悅滿軒

補祝父親大人生日🥳法國泥蟹湯 🦀一上枱就聞到好香蟹味，飲嘅時候口感好濃厚澳洲藍青口配白酒雲呢拿忌廉汁 🐚藍青口真係好細隻🧐 不過個汁好香滑 (有配蒜蓉包)香煎半熟深海黃鰭吞拿魚配菠菜苗 🐟🥬其實個名仲未完: ．法國羊奶芝士．無花果黑醋汁🥴咁煮嘅吞拿魚真係第一次食，好食喎，配埋無花果，鹹鹹酸酸甜甜好開胃法國油封鴨配焦糖蘋果 🦆🍎個皮頸脆，鴨肉亦唔油膩，配埋蘋果粒食一定唔會滯美國頂級牛腹肉 🐂因為個個要求唔同，最後揀中位數五成😂好嫩滑，不過無乜牛味闊麵配蒜片辣椒紐西蘭大蜆 🍝🐚味道唔錯，自家製嘅闊麵好爽口焗阿拉斯加深海比目魚配昆布湯 🐟舊魚好滑但無乜魚味另外 like 咗 悅滿軒 嘅 社交平台 page 同埋 post 食物相就送一杯生啤🍺…查看更多

今日同女朋友慶祝紀念日，特登搵左間餐廳食佢最愛既法國菜。上網搵到黎間悅滿軒評價都唔錯，所以一早book定諗住比個surprise佢。佢位於饒宗頤文化館入面，係美孚地鐵站行大概10分鐘就到，附近既環境都好清靜，位置方便得黎又可以忙裏偷閑，暫時離開繁忙既都市人生🥰黎法國餐廳點可以唔試下法國鵝肝呢！鵝肝兩面煎得好香脆，將油份逼出黎之餘唔會好乾，鵝肝批有好濃濃既鵝肝味，配埋芒果莎莎一齊食感覺好清新唔油膩，簡直係上上品😆油封鴨平時坊間好小會見到，因為處理工序煩覆。一切落去已經感覺到塊皮煎到好脆，肉味因為經過長時間油封後變到好濃烈，值得一試！主菜一樣又點會夠呢，今次特登試埋平時好少見嘅西班牙伊比利亞羊扒。一上枱俾佢嘅份量嚇親，羊扒要用兩大舊而唔係兩大塊黎形容，好有誠意。食落肉汁比坊間食到嘅羊扒細嫩好多，今次叫咗五成熟一切落去成碟都係肉汁🤪🥰，師傅處理得好好，連埋自家製嘅羊肉腸食，感覺好圓滿。配菜淨係叫咗一樣甜薯條，好欣賞師傅切到條條都好幼細，所以食落口好香脆！而一餐完美嘅法國餐點可以少得甜品嘅加持呢，蘋果煮得好香甜味道好濃郁，而金寶處理得岩岩好，一啖雪糕一啖蘋果，女朋友食到好開心好滿足🥰…查看更多

由美孚步行十分鐘👣靠於山邊，好有特色嘅紅磚屋🏠呢個環境食野真心一流😍🍽<自家制蕃茄包>麵包外面脆脆中心軟軟配上黑水欖牛油🍽<香煎鴨肝配鵝肝批無花果芒果莎莎/$138>鵝肝一入口，帶有些油份，即時溶化在口裏，非常甘香，再配上鵝肝批，非常匹配👍🏻🍽<法國油封鴨配焦糖蘋果/$228>鴨腿肉質豐滿嫩滑微甜嘅焦糖蘋果🍎，食極都好似唔夠<炭燒西班牙伊比利亞羊扒配自家製羊肉腸，砵酒汁>$248羊扒炭燒後，無太多油份，酥味啱啱好，喜歡食羊肉嘅我，羊肉腸一流，完全唔需要配其他醬料🤤<蒜蓉炒羽衣甘藍>$45一個簡單嘅菜式，佢用晒羽衣甘藍最幼嫩嘅地方，細細碗但份量好多！食到飽飽的，下次一定要試佢其他菜式🥰🥰…查看更多

好耐無係街食過晚餐，好彩政府開番晚市堂食，咁我地兩個人諗左好耐，就黎左悅滿軒。咁order完就比左一份蕃茄包我地先，一入口，好脆，完全唔係放到凍哂硬哂先比我地，入口蕃茄味都好濃，就咁個包都咁驚喜，個下我對依家餐廳有個好高嘅期望。之後黎嘅就係香煎鵝肝配鵝肝批無花果芒果莎莎。咁鵝肝佢係煎得好香，食落唔會好油，係岩岩好。個凍鵝肝批又係好正，入口前都以為會同旁邊嘅煎鵝肝撞味，點知出奇地夾，完全無蓋過佢！再加埋個sauce酸酸甜甜，真係好開胃好好食。個法國油封鴨配焦糖蘋果又係好值得讚！個皮好脆，好夠熱，唔會太油，肉唔會太乾，肉汁完全keep到！之後以為蕉糖蘋果咁甜，會同個鴨唔夾，點知個甜味完全將鴨嘅味帶哂出黎！而個焗阿拉斯加深海比目魚配昆布湯絕對唔hea，見到佢個配料都好多，有蝦有蜆，我仲以為得個比目魚，所以一見到就好surprise!之後食入口，好入味，個魚好滑，仲要無骨！熱辣辣，仲要分量唔少，真係好正！最後就係自家製甜薯條，好彩個分量岩岩好，唔係太多，唔係嘅話會太飽。咁又係岩岩炸起，好熱好脆，仲要係好甜！佢夠幼身，所以入口唔會成口都係，反而會令你想不停食，食多幾條！整體黎講我叫嘅野都真係好好食，所有擺盤都好靚，一啲都無hea我，完全符合我嘅期望!…查看更多

香港成日俾人話係石屎森林，不過近年都明顯加強左保育工作，除左復修有價值嘅歷史建築外，亦會重新規劃佢地嘅用途，為建築注入新生命。其中最常見嘅活化用途，莫過於將建築改作餐廳，而我最近同朋友去過嘅悅滿軒，就位於三級歷史建築—饒宗頤文化館內。饒宗頤文化館由一座座中式紅磚屋組成，悅滿軒就在其中一座紅磚屋內，無論從外面定聽個名，都好難想像悅滿軒原來係一間西餐廳。雖然文化館位置比較吊腳，不過喺咁有文化氣息嘅地方用餐，依然吸引左唔少捧場客。悅滿軒走中檔路線，小食、前菜、主菜、甜品都有供應。餐前麵包麵包上枱時仲係暖暖地，因為中間加左果乾，所以軟熟得黎會有啲咬口，口感幾豐富。旁邊係香草牛油，牛油軟身容易搽，香草味突出。左: Cinderella ($62)Cinderella係一杯用菠蘿汁、橙汁、青檸同檸檬做base嘅特飲，味道酸酸甜甜都唔錯。右: Pineapple Juice ($32)菠蘿汁味道同Cinderella有啲似，最大分別係冇汽，比特飲平一半價錢都幾抵飲。香煎日本帶子配牛油果沙律、熱情果汁 ($128)牛油果沙律上面有四粒帶子，帶子輕煎過，帶點焦香但仲保持倒應有的鮮味，牛油果本身售價都唔平，但哩個沙律估計用左半個牛油果，非常足料，焗阿拉斯加深海比目魚配昆布湯 ($268)比目魚有兩大塊，每塊都好厚肉，有手掌心咁大，比目魚浸在海鮮湯入面，旁邊仲有青口同靈芝菇。海鮮湯好清冇油，鮮味得黎飲完唔會口渴，証明真材實料冇落味精。比目魚如實得來帶少少彈口。法國油封鴨配焦糖蘋果 ($248)油封鴨煎到外皮脆脆地，但肉質又唔會太鞋，肥瘦適中，旁邊嘅焦糖蘋果煮到軟腍腍，焦糖甜味加埋蘋果本身嘅清甜味，唔係得死甜。朱古力心太軟 ($78)心太軟切開非常流心，蛋糕口感唔會過乾過硬，朱古力醬味道好濃郁，朱古力迷一定唔會失望。總結，每一道菜水準都好高，唔係一尾sell環境，雖然地點比較偏僻，但反而有一種遠離煩囂嘅感覺。…查看更多

特別嘅日子，要黎特別嘅地方食飯無意中比我發現到呢間隱世法國餐廳離地鐵站其實好近，但確實清幽平日晚上時份，人流唔太多Menu選擇算多，另已upoload上比大家參考點菜後先送上餐前麵包熱度令人滿意，先留下第一個好印象我哋各點咗2個starters，2個main1. 香煎鵝肝配鵝肝批無花果芒果莎莎鵝肝味道豐厚，配上芒果莎莎正好中和膩感2. 香煎半熟深海黃鰭吞拿魚配菠菜苗，法國羊奶芝士，無花果黑醋汁上盤前份量令人驚喜食落味道都係，魚煎到半熟，好嫩下面係滿滿嘅菠菜苗食落爽脆清甜，唔會有苦澀味每一塊都平均沾滿咗醬汁，帶此少甜味嘅黑醋，正為我所好法國羊奶芝士味道唔係大眾喜愛，特意另放一邊我倒欣賞佢帶來嘅濃味，將呢道清新嘅菜式帶上另一層次食完starters，接著就幫我哋換碟食主菜A. 法國油封鴨配焦糖蘋果呢個配搭係100分鴨嘅膩感被蘋果嘅酸度中和，而引發出另一個味道鴨肉嫩，皮帶點脆口，好味道B. 美國頂級牛腹肉 12安士熟度我哋叫咗medium係朋友切緊鴨時，我就偷偷先試一舊好驚喜！好tender，肉味香濃Side dish嘅串茄同蒜頭都煎過另外配上2個sauce一個herbs，一個gravy個人偏愛嘅食法係配上燒蒜加gravy sauce好正，諗返都好滋味今日天氣較熱，所以冇嗌湯飲一人叫咗一杯cocktailPina colada Sex on the beach今次用餐整體感覺非常好環境舒服，waitress 好niceBk枱時留咗個名，之後埋黎serve都會entitle你而且嘢食cp值好高唯一小不足係凍飲冇杯墊，搞到張枱濕咗😂餐廳已經充滿聖誕氣氛，未諗食咩嘅可以考慮下呢間！…查看更多

第一次忍唔住留食評，因為呢間確實值得推介！價錢親民，但野食係十分高質。黑松露忌廉汁寛條麵 - 4/5 好穩陣既選擇，重黑松露味，麵既軟硬度岩岩好，不過好濟 share食會好啲油封鴨配焦糖蘋果** - 5/5 呢個十分出色！我本身麻麻地duck confit，因為無論香港定外國都好少食到好食既。佢呢度個皮係脆既，好香口之餘又入口即溶，有少少似乳豬但有鴨香味！烤羊架 - 4/5 相比之下，羊架就有少少遜色，都好食既，不過唔算太特別。煮到我地叫既熟度，肉唔"un"。反而伴碟既羊肉腸有驚喜最後係甜品！心太軟 - 4.5/5 我個人係十分鍾意食心太軟，呢度既唔太甜，食得出係用靚朱古力，同出面既甜品舖唔同。好好食！雲呢拿梳乎厘 - 我只係食左一啖 已經比人快速清哂呢間絕對值得一黎再黎呀！…查看更多

今日下午同屋企人一齊去左饒宗頤文化館散下步 影下相 行完之後又熱又攰 開始肚餓 就去左裡面既西餐廳食晚飯 食完之後真係返唔到轉頭我地5個大人叫左3個法國泥蟹湯，2個鵪鶉清湯，法國油封鴨，蘋果木煙燻野雞，美國牛腹肉（5成），澳洲M5和牛斧頭扒（5成）泥蟹湯唔洗多講，一定要試！超級濃郁，好重蟹味，不過飲得多會有啲漏。鵪鶉清湯就好清甜，好適合小朋友同老人家飲。Main course方面，油封鴨都好入味，野雞就有個爐係你面前夾出黎，夠曬壯觀。 兩塊牛扒話要5成，佢真係煮到5成！岩岩好！ 牛腹肉就少啲脂肪 肉質嫩滑，而斧頭扒就好重牛味，入口即溶！最緊要係價錢一啲都唔貴！係出面比更高既價錢都食唔到呢啲質素！一定會再帶其他朋友黎食…查看更多