月詠

營業中

休息中

🍜🍜誓要試勻全港拉麵系列🍜🍜檸檬牛油雞白湯拉麵 $98湯底：白湯唔似平時日式拉麵嘅雞白湯，係忌廉雞湯味，奶味較強，較鹹。加咗三片檸檬，令到鹹嘅湯底有淡淡嘅酸味，算係多咗少少層次。牛油溶咗喺湯底，冇特別食得到牛油味。麵條：麵條彈牙有咬口，食落有嚼勁，都算係掛汁。雞肉：有三片雞肉，味道較淡。屬於整得滑嘅雞胸肉嘅預期中嘅味道。溏心蛋：都整得幾入味。松露油：餐枱上有樽油，初頭仲以為係普通嘅生油。睇comment先知道原來係松露油。餐廳應該喺上面貼個label，或者整張卡紙介紹，整體嘅presentation會吸引好多。至於味道就比較淡，要加頗多先食到淡淡嘅松露味道。同個湯底又唔係話特別夾。不過就有啲嘢玩試下唔同味咁。環境： ★★★☆☆ 食物： ★★★☆☆ 推介度： ★★★☆☆

孤陋寡聞, 真係唔知道鹿兒島都有出名嘅雞白湯拉麵。月詠嘅雞白湯唔係傑撻撻嗰隻雞白湯, 有啲似豆漿嘅感覺, 飲落口有些小鹹, 但整體都係滑漏！我叫咗碗檸檬牛油雞白湯拉麵, 檸檬中和咗牛油嘅油膩, 牛油令到個湯底更加滑漏。佢哋用嘅係蕎麥麵, 畀傳統拉麵爽口, 加埋檸檬味令到成碗麵有清新嘅感覺。溏心蛋正常發揮, 雞胸肉嫩滑冇黐牙。廣島黑酢拌炸雞肉汁豐富, 炸粉都幾厚, 略嫌味道單薄左少少！反而個豆腐野菜煎餅略有驚喜, 質地好滑, 配埋青瓜絲一齊食, 口感好特別！用qr code落單, 其實都冇乜服務可言, 但裝修非常日式, 座位亦都坐得舒服, 咁嘅價錢, 其實都真係唔錯, 不過嗰啲鍾意濃厚雞白湯嘅人就未必鍾意啦！