My Day

80人份量得呢幾兜嘢，咁都叫自助餐，仲話收費500幾一個，無人食得飽。問佢仲會唔會重新上菜，佢話係得咁多，嚴重搵笨。首先唔好講食物質素，食落去已經好唔好食，諗住食飽都算啦。 80人排8兜食物，每人每次一嚿，好似難民營食物分配。 壽司上完一兜，只有refill一兜， 啲飯硬掘掘，衰過爭鮮。如果想響度搞自助餐就要認真考慮一下， 食完唔係唔飽，係仲肚餓。簡直差評100分，打完呢篇嘢要搵餐廳食過餐飯， 衰個小學生宿營 canteen…查看更多

疫情過後，陸續有新人復辦婚宴，這間婚宴場地「My Day」，是我第一次來，原來就在尖沙咀The Mira6樓，地理位置方便。場地不算大，新人延開十五席，已經是坐滿了，食物算不錯！其中婚宴前席的小食，例如有炸春卷、三文治，沙律等也絕不欺場，給客人頂肚不失禮貌…查看更多

去咗間位於尖沙咀嘅My Day，呢度嘅石燒飯就真係出色呀！👍 先嚟個前菜Bar一試，沙律鮮彩爽口，尤其果煙三文魚，細滑過水，攪埋麵包醬一口，實在係好味到喊出嚟。再試嗰焗蠔啦，帶子都咁大隻，鮮味就不用多講。淮山杞子螺頭煲，湯甜到心坎入面去，真係高水。石燒板上場，好玩到不得了，自己做大廚咁，嗰燒三文魚柳香味四溢，咬落去外脆內滑，呢個煙韌正點！牛肉眼扒配香草汁，軟嫩多汁，熱辣辣嘅肉香味，包圍晒整間屋。最後，點可以唔留位個甜品？焦糖燉蛋攞嚟一試，頂層嘅焦糖啪嘭聲咬開，底下係滑溜溜嘅燉蛋，香甜得嚟又唔膩口，真係完美嘅收官！食完晚餐，再嚟杯咖啡或者紅茶，真係話晒都係食得開心最緊要，絕對係啱晒老少咸宜嘅健談地方。下次再聚，我地都會再選呢間，真係掂過掂！🍽️🥂🔝…查看更多

現場嘅廚師將普普通通嘅小食變成了藝術品，講真，睇到啲迷你海鮮漢堡，真係令人心花怒放🌸！漢堡入口即化，蝦肉餅彈牙得嚟鮮美至極，每啖都係享受。迷你蟹肉蛋撻，咬落去「咔嚓咔嚓」，個蛋撻底扎實得嚟唔會過油，蟹肉味道清新提鮮，真係正！至於呢個菠蘿卷，啖啖菠蘿香氣，加埋軟綿綿蛋糕卷嘅口感，食落真係有一種“錦上添花”的美妙。榛子芒果蛋糕同藍莓乳酪慕絲杯，色彩繽紛，甜而不膩，層次感豐富，吃一口心情都好起嚟。整個下午茶集視覺同味覺於一身，氹得我喺這個仿似海灘的小桌前流連忘返。再配上一杯香醇的伯爵茶，悠閒至極😌☕！呢次嘅美食之旅，真係令人食指大動又心曠神怡！下次再嚟，我會再試過其他嘅小食，期待下一場味蕾盛宴。…查看更多

朋友本在2020年中結婚及擺婚宴，但因疫情下的限聚規定而婚宴一再拖延。這天變成就了我疫情後第一次參加婚宴，那感受著實很深。我參加的是第二場宴會，6點半給朋友們聚聚的一節 (我是到會場時才知道原來已於4點進行了給親戚的第一場，還真不能想像如何在下午茶時間吃晚餐的菜式)疫情下地方較小，坐後疏落，但似乎朋友們更願意走動聊天。加上主人家為客人準備了雪糕櫃和甜品角，大家都開開心心的在開席前嗜甜一下。開場了還是按一般婚禮的程序，但由於要10點準時交枱，整晚上菜分菜的速度都很有效率。食物都很美味，每人分到的份量我感覺剛剛好。加上中間穿插一些影相環節，10點前散席可早些歸家。似乎這樣的安排和氣氛也不錯。…查看更多

今日就同朋友食個早飯，6:30pm喺美麗華食咗餐豐富嘅晚餐餐廳裝修非常之豪華, 白色再加tiffany色做主調, 非常之elegant食咗個semi buffet 半自助晚餐, 主菜係高溫石燒先食過semi buffet, semi buffetBAR 非常之多選擇, 大量嘅新鮮蔬菜, 水果, 再加啲煙三文魚, 沙律蔬菜非常之新鮮, 令人開胃餐湯係薯仔湯, 打成蓉, 香口非常main前還上了蠔，扇貝及咖哩角，之前食buffet枱的食物已不少了，原來還有這蠔和咖哩角，可真豐富。之後就嚟main course, 燒挪威三文魚、象拔蚌、扇貝配忌廉麵鼓汁三文魚燒得剛好，內裡也很juicy，温度控制得很好，肉嫩多汁，配上檸檬🍋汁，更提鮮。象拔蚌彈牙，輕輕燒過加上少適量調味，已能體視食材本身的美味。再配上旁邊的小薯塊，香濃的白汁沾滿薄薄的薯塊，真係非常之大滿足！…查看更多

有一段時間沒寫 OpenRice, 見今晚無無聊聊，就寫篇食評。某日，有十多年冇會面的朋友相約到尖沙咀，美麗華廣埸，食四方的 My Day 食個 tea, 談談社會近況。 沿著扶手電梯直上，一踏出就見到這個 reception 位， 一看就知是會做婚宴的宴會廳。 再行入去，就見到有男裝晚禮服和 accessories. 餐廳的都裝修和佈置光潔亮麗又有氣氛，已確定此處是婚宴場地。 雖然夏天已過但天氣仍然炎熱 所以 Tea Set 的主題依然是陽光與海灘 "Sun Shine Sea Beach".Sun Shine Sea Beach $388 for 2, 這個 tea set 的 presentation 根本就是海灘，猶如藝術品一般，未食先吸引。 這個 tea set 的食物有，自家製迷你海鮮漢堡、迷你蟹肉蛋撻、煙三文魚慕絲 配 水瓜柳及黑魚子、 菠蘿卷、榛子芒果蛋糕、藍莓乳酪慕絲杯、加勒比雞尾酒慕絲、焦糖燒菠、蘿馬卡龍。各種食物，各有其特色又各具其味，在此我只介紹一些我比較喜歡吃的 ....自家製迷你海鮮漢堡 : 醬汁特別，漢堡是蝦肉餅，吃起上來很過癮。迷你蟹肉蛋撻 : 坊間少見，味道鮮美，十分特別，的的骰骰，一口搞掂。菠蘿卷 : 個人喜好我特別喜歡吃菠蘿，亦喜愛吃蛋糕卷，一站拍落口，有喜相逢的感覺。 還配有餐茶， coffee or tea, 我就飲了一杯 Earl Grey tea.不知道，我和妳下次見面，會在何時。…查看更多

這是出席好朋友的結婚晚宴，終能夠一試這家很出名的婚宴地方菜。地方設計非常浪漫，歐陸式的風格，感覺奢華。這次的菜單有接近12道菜，先來的會是乳豬配上茄子，款式創新，味道相當不錯。及後也有原隻大鮑魚，鮑魚大大隻，配上鮑魚汁，是一種享受。他們的佛跳牆也相當好吃，裏面除咗有原隻鮑魚之外，都有冬菇，瑤柱等等嘅材料，十分之滋補。還有他們的海參也是上盛的，炆得好夠味，正！之後都仲有炒飯炸子雞等等嘅婚禮小菜，質素都不錯不再一提了。特別想推薦他們的北海道牛奶椰子燕窩，非常特別。…查看更多

同朋友慶祝生日，去咗尖沙咀食四方上面，特登挑選左呢間餐廳，因為好靚，裝修得好歐陸式，上到電梯，你會見到白色綠色線條及幾何型設計的裝修映入眼簾！坐低之後、我同朋友都覺得呢個好靚，不停爽影相！我們叫了個下午茶、套餐以陽光海灘為主題、一共九款小食+1個餐飲，又係超級靚！價錢仲要好抵！$388已經係兩位！呢個海灘下午茶好適合女孩子打卡及呃like!食物款式當中、有咸有甜、我個人喜好比較鍾意鹹的，可能人越大越唔鍾意食甜野吧！服務方面、非常有禮貌及願意幫我們影相，因為我哋幾個女仔見到呢度好靚，不停叫侍應幫我地影相，好彩佢冇嫌我地煩^^#myDay …查看更多

今日帶小朋友過嚟呢度食嘢、估唔到佢哋都會有為BB而設的碗筷、全部都係膠，唔會擔心小朋友整跌咗或者整爛左。叫咗個下午茶，呢個下午茶非常別致、我同波波都好興奮🥰、佢鍾意就係食個迷你漢堡包，仲有迷你蟹肉蛋撻，呢個set 入面，仲有煙三文魚慕絲，菠蘿卷、榛子芒果蛋糕，藍苺乳酪慕絲杯，加勒比雞尾酒慕絲、焦糖燒菠蘿、馬卡籠等等！另外仲可以叫多杯餐飲！食物大致上都係以甜點位主、非常精緻美麗！而且、燒菠蘿整得好好食！極力推介！另外要讚美的是環境！非常漂亮 ！任何一個角落及位置影相都超贊…查看更多

已經有一段時間沒有跟朋友見面，於是相約到美麗華廣場的「May Day」試試下午茶。 原來是婚宴場地，室內環境感覺清新，有陽光透進來感覺舒服。 「Sun Shine Sea Beach」下午茶，就是陽光與沙灘，以藍色玻璃板營造海水的感覺，加上餅碎做成沙灘和朱古力做的貝殼，非常有心思。 自家製迷你海鮮漢堡 炸蝦餅，配以生菜、蕃茄及自家醬汁，比一般用的牛肉多了一份香口感感。 煙三文魚慕絲配水瓜柳及黑魚子 柔滑的煙三文魚慕絲，配上鹹鮮的黑魚子，如果配上多士口感和賣相會更好。迷你蟹肉蛋撻脆口的撻皮，蛋漿中混合了上鹹香的蟹肉，鹹點中我最喜歡。菠蘿卷蛋 軟綿的海綿蛋糕包著滑溜的忌廉配以菠蘿果肉，非常喜歡。 榛子芒果蛋糕 芒果帶有芒果清甜味，中間芒果慕絲和榛子醬，口感豐富，我最喜歡這個甜點。加勒比雞尾酒慕絲 藍色的甜點比較小品嚐到，難以跟加勒比雞尾酒聯想到，但口感滑溜。 藍莓乳酪慕絲杯 外型不錯，一層藍莓乳酪慕絲，一層啫喱，一層木糠，不過整體味道較淡。 焦糖燒菠蘿 燒得金黃焦香的菠蘿，帶有焦糖甜味，而且非常多汁。 馬卡龍 味道偏淡，外層也未做到鬆化。最後點了花茶，可惜如果點花茶只可以兩人分享一壺，不可以每人一壺。…查看更多

~~~淺淺的Tiffany Blue夢幻風格餐廳，十分少女心~~~這裡有寬闊的證婚花園令到夢幻feel配增的宴會廳是成爲婚宴的不錯選擇！！在這裡食下午茶剛剛好有陽光照入黎，同時又嘆住冷氣舒服又寫意，真係可以好好放鬆心情！**期間限定**Sun Shine Sea Beach Afternoon tea set**賣相真的100分ar將整個 tea set 的食物放在湖水藍的水晶玻璃上，用大量木糠脆脆鋪作沙灘，夏日feel出曬來~~用黎影相打卡真的一流ar ^^全set有十多樣美食，款款都非常精致！**自家製迷你海鮮漢堡**千島醬下既原來係炸蝦，好脆，好香蝦既味道**迷你蟹肉蛋撻**鹽食蛋撻的fusion美食^^，配上拉絲芝士一流**煙三文魚Mousse, 水瓜絲 及黑魚子****榛子芒果蛋撻** 牛油味好香~~好精美ar~~** 菠蘿卷**軟軟的cream不會有太膩的感覺。** 藍莓Yogurt Mousse 杯**小小酸中帶甜，十分開胃~**加勒比雞尾酒Mousse**顔色好特別，而且最好的是不會太甜。**焦糖燒菠蘿**整個表面都有焦糖冰塊，好正！**馬卡龍**是我的最愛^^…查看更多

夏日，總喺晌寧靜嘅環境下，懶洋洋咁嘅嘆一餐高級下午餐，感覺喺特別悠閒寫意。趁着暑假嘅尾聲，雖然，暑假對我哋嚟講意義唔大，但同老婆拍拖更享受吓，讓呢個暑假有多一點回憶。晌友人推介下，是日就嚟到美麗華廣場一期食四方嘅「May Day」試試其期間限定下午茶。原來餐廳嘅定位喺搞婚宴場地，唔怪之得一入到去，有種英倫古典風嘅感覺，又帶有一室清新感，唔俗氣，而且，地方亦頗為闊落寬敞。再坐落，發現原來仲有一處戶外區，架起晒拱形花欄，有點童話風格，擺到明就喺用作證婚之用，我諗唔少新人都好受落。而今次所品嚐嘅下午茶，主題為「Sun Shine Sea Beach」，共有3款鹹點，配6款甜點，包基本餐飲，兩位用，定價$388 + 10%。加上今日有好好嘅陽光，襯番晒個下午茶。早前晌一家西班牙餐廳所試嘅「渡夏秘境」下午茶，賣相已好吸晴，今回嘅「Sun Shine Sea Beach」下午茶，就更有陽光與沙灘感，尤其以餅碎做成嘅沙灘，加少少道具，再以玻璃板營造海水嘅感覺，真喺好得喎。其實，除咗把大陽遮之外，玻璃板上嘅嘢乜都食得，就連啲裝飾用嘅貝殼，都喺白朱古力做，小弟都貪得意試咗粒，當然，會喺偏甜啦！自家製迷你海鮮漢堡唔知幾時開始，迷你漢堡已經不知不覺成為下午茶嘅常客。以炸蝦餅取代慣常嘅牛肉，簡單配以生菜、蕃茄及自家醬汁，味道方面唔錯，但如果再熱啲，就更有「新鮮」感。迷你蟹肉蛋撻蛋撻一向喺唔少港人至愛，加入蟹肉，諗起都開心啦。撻殼頗脆口，裡面都食得到一絲絲蛋肉，只喺唔熱嘅話，感覺都喺打咗少少折扣。煙三文魚慕絲配水瓜柳及黑魚子老實講，個煙三文魚慕絲配水瓜柳雖然其貌不揚，但真喺做得幾好，清新柔滑，加埋啲鹹鮮嘅黑魚子，味道甚有層次；如果，襯以一片烘多士或法包，立時觀感高檔次一啲。菠蘿卷試完啲鹹點墊墊肚，就輪到一連串甜點，先喺件菠蘿卷蛋。老婆就怕肥，唔鍾意太蛋忌廉，但我就無問題，難得啲忌廉又打得滑溜，配以菠蘿果肉，而啲海綿蛋糕又軟綿，喺唔錯。榛子芒果蛋糕再落嚟喺蛋糕系產品，面層嘅芒果軟糕做得幾好，平滑富芒果清甜味，切開睇到中間喺芒果慕絲，再夾咗一層榛子醬，並以脆脆朱古力蛋糕做餅底，所以，一口咬落去有多重滋味及口感，呢個真喺好食。藍莓乳酪慕絲杯顧名思義，就喺一小杯嘅藍莓乳酪慕絲，但為咗外觀有啲層次感及好睇啲，仲加咗一層啫喱、藍莓粒，以及用咗啲「木糠」做裝飾。慕絲打得幼滑，酸酸甜甜，滿有藍莓清甜味，又滲出乳酪嘅酸爽感覺。加勒比雞尾酒慕絲呢一款「加勒比雞尾酒」實在睇名好難估佢喺乜，不過，天空藍嘅色澤，絕對襯晒知下午茶嘅主題。先試試面層嘅藍色軟糕，不過，唔喺好食得出咩味，而裡面則喺雲呢嗱慕絲夾雜牛乳流心，再混有菠蘿粒，整體嚟講，食味不俗。焦糖燒菠蘿外觀燒得好靚仔喎，表面燒得一身金黃焦香，咬落唔只有焦糖味，亦應該加咗少少牛油；此外，非常多汁，又清甜，燒菠蘿永遠喺唔會點衰嘅甜點嚟。馬卡龍:(嚟到尾聲，就喺試試估計會喺最甜嘅甜點「馬卡龍」喇，單睇色澤，似喺原味嚟。咬一口，真喺有啲失望，因為主要餅身未能做到外層黏脆，而內層煙韌嘅口感，唔可以話難食，只喺有啲似食緊一塊夾心餅而已。即磨咖啡、熱檸水餐飲方面選擇唔多，都喺大路嘅啡茶、檸茶、檸水之類，不過，小弟杯即磨咖啡，所伴上嘅奶都喺打熱過，算喺有誠意。整體而言，個場嘅環境真喺好舒服，三幾個朋友嚟聚一聚、傾吓偈，感覺喺好唔錯，招呼亦好有禮貌，好細心；然而，食物方面，稱唔上好突出，款式亦比較大路，欠缺一啲啲亮點，要吸引回頭客，要有啲提升至得。…查看更多

美麗華商場樓上有間純白色嘅餐廳，成間嘅設計都好適合做婚禮場地，仲有個戶外露台位，可以起到做證婚，又有玫瑰花鞦韆，係一個影相嘅好景點。平日嘅下午佢都有做啲特色嘅下午茶，今期就係用海灘做主題。咸點有三款：包括有兩件迷你海鮮漢堡，如果佢有多啲汁就更好食啦仲有兩件迷你蟹肉蛋撻，幾有蛋嘅香味，有少少蟹肉喺裏面仲有煙三文魚慕絲配水瓜柳及黑魚子，係一件迷你開放式三文治，煙三文魚慕絲都幾滑幾香跟住就係甜點啦個烤菠蘿好香甜榛子芒果蛋糕卷都幾鬆軟藍莓乳酪慕絲杯因為好高身，唔係咁容易去食菠蘿卷就好似件細嘅慕絲蛋糕咁加勒比雞尾酒慕絲面層嘅藍色真係好似加勒比海咁樣如果係尖沙咀行得攰又想搵地方好好地坐下，呢度係一個幾好嘅選擇，如果想搵地方影相呃下like , 都可以簡依度，如果係好肚餓嘅話依度就可能唔係咁啱啦…查看更多

周末苦短，難得偷得浮生半日閒，但又想涼著冷氣感受夏日的清爽感，上星期六我就來到尖沙咀的My Day品嚐夏日期間限定下午茶。位於尖沙咀美麗華商場6樓，場地以蒂芙尼藍色打造英倫童話般的夢幻風格。華麗宏偉的宴會廳十分適合作為婚宴場地，蒂芙尼藍色配上自然脫俗的粉綠色與象徵永恆、浪漫高雅的米白色，即使不是來舉辦婚宴，在如此歐陸氣派下進餐，猶如被浪漫迷醉氛圍包圍。場內散發典雅氣氛，唯美至極，可於戶外花園婚禮舉辦派對及證婚儀式，夏日期間限定下午茶價錢為$388 兩位，共有9款鹹甜小食，包括6款甜點和3款鹹點。將下午茶打造成蔚藍海灘，造型可愛趣緻，仿如躋身在冰涼的海邊，細味感受午後悠閒的夏日。自家製迷你海鮮漢堡炸蝦餅口感爽彈，不過可惜漢堡包沒有烘熱，質地不夠鬆軟。迷你蟹肉蛋撻一口一個，蛋漿中混合了絲絲蟹肉，帶有鹹鮮味。煙三文魚慕絲配水瓜柳及黑魚子煙三文魚慕絲入口柔滑，沾上鮮香的黑魚子，不過墊底的方包質地就略為粗糙。菠蘿卷以菠蘿果肉融合入口即化的鮮忌廉，可是卷蛋質地有欠綿柔。 榛子芒果蛋糕蛋糕質感綿滑濕潤，夾雜著清新芒果香，舒爽怡神。藍莓乳酪慕絲杯mousse口感細膩，於微酸藍莓中滲進乳香。加勒比雞尾酒慕絲單看着就讓人彷彿感到有絲絲清涼的海風吹過，酒味不濃，甜而不膩。焦糖燒菠蘿採用連皮切件的新鮮菠蘿，果味天然香甜又多汁，只是放涼了，應該不是即叫即燒。餐飲就點了熱檸水和熱檸茶。…查看更多