富臨 (已結業)

過年後已經有好多日無見過契女，於是今日放假又走左去探佢，佢大個左好多仲開始識得叫我，真係好開心~玩玩吓都已經成6點幾，於是跟後我地成班人仲去左佢樓下既呢間酒樓食飯添~~~由於我地成班人都太鐘意食重口味嘅野嘢，於是一致決定點個醬燒牛仔骨煲，食左一啖已發覺無點錯，牛仔骨好多，而且舊舊都好大，肉嫩多汁，醬燒味道真係好好！海皇燉冬瓜盅湯底喺有少少濃稠嘅feel，就好似食緊一種羹咁好好味！一碗入面啲材料差唔多占咗大半碗，又瑤柱又冬瓜又蝦咁，啖湯確係好鮮甜潤喉既然食開肉啦，就唔好俾佢停！！因此我地仲叫左隻跳舞雞黎食~呢隻雞嘅味道同燒雞嘅味道好似，可能因為都係燒出嚟嘅，師傅把握嘅火候非常好，雞皮香脆甘香！波士頓龍蝦伊麵係滿滿嘅芝士香味，好啱我食！龍蝦大大件，又爽口又彈牙又鮮甜，加上麵質口感軟硬適中，很美味！呢餐食得關懷又唔貴，GOOD…查看更多

有一個大家族我有時都覺得係一件好事嚟嘅，因為咁樣就可以成日都有好野食！！！好似今日咁又因為我個侄仔10歲生日又出來食飯我地都唔少人，都叫左好多樣餸～分別就有我最鍾意食既藕片蝦球炒象拔蚌，大大碟，藕片仲又爽口又入味，蝦肉同象拔蚌就好大粒吓，加埋香爆既XO醬味道，用黎送飯食真係一流再黎就有全家都好喜歡既波士頓龍蝦＋芝士伊麵底，龍蝦大大件又爽口彈牙之餘仲吸晒芝士湯汁，加埋有咬感的伊麵齊齊食，真係最高享受！啖啖肉啖啖鮮啖啖甜啖啖愛爆冬冬地下，梗係要食吓以煲上既菜式，所以就揀左表姊最like既海參滑豆腐，份量幾多吓，起碼夠成6個人食，豆腐滑就唔,衽講，味道微辣，海參煮得軟滑qq，加上吸晒湯汁在內，好入味，又唔會太咸，確係煮得幾出色！酷愛飲湯既我地，仲叫左個清清地既海皇燉冬瓜盅，入面好多料，又蝦又冬菇又瑤柱咁，啖湯好清甜，飲完成個人都舒服晒~食食食吓就過左一個開心既晚上，家庭樂真係好重要，多點關心身邊人，負能量都會少好多，加埋美食之下，心情自然就會更靚喇！…查看更多