1963 木十豆寸

營業中

休息中

知道呢間餐廳lunch都比較爆，所以提前一星期預約。Happy Friday 一行3人，個地點都幾隱蔽，喺舊式唐樓入面。有個同事之前去過帶路，如果唔係都搵餐懵。裝修真係好懷舊，倒流時光咁。約咗12:15，我哋行得比較慢，12:25先上到去。店員同我哋講,張枱已經俾咗人😔仲話我哋做乜唔打電話嚟通知佢我地會遲到。其實訂位時係有講過hold枱10分鐘。剛剛夠鐘就比左人。叫我地等12:30遲到既人既台。我哋猶豫去留之際，好彩有人cancel booking!建議唔好好似我哋咁遲到啦😛守時係美德。Menu都有好多選擇！同事K叫左個櫻花蝦炒飯。炒出嚟好colourful, 個碟都好colourful! 好香，我試左一啖。好食😋味道岩岩好。同事仲話啖啖都食到櫻花蝦。我同另一位同事叫左同一樣，古早味滷排骨飯。個排骨(豬扒)略乾。感覺似鄰家飯菜。個滷肉飯同平時食開既有分別。水份比較多，但又未到湯飯甘。味道清淡帶點油膩(啲肥豬肉)。杯抹茶latte 比想像中好飲😋P.S.啲餐具幾特別架，完全中左我心意。無辦法，女人減肥呢個事業永遠唔會停💪

朋友突然從加拿大返黎，遷就我地港島區返工，係灣仔搵到呢間台灣料理，地點方便，地鐵巴士電車都到，相約七點，到達一棟唐樓樓下，門面有少少殘舊，加少少懷舊味道，跟住要行兩層樓梯，沿途有溫馨提示，到二樓感覺有點花樣年華feel, 三個女人仔晚餐，加古式裝修，叫咗炒飯，醉雞，拼盤，水蓮，食物美味，最後加個甜點“拔絲地瓜”，飽到上心口，全晚聊天都無受騷擾，9：30 last order, 坐足一晚無趕客，真心岩靜靜傾計食飯，價錢合理，平均每人百零蚊，仲要好飽飽。

呢間1963木十豆寸餐廳 開咗冇耐就好嘗試但還係一直冇機會。今次係中午去，佢嘅裝修好特別，有復古feel, 雖然係樓上，但樓梯每層有加油語句，另一邊有電梯。晏晝去唔使＋10%。lunchtime都幾多人，但係唔使排隊同人搭台就有位。最後我叫左個櫻花炒飯。佢係唔包野飲，嘢飲＋15至＄20。我就冇叫到野飲。炒飯離到好香，賣相也好討好，但飯質感唔算硬有稍微淋身。味道適中，櫻花蝦好細隻好多，味道濃郁。.櫻花蝦炒飯 $80

上次到來食午餐，今次試下晚餐先。叫左三杯雞，味道香濃好味。東坡肉就唔夠香啦，只係唔會好肥，但味就太淺啦。櫻花蝦炒飯好香，啲飯軟硬適中，好多櫻花蝦，就咁食都夠晒未，不過份量就唔算大，正另外有種台南菜叫水蓮，外面台灣人菜館好未必食到，口感好特別，有啲似幼通菜，其實無咩味道，但好爽口清甜環境一流，文青留影好地點；地方細細，都好岩gathering 傾計，服務好好，啲service 好快，係讚的都會再帶朋友來

自從看完動畫"你的名字"後, 經常在腦裡loop著主角重覆地問著"你的名字是...ぎみのなまえは"這一句, 想得入神時, 嚇然看到"1963木十豆寸"的招牌因為你的名字, 進入一道舊式的樓梯, 再上到一間餐廳, 時空交錯地好像墜入懐舊的時光隧道一樣, 花樣年華般的故事, 產生了微妙的感情, 氣氛味道陳設確實是花心思營造出淡淡的情懷,  但客人太多, 根本細味不到各式各樣的擺設, 所以決定滿足我的肚子多於眼睛,  午餐是定食, 有配菜和主食, 份量適中, 價錢相宜, 灣仔區這般的價錢的餐廳, 難免吸引有很多客人前來櫻花蝦炒飯櫻花蝦是我喜愛的, 原來還有大蝦在內, 喜出望外, 金舌頭的我, 都覺得飯炒得有鑊氣, 有香蔥的氣息, 不太吃飯的我, 竟然吃下一整碟...配菜的蕃茄好像有梅汁, 酸酸甜甜, 好開胃的前菜, 加上另外有一道好像青木瓜絲沙律, 有點芭樂汁的味道, 好清新, 反而炸菜不是我的菜, 而且浸水太久, 沒有什麼味道似的紅燒牛肉麵麵條是有彈性好煙韌, 紅燒牛肉好入味炆得洽到好處, 帶有牛筋和脂肪, 尚算正宗牛肉麵麻婆豆腐雖然麻婆豆腐不是最好的醬汁, 有麻油蔥花的香味加上軟滑的豆腐