糖宮甜品專門店 (積信街)

糖宮隱匿在大圍一條小街之中，仿如一個神秘空間，遠離了繁囂，在靜寂的街道上，店內的每位客人卻能悠然自得的談笑風生，喜歡音樂的就在彈結他，而最特別的是糖宮設有戶外茶座，客人可以一邊談天，一邊吹吹晚風，很是寫意。我們去到的是侯正值宵夜時段，店內客人很多，我們就坐到閣樓，樓上我空間比想像中闊落，也是與好友談天的好地方。menu上的甜品很特別，也有不少創新款式，很有小店獨特的風格。我們懷著好奇心，一共品嘗了四款不同的甜品。作為榴槤控，我毫不猶豫地選擇了榴槤椰椰。它由椰皇燉蛋白 加上 西米、小丸子 及 榴槤蓉 做成的，配上一球榴槤雪糕，光是賣相已經相當吸引，絕對可以成功呃like。為食的我二話不說就勺了一大匙蛋白西米榴槤，三重口感一次過滿足了甜品胃，蛋白又香又滑，同時咬到西米粒粒，口感很qq的說。榴槤控自然少不了點評一下榴槤蓉，其實本人本身對榴槤甜品沒太大喜好，總覺得製成甜品的榴槤味道太淡，沒有水果榴槤一般香軟。但糖宮這個榴槤椰椰卻不一樣，除了榴槤的香味得以完全保留，配上椰皇蛋白的味道是超級夾，香甜沖斥到脷底以至整個口腔。再吃一口小丸子也是零違和感。最後當然也少不了配搭榴槤雪糕一齊享用，結果也自然是完全不會失望。這個甜品，完勝。而其他的甜品也是相當不俗，朋友們一致讚嘆不已。讓我再來推介多一道，就是宇治抹茶雪糕燒鯛魚。別以為多人喜歡抹茶，那麼雪糕就一定是重點，那你就錯了，在這道甜品上，抹茶雪糕好吃只是基本。最特別是燒鯛魚，不單止造型精緻，入口天是香脆，特別仔細地制出有微微的燒焦香味，最是獨一無二。配上雪糕和紅彤彤的紅豆，簡直大滿足。…查看更多

食完附近甜品店，就向外發展。今次去食呢間甜品專門店，同大圍站比較遠了些，但好食係要搵。環境不太大，但座位寬闊舒適，店內格局氣氛溫和，非常放鬆。今次同朋友食了今期主打椰皇系列我食左個椰皇燉蛋白，額外加花生湯圓，配搭唔錯，幾好食。椰汁鮮甜止渴，加上係熱食的，蛋白充滿椰汁香甜味，嫩滑，好似啫哩咁，配上西米，不太單調，而且變成豐富版的椰汁西米露。真想繼續食，正而另一個就係榴槤椰椰，這是凍食的。想不到榴槤跟椰子能配合得美味可口。濃郁的榴槤蓉令人停𣎴了口，加上小湯圓小丸子，豐富左個普普通通的椰汁西米露，即刻升級，配上榴槤雪糕，喜歡食榴槤的必選。…查看更多

今晚最吸引我的是，香蕉心太軟，因為第一次食到其他味道的心太軟，配抺茶曲奇雪糕又好特別心太軟未食已經好大陣香蕉味，焗得外硊內軟，用匙一開，淺黃香蕉醬流出來！入口連蛋糕好甜，加埋不是太甜的雪糕，甜度反而剛好，抹茶及曲奇味也更突出香蕉的味道，雪糕幼滑，入口即溶另外的香蕉船，伴朱古力及芒果雪糕，是我兒時最愛的甜品。香蕉剛熟不爛，配雪糕十分好味今晚給我驚喜的是這個榴槤椰椰！榴槤雪糕加榴槤味糖水，好特別呀！因為入口榴槤味好濃郁，椰汁更把榴槤發揮得更香更滑，加埋原個椰子上，椰肉又甜又爽口，真有創意而個雪花冰，揀左巨峰提子味，雪花冰冇白色，全染了紫色，巨峰提子味好濃，雪花冰好滑，入口涼浸浸，令熱辣辣降了溫…查看更多

馬拉的回憶特別多，與馬拉同學去玩去探索的青春歲月。當時到KL市郊的榴槤自助任食:一架載滿榴槤的貨車，几張摺枱及几把刀，與當地人一同圍著摺枱，棟篤企，狂食新鮮榴槤（即係立食囉！）。滿地榴槤殼四周都瀰漫著榴槤香聽著職員不斷地劈開榴槤口中就是啖啖榴槤肉此情此景，歷歷在目。所以回到香港後，每次到水果店／甜品店，都會對榴槤十分關注。今天入大圍，朋友就建議去一家甜品店，保証有驚喜。這條寵物街，有用品，有醫院。甜品店就夾在其中。門口畫得花碌碌，夠青春吧！　　　有榴槤喎！馬拉回憶呀！我來也！　雖然牆上有很多圖片，餐牌有數頁，但榴槤是首選，所以點了二款榴槤的甜品。　　榴槤飄香　　一杯涷冰冰榴槤飄香，中央有一球榴槤雪糕，旁邊有几件榴槤肉，浸於西米之中，還有小丸子。　　　而這几件榴槤肉，一絲絲的，入口黏黏，只需要用舌頭MUI呀MUI呀！無需用任何牙力，就嘆到啖啖的榴槤肉。由於榴槤雪糕開始溶化，溶於西米之中，以致西米都有榴槤味。　　雪糕是榴槤味，西米又有榴槤味，榴槤肉當然有榴槤味啦！每一口都充滿著榴槤味，喜歡榴槤的人就會明白。　　　　　　　　　榴槤椰椰　　　　看到牆上的圖片，椰椰應該是招牌菜。有几款椰椰呢！榴槤椰椰，紅豆椰椰，椰皇拌西米湯丸，燉蛋白，燉木瓜，燉雪耳海底椰，海燕寒天難得有榴槤，當然不放過！　原隻椰皇內放滿了各種配料，有原件榴槤肉，彈牙小丸子，榴槤汁混著西米，蛋白。　　而榴槤雪糕則另以一碟盛著。　上層的原件榴槤肉就當然是原汁原味，最濃郁啦！　　再到淡黃色的榴槤汁加上西米及滑溜溜的蛋白，質感與黏黏的榴槤肉有很大的對比了。然後嚐一口榴槤雪糕，梅花間竹。　椰肉也不能浪費，要刮乾刮淨。　　　　　基本上榴槤椰椰與榴槤飄香很相似：有榴槤肉，榴槤汁，西米，雪糕　榴槤椰椰：是把榴槤，榴槤汁，西米，蛋白分層而下，雪糕是另上。由上而下的結構，可讓人層層漸進，逐一細意品嚐。　榴槤飄香：由外而內的橫向結構，讓人（豪邁地）每一口都能品嚐各款配料。　　選用哪種方式，要視乎每人的喜好了！　　　雖然榴槤並非KL榴槤（任食）的感覺，亦足以緬懷在馬拉的青春歲月。　　～＜暴飲暴食＞的青春歲月　　　細看牆上貼圖，原來真係用左馬拉榴槤，唔怪得啦！…查看更多

夏日炎炎，跟幾個朋友在附近食甜品。大家 share 來食。榴槤椰椰$58不是人人愛榴槤。我獨食了榴槤椰椰。非常特別的甜品。很甜的新鮮榴槤，混埋3.6 牛乳燉蛋白、有些小湯圓等，此等配搭又出奇的合。像在吃榴槤牛乳般。喜歡榴槤一定要試試，食完滿口榴槤香。椰皇伴西米湯丸$58試了熱食款的的椰皇伴西米湯丸。有大大粒芝麻湯圓3粒。3.6 牛乳燉蛋白非常香滑。3.6 牛乳再加西米、蛋白，感覺很養顏，哈哈!冬天我必會再點。香蕉心太軟$50香蕉心太軟也是比較少見。切開有多香蕉汁流出。好似食緊鬆軟的香蕉蛋糕般。附上新鮮香蕉、士多啤梨。雪糕就揀了綠茶同曲奇，雪糕品質也不錯。加埋在心太軟外的朱古力脆米，整體又很不錯。抹茶紅豆雪糕鯛魚燒$45大大條鯛魚燒，內有厚厚的雲尼拿雪糕。綠茶雪糕混上紅豆吃，日本風很重的一款哩!想不到甜品質素，整體也不錯! …查看更多

吃過晚飯後緊接下半場 - 甜品。由居住在大圍多年的朋友引領，到他家附近的這家隱世甜品店品嚐我最愛的甜吃。 一進店，便看見大大的店長推介佈告板。上面推介著的正合我心意，是當時得令的榴槤甜品，於是不經思索便點了此款推介的。 這款榴槤椰椰滿足了我的眼闊肚窄，一份甜品包含多個元素，有榴槤雪糕，椰皇燉蛋白，小丸子，當然還有主角榴槤肉。榴槤雪糕選用了香港製造的Co Co Berry 品牌，雪糕質感幼滑，榴槤味香濃。椰皇中載著椰皇味濃沃的養顏香滑燉蛋白，加入煙韌的小丸子，再灌入疑似3.6 的香濃牛乳，最後加入新鮮的飄香榴槤果肉。從這款美味非常的甜品能看出店主的心思👍👍 我們所點的另外兩款甜品都很不錯。Oreo 木槺布丁上層和夾層都佈滿著美味的oreo, 加上滑滑的慕絲做底，大滿足。雪耳津梨燉海底椰同樣不俗，這款中式糖水沒加入太多的冰糖，不會太甜，原汁原味，非常滋潤。 回家後仍對榴槤椰椰念念不忘，回味無窮。誠意推介這款美味的榴槤甜品給各位志同道合的榴槤控😊 …查看更多

大圍出名多甜品店，但想食特色甜品就唔係咁多選擇，今日到糖宮，正因為朋友要揾朋友，佢朋友係「榴槤」和「香蕉」，就睇下有咩新煮意.......榴槤椰椰$58我本身不特別愛榴槤，但我非常喜歡食椰皇和椰子味甜品，朋友就二話不說我一定要食這個「榴槤椰椰」。 榴槤椰椰係乜乜: (凍凍的)椰皇+榴槤+西米燉蛋白+椰汁+小丸子+榴槤雪糕 用原個椰皇裝上，份量不簡單，食得太飽者需要認真考慮。先食面層厚厚榴槤，榴槤非常新鮮香甜，我雖不是榴槤粉絲，但亦不禁讚不絕口。 榴槤下就是一層椰汁西米，當然充滿著榴槤味，榴槤椰子是絕配，我欣賞廚師手藝，因做得一啲都唔甜。 再下層是燉蛋白，食到這層，會食到有重重的牛奶味，加上椰漿和榴槤肉，層次感強烈！想清清地就可以食大啖啲蛋白，想香濃啲就加上榴槤....仲有可以加雪糕 榴槤椰椰附送一球榴槤味雪糕，雖然沒有榴槤肉，但雪糕味道也很夠香，夠滑，而且很真實，可以單食，又可以放入椰皇中與蛋白一齊食。優惠:Check-In 可以減$2 蘋果玉桂香蕉酥皮卷伴雪糕$40咁大碟只係$40,未放入口單睇陣容，真心覺得抵食 ！！顧名思義，蘋果+玉桂+香蕉+雪糕酥皮卷內有香蕉蛋糕，有點點的香蕉蓉，加上蘋果，玉桂味香濃，酥皮卷用了青蘋果，口感較爽但較酸，和香蕉出奇地夾。看facebook專頁知道間中會有獨立歌手在店內表演，希望下次會遇上。…查看更多

其實我食甜品只有一個宗旨，必須食d其他地方未必食到既甜品。 雖然椰皇系列係不少地方度有，不過今日個肚仔同我講想食以下呢2份甜品，所以即管試一試！椰皇燉蛋白（熱） ($50)天氣凍當然要食熱野 呢個蛋白幾有驚喜，鮮奶味同椰皇味都好重，而且比例調教得好；而口感比想像中滑，入口即融 榴槤椰椰 ($58)椰皇配榴槤我都係第一次食。一樣驚喜十足！榴槤味撲鼻之餘，仲有一塊塊榴槤果肉係面 口感同剛才既燉蛋差不多，唔同既係味道多左份好香既榴槤味，鮮奶、椰皇、榴槤三種味道既平衡做得幾好，喜愛榴槤之人必須要點！ 另外，伴碟既雪糕都係榴槤味，但由於榴槤椰椰好重味既關係，雪糕既味道相對較淡，建議一啖槤槤椰椰，一啖雪糕咁食，就可以keep仲刺激味蕾 好合理既價錢，就食到咁有驚喜既椰皇系列，期待下次黎會食到更多新椰皇甜品（menu其他野食）…查看更多

早前和朋友去了大圍一個較僻的街道吃甜品, 由於不是在大街, 所以位置上總是有點蝕章, 若非在附近用膳, 其實也很少會走到那邊啊~ 講真, 同一條街已經有幾間甜品店, 當中不乏連鎖經營, 就看在糖宮仍然夠膽加入戰團, 想必一定有些技倆及自信, 就拉朋友一齊去試試. 店鋪面積就是一般甜品鋪的大小, 裝潢是黑白銀三色, 夠簡潔~牆上貼有不同款式的甜品豐富視覺效果. 最矚目是優惠: FB或IG打卡即減$2究竟…我們會點甚麼甜品呢? 到底有甚麼驚喜呢?先來熱食暖暖個胃, 朱古力窩夫伴雪糕. 很少吃到心形窩夫, 若是在情人節吃到這份, 是心意滿載的. 雪糕口味可自選, 香蕉當然配朱古力啦~窩夫屬薄身一類, 但中間部份較實, 應該是粉漿控制得不太好吧. 質感有待改進, 但濃濃的朱古力味很不錯.喜歡吃榴槤的可說是連甜品也要有榴槤, 當晚點了一客榴槤椰椰, 雖然是凍甜品, 但放進口並非凍到牙震震那種, 這點我喜歡. 榴槤椰椰其實就是榴槤椰皇燉蛋白和榴槤雪糕.幾塊冰凍的榴槤肉放入口慢慢溶化, 沒有咬到有絲, 是清淡的榴槤.再往下尋寶, 是粒粒分明的西米及以榴槤和忍廉打成的汁, 好香滑.而佔了椰皇一半的就是滑滑的燉蛋白, 滲出椰香味, 當中更混入椰肉, 雖然榴槤在最上層, 但燉蛋白都佔了些少味, 味道都頗得意. 榴槤雪糕黏度不高, 榴槤味也足夠而且不假, 建議先吃完雪糕才吃椰皇, 味道會較一致.這款甜品很抵食, 因為椰肉是挖得極徹底! 亦即代表盛著的餡料非常多~與連鎖店相比, 有時小店的質素相對較好, 感覺較親切, 食物更會用心製作, 希望小店在戰圈中能站穩陣腳.…查看更多

今日黎到大圍，同兩個老朋友入左一間叫糖宮既糖水鋪一坐底，就有人介紹叫我試下個榴槤椰椰！作為榴槤發燒友既我馬上ORDER！這個榴槤爺爺，有很多材料 :1) 小丸子，十分彈牙！2) 榴槤肉，濃郁既榴槤香味！3) 榴槤汁4) 蛋白，口感加上榴槤肉更為豐富！5) 椰皇肉，配合榴槤的鮮味，一絕！後來，見到原來老闆生日，有班舊客同佢慶祝生日，好開心！而且有人情味！Thanks！老闆既介紹！…查看更多