轉角‧見

營業中

休息中

其實已經食過呢間荃灣小店「轉角·見」 好幾次，今次終於要介紹下～ $50-70有一個大漢堡，都幾抵食；而薯條/沙律可以當小食另加或者叫正價飲品送～ 除咗漢堡，仲有意粉同all day breakfast😌•🥢 型男漢堡 $64呢個漢堡應該係招牌菜，見到好多人都叫咗！麵包用咗芝麻包，焗到微脆，而且好足料！除咗基本嘅漢堡扒、沙律菜、芝士同蕃茄，仲有煙肉、紅菜頭同流心蛋😋 漢堡扒加埋流心蛋係加倍嘅juicy🤤 雖然唔似其他漢堡店會強調用咗某一種牛肉整，但呢個價錢食到咁豐富嘅burger係幾抵食！•🥢 沙嗲雞堡 $52沙嗲雞堡好少見，而且仲要係原塊長型雞扒！沙嗲嘅花生味好濃，仲食到啲花生粒粒，好彩有蕃茄同沙律菜嘅fresh，令到個沙嗲無咁膩，都幾夾～•🥢 特濃花生奶昔 $38呢個奶昔嘅花生味超級濃厚，而且都幾滑，唔會太竭，飲落好滿足😍 杯奶昔幾大杯，而且正價飲品送細薯條/沙律，所以都值得叫！•🥢 拿鐵咖啡 $28咖啡味幾濃，但比飲開嘅拿鐵偏苦，個人不太喜歡🙊

長期都有人排隊一試的漢堡包。menu 的漢堡包是單點價錢，叫杯正價飲品，就可以有細薯條 / 沙律。識揀一定要揀薯條。感覺像包了一層蛋醬才炸，入口勁脆卜卜！型男漢堡包 Aussie Burger用 7 種食材疊高的漢堡包：有漢堡牛扒、紅菜頭、蕃茄、芝士、美國煙肉、流心蛋、沙律菜。與型男都有什麼關係呢？(有！事關數字上 7 到盡頭便是型😂)流心蛋就煮到變熟蛋了仲諗住有蛋汁流出來的效果 😭厚身漢堡扒，好 juicy。都是第一次見紅菜頭在漢堡包裏面，紅菜頭的 juicy、蕃茄的酸、沙律菜的清新，令食漢堡扒感覺良好一點，油膩感也少一些。沙嗲雞堡 Satay Chicken Burger未食之前以為是茶餐廳賣的沙嗲牛肉麵的沙嗲味道，其實是泰式串燒用的沙嗲醬，好濃的花生味，又有花生粒粒。雞扒醃得很入味，煎完肉質仍然滑溜溜，不鞋不韌，配沙嗲醬一流，是走東南亞風味的漢堡包包。drink menu 的選擇都非常 ig-able藍牛雪糕波子汽水 Ramune Ice-cream哇！原來藍牛咁大杯肯定多過一支正常波子汽水，正呀喂當雪糕遇上汽水的二氧化碳，令到雪糕膨脹就算唔食個雪糕，都會慢慢谷到脹曬越遲食雪糕，

轉角.見係間有誠意既餐廳:其實le間餐廳既食物質素真係好好，除左喱度既招牌菜型男漢堡，我今次食嘅芝士蘑菇漢堡同沙嗲雞堡都好正，味道好balance，比港島果d死落芝士既burger，味道更易入口！不過最攞命既係佢個價錢呀！佢跟餐既價錢都只係7、80蚊，咁抵咁好食既 burger以後食唔到點算呀！！除左burger，仲有意粉、蛋糕、甜品同fish and chips，所以我建議大家去開荃灣附近就一定要食下。

推薦呢個荃灣隱世漢堡小店，地點在昌寧大廈地下，但並不易找，兜轉左幾個圈 好不容易才找到，到達時門口已排左人龍，等左差不多半小時先可以入座🤕店員們都好有效率又有禮貌我地叫左沙嗲雞堡同經典牛堡🍔雞堡塊雞好juicy，雞扒加左沙嗲醬，令雞扒更加惹味，呢個配搭好特別美味！！經典牛堡既漢堡扒好有牛肉味，生菜同蕃茄令到個包感覺健康左🥗🍅薯條分量充足，充滿薯味🍟食晒成個餐其實都好飽🤤仲有杯花生奶昔都好好飲🍼不過冇影相😂荃灣又多個食漢堡包嘅好去處👍🏻👍🏻

荃灣美食多蘿蘿，真係揀食乜都揀到頭痕今日既然行經荃昌中心，咁就梗要食佢呢度最多人排隊既漢堡啦好彩去到有最後一張雙人枱，雖然係店外位置，但都唔駛怕會被職員忽視，因為店舖係全透明玻璃，職員完全可以睇到店外客人既情況餐牌好簡單，只有漢堡同飲品資料，如果想食其他食物如意粉，就要睇店內既Blackboard啦我點左個經典牛堡配薯條同蜜糖雲呢拿甘菊茶朋友點左個沙嗲雞堡配薯條同凍朱古力左蜜糖雲呢拿甘菊茶 ($23) & 右凍朱古力 ($32)蜜糖雲呢拿甘菊茶用個透明壼裝住，Café Feel見到原來係茶包沖出黎有少少失望，雖然無蜜糖既甜味，但個茶好香凍朱古力就係朱古力味，無咩特別經典牛堡 ($45)內有漢堡牛扒、蕃茄片、芝士、酸青瓜、沙洋蔥、沙律菜漢堡用料豐富，一D都唔姑寒；酸青瓜都有好多塊；漢堡扒比快餐店厚身得多，不過略嫌牛味比其他食材蓋過左另外，漢堡既料有好多都係汁水較重既食材，食果陣唔止成手都濕哂，就連包底都已經濕埋薯條係新鮮炸出既有皮粗薯條，灑上少少鹽，外脆內軟，薯味充足!! 比漢堡更吸引我 (請願諒我呢個薯怪)沙嗲雞堡 ($45)內有沙嗲雞扒、蕃茄片、沙律菜呢個反而比味道平平既牛堡更有驚喜

今天帶狗狗去街街， 肚餓時想起狗友經常推薦的好地方，乾淨企理，而且價錢合理！不過室外座位較少，不太合適一大班人/狗友聚餐！另外要提一提的，就是雖然大街有路邊位泊車，但經常性抄牌，所以駕駛人士要留意！我們兩人點了: 經典牛堡、沙嗲雞堡、抹茶鮮奶、柚子蜜。(正價飲品送薯條/沙律)雖然我不吃牛，但見到牛堡好多肉汁，沙嗲雞堡好香，不過食到有點污糟，d沙嗲汁周圍滴好味道！40多元，就已經大大個包，夠飽到上心口！再配飲品送薯條/沙律，真的下午茶飽到夜晚！薯條新鮮炸起，熱辣辣，又夠咬口！果然好推介！

今日是Happy Friday當然要去同男友去食好東西和男友去轉角·見食已不時第一次，之前食了幾次一直都留有不錯的印象，所以今日想食burger又係荃灣就二話不說決定去食轉角·見啦去之前都怕會有好多人排隊，畢竟今日是星期五嘛。既意主已決等下都無所謂啦去到竟然唔洗等位就入得咁更加無理由唔食轉角·見位於一個舊式商場地下，第一次去會有d難搵..餐廳環境清靜裝修精緻，同附近店舖及食店相比下有點格格不入，所以係餐廳入面好似去了另一個國度咁餐廳主力推介burger，而且點burger加正價飲品便會自動升級為套餐有薯條送店裡主推的型男漢堡之前都有食過，所以就試下其他漢堡食物方面和男友不約而同地點了沙爹雞堡，飲品方面我叫了抹茶奶昔而男友側點了凍朱古力咖啡飲品先到，抹茶奶昔的有很多抹茶粉在奶昔泡沫上，只要把奶昔和抹茶粉攪均，味道不太甜太苦，剛剛好至於朱古力咖啡的味道正常，咖啡味不算濃，沒有太明顯的朱古力味。。。主菜沙嗲雞堡壓軸出場，雞扒煎得非常香口，加上香濃偏甜的沙嗲汁，已經漢堡還有添上黑醋的蕃茄及蔬菜沙律，一口咬到漢堡真的非常香口及juicy值得推介咁豐富既晚餐人均消費都是約75元，以性價比黎講真的不

見過朋友在 fb post 過相，好似幾正咁就約友人平日放工去食，誰知.....凍檸茶是跟意粉餐，友人說没有茶味和甜味，柚子蜜是散左$20/位，相信人人都知柚子蜜只是加水，但都是沒有味，唯有叫侍應加柚子蜜可能人手不夠，等左30-40分鐘有第一道菜上枱，而樓面都只有一位女侍應，發現薯條是凍，不過沙嗲雞堡都算食蝦多士，好油呀，没想像中好食鱈魚意粉，一開始都覺得還算是好食，但當食到底有一灘油係碟底，有點得人驚

今日放工後約了朋友下午茶, 選取了大家的中間點... 荃灣!早前於開飯見此店新開且評價不錯, 便決意試試 此店主打是漢堡,, 款式類別真的很多最後於雞肉類中選了沙嗲雞堡 ($42)及牛肉類中的芝士蘑菇漢堡 ($50)各加了 $12轉為Combo, 包了薯條及汽水另再加差轉特飲, 選了蜜糖雲尼拿洋甘菊花茶還點了份小食脆蝦多士花茶外型真的懾眼, 很趣緻的茶壺 可惜只用茶包沖製, 與心中所想不同沒有用上鮮製的乾花泡茶雖已用twinings, 但亦令人大失所望 接著是蝦多士的來臨蝦肉爽口彈牙, 多士香脆油份不會過多, 是不錯的選擇漢堡相繼送上,, 巨型漢堡配有粗薯條, 賣相吸引先試試薯條, 粗粗的薯條炸得香脆可惜感覺不了溫度, 可能放置了一段時間漢堡請店主一分為二, 放便進食亦可以同時品嚐到兩種滋味雞堡用上了雞脾肉, 嫩滑啖啖肉沙嗲醬香香微辣, 夠多夠濃配上新鮮生菜, 整體清新又新穎芝士蘑菇堡材料豐富: 芝士, 蘑菇, 蕃茄, 生菜厚厚的漢堡扒十分JUICY, 一點也不乾張大口吃下整個漢堡,, 滋味滿滿此價錢能嘗到有質素的巨型漢堡套餐, 果真超值!!!店主親切又能配合顧客要求,很有小店特

型格漢堡飽店近年在各區開過不完，備受讚賞的除了大家見慣見熟的 BLT Burger、Butcher Club 和 Burgeroom 之外，還有一些鮮為人知、分佈在尖沙咀、中環和銅鑼灣幾個旺區打拼的誠意小店。不過住得不近這些地區的朋友亦無需太過失望，因為救兵可能已經近在眼前。好像大窩口地鐵附近極為隱閉的荃昌中心，近期便有一間區內極之少見的特色漢堡飽店進駐，為鄰近的漢堡飽粉絲打打氣。小店的名字叫 Kitchen Corner，一室簡樸的佈置，格局跟一般樓上咖啡室不相伯仲。但看了餐牌，便發覺有點意外驚喜。 沙嗲雞堡 ($42), 4/5如果吃厭了傳統的芝士煙肉漢堡和磨菇漢堡，不用緊張，這裡有幾款特色的雞扒漢堡和意式漢堡可以幫到你。今午選的沙嗲雞堡感覺相當不錯。去骨的雞腿肉香煎後加入濃郁的沙嗲醬，沾上少許花生碎後，再配搭新鮮蕃茄、生菜和漢堡飽便告順利完成。沙嗲雞腿肉的味道香口惹味，而且入口完全不覺油膩，配上蕃茄和生菜的甜味，效果更加出色。整個漢堡唯一美中不足之處來自所用的麵包。倘若這款麵包能夠換上較為鬆軟和富海綿般彈性的貨色的話，口感相信會更精彩。 特濃花生奶昔 ($30), 3.5/5