分明，食落有椰漿，都有淡淡地既椰香🤗但係口感頗為失望，好黏身、軟身同腍身，個人麻麻地呢種，因為無左個煙煙韌靭既感覺😭👁‍🗨 芒果糯米飯（7/10）💲62呢個佈滿椰漿既糯米飯，上檯仲係暖笠笠😍當中既驚喜係有黑白糯米飯，黑糯米就較為有咬口，白糯米相對地比較腍身🤔同埋芒果依家唔算最當造既時候，呢個食落唔特別酸或甜可以接受，可惜得半邊唔夠喉👻🔛 整體評分（7/10）…Read More

輪到J小姐生日月，佢上個月先去完泰國，問佢生日想食乜，佢話好難忘記泰國嘢，所以要食泰國菜，kk太介紹就話去呢間……到達前睇下食評評價不錯……我地比預約時間早到半個鐘，這裡地方不錯，卡位四個人坐都闊落，因為條街太熱，早一點到叫杯嘢飲，佢地飲椰青、沙冰，我叫了香茅茶試下，好香香茅味，如果加少許蜂蜜，應該更加美味……我地先叫了四款前菜~蛹蝦、青木瓜沙律、柚子蝦沙律、魚餅蝦餅春卷拼盤，呢幾樣賣相都好靚，亦都幾好味，尤其柚子蝦沙律，酸味味，食倒“舊舊”柚子肉，吾錯吾錯，魚餅蝦餅熱熱的，香脆好味，但春卷就硬咗啲，卷蛹蝦的脆脆，脆卜卜好好食……淨係食前菜已經飽了一半，之後叫主菜~蜜糖豬肋骨、泰式炒蝦金邊粉及炒菜苗，個豬肋骨味道都好味，不過就冇乜肉食，金邊粉就麻麻地，冇乜味，蒜蓉炒菜苗我好鍾意，覺得好食……最後，點個咗甜品拼盤，真的睇得又食得，有椰汁黑、白糯米飯，熱熱的，淋上椰漿真係好好味，還有黃色綠色椰汁糕，煙煙靭靭，好好食，有一款綠豆椰汁糕是凍的，有椰絲似大菜糕質感、椰汁西米糕也不錯……這裡環境不錯，服務都ok，食物品質也不錯，這樣開開心心又過了一晚………Read More

平時買CD唱片我都會去集成商場，因為價錢真係平啲! 這晚買完唱片就行去W. Square覓食，六點半上到2樓的新泰東南亞餐廳已經差不多全院滿座，如果星期五六日就真的要book定位先。蒜蓉越南牛油雞翼 $68牛油雞翼被海量的炸蒜淹沒，雞翼夠大隻，咬落去夾雜著脆口的炸蒜一起吃，份外惹味。如果不怕油膩的話亦可以將炸蒜留起，混入之後上檯的主菜中一起吃，更會多了份牛油鹹香味呢~泰式炒雜菜 $72食過香口濃味的雞翼，就要食一食菜中和一下味蕾。這碟炒雜菜勝在夠大碟，菜類亦多，有西蘭花、椰菜花、紅蘿蔔、椰菜、粟米心及草菇等。椰菜非常清甜，其實菜類亦炒得夠乾身爽口，實在不錯。泰式蝦炒金邊粉 $98一上檯看外型已經加了很多分，面頭的蛋絲金鐘罩是兩層來的，完好無缺的包裹著金邊粉，金邊粉夠乾身之餘口味酸甜十分開胃，能夠一條一條金邊粉分開，證明沒有炒到一餅野。越式蟹肉炒粉絲 $98粉絲面頭放上一大堆蟹肉認真大手筆，不過蟹味略嫌不夠突出，而偏軟身的粉絲夾雜著爽口清脆燈籠椒及椰菜絲，配合在一起大大提升了口味層次。簡單點兩個主食 + 1小食 + 1炒菜，已經飽到食唔晒，這裡的食物果然份量充足，當我們食飽離開之際，門口已經有不少人在等位了。…Read More