風車

營業中

休息中

又係同朋友周圍覓食嘅時間啦，今次去到大圍😊行過呢間風車餐廳🍴望吓個Menu有又幾吸引喎😝咁就入去試吓啦我哋行到身水身汗🙈夏天實在太熱☀️☀️☀️一入到去就feel到冷氣好勁👍🏽👍🏽即刻舒服晒😌，餐廳中間有盞超大水晶燈😍😍成個感覺好高雅👍🏽👍🏽淨係識個環境都抵呀😜我地2個人今次叫咗流心藍芝士漢堡餐，墨西哥辣肉碎豬扒，由於唔係太肚餓所以都係跟薯條啦😬想讚一讚佢個午餐真係好抵食👍🏽有湯有沙律有嘢飲仲有主食，都係$70左右已經可以食得到🤗而且係高質😋😋咁就講一講點高質啦😝餐湯就係南瓜湯仲有醋沙律都係正常嘢啦🤪水果茶都OK，荔枝梳打正，配菜冇乜嘢好講但係主菜就好有驚喜啦🤩流心藍芝士漢堡🍔🍟🥗黎到已經非常有睇頭🤪大大個包再加一堆薯條🍔🍟切開有驚喜😮流心藍芝士真係好流心，而且份量都算大，味道濃厚，鍾意食藍芝士嘅你一定好鍾意呢個包😀薯條來講都算有誠意，外脆內軟係即炸既墨西哥辣肉碎豬扒🐽第一次食咁樣嘅配搭🙂估唔到又幾夾😉辣肉碎唔算好辣，味道唔錯唔太咸😌好嘢未😋豬扒肉嫩有汁一啲都唔鞋👍🏽👍🏽總括嚟講呢間餐廳性價比好高，舒適嘅環境😎優質嘅食物😋合理嘅價錢係值得推介嘅😚

今日去左大圍chill，我地揀左去風車食lunch😀都幾抵食！每人$80倒，有沙律/湯、主菜同飲品。沙律都有幾多菜下，而餐湯都幾大碗，所以我地各樣都揀左一碗😀我地叫左日式燒汁一口牛同辣醬燒春雞配薯菜我幾鐘意日式燒汁一口牛個汁！幾好味，甜甜地，又有紅菜頭，幾特別，感覺幾健康！燒春雞估唔到有咁多肉！雞無雪藏味，肉質都ok, 個皮既調味都唔錯，一d都唔會肥膩！薯角都唔錯，份量都唔少，個炸衣夠薄，薯肉夠冧，味道幾好！男友叫左杯水果茶，甜甜地又有茶味，應該唔係就咁沖普通既茶包！我就叫左杯爆谷味咖啡！好有驚喜！雖然無拉花，但一拎到黎就聞到好香既爆谷味！d泡泡夾埋咖啡一齊飲真係好match！推薦！👍🏻

星期六嘅下晝，陪屋企人去大圍睇牙醫，順便就喺附近睇吓有乜嘢好食，無意中就係距離大圍火車站大概三條街距離左右，見到呢一間西餐廳，見到餐牌都好似幾抵食， $60-$70就有一個lunch set，包晒前菜主菜同埋飲品，一於決定試吓啦！幾欣賞佢嘅就係，餐牌上邊有素食嘅選擇，可以切合唔同人嘅需要。我哋分別要咗一個卡邦尼意粉，同埋一個素菜千層麵，前菜就一個要沙律，一個要咗是日嘅餐湯，而今日就係南瓜湯。南瓜湯應該都落咗好多忌廉或者牛奶去煮，所以都幾香滑㗎，以呢個價錢來講，已經好OK。卡邦尼泊爾意粉就正常水準，份量都唔細，煙肉嘅份量都唔少。而素菜千層麵嘅份量就比較大，中間就冇平時食開嘅肉碎，主要由番茄醬同埋翠玉瓜做餡料，另外仲配有炸薯角個同埋蔬菜沙律，對素食者來講都係一個幾唔錯嘅選擇嚟㗎。飲品方便，就要左一杯熱嘅水果茶，另一杯就加錢要咗杯爆谷味咖啡，水果茶正正常常，咖啡就反而幾令人surprise，爆谷味同埋焦糖嘅甜味都幾重，冇諗過呢度都可以飲到呢一種味道嘅咖啡。餐廳細細地，座位唔算太多，但都算坐得闊落，如果去開大圍的話，都可以嚟呢度試吓嘅。

幾經辛苦，終於算係捱過o左疫情o既寒冬期，講緊唔只係限客令正逐步放寬，係之前o個排我直情完全約唔到人出o黎食飯咁滯……今次約朋友開餐，都盡量想揀番d 疫情之中比較受影響o既一群，最後幫襯呢間restaurant bar。因為我地日o抖o黎，間bar 多玻璃窗，內裡又多鏡，而家呢個moment 感覺都幾光猛闊落。不過長長o既bar 檯、酒櫃、巨型水晶燈之下，亦唔難想像夜裡閃閃生光，大家入o黎飲番兩杯o既情調。午餐搭配田園沙律or 是日餐湯，greenies 自然係我朋友o既favourite，餐湯係磨菇湯，氣味清新。醬燒牛柳粒($74，午餐無加一) 係menu 上無o既菜式，因為原本o既鹽燒牛脷暫時缺貨。佢o既洋蔥醬汁調製得好惹味，係略嫌肉質比較實o左少少。套餐跟o左意粉，d 意粉幼身爽口，最適合蘸埋d 洋蔥醬一齊食！除o左飯/意粉/steak，仲有burger 類可以選擇。醬燒豬扒土耳其三文治($76) 賣相唔錯，同埋感覺上好大份，值得一叫！隻包係潛艇型算巨型，好重蒜蓉香，舊豬扒更加係充滿炭燒o既氣息，令人聯想起土耳其烤肉，長長垂直圓錐體燒下燒下，到食o既時候一塊塊片落o黎o個個景像…

本來想去大圍搵食市集試下新嘢但見座位唔多 而且環境比較迫夾於是就四處行下 見到呢間西餐廳門面幾雅致， 自己都鍾意食西餐 於是就試下啦價錢中等 ，環境亦算唔錯麵包比較硬 ，而且乾身， 有啲番茄鋪麵包上面。是日餐湯係蕃茄湯， 都算幾開胃酸酸甜甜味道唔錯加錢轉換龍蝦湯， 味道香濃 仲有少少龍蝦肉 感覺比是日餐湯好好多凱撒沙律簡簡單單作為一個開胃前菜都算唔錯意粉份量太少 ，龍蝦肉亦唔新鮮， 口感較"鞋"， 入口不佳。五成熟西冷牛扒肉質都算唔錯， 牛扒都算幾厚身唔知係紅莓定係紅桑子嘅甜品蛋糕， 酸酸地都算唔錯水果茶 幾清香整體感覺都算不錯， 都叫做可再一試