喜相逢 (砵蘭街)

營業中

休息中

放工行到嚟太子塘尾呢頭，如果諗唔到食咩，set定食餃子嘅目標俾自己都可以，皆因呢頭好多餃子店，話唔定食到間絕世餃子𠻹呀呢間嘅醉雞酒味好濃烈，啲雞肉完全入晒味，澀澀地好過癮煎餃子一上碟，姐姐提大胃趁熱食，果然溫度決定鮮味，好好味呀點吓碟上嘅麻辣醬，唔太辣仲好吊味，好易入口同開胃湯餃隻隻都好大粒，雙拼仲要唔使加錢𠻹呀一碗有8粒，隻隻都好足料咁仲有茶脯跟碟，辣辣地幾得意雲耳夠晒爽口，同豬肉亦唔會有衝突無論你食唔食芫荽，呢個香菇芫茜餃絕對易入口，仲好綿好嫩，味道亦唔濃烈辣醬加溏心蛋，完美彼此昇華呢間係兩間餐廳合營，所以風格較為獨特

店舖裝修十分古色古香，大大個招牌寫住舖頭名 入去坐啲座位都好舒服，樓底好高！小店來講食物選擇都算唔少一定要叫呢度嘅招牌湯餃湯底係酸辣湯底，可以揀大中小辣～ 我哋揀咗韭菜豬肉同埋白菜豬肉餃雙拼韭菜豬肉餃嘅餡料好嫩呀～ 仲要好足料 韭菜味好香呀白菜豬肉餃就比較淡味，但係都唔錯 同樣係好足料另外在叫咗一款煎餃，揀咗香菇芫荽豬肉餃～ 每一啖都好友芫荽味配埋旁邊個辣豉油，正小食都點左幾樣～ 醉雞好入味，每啖都係濃濃嘅酒味呀 雞唔算好滑，但啖啖肉，滿足～ 小食來講我最鍾意呢個！有青瓜絲，肉絲同埋麵條，撈埋個辣汁，夠凍又好惹味呀！最後仲叫埋個皮蛋試吓，如果鹹多少少就好啦

又係幫人補完習，要食嘢補充體力嘅時候啦！今日唔太想食飯或者麵，就一於去食餃子啦😆依間係太子嘅喜相逢好近地鐵站，超容易就可以揾到。店舖環境ok嘅，係暗咗少少😆我點咗一份雙拼湯餃子(四隻白菜豬肉餃同四隻雲耳椰菜豬肉餃）同一份水晶皮蛋。我怕自己受唔到辣，所以仲叫咗豆漿😂😂😂如果一個人去食，我建議大家真係好肚餓先點埋小食，因為佢啲餃子好足料🤣先講白菜豬肉餃，一食落去有少少酒味，再感覺肉汁嘅味好強烈，但因為有白菜嘅關係，味道重得離唔會太過👍🏻第二隻我就點咗辣油，食落又另一翻風味！我幾推介大家好似我咁先試佢嘅原味道，再根據個人喜好點辣油😆雲耳椰菜豬肉餃嘅豬肉味同酒味無白菜豬肉餃強，但依款餃子所有餡料嘅味都食得出，都唔錯呀！最後小食辣嘅水晶皮蛋幾特別，係透明㗎！😳因為配咗啲青瓜絲，所以辣都唔怕！