美味的泰國菜

營業中

休息中

👧🏻😋👅🍽✨實在太美味🥹 平靚正免加一-🇹🇭 鋪頭好細但裝修好有泰國街頭feel, 但冷氣好夠! 平日七點左右都爆滿仲有好多外賣單🇹🇭 店員識泰文都識廣東話, 落左單就聽到廚房含含聲, 火喉好夠有鑊氣, 出餐都好快-▪️泰式柚子沙律 $79🥗 原塊柚子多汁好清甜, 配上鮮蝦, 蒜粒同泰式甜酸沙律汁好開胃▫️椰汁湯金邊粉配海鮮 $77🍲 椰汁湯不得了鮮甜又香濃, 食完粉都飲左半碗! 🍲 鍾意佢唔會加紅油為辣而辣, 泰式風味來自香草香料; 海鮮有魷魚, 蝦, 蜆更加提鮮▪️菠蘿海鮮炒飯 $78🍍 菠蘿粒甜甜地好juicy, 雜錦海鮮粒份量好多, 撐起成個炒飯, 鑊氣十足粒粒分明▫️正宗泰式烤魚 $159🐠 鯽魚超鮮甜, 魚肉嫩滑, 主骨明顯大大啖食都唔怕; 用香茅同青檸鹽燒, 將魚汁同香草完美封存

門外貼滿餐牌，價錢合理，望落吸引見餐廳坐滿食客，就決定試下排一陣隊原來由泰國人主理，菜式味道就更加正宗🔅泰式柚子沙律 $79滿滿嘅酸酸甜甜清新味道，夠晒開胃🔅串燒拼盤（3串）$49豬雞牛每款各一，帶有炭香燒烤風味🔅正宗泰式烤魚 $159採用鹽燒嚟烤魚，魚皮脆卜卜，可以成塊掀起而底下嘅魚肉，係非常嫩滑而且無咩細骨，啖啖魚肉，食得方便極力推薦👍🔅泰式炒寬粉（海鮮）$78寬粉口感好特別，有少少Q彈感覺配菜有鮮蝦同魷魚，仲有蔬菜同炸蒜香口而且有充滿鑊氣🔅菠蘿炒飯（海鮮）$78鮮蝦、魷魚、青口，加上肉鬆果仁同提子乾鹹鹹甜甜，又有幾重口感而佢用嘅提子乾係大粒青提比起常見黑色提子乾會再甜d同juicy d

唔洗特登入去九龍城，喺長沙灣都可以食到地道嘅泰國菜！呢間美味的泰國菜係由泰國人主理嘅餐廳，主打各式各樣嘅泰國街頭美食～正宗泰式烤魚💰HK$159烤魚採用咗鹽燒嘅方法去烤，表面有一層厚厚嘅鹽！魚皮烤到香脆可口，內裡嘅魚肉保持到果種嫩滑多汁嘅口感！就咁食已經食到魚肉嘅鮮味，點埋旁邊嘅泰式醬汁，更開胃～泰式炒寛粉(海鮮)💰HK$78有大蝦、魷魚等多款海鮮，另外仲有多款脆嫩嘅蔬菜！寛粉滑嫩Q彈！整體味道微辣又有鑊氣，令人回味無窮～泰式青木瓜沙律💰HK$65青木瓜沙律爽口脆嫩，酸酸辣辣好清新！仲有花生碎碎、腰果同埋紅蘿蔔絲等配料，口感充滿層次感～芒果糯米飯💰HK$58芒果係用咗新鮮嘅水仙芒，清甜又多汁！糯米飯暖笠笠而且口感煙韌，表面仲淋咗一層椰奶，味道經典～呢間美味的泰國菜，真係冇改錯名，食物正宗又好味👍🏻～