NENE CHICKEN (朗豪坊)

營業中

休息中

上次去韓國Miss左NeNe Chicken，今次終於可以係香港食番，NeNe Chicken係韓國已數一數二，有過千間分店，依加香港都開左幾間分店，實在太好了今次去左朗豪坊店食NeNe Chicken, 見到佢門口餐牌d食物都幾吸引~ 店舖都算大，以黃色為主，入到去已見到好大個雞形圖案連隻碟都係雞一坐低，店員即付上前菜，泡菜一客味道不會太辣，很爽口開胃，好吃來到NeNe Chicken 緊係要叫雞啦，見到佢餐牌有個新產品，芝士鐵板雞個賣相好似幾好味咁，有中size同大size揀，我地就叫左個中size~魚糕串清湯，呢個都好似唔錯，所以我們叫埋這個wow...出場了 出場了芝士鐵板雞個賣相好吸引，d汁好好味，不太辣，帶點甜味芝士味同椰香味，好香 雞肉又滑又嫩~除左芝士同雞外，仲有埋年糕食，年糕煙煙韌韌，口感十足雞肉點芝士汁真係好鐘意佢d汁，一於唔好浪費d醬汁，加10蚊要個白飯，撈埋飯食，好好味魚糕串清湯這個都好多料下，除左2串魚糕外，還有雞蛋，豆卜條，菜，鳴門卷~魚糕串，魚糕非常彈牙，好有口感，好好食湯底都好清甜，好飲整體食物，服務，環境都好好難怪咁多分店

一試韓國藝人代言既炸雞，一入到就聽到韓國pop music，夜晚6點半左右食，已經好多客人，之後愈黎愈多坐滿。枱上已經有2款泡菜，貼心俾埋水。叫左招牌炸雞(有骨$150)，迷利雞蛋卷(泡菜$78)，明洞派對小食($138)。有骨炸雞可以邊食邊啃骨，有風味d。有超過12件雞，份量係超多，食極都仲有咁。炸雞超脆and香，炸完唔會乾，仍然有肉汁，而且炸皮唔會同雞肉分離。配以蜜糖芥末，就甜甜地唔錯。佢同平時炸雞既不同之處係，冇咁油，而且脆身，唔會皮肉甩出黎。雞蛋卷厚身，包住泡菜，午餐肉，芝士，面頭上有大量蟹籽。少少拉絲，尼款泡菜唔辣，蛋卷夠厚好濃蛋香。易夾起。有個鏟for你自己將蛋卷切件。派對小食可以試唔同款既韓國街頭食物，唔駛單叫某種。小食包括2串各款魚糕，炸韓國壽司，炸粉絲卷，炸年糕，辣湯年糕炒雜菜。其中壽司餡料豐富，而且炸完唔覺油膩。炸年糕食落口有少少芝士咁。魚糕串大約有5款魚糕，試到唔多款。想食小食既朋友，menu仲有另一款韓國小食盤，可以揀。整體，坐得舒服，環境大，而且邊聽音樂邊食飯，好relax。