今日去接媽咪👩🏻🦱放工，再一齊去撐枱腳🍽。媽咪話想食西餐，於是預先book咗哩間餐廳，見網上評價唔錯，西餐嚟講價錢又好似好親民咁。我哋六點🕕去到，地點方便就腳。餐廳環境開揚，落地玻璃可以見到海旁景色🌅。如果今日嘅天氣唔係咁熱嘅話，我哋都想坐室外，今日日落嘅天色好靚。我哋叫咗兩個套餐，套餐有前菜、主菜同一杯餐飲，可另加$58配是日精選甜品。一開始，佢哋送上麵包🥖配蛋黃醬同巴拿馬火腿蜜瓜。蛋黃醬好香，同麵包好夾。我好鍾意巴拿馬火腿嘅咸香味，配上超清甜蜜瓜，好食😋。1️⃣ 前菜—忌廉蘑菇濃湯伴松露醬我好鍾意飲蘑菇湯，不過好飲嘅蘑菇湯唔係咁易整。哩度嘅蘑菇湯好細滑香濃，蘑菇味好重，加上松露醬味道更濃郁🤤。2️⃣ 前菜—白酒煮新鮮青口職員話今日青口啱啱送到，推薦我哋叫，我哋當然信佢。青口的確好新鮮，清甜鮮嫩，加入少少嘅檸檬汁🍋已經好好食。3️⃣ 主菜—法式小龍蝦雞肉批 $328一個好特別，平時比較少機會食到嘅菜式。廚師👨🏼🍳話個批都係佢哋自己搓粉自己整，唔怪得咁好食，牛油🧈味好香，酥脆可口。饀料有小龍蝦🦞、雞肉🐓、菠菜🥬、洋蔥🧅等，用料新鮮，食落去甜甜地，香氣撲鼻。4️⃣ 主菜—香烤肉眼扒配薯蓉及小甘筍🐂🥕 $398因為我媽咪唔敢食太生嘅肉，所以最後叫咗7-8成熟，原本佢仲想叫全熟，被我立刻阻住⛔️。我平時食開medium或者medium rare，真係好耐無食過咁熟嘅牛扒了。牛肉味係好香濃的，不過由於牛扒比較熟嘅關係，口感會比較嚡口，但肉汁仍好豐富，牛肉帶點炭燒香味好正。最後送上餐飲，我叫咗凍檸水。今晚雖然係星期一，但都full house，建議大家最好book定枱。天氣涼少少，我會再帶媽咪嚟，坐室外位置，好好欣賞日落之美。另外要大讚哩度嘅服務，職員非常親切有禮，效率高同好留意到顧客需要。廚師有時間時仲會同食客傾偈，問吓我哋嘅用餐體驗同意見，十分高質嘅服務，抵讚。…查看更多
對面商場的法國菜來自法國南部小鎮，曾於當地摘取米芝蓮一星殊榮，見它正做晚市折扣優惠，真的不可錯過
餐廳設有露天座位，靠窗位置也可以觀賞到碼頭對出的海景
兩道菜晚餐由$258起，收費親民
點餐後，送上免費前菜哈蜜瓜巴馬火腿及麵包！自家製銀魚沙律麵包醬鹹香美味
頭盤香煎帶子配金橘沙律味道清新又富層次
加$48可升級為法式鵝肝焦糖燉蛋配田園沙律焦糖層薄脆，鵝肝與燉蛋毫無違和感，入口細滑，再伴以鮮甜帶微酸的自家製金橘醬，放在香脆可口的多士片上吃，口感豐富
香烤豬扒配薯蓉及蔬菜，半肥瘦的肉質充滿肉汁，有口感卻不韌
套餐配咖啡或茶，完美結束
