麻辣派對 (金百利廣場) (已結業)

小妹平日好小放假，襯平日傍晚人小小約下屋企人出銅鑼灣行下。行完Sogo 經過見到呢間餐廳，大家都諗起疫情前一齊去四川旅行，所以就決定去刺激一下個味蕾。同朋友一齊去食，入到去估唔到餐廳嘅裝飾咁潮，真係好似落咗bar咁，完全唔似一間食四川菜嘅餐廳，幾有意思。而且餐廳坐得都幾舒服，並冇中餐個種嘈雜或者污糟感覺。坐定定就一於睇吓食咩辣野好～水煮江團魚嚟得麻辣派對，點都要試吓依度嘅水煮魚掛。我見到餐牌有幾款魚類可以揀，但其實我哋對於唔同嘅魚都係一竅不通，咁就不如揀個入門級嘅江團魚啦。唔好以為水煮會真係好難，其實我哋食落又覺得幾易入口。我自己就覺得江團魚好肥美，入邊仲有薯粉、魔芋、芽菜等等配料，其實我哋都有諗過自己再嗌其他配料入去繼續食，但又想留肚食下其他嘢。下次再嚟嘅時候，一於嗌一個水煮魚再加其他料當火鍋食。麻辣豬手煲除咗水煮魚，原來麻辣派對嘅豬手煲都相當不錯。餐廳將豬手整到非常之林，雖然豬手都係有麻辣味，但就一啲都唔影響到豬手本身嘅味道，仲更加入味添。清炒蒿荀當然要叫返啲蔬菜來中和一下味蕾。蒿荀清清地，食完辣野再咬一口蒿荀非常之爽口，又可以降低口腔入面嘅麻辣感。原本諗住食完辣野之後再去食甜品，

中午來到銅鑼灣行街，打算先食一餐豐富的再慢慢行。SOGO 附近最好就是去到金百利廣場看看，一去到商場地下，就見到「麻辣派對」大大的招牌，一於中午就去辣一下吧。想不到平日的2點左右亦差不多全餐廳滿座。麻辣派對內裡環境非常有格調，不像一般的中餐館的裝潢，以暗色為主題再加一些吊燈，就好像真的進入了一個「party」一樣。來得麻辣派對，基本上就是為了食辣。我們一於點兩份主菜，從小辣開始嚐起。⍋ 1. 水煮江團魚出面餐廳很難食到好的水煮魚，而麻辣派對的水煮魚聽閒是非常出名，所以就點了一份水煮江團魚。一上桌時，我們就被這份水煮辣椒震懾了，整個大鍋充滿着紅紅辣椒，心想以為會是非常的辣，但其實嚐一口亦沒有想像中這麼強勁，真的是小辣的層級。這份水煮江團的份量非常大份，江團魚切得大塊卻而毫無細骨，浸上少許水煮辣湯再一併食用正好一流。⍋ 2. 香辣豬手鍋除了必食水煮魚之外，我們亦嚐嚐辣子香鍋系列中的豬手鍋。驚喜的是，店員拿了一個爐來用以將豬手鍋保持溫度，這部份顯示出餐廳是有特別用心的。豬手鍋內有大量辣椒、香蔥、蒜頭伴隨著，未食豬手已經聞到陣陣香味，而豬手在爐的保溫下，食落非常稔軟，而且豬手充分吸收了鍋內的辣

天口熱, 無乜胃口, 食D辣野開下胃係基本啦. 餐廳一向服務都好好, 電話外賣自取有七折之餘, 仲主張即叫即煮, 所以出發前叫定, 就剛剛好. 仲要送冷或熱飲, 凍飲仲要唔駛加錢添.酸菜江團魚, 食得辣既, 建議嗌大辣, 魚片滑得很, 軟得黎有時一夾就斷開添, 但大部份都有連埋魚皮, 如果唔鍾意食魚皮既人, 可能要考慮一下喇.佢會送埋個白飯既, 我最興就係撈埋D酸菜湯一齊食, 雖然唔係人人接受倒, 但真係份外惹味.同事食水煮魚同水煮牛, 今次叫左大辣, 辣到佢地飛起, 水煮比酸菜係辣D既, 所以下次水煮都係叫返中辣好D. 鮮牛肉都好嫩滑, 份量都算多既.再一次讚下店員, 本身同事點餐佢只係話要檸茶走甜, 平常無講凍, 就等於係熱架啦, 原來佢係要凍既. 當佢去取餐個陣, 佢問店員可唔可以換杯凍既比佢, 真係可以比佢換倒, 唔係間間餐廳都咁好相與架.最後提供埋外賣餐單, 因為餐廳情調比較暗, 所以拎左張返黎影個清晰版既, 開心SHARE.

放工時，同事約一齊食晚飯，悶熱的夏天，大家都想食辣；知道金百利全層都是餐廳，在下面水牌見到麻辣派對便上去。入到去，有驚喜，天花掛了不同顏色花球，燈光暗，好有情調，環境舒服。來到麻辣派對當然要叫水煮味型系列， 有三種魚選擇：桂花魚，江團魚及草魚。點了從未食過江團魚。江團魚肉質鮮嫩可口，比草鱼更嫩滑，更加美味，江團鱼沒有细刺，淡水魚中的上品。水煮魚的精髓在於鮮嫩的魚肉，配上又香又辣的湯底， 帶著刺激的口感，食得好過癮另一道是花椒田雞： 花椒是川菜中特有的調味料。辣中微酸的特点，好開胃，及田雞的鮮沒有被辣椒的味道蓋過而且有口感。另一佳作

好久沒有去銅鑼灣，今日接老公收舖後揸車過去逛一下，嘩！銅鑼灣停車場收費好貴呀！既然都已過來了﹐泊好車便去逛逛﹐銅鑼灣店舖變化都係大﹐可能係租金昂貴的原因﹐很多都係難守住的﹐行到金百利廣場肚仔餓，打算搵附近地方食嘢！原來金百利廣場內都有食店，於是睇下有咩合胃口，發現4樓有間麻辣派對，一諗起麻辣口腔口水已經流了，於是決定上去試一下四川風味。門口大大招牌色彩繽紛好搶眼， 好彩5洗等位，進入看見食店內的裝修正如其店名「派對」﹐掛了好多聖誕派對用的飾物佈置﹐與四川菜扯不上關係 我們坐下睇見menu 已經胃口大開，選擇有很多﹐有銅盤烤魚、香辣鍋、酸辣鍋、辣小菜、小麵、米線及酸辣粉等等‥令我們突然有選擇障礙﹐老公便找個經理問一下這店招牌菜是那款菜式?經理好細心反問我們喜歡什麼口味?她還詳細講解 menu 上的菜式，於是我們選擇了水煮江團魚還多加了3款輔菜（牛肉、娃娃菜、金菇菜）。 一大盤滿滿紅油、辣椒干、花椒粒、蔥段、薑片等配料的水煮魚上枱了，嘩！ 賣相已經相當吸引 我們忍不住立即起動 ，老公吃了一口便舉起手指公讚好，真是色香味俱全，這餐還沒吃完已經說下次一定再來試其他菜色。

約朋友系銅鑼灣食飯，知道金百利幢大廈有好多美食，朋友又喜歡食辣野我地就選擇麻辣派對餐廳。餐廳環境舒適燈光柔和，坐位寬鬆仲有好多卡位。涼拌黑木耳我地叫左小辣，木耳好爽脆放落口辣辣地好正。水煮江團魚內有牛肉和芽菜，江團魚肉質嫩滑不鞋又不多骨，牛肉又夠腍唔會硬，魚切到一片片好多魚片，食落口又麻又辣真是超級美味口可，又超級大兜。干扁四季豆炒得夠乾身又唔會太淋，仲有少旺肉碎好入味，甜甜辣辣😋蜜語水果茶好大杯好足料，內里有西瓜，蘭香子，橙，奇異果。