My Day

請了半天假做正經事，順便游個水之後，小妹悠閒地踢著拖鞋來到了美麗華的Ｍy Day。這是一個令你不自覺挺胸撥頭髮的優雅地方。淺綠色的牆身、白色的蕾絲、戶外的日落餘暉…原來是個婚禮場所。兩個字：浪漫。再來兩個字：優雅。再看看自己：……淑女!(一定係,除非唔係) 立即變身亦得！回歸正傳…這裡的dinner是semi-buffet形式。價錢由$268到$368不等，有海鮮拼盤、主菜、甜品拼盤、餐飲。湯和沙律則是自助形式。首先幫襯一下沙律吧。沙律款色齊全，其中我較喜愛的是螺肉沙律，火腿和煙三文魚等都有。亦有西瓜、蜜瓜、菠蘿等生果供應。海鮮拼盤Seafood Platter with Complimentary[半份龍蝦，海蝦，翡翠螺，松葉蟹腳，青口］按人數份量供應相片中的是二人份量。龍蝦大大隻，比我手掌還要大，中間好多籽，肉質彈牙，質素未算最好，但已經算相當唔錯，個人覺得蟹鉗內比較多冰水融出黎，不過唔影響肉質。（美中不足的是我的兩邊龍蝦不是同一隻，對唔埋的）松葉蟹腳亦新鮮，可以輕鬆地將整條肉拆件。質素滿意。蝦、螺和青口味道正常。（經我脆弱的腸胃測試：衛生合格！放心食用！）香煎深海比目魚柳配原隻南非鮑魚($328)Pan-Fried Ocean Halibut Fillet & Abalone紅花薯蓉/西芹頭忌廉汁/時令蔬菜點這個菜式之前，我猶豫了良久。因為我好討厭西芹，不過又很想食魚。最終還是點了，幸而西芹味很輕。（好彩！）面頭打了輕柔的泡沫，碟邊灑了龍蝦籽，魚皮煎得香而脆。肉質鮮嫩。這道菜相當高質。我最愛的是紅花薯蓉和龍蝦籽。口感smooth之餘，又帶有咸鮮氣息。而且輕怡，食落無負擔。鮮鮑口感彈牙，可以輕易用刀切開一半，蘸上些少薯蓉食，閉上眼睛，感受到鮑魚在齒間回彈的美妙感覺。每當你有減肥的念頭身邊邪惡的朋友就點了最邪惡的肥肥菜式這次朋友點了這個法式燒乳豬配法國血橙燒汁($328)Golden Roasted Suckling Pig Served with Local Green & Blood Orange Gravy不得不說的是，擺盤擺得幾靚，有顏色均衡的感覺。配菜有我喜愛的秋葵。（配菜是會轉換的，睇黎我運氣不錯）乳豬皮非常脆，咔咔聲地咬開，中間是滿滿的油脂(好邪惡呀)配上血橙燒汁是好好味。不過有點肥膩飽滯，口味濃厚，我只能吃到一舊。朋友則好勇猛地食完。甜品拼盤Dessert Platter這裡的甜品拼盤瞬間擄獲我的心。哪有女生不喜歡精緻又豐富的甜品呢？心花怒放～creme brulee 是我的最愛，這裡的也整得不錯，焦糖夠脆，蛋口感夠滑。然後芒果玫瑰慕絲杯美麗之餘也散發淡淡清香不酸，甜得不過份。餐飲無論是咖啡和菜都非常的香。很好！總結以dinner semi-buffet來說，三百幾一位不貴而環境和服務都很好，主菜味道佳，整體是四個字：喜出望外。難得的是這裡樓底夠高不焗束，所以優雅得來氣氛是輕鬆的，宜吹水。令你覺得自己既淑女得黎，又帶幾分踢著拖鞋、無拘無束的輕鬆歡樂感覺。…查看更多

平時食buffet都好難樣樣都食得哂，今晚來個半自助餐，一來價錢吸引，二來環境靚之餘，服務還好好。位於美麗華廣場6樓，交通方便，環境仲好靚，因為呢度也是歐陸氣派宴會場地，平時無活動時都有半自助餐供應，所以我地當然訂定位。餐廳環境優雅廣闊，很有空間感，果然做開宴會場地，周圍裝備佈置都充滿幸福感覺。也有Outdoor位置，同樣有埋地台位方便室外宴會用，而且我地早了點來，仲可以欣賞日落的迷人光線，到了晚上又有醉人夜景陪伴 ，真係好溫馨浪漫。半自助餐有自助沙律、頭盤、餐湯，之後有豐富的海鮮拼盤，接著是主菜，有7款選擇，價錢$268-368，連兒童餐都有，最後是甜品拼盤、咖啡/茶。自助沙律及頭盤不算很多選擇，但貴精不貴多，質素高且放得整齊乾淨，望到已經想食。火腿類的頭盤有齊5-6款，排得好靚，也有煙三文魚。沙律菜好新鮮乾淨，醬料有西式醬及芝麻醬，的確每款都想食，而我最喜歡食羅馬生菜配調好的各式沙律。另一邊是幾款調配好的沙律，多是以西式配搭，但有款螺肉青瓜就較中式，味道好好。生果類也有三款，全部都好甜好多汁。另一邊就放了一鍋南瓜湯，也是無限添。南瓜湯味道溫和又溫暖，微甜又順滑的湯配麵包很美味。但我更喜歡餐包，是烘的又暖又脆的無花果乾麵包，超好味。火腿的味道不會太咸，有微辣、有黑椒的香、有酸瓜等等，幾款都好味，我較鍾意煙三文魚，肥美油潤又香，嫩滑又健康的頭盤。沙律有少見的紅菜頭，清甜開胃；火雞片配橙也好清新，唔似食肉的膩感；螺肉配青瓜有麻油香。海鮮拼盤有龍蝦、青口、翡翠螺、海蝦及松葉蟹腳。海蝦好爽口，青口大隻厚肉，兩者也不腥。松葉蟹腳也有4大件很豪爽，蟹肉一絲絲好鮮甜。翡翠螺反而興趣不大，雖然好彈，但我發現沙律吧有已起肉切片做成的中華沙律，但美味又食得方便。每人有半隻龍蝦，有手掌咁大，肉質爽彈，龍蝦味頗明顯，連膏食更滋味。龍蝦鉗也不可錯過，好易將鉗肉拉出，肉質更結實彈牙，加點檸汁更帶出鮮味。法式燒乳豬配法國血橙燒汁 $328，法式做法同中式不同，雖然兩種做法都是會燒脆豬皮，但法式的豬肉不會乾的，所以多個享受，但配菜是較中式的菜芯，菜芯連味道都帶點中式醬油味，究竟中法味道夾唔夾？！立即開動。乳豬皮薄又脆卜卜，中間有層脂肪夾著，食落滿口油香，豬肉好嫩腍，肉味突出，而且好多肉汁，配血橙燒汁味道更提升，因為醬汁酸酸甜甜有果汁好夾豬肉，又可中和油膩。配菜不用沙律，用中式炒菜原來都好夾，感覺貼近港人口味。美國頂級肉眼扒（10安士）$368，伴美國蘆筍、沙律、香炒野菌及薯條，份量十足好豐富，而且用木板上菜更有風味。肉眼扒點了五成熟，粉紅色嫩肉好柔軟，加上油脂分佈平均，微微溶化開又閃亮著油光，令牛扒肉汁更豐富。雖然不太厚身，但牛味濃且口感實在，筋位也很少。與配菜味道合拍，我特別喜歡連野菌同食。薯條也保持得香脆，不會被肉汁浸軟。等待上甜品時，我地已經好滿足，但仍被生果吸引，火龍果難得甜的，平時自己買的都味道較淡。哈密瓜好爽脆，與西瓜同樣香甜多汁。我的熱檸茶都特別靚，因為用玻璃杯，而友人的咖啡也有另外裝開的奶，感覺好優雅。不得不讚呢度服務周到又貼心，由頭食到尾，都會勤快添水清理乾淨，上菜速度也配合客人。甜品拼盤送到，打從心底裡「嘩」一聲，好靚好公主感覺，有多款甜品唔知由邊度食起，瘋狂影相完就開始食啦。我同友人的選擇次序都唔同，其實喜歡點食都得。我先食較淡味的蝴蝶酥，微甜不膩又香酥，很脆口好配咖啡。接著食濕潤的芒果布甸，不過太水太散，味道可以，只是質感不太好。還有小朋友喜歡的jelly，質感偏軟身，不會太彈，青檸味酸酸甜甜好清爽，再飽都可以食埋其他甜品。抹茶卷蛋很輕盈，茶味清新，我較喜歡濃郁茶甘的味。士多啤梨奶凍好好食，既香滑又濃厚的奶味，配士多啤梨醬味道剛好平衡，還有點椰奶味。可惜朱古力曲奇已不脆，應該放久變潮了。最好味都是藍莓芝士蛋糕，芝味濃重又滑溜，餅底又香。而朱古力布朗尼蛋糕也好味，難得仍加入合桃增加口感。…查看更多

有質素的自助餐通常比較貴，所以很久沒有吃了，聞說美麗華廣場的 My Day 的半自助餐價錢合理，質素亦佳，所以便和家人一起來嚐一嚐。餐廳環境舒適，佈置得宜，適合結婚慶典。今天來到時，剛巧碰上日落時分，景色優美，十分醉人。點菜後，侍應先遞上每人半份龍蝦。海蝦、翡翠螺、青口、松茶蟹腳等海鮮任食，單是大大隻的翡翠螺、鮮甜、海水味十足的松葉蟹腳已值回票價。主菜上場了。比目魚柳煎香後，味道肥美香甜；南非鮑魚煮得很腍，味道鮮甜；再用青口伴碟，又好睇又好食。一向嗜羊架，見餐牌有此食物，當然要 order 一客。羊架肥美，五成熟剛剛好，不會太韌又不會乾，肉汁仍然能鎖在羊架內，蘸點薄荷醬，既能消除羊的膻味，又能將羊肉味提升了不少。各式各樣的甜品，琳瑯滿目，有選擇困難症的我樣樣都想試、樣樣都想食。甜品做得很精緻，賣相亦佳，甜度適中，香甜軟滑，已經很飽的我也忍不住吃了不少。…查看更多

約咗人嚟到尖沙咀美麗華六樓嘅My Day，呢度係俾新人擺酒或舉行宴會嘅地方。如果無包場嘅話夜晚就會提供半自助餐，呢晚我哋就嚟試試。場內色調用淺綠同白色為主，佈置充滿西式婚宴氣氛。除咗大圓檯之外，亦有多張長方形檯。餐廳仲有戶外位，可以俾新人晌呢度舉行證婚儀式，而且仲有開揚嘅尖沙咀鬧市景。然後就睇睇自助區嘅食物，主要係頭盤同沙律，分別有薯仔沙律、紅菜頭沙律、辣肉腸長通粉同多款冷切肉，另有幾款生果、羅馬生菜、紫生菜、青瓜、車厘茄、粟米、黑橄欖、鷹咀豆、煙肉乾、烘麵包粒、芝士粉同四款唔同口味嘅醬汁，俾食客自己調配沙律。肉眼所見，當晚嘅冷切肉至少有五六款。餐廳提供嘅係半自助餐，其中一啲食物係限額嘅、一啲食物就可以去自助區任意享用。入面嘅主菜就係每人一份，價錢由二百幾至三百幾左右，其中兩款兒童餐就唔洗一百，另設加一服務費。海鮮拼盤，分別有龍蝦、海蝦、翡翠螺、松葉蟹腳同青口，數量方面係按人數發放。當晚嘅龍蝦幾大隻，翡翠螺肉厚彈牙，青口嫩滑，松葉蟹腳鮮鹹，其餘四款嘅質素唔錯，如果可以任食就好喇。另外，仲有麵包多士。自助區嘅冷切肉幾香口，我最鍾意加咗彩椒同黑椒嗰兩款。蔬菜都幾爽嫩，而生果類嘅菠蘿、哈密瓜同火龍果都幾香甜多汁。餐湯方面，呢晚係青豆湯，質感都幾creamy。然後就上主菜嘅美國頂級肉眼扒，餐牌寫有十安士重，仲用露筍、炒雜菌、沙律同薯條伴碟，同埋跟咗黃芥辣、茄汁同燒汁點嚟食。法式燒乳豬配法國血橙燒汁，伴碟嘅甘筍同加咗番茄醬嘅雜菜有解去肉類膩感嘅作用。餐飲就揀咗熱檸茶，餐後飲幾消滯。食完主菜，侍應就拎咗一份甜品拼盤嚟，同海鮮拼盤一樣每款嘅數量都係按人數發放。呢個拼盤有啲似英式下午茶，賣相討好。甜品名係我憑外觀同味道嚟估，紐約芝士蛋糕、藍莓芝士蛋糕口感滑；布朗尼入面有榛子果仁，朱古力味濃郁中帶甘澀；綠茶蛋卷嘅綠茶味唔重，但口感唔錯；原味同綠茶曲奇細細件咁，都幾鬆脆。椰汁奶凍香滑；芒果布甸質感唔硬，幾唔錯；焦糖燉蛋甜味唔高；杞子桂花糕整到成個心形，味道清清甜甜；啫喱糖就色彩繽紛。 （附上影片，openrice要電腦桌面版先可以睇到）…查看更多

今晚朋友帶左我去美麗華商場既一間餐廳食Semi-buffet, 聽聞五月轉左個新MENU, 有main course之餘, 仲可以任食龍蝦!! 呢間餐廳環境裝修都好靚, 很有西式婚宴格調。餐廳環境寬敞優雅, 出面任食既野食吧亦很整潔, 野食分門別類的排好, 任食既包括有有幾款既海鮮； 龍蝦、海蝦、田螺、長腳蟹、青口更設有多款沙律、前菜、冷盤、生果、餐湯、甜品仲有呢個深受大人小朋友歡迎既糖果吧, 可以隨意夾自己喜歡既糖果入袋中慢慢食。我地食Semi buffet既同時, 當然要order自己想食邊款main course啦~豬、牛、羊、雞 都有齊, 就連兒童餐亦有供應, 總有一款岩心水~ 我同朋友就order左以下兩款main course share, 再額外加錢叫左個青口同埋生蠔。【生蠔】HK$208/半打 : 雖然我唔食生蠔, 但其他朋友亦讚口不絕話D生蠔好新鮮【法國藍青口配蒜蓉包】HK$180忌廉味沒有完全覆蓋青口本身既味道, 調味方面掌握得很好。而最令我驚喜竟然係伴碟既蒜蓉包, 外脆內軟, 麵包入面鬆軟而且被塗上牛油同埋蒜蓉, 令包中帶點濕潤, 反而更食到更香既蒜蓉味【扒澳州羊架】HK$348羊架沒有太濃烈既羊羶味, 切開還有豐富既肉汁, 肉質嫩口, 正!【法式燒乳豬配法國血橙燒汁】HK$328乳豬皮好薄, 而且燒得好脆, 沒有太厚既肥油層, 肉質還是很嫩, 有些少肉汁, 配上隔離既血橙燒汁, 令味道更加突出。每個main course都會包一杯野飲, 而我就Order左杯凍檸茶, 糖水分開上, 客人可以自行調教甜度。食完個Main course 唔夠飽既話就繼續出去再拎野食埋位慢慢食, 食既期間都見到職員re-fill得幾密, 完全沒有搶食程況出現。開邊龍蝦超級鮮甜, 肉質很爽, 原條龍蝦肉拆出, 啖啖肉, 更有唔少甘甜龍蝦膏, 正!!!至於貝殼類既青口同埋螺, 入面冇沙, 而且都很鮮味。特別是長腳蟹, 鮮甜味更為突出。另有有青豆薯仔打成既餐湯, 出面比較少有, 夠哂健康。甜品方面我比較中意焦糖布甸, 口感滑, 而且甜度岩岩好呢度既環境真係好靚好舒服, 拍得住酒店級, 服務周到, 而且5月期間限定仲有龍蝦入食, 真係食多幾隻都好易回本!…查看更多