鳴橋燒肉料理

水呢間旺角日式放題店，竟然食到日本小店放題果份人情味老闆一開始忙於招呼大家，但當大家都食得7788，老闆開始輕鬆D，佢就同各客人傾下計，問下我地對食物意見，感覺好似去左日本小店咁，好親切～　疫情飛唔到，喺度食左放題當去左！見到有人話　＂旺角呢間餐廳算係平價高質嘅燒肉店＂，食過後表示絕對認同！首先，最特別嘅係.....個爐有張吸油紙，好體貼，咁就唔洗成日叫人黎換塊燒板，又唔會痴到Ｄ食物燶晒，～值得一讚其次係，法式香草羊架，超厚肉，超大舊，超入味，仲唔羶唔韌第三，我覺得必點係呢個 "芝士麻吉燒"，芝心漏晒出黎，有點像芝士年糕感覺，好正除左呢2款最吸精，仲有其他好多款食物選擇！魚生新鮮，都算多款海鮮方面，要讚下隻蝦，好多時燒完都好貼殼，好難去食，但呢道好新鮮好易剝，啖啖肉！我地仲點左帶子肉類方面，鹽燒雞翼，秘製牛柳肉，鹽燒牛肋肉，呢三款係不斷番點又番點，真係好入味好正整體黎講，除左燒肉，佢地嘅和食都係有水準，所以好啱鍾意和食放題，又想食燒肉嘅朋友！最重要係甜品雪糕係任食 而家好多放題每人限1件，呢道仲有綠茶，芝麻味雪糕，真係好日本呢～！ＭENU~好多款選擇！我地加左 $40 升級食左羊架，安格斯牛肋肉，日本帶子／帆立貝，海蝦，加一後每日都係 $273，性價比高！最緊要無吹過我地走！呢份人情味食到尾都好安落！…查看更多

這間位於旺角砵蘭街內的「鳴橋燒肉料理」價錢適中，地方舒適。位與位之間不會太過狹窄，燈光柔和一路食一路吹水感覺舒適自然，除了地方舒服食物有水準，已這個價錢來講都幾超值，唔同時段入座與離座都有優惠，店員服務殷勤上菜速度快，以點餐紙方式來order食物。甜蝦、帶子刺身坐低先叫刺身做前菜，刺身選擇有好幾款而我最愛就是甜蝦和帶子，這兩款刺身都非常鮮甜。蟹子沙律蟹子沙律入口清新，加上胡麻汁的香味，絕對醒胃。虎蝦、多春魚虎蝦肉質爽彈燒好，去殼後加小小鹽來調味入口非常鮮甜。這裏多春魚因燒爐上加上一張燒烤紙，燒起上嚟多春魚完全不黐底不會天一半地一半，燒幾多食幾多正。鹽燒牛舌鹽燒牛舌入口爽脆牛味香濃鹽燒牛肋肉鹽燒牛肋肉每一件都差不多大小厚薄適中，油脂分布平均有入口即溶的感覺。鹽燒雞翼鹽燒雞翼把雞翼一開二燒得方便食得更方便。鹽燒雞太腿鹽燒雞太腿，喜歡食雞腿肉的不要錯過，肉質嫩滑，雞皮甘香。一口蒜香腸一口蒜香腸，這個實在太好味了。蒜蓉味的香腸細細粒一口一條，在口中一咬蒜香味和肉汁在口中爆出非常過癮，食多多都唔夠。法式香草羊架法式香草羊架，羊肉味香濃肉質細嫩喜歡的朋友絕對不要錯過。…查看更多

友人約話想食午餐食燒肉 揾到間午市放食題係砵蘭街港鐵油麻地站行過黎5分鐘都唔駛因為係後街 所以唔算多人唔駛等位小店 有十張枱到 燈光比較柔和 午市黎講 有好多款選擇 最驚喜係佢有自家煲涼茶食燒肉飲涼茶 係小店的窩心吖當日去時係羅漢果 唔算太甜佢唔燒肉 仲有刺身 天婦羅 餃子 沙律  刺身好新鮮蝦天婦羅好大隻 有好多款肉可以揀 我覺得最正有地獄牛舌 - 好入味 但又唔會愈食愈食辣 一口和牛 - 其實無諗過小店會有一口和牛食 只能講實在太開心豚拖羅 - 可以燒得香口啲 完全係入口即溶羊架 - 大愛 佢好大件 比起平時見到大一個SIZE              好肥 所以食落口好羶 好香 好有羊味 海鮮都相對選擇比較少 但也可以接受三文魚骨 - 係我燒得唔夠耐 如果唔係可以更香口虎蝦是超大隻的最後當然叫咗雪糕做甜品總括黎講 小店性價比高 價錢平款式算多…查看更多

平時經常在旺角出沒，今天找來一間位於旺角的燒肉放題店，名字好日式，叫【鳴橋】，也好讓我期待一下。店面紅黑的設計好搶眼，好容易就會找到。店前有一個餐牌，寫上食物的種類，我和妹妹看了看合心水就衝入店內。店內保持紅黑的設計，座位容間感十足，枱面寬闊。食物紙共有五款，分別有刺身／野菜、海鮮／和食、肉類、飲品／甜品、炸物／湯飲。法式香草羊架羊架大大件，用好多香草醃製，所以香草味甚濃，肉質嫩口，羊味香濃，喜歡吃羊的朋友一定喜歡。雞軟骨、鹽燒牛舌和各式的肉類肉類食物顏色好鮮美，全部都好新鮮。店員好有心思過來教我們應該先把油份多的肉在鍋中心燒過後，油份可以令之後燒的食物更香和不易焦燶。枱上有一些日本鹽，燒食物時放少少會更惹味。虎蝦和帆立貝共需加$40升級就可以無限享用。虎蝦有心掌大，肉質彈牙鮮味！帆立貝都好大顆！燒起來鮮味十足。秘制牛柳肉肥瘦均勻！燒起來油份香濃，牛味濃郁，肉質更是嫩口。鹽燒牛肋肉也是加$40就可以無限享肉。牛肋肉脂肪分佈均勻！入口鬆化，牛肉味好香濃！食肉多都要食點蔬菜，這裡的蔬菜都好新鮮。這個芝士麻吉，中間有芝士年糕，煙煙韌韌的口感好過癮。這裡的天婦羅也很不錯，粉漿炸到脆卜卜！粉漿的調味又適中。刺身很不錯，全部都好新鮮，特別是甜蝦，和蝦的蝦身令人食上癮。帶子肉精瑩通透，肉質鮮嫩。中華沙律好開胃，酸酸甜甜，麻油味香濃。食得肉多，都會吃點蔬菜，好彩這裡有炒雜菜可以滿足我們。就算食肉多，都不能不吃點澱粉，不過這個一口日式彾飯真的好一口，所以我們點了好幾回。蟹籽沙律十分多蟹籽！裡面還有蟹柳，沙律醬和青瓜絲好清爽。三文魚頭湯好濃郁的三文魚味，用料十足，不時食到啖啖的三文魚肉。枝豆加上鹽作調味，好惹味可口，作為小食一流！味付螺肉有少少辣，想食而又不能食辣的朋友要注意了 甜品有綠茶味和芝麻味雪糕，雪糕的質感幼滑，芝麻味和綠茶味都好香濃。還有雪米糍和芝士蛋糕，真不錯。第一次飲提子味的C&C，原來挺好喝。而自家製的涼茶就我是羅漢果茶，清甜解渴。餐牌上還有好多其他食物可供選擇：以放題來說，這裡的價錢好相宜，兩人都只花了五百多元，我們都吃得好盡興，加上這裡上茶速度快，食物水準高，食物種類多，下次我們想食放題還會再來。…查看更多

跟韓式烤肉相比，我更喜歡日式烤肉，因為後者肉類醃料沒前者下得重，比較能吃到該種肉的原味，而且除了烤肉外，也有其他海鮮、蔬果等食物提供，相比前者大部份都是肉，吃不了多少便已非常膩滯。但日式烤肉大多是單點形式，要吃得飽動軏也要數百元，不像韓式烤肉大都是任食形式。不過最近在開飯網就發現了油麻地有一間日式烤肉店，$200就可以在兩小時內任飲任食，於是就把下次跟朋友的飯聚地點定於這裡。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊開飯網顯示鳴橋位於旺角砵蘭街，不過其實距離油麻地港鐵站會近一點，步行三分鐘就到。不像一般日式放題店，鳴橋店內面積不大，就跟毗鄰的餐廳差不多，店內約可容納40位食客。每張桌上都備有魚生豉油、胡椒粉、七味粉、紙巾和牙簽。而每個位子上另有一個調味碟，左至右分別是芥末、醃蘿蔔和烤肉醬油。食店按時段收費，由$168至$198不等，由於是晚為周五晚上，所以就是$198加一。雖說是放題，但大虎蝦、帆立貝、牛肋肉、刺身帶子、馬刀貝和羊架這些食物由於較貴，所以要另加$40才可點。食店由於以烤肉為主，所以食物選擇不及一般刺身壽司放題般多，主要以肉類為大多數，但也有提供刺身、和食、海鮮、飯、飲料和甜品，其中旁邊打星的食物，就是剛才提到要另加$40才可點的。而飲品選擇全是無酒精，如果想點酒精飲品，則要另外付費。 自家製涼茶－五花茶先點一杯自家製涼茶，原來是五花茶。一杯份量不多，就跟一個茶杯差不多，入口不太甜，頗為健康，但對於我這種嗜甜的人，就覺得有點到喉不到肺。不過重點還是份量太少，基本上多喝兩口就沒有了，吃烤肉時都會想多喝一點飲料，就要不停著侍應添加，所以建議食店用一個大一點的杯盛載會更好。在點餐時，侍應告訴我們，只要在食店的FB專頁讚好或打卡，都可每人送贈一客流心溫泉蛋。 流心溫泉蛋溫泉蛋浸在醬油內。蛋黃被薄薄的一層膜包裹著。溫泉蛋非常流心，用湯匙輕輕一攪，蛋汁就流出來了，一啖入口，濃稠的蛋漿混著醬油的鹹味，味道不錯。 蘋果汽水由於涼茶份量實在太少，最後我還是要點一罐蘋果汽水。刺身刺身由上至下左至右分別是章魚、鮑片、三文魚、北寄貝、帶子、甜蝦和馬刀貝。當中我最喜歡馬刀貝，因為非常爽口，其次八爪魚和北寄貝都不錯，非常彈口。炸物炸物我們只點了餃子和蝦天婦羅。蝦天婦羅炸漿厚薄適中，天婦羅不算非常脆口，但都可以接受。餃子反而比蝦而婦羅更脆口，而且炸漿更薄，味道不錯。每款肉類都點了一點來試，爐上鋪上吸油紙，食物都不會黏底，也不易燒焦，而且侍應還不定時來更換吸油紙，值得一讚。虎蝦虎蝦是其中一款食物需要另加$40才可以點的。蝦身約有掌心大小，蝦肉彈口得來帶點鹹香，味道不錯。帆立貝帆立貝比五元大一點，肉質彈牙，不過邊位有點黏牙。一口蒜香腸(上): 肉質帶點彈口，但蒜香味不太突出，比較普通。一口黑椒腸(下): 肉質同樣彈口，黑椒味突出，非常香口惹味。雞軟骨燒過的雞軟骨入口脆卜卜，調味也適中，不會過鹹。多春魚雖然已鋪上吸油紙，但多春魚仍有黏底情況，所以反轉來燒時，都要小心奕奕。雖然燒完後有點甩頭甩骨，不過絕無捐味道。法式香草羊架羊架肉質軟腍，肥瘦適中，羊羶味不重，帶淡淡香草味，不過喜歡濃味的我，吃前還是要蘸一下烤肉醬油。鹽燒牛舌牛舌雖然非常薄切，但羶味不重，鹹香中帶點彈口，非常美味。燒汁牛肋肉薄薄一片的牛肋肉不會過韌，牛味不重，味道沒甚麼特別。秘製牛柳肉牛柳肉同樣薄薄一片，入口軟腍，加上黑椒，頗為惹味。香芋雪糕由於點菜紙上的朝麻雪糕沒有貨，所以轉了香芋雪糕。雪糕奶味不重，味道普通。精選甜品－意大利餅今日的精選甜品是意大利餅，由於我先吃雪糕，所以當我吃這意大利餅時，基本上吃不出味道來，只吃到淡淡的咖啡味。總結，以平價烤肉放題來說，味道雖不上有驚喜，但也屬合格。如果想吃日式烤肉但又預算不高，也可以一試。…查看更多

早前晌尖沙咀食咗餐好和味嘅日式烤肉，今晚再續「烤肉」之夜，同個死佬朋友嚟到油麻地嘅鳴橋燒肉料理，貪佢近近哋，而且，全包放題，即喺任飲任食，連加一都唔使兩舊水，仲有可以晌Table Map訂枱儲分，又可以下載優惠券賺多一客特大刺身蝦嚟試試，諗落划算嘛。離油麻地地鐵幾分鐘腳程，好方便，位置屬於黐住旺角，所以，幾旺場，仲越夜越多人，訂咗枱始終穩陣啲，離開時仲見唔少人晌門外等位添。門口大大個餐牌，有咩食一目了然。室內環境唔喺好大，坐滿人之時真喺幾逼，裝修亦都好簡單，反而餐廳尾落幾級嘅用餐區闊落少少。基本收費，$178一位（星期五、六、日、假期及其前夕，另加$10），任飲任食兩個鐘，我哋咁戰鬥格，夠晒啦。當中，已包咗超過60多款嘢食，有肉類、野菜、和食、甜品、炸物、刺身、海鮮及飲品。另外，又可以加$40升級為皇牌放題，有多6款嘢食可以任點，就喺牛肋肉、花虎蝦、帆立貝、刺身帶子、馬刀貝及意大利芝士蛋糕，想享受多啲，定慳番啲，悉隨尊便。此外，仲有一張點菜紙寫住付款項目，有兩款特別食物，同埋啲啤酒、清酒、紅酒、白酒、香檳之類，小心啲剔，咪亂剔剔鬼錯。三文魚頭湯燒烤需時，所以，不如點個湯潤一潤。湯品有味噌湯及三文魚頭湯，揀後者心理上覺得多料啲，睇落跟味噌湯無咩分別，只喺入口多一陣三文魚嘅味道，唔錯！唔錯！蟹籽沙律慣常自助餐、放題嘅作戰攻略之一，就喺食啲沙律作為前菜，開開腸胃等陣可以食多啲。甘筍絲、白蘿蔔絲、青瓜絲拌點胡麻汁，蟹籽落手重，食落清清爽爽。特大刺身赤蝦跟住一人送上一隻特大刺身赤蝦，果然特大，有成隻手掌咁大。如果食完想再食，就要付款點選，屬於「付款項目」，不過，都只喺$10隻。質素唔算話超高，肉質未夠爽，但味道仍覺鮮甜，賣你$10一隻仲想點！除咗有啲醬油之外，枱上仲有七味粉及日本鹽，作為補充式調味，基本上今晚都好少用到。飲品食烤肉真喺唔少得飲汽水，除可樂、忌廉、橙汁唔在講，仲有檸檬+C，及新加嘅C&C蘋果汽水；咁熱氣，最得小弟歡心都喺自家製五花茶，一小渣奉上，唔使嗌多幾次咁麻煩。此外，亦關顧到唔方便飲凍嘢嘅人，熱飲包括柚子茶同綠茶。肉類好快第一份肉類上枱，我哋點咗鹽燒牛舌、汁燒牛肋肉、秘製牛柳肉、七味豚背肋、七味豚拖羅、香草雞翼、鹽燒雞太腿、法式香草羊架。擺盤賣相方面俾人感覺麻麻，除因為啲肉切得薄身，擺起嚟唔夠立體之外，亦無好好分隔出唔同嘅肉類，感覺有種隨意嘅堆砌感。反而，汁燒牛肋肉及法式香草羊架分碟上，觀感好啲。雖然賣相欠奉，但啲肉嘅質素又唔差喎，牛舌煙韌有咬口，牛肋肉肉質細緻，牛柳肉又好腍滑，豚拖羅富油香，羊架亦羶香軟腍；唯一唔喺太鐘意喺啲雞翼起單骨，反正雞翼又唔喺大隻，就無謂仲斬開兩截。而香草醃得稍為重手咗啲，稍稍搶咗肉味。海鮮類因為升咗級，可以點虎蝦，帆立貝，仲加埋法式香草龍脷柳，小墨魚，牛油蒜蓉青口。虎蝦跟帆立貝確喺幾有睇頭，睇落都覺得有啲質素。味道比預期好，尤其龍脷柳，唔會好似羊架落得過多香草。虎蝦爽甜彈牙，帆立貝好有肉地，小墨魚爽口好味。燒咗幾轉，張牛油紙已經黑晒，侍應都好醒目幫手換紙。再燒多幾轉肉期間，點咗啲炸物同刺身攝吓時間。炸物類天婦羅有蝦、野菌、南瓜、地瓜（即喺蕃薯），樣樣剔不如點個雜錦一碟過。天婦羅做得不過不失，南瓜同蕃薯都夠粉甜，喺炸漿厚啲啲啫。刺身類總共有7款刺身，因為老友喺刺身粉絲，所以，無懸念就一次過點晒。整體刺身唔算高質，亦唔差，但升級嘅帶子則頗有水準，鮮甜味美。其後，仲留少少刺身拌飯，DIY刺身飯也。野菜類、芝士麻吉最後燒乜好？咪野菜囉，選擇得翠玉瓜、野菌、南瓜、粟米，唔使多諗又喺點晒。還要加多件芝士麻吉，究竟喺乜，個店員竟然賣我關子，話好好食，值得試！因為佢唔喺明火嘅烤爐，所以粟米較難燒，要耐心啲慢慢燒。南瓜依然粉甜，野菌爽爽哋。而芝士麻吉就似喺芝士加炸魚片頭，燒香之後，芝士又溶溶漏漏，確喺幾好食喎。一口日式御飯臨尾貪得意，點咗一客「一口日式御飯」，叫得一口應該唔會多，可能成晚都未發市，點知嚟到有啲「賴嘢」嘅感覺，何止一口，直頭成碗，小弟一向唔嘥嘢，加埋啲刺身，一於刺身飯，照樣成碗頂晒佢。其實啲珍珠米幾軟糯，口感唔錯，加埋之前點嘅刺身，正架！甜品老友唔太啱，我就當然喜歡啦，所以，升級嘅意大利芝士蛋糕、雪米糍、綠茶雪糕及胡麻雪糕全部一網打盡，樣樣一客。意大利芝士蛋糕來貨嘢，不過不失，欠一點咖啡酒香；雪米糍喺芋頭味，啱晒我，而兩款雪糕都好好食，質感軟滑，綠茶及芝麻都十足。最後30分鐘，就喺鯉魚旗出場，最後落單嘅溫馨提示，表示你要快啲點最後一輪嘢食嘞！題外話，之前翻餐牌時見到佢哋仲提供定食（$48-$88），定價實惠，所以，嚟到唔食烤肉亦有其他選擇。雖然肉類嘅揀選欠缺一啲富油花帶油香質素嘅肉類，但以咁嘅價錢，選擇又唔算少，任食任飲，想慳慳哋過吓燒肉癮，都喺個好唔錯嘅地方。…查看更多