EXP

營業中

休息中

突發同朋友係又一城見面，朋友話食呢間，橫掂未食過就去啦。原來以為都唔平，一睇價錢相宜！叫左pizza, 意粉同雞翼。迷迭香洋蔥肉丸pizza本身覺得應該細細地，點知一嚟到係三人嘅份量。味道都幾好食，好似Ikea 肉丸🤣🤣水牛城雞翼個醬偏辣，但係就真係好食！軟殼蟹意粉個軟殼蟹唔油好食，意粉就正常野啦！其實我最驚喜係佢有鮮榨果汁，仲要係幾隻生果溝埋都係30幾蚊一杯，即刻覺得健康咗！環境就都幾舒服喺溜冰場隔離，有時如果有人玩曲棍，就會聽到人大嗌😂😂😂整體來講幾好！最後埋單每人$175 都好平！

約咗夜晚去朋友屋企玩，咁晏晝就同另外一個朋友去行吓街先。行吓行吓見肚餓，咁就入嚟食下野啦。因為好快又要食飯嘅關係，咁所以我哋兩個人淨係叫咗一個飯同水牛雞翼。先講個飯。上面淋咗一層芝士。相當惹味，我同朋友都覺得好好食食到停唔到口。另外水牛雞翼亦都味道十足。分量對兩個人來講。係啱啱好，每人有兩隻雞翼，佢除咗林左一層醬汁喺面之外，雞翼本身係炸過嚟嘅。可見都要費一番功夫。最後因為太飽嘅關係，我哋兩個都食唔到夜晚果餐

係九龍塘成日都好難搵到有咩好食，一係太貴，一係就普通咗啲，同朋友決定試下呢間餐廳，第一次食已經有驚喜。首先就係冷蕎麥面，啲蝦好大隻，個汁酸酸甜甜幾開胃，蕎麥面質感幾好。相比平常食開嘅pizza，呢間用料足，唔會好厚，幾有咬口，至於份雞翼係後加嘅，因為見到好多人都叫咗，所以就忍唔住叫咗，真係好味，個皮好脆。

EXP是位於室內溜冰場旁，因為不是獨立店舖的關係，要享用商場的冷氣，導致用餐環境冷氣不足。店內備有多種小食、意粉、飯麵及甜品等選擇。水牛城雞翼 ($58)微微的辣帶有少少甜味，醬汁量充足並沾滿了整隻雞翼。巴馬火腿菠蘿薄餅 ($98)方型的造型顛覆了一貫薄餅既定的印象。薄餅外面酥脆內裡鬆軟，可是完全吃不到菠蘿味及其甜味。雪糕窩夫三文治 ($82)雪糕方面選擇了柚子、雲呢拿及草莓；柚子雪糕味道清新。大熱天時吃冰凍雪糕，每一口都十分滿足，整體甜而不膩。芒果樂園 ($33)用上芒果、橙及紅蘋果製成，整杯以橙味作主導，完全嚐不到芒果味，很失望。

好耐冇去又一城，整體人流比昔日疏落，少了一班拖住喼的遊客，走起路來更輕鬆自在今次帶了一位從中東來的朋友，因為宗教信仰，他們不吃豬肉，所以食西餐比較穩陣。在又一城聚會，我還是喜歡EXP，在溜冰場旁邊，環境開揚，座位夠寬躺很舒適，而且食物質素穩定。今晚二人同行，點了Pizza、意粉、雞翼，非常滿足甜甜地辣辣地，而且有肉汁，咬落帶點微辣和脆口感，小食必選帶子大大粒，墨魚汁味道夠濃，開心share給各人嘴唇裝飾一下Pizza新鮮焗製，厚薄剛好，配料有蝦、牛油果醬、魚子，配搭清新，非常適合炎熱的夏天

又一城EXP經常大排長龍，難得經過見到唔係太多人等，拎左飛等大約5分鐘就可以入去食lunch喇～大蝦牛油果醬薄餅 - $98見到唔少食客都有點呢款pizza，應該都係一個safe option結果都冇令人失望，蝦同牛油果都好足料，而且感覺好清新，唔似平時覺得食pizza有種好油膩既味道水牛城雞翼 - $58由於我不太喜愛buffalo wings，都係因為友人想叫而試左一隻，不過不失～馬來西亞沙嗲雞串 - $54沙嗲配既醬汁好惹味，不過雞串略嫌乾身，感覺似燒烤過左火喉～整體黎講pizza比起小食更出色，或者下次有機會會試埋其他口味pizza或者pasta

蜆肉意粉*蜆肉意粉唔難整但係亦都唔容易整得好食嘅，呢一間鋪頭嘅蜆肉意粉算係整得唔錯，佢冇好多配料但係就食得出蜆肉嘅鮮味，Good！-軟殼蟹炒意粉*係酸酸地味道嘅炒意粉，不過不失。-梳乎厘奄列*賣相好吸引但係食落去就一般般，本身好期待呢一個甜品但係可惜有點兒失望。佢嘅口感一般，發嘅Cream食得出係打得唔好嘅。-水牛城雞翼*最好食！！！係我so far食過嘅水牛城雞翼之中最好食之一！！！初初冇嗌到呢一樣小食，但係見到隔離枱叫咗勁吸引，所以就忍唔住嗌埋嚟食！真係冇令到我哋失望，果然整得好出色！

📍九龍塘📍煙三文魚紅蔥薄餅❤️😎😎鹹香滿分💯其實呢間餐廳，我最鐘意就係呢個煙三文魚紅蔥薄餅🤤🤤因為個薄餅焗得啱啱好👌🏻唔會過火，導致好硬🙈而且之前一直無試過呢個食法，原來煙三文魚配紅蔥係咁Match😍😍煙三文魚嘅鹹香十足🥰真係好好味❗️❗️會不其然去係咁食🤣🤣而且pizza一早已經切成一條條，非常方便去食😏😏避免咗雞手鴨腳嘅情況發生🤦🏻‍♀️例如切到一舊大一舊細或者切極都切唔到🤣🤣同埋水牛城雞翼酸酸辣辣都幾開胃😎😎不過雞串略嫌份量少咗啲🙈

最近又同朋友去左又一城食飯，由於我們都係EXP水牛城雞翼的粉絲，所以再去EXP棒場。今次係週末的4點到去食Tea，所以只叫了一份沙律、兩份小食、一個Pizza及一份甜品(其實都幾多)。燒呑拿魚尼斯沙律比我想像中更有呑拿魚，大約有5至6塊。加上新鮮的沙律菜，整體好食又好Fresh，係一道開胃的前菜。水牛城雞翼依然好食，炸得脆口的外皮無因為D燒烤醬而變淋，加上雞肉仲Keep到Juicy多汁，下次再黎我會再Encore！炸粟米蝦餅炸得金黃，口感又彈牙，加埋粟米粒，增加了口感。大蝦牛油果醬薄餅係我們各朋友都讚好食的！基本每件Pizza上都有蝦肉，加上千島醬、牛油果醬、蛋及蟹籽，口感好豐富，而且今次的薄餅無上次來的時後烤得咁燶，所以整體都比上次光顧好。EXP的麵包布甸的蛋味重，而且用上有雲尼拿籽的雲尼拿雪糕。香滑的布丁加埋香脆的面包，就變成有幸福感覺的甜品。

同班🐢🍯一齊 去邊都係咁開心 今日我地睇戲前去左EXP食野呀😍🤩😋🤤Lunch都幾多人等位 但係好快就有位了🙂😛芝士泡菜豬頸肉炒飯 🧀🐷🍚一上枱就那經好吸睛喇😍🤩哩個飯係辣嘅 但辣得嚟都幾好食丫 啲芝士🧀🈵️滿的散佈在飯粒上 材料勁足夠 有泡菜 豬頸肉 青瓜🥒 成個飯都好好食大蝦牛油果醬薄餅 🍤🥑🍕呵呵 小妹都係無揀錯 即叫即製作 個薄底係厚批 食起上嚟好軟熟好好食 焗得真係好好 我其中一個🐢🍯唔鐘意食🍕都話好好食 所以真係正 材料方面 又係好足料嘅 有大蝦🍤 牛油果醬🥑同埋蟹籽粒 勁正水牛城雞翼 有四隻 雖然真係少左啲 但真係好好味 食嘅時候 仲食到係脆嘅 佢個sauce都係辣辣地🌶🌶好開胃同埋真係好好食 Encore!!!

同事今日last day,本身係係公司叫外賣食，但公司到今日第三日都未整好個冷氣，所以我地又有得早放半日，最後我地就揀左左去九龍塘食，就試下新裝修完嘅EXP, 結果都冇令我地失望，水準跟以前係一樣嘅。 我地一行六日叫左三個set lunch所以有三杯mixed juice, 個人覺得deep green 幾好飲，有清新蔬菜味，但同事話麻麻地，可能係有陣疑似西芹味啦。焗薯幾好味，熱辣辣，芝士味濃，但牛油果醬味不算太岀嘅其中一個set lunch, 味道不錯，不太咸 set lunch 炒飯，足料炒飯，大大碟，正個沙律份量大，成坐山咁，軟殻蟹新鮮炸起，加埋啲汁酸酸地，幾好味。豬頸肉炒意粉，侍應落單前話我地知個意粉係會硬啲同個汁會濃啲嘅，唔係水準問題雞翼係我至愛，熱辣辣炸起，配埋個汁，酸酸地，好醒胃再要多個三文魚pizza, 不過唔記得影相唔好三文魚嘅我都覺得好好食，推飽曬，平均每人百二蚊埋單。餐飯唔好嘅地方就係serve 我地嘅高級waitress佢啲禮貌唔得，真係要改一改，唔係嘅話食物質素幾高都會趕客同埋個環境會嘈左少少😩要傾計就要大聲少少喇

其實一直都知有間西餐廳係又一城的溜冰場旁邊，但一路都見到長長的人龍都係放棄。今次巧合下，朋友仔肯先去排隊，所以我們一行三個芭蕾舞女孩就決定係個到一邊傾一邊食。我們先叫左一份水牛城雞翼，一般係出面食的都會比較辣，不過EXP呢份雞翼只屬小辣，就算我呢D不愛辣的都食到。有驚喜的係雞翼的外皮就算有汁都keep到脆口的感覺，入面的雞肉唔算太乾。另外，我們仲叫左一份香芒米紙卷。軟軟的米紙包住蔬菜絲及甜甜的芒果。大家仲可以點芒果汁增個個鮮味。我本身以為係乾炒蜆意粉，點知黎到意粉有少量上湯浸住，加上我鍾意食濃味野，呢碟意粉對我黎講淡左少少。不過我卻鍾意意粉的彈牙口感。下次再食的話我會試試另一種配撘。餐廳的Pizza係係餐廳的爐即燒而成，特別香口。呢份鮮茄牛肉芝士薄餅，味道非常香，薄薄的餅底加上富蕃茄香的芝士，真係幾好食。唯一可以改進的地方係Pizza的的一邊烤燶左少少。感覺末夠喉的我們，叫左一份芝士焗薯塊配煙肉牛油果醬！薯仔都幾香，不過我稍為覺得芝士及牛油果醬唔多夠。最後，我們叫左一份麵包布甸配雲呢拿雪糕！好多餐廳整的麵包布甸的蛋味都係唔多夠，不過呢份麵包布甸除左麵包勁香、蛋又夠香滑，就連雲呢拿雪糕都

我地一行4人睇戲前來到EXP食lunch , 門口超多人排隊，因為尼間餐廳唔接受訂枱，在門口等了半小時可以入座，餐廳都幾大間所以雖然多人排但又唔算等得耐。我地叫左燒帶子墨魚忌廉汁意粉，尼個係必叫，好好食，有3粒帶子，上面加左少少魚子，忌廉汁好味👍🏼👍🏼。仲有叫左蜆肉意粉，一開頭我唔記得先攪拌一下意粉，將sauce 攪均，所以有點咸，之後攪拌完味道好鮮，唔會好咸，掛住食唔記得影墨魚麵🙈仲有炸蝦餅，尼個味道都唔錯，不過得三塊，入面有栗米粒。另外叫左水牛城雞翼，味道ok，仲有叫左香草肉腸pizza有兩款腸，新鮮熱辣好好食😋我見附近枱好多都叫pizza , 果然pizza係得既，勁多芝士，又唔會漏，味道好正。 雖然餐牌選擇少，不過款款味道都好好，而且價錢平，叫了5碟才4百頭，每人百幾蚊，在九龍塘黎講算係平價之選。

Happy Friday !又是很多人的星期五！今次等了大約半小時才入座！水牛城雞翼非常惹味！而且雞翼很大隻，非常抵食，值得encore!軟殼蟹沙律本以為份量是很少的， 怎料上菜時被嚇到！沙律份量非常多，有整整一隻軟殼蟹，而且是新鮮炸起，熱烘烘的。再配上酸酸辣辣的沙律汁，非常開胃！海鮮忌廉湯意粉果然是湯意粉，一定要伴着湯來吃才有忌廉的味道，配料很足，有帶子、蝦、魚塊、菇等，非常搭配！大C Cup很喜歡這個，一喝便知是用新鮮水果鮮榨出來的，先是濃郁的橙味，後上士多啤梨味，再有淡淡的奇異果味，很有層次，而且不會太甜，很健康。唯一不理解的是這杯飲料加了芽菜，感覺不太搭配。美中不足的是他們的上菜次序調亂了， 先上意粉，再上雞翼，最後才上沙律，幸好我們沒有點了很多食物，要不然一定吃不完這個份量很大的沙律！下次可以試試他們的其他鮮榨果汁，真的很期待！

於晚飯時間，又一城的每一間餐廳都有很多人排隊，難得今天不用排隊，十分興奮！從Menu看到有很多不同菜式，花多眼亂！點餐後大約10分鐘就上菜。水牛城雞翼雞翼size比坊間的大，即使淋上了醬汁亦能保持雞翼剛炸起的脆口感！醬汁酸酸甜甜，不會太濃，很惹味！蜆肉意粉份量剛好，意粉的軟硬度適中，而且很多汁，洋蔥份量頗多，唯一覺得香草味太重蓋過了蜆肉的鮮味。煙三文魚紅蔥薄餅這個真的很棒！薄餅的軟硬度適中，煙三文魚跟番茄醬汁非常搭配，而且嗅到紅蔥的味道很香，非常滿意！這一間有很多不同地方的菜式，亦有fusion 菜，而且價錢適中，值得再來試試！