糖宮甜品專門店 (積信街)

今天小米在這邊有活動, 順便在附近TEA一TEA. 網上看到這家熟悉的甜品, 店內有3隻喵喵. 小米很喜歡喵喵, 全家就到此下午茶了.  來到店門, 已經有一隻黑貓在曬太陽. 就座後, 就會發現另外2隻喵喵了.  下午茶時段, 几乎滿座, 看來此店很受歡迎. 下單後, 小米就衝去看可愛的貓貓, 自己就等貓主子主動過來了!      芒果窩夫伴雪糕   小米想食芒果, 自選的雪糕都選擇芒果雪糕. 甜品來到了!  窩夫有雪糕, 還有一堆芒果茸. 芒果茸有絲絲芒果纖維, 尚算真材實料. 看著小米有儀態以刀叉享用窩夫, 心感安慰.      榴槤酥皮卷伴雪糕    榴槤, 是小米之父喜愛的生果, 而這款套餐指定配榴槤雪糕.  真身來了!  3件榴槤酥的酥皮並非千層酥, 而是飛佬皮FILO皮. 即是酥皮的中東祖先呀!! 如果酥皮是一層油一層麵粉的多層結構, 那麼FILO皮是單獨一塊麵粉皮, 單看其實有點似春卷皮. 下刀之時, 半透明又薄身的FILO皮裂開/爆開, 就會明白FILO皮在烘烤後有多薄身.  只是自己暫時不便食榴槤, 唯有看著小米之父一口一口把榴槤酥皮卷消滅.                椰皇燉蛋白(熱)    餐牌註明是<1ST>, 相信是鎮店之寶, 也是自己喜歡軟綿綿系列.  大大件椰皇燉蛋白來了. 個人覺得 : 燉品一定要選熱的!  看到雪白的燉蛋, 不期然就想到:假如皮膚能變得又白又滑就好了!  蛋白溝牛奶再加熱凝固, 有奶香是必然的. 但當中也滲著淡淡椰皇水的的味道. 食呀食, 消滅了燉蛋白後, 就來到椰皇肉. 椰皇肉口感QQ似蒟蒻. 可是燉蛋白份量很足, 椰皇肉就只能消滅一半而已.             新鮮椰皇水   看到這杯椰皇水, 估計是來自剛才的椰皇燉蛋白. 對於天然健康又抵卡的飲品, 小米之父不會抗拒吧! 平時即開即飲天然無添加的椰皇水, 售價也要十幾廿蚊. 現在跟餐可配椰皇, 合理!!        菠椰菠蘿汁   幻想是PINA COLADA的朋友, 有椰汁, 菠蘿汁, 就選擇了菠椰菠蘿汁. 真身: 還送上半件新鮮菠蘿.  新鮮菠蘿的酸酸甜甜, 我喜歡. 而杯裡米黃的菠椰汁, 跟PINA COLADA很接近. 有菠蘿汁的甜, 也有椰汁的香. 散點是30個大洋, 但TEA SET卻是奉送1杯. 抵左!     芒果汁  TEA SET中, 小米選擇芒果窩夫配芒果雪糕, 飲品也選擇芒果汁. 全部都是黃色的芒果!!!!   食甜品會奉送 : 會奸笑的貓主子      會叫人開門的主子把大腿當作枕頭的主子 ~~~ 主子睡著了... 不忍心吵醒主子呢!原來貓屋在樓上.....       嚐過抵食又美味的下午茶後, 就要向屯馬線出發了! 小米就開始唱洗腦歌  <屯~馬~開~通~真~的~很~興~奮>!…查看更多

喺火炭食完晚飯已經好飽，但總係要食埋糖水先夠滿足夠完美，所以嚟咗大圍食糖水。餐牌上有好多好多選擇，平日無乜選擇困難嘅我都諗咗一陣先揀到。第一次嚟食，所以叫咗招牌菜-椰皇燉蛋白。原來呢間個椰皇燉蛋白係有埋焦糖脆面，賣相好靚而且好特別！真係第一次見呢個配搭。焦糖脆面脆卜卜，焦糖味夠焦但唔會苦。脆面配埋滑溜嘅燉蛋白好正燉蛋白椰香比奶味重，相信椰子水嘅比例多過奶，所以食落無咁易覺得飽滯。另外仲叫咗佛系芋圓，有一球雪糕、兩色芋圓、涼粉、紅豆同埋小丸子，好豐富。芋圓同小丸子煙韌，涼粉爽口，而且甜度適中，味道唔錯。下次會再嚟試下雪花冰，有榴連味雪花冰好吸引！…查看更多

今日黎到大圍踏單車🚴🏻‍♀️十年唔做運動做完當然去食返啲好野補充體力啦結果我同家姐一齊黎左呢間「糖宮」起初入到店內，覺得無咩特別但一上到二樓，我就發左癡原來有三隻貓店長丫！講返野食，我地都唔知食咩好店長推介椰皇燉蛋白咁我就試下啦一試之下，馬上愛上了椰香味好出，加上不會死甜蛋味亦很出難怪店長話係招牌菜而家姐就比較傳統小小佢叫左個陳皮紅豆沙我試下一啖又估唔到陳皮味又唔會太苦而係一陣陣甘香於是我問問店長佢話佢用三個鐘炒香陳皮醬而成既難怪又幾好食估唔到呢間新派既中式甜水又幾有水準！值得推介比大家…查看更多

已經兩年無返黎大圍啦今日返到黎，食完個晚飯馬上去食個甜品因為以前向度住既時候已經知道大圍多糖水鋪不過，比較令我有回憶既我唸都算係糖宮了今次黎到糖宮，發現環境乾淨左而且多左幾隻可愛既貓咪仔佢地作為店長非常熱情而今次我點左佢地既招牌菜【椰皇燉蛋白】同埋【朱古力心太軟】椰皇燉蛋白好滑，熱辣辣咁上椰味好出，奶味又唔蘇，的確唔錯至於朱古力心太軟因為我比較鍾意朱古力味重啲唔太鐘意太甜。呢間店就岩灑我啦而且重要跟兩球雪糕！正！最重要最重要一點係佢地既presentation靚左好多放左好多心機而服務方面，都係多靚仔靚女為主都好後生，令到增加左不少分數服務都不錯！一定會再黎！加油！本地小店！…查看更多

呢間糖宮甜品係我食過最有心整甜品嘅舖頭之一，而且價錢唔算貴，希望佢可以開多d分店啦🤪唔講咁多，去相先呢個椰皇燉蛋白又熱食同凍食可以簡，岩晒我呢d 鐘意食椰皇燉又怕天時暑熱要食熱野嘅我可以簡個凍食，而呢個凍嘅椰皇燉蛋白仲有焦糖喺面tim。波多野結冰係菠蘿綿綿冰再加菠蘿西米露組成嘅，菠蘿綿綿冰食得出係用鮮菠蘿製成嘅，唔會食到人工添加劑嘅菠蘿味，再加上用左半個菠蘿作為容器，打卡影相一流😄最後係即叫即製嘅朱古力心太軟，細細粒嘅心太軟一切開就流出濃濃嘅朱古力醬，而味道亦相當唔錯。同場加映勁清甜嘅椰青水，唔知道係咁岩呢個椰青真係咁甜定係買手簡貨好，呢杯椰青水係我飲過最清甜嘅椰青水之一。…查看更多

平時跟朋友去開鬧市區食飯之後都會吃個甜品，因為勝左夠選擇多，但等候時間通常都會很長。今次剛好去大圍找朋友，他說有質素的甜品店都選擇開在小巷裡，低調用心的經營，好像今次推介大家的【糖宮】，誠意出品，只等結識有緣人。朋友帶路，嚟到大圍其中一間糖水舖【糖宮】。位於大圍積信街，店內有門口一預位置、地面及樓上雅座，店鋪以卡位為主，坐位乾淨舒適，裝修也不差的。全店總共可以坐40-50人、見到老闆應該幾喜歡蠟筆小新既公仔，因為佢既蹤影不少呢。選擇甜品個陣，老闆十分親切款待，仲介紹我地兩個甜品，就係「朱古力心太軟」同「椰皇燉蛋白」。最後點了三樣，價錢唔貴，算係做左個街坊價吧！椰皇燉蛋白$50每日限定！！！！！！！燉蛋白老實說是好味的，但特別地方不多！蛋白份量都幾多，入口的燉蛋白滑溜無比，還有很清香清甜的椰皇味道。真材實料，有驚喜。椰皇清甜，鮮奶香濃，蛋白幼滑，三者合而為一就成為一道人人喜愛的！朱古力心太軟即叫即焗，配上兩球雪糕，有幾種味選擇，最後選了 芒果，朱古力。必開時朱古力漿如湧出，濃厚的朱古力不算膩，外面少少脆口入面鬆軟，兩者外脆內軟，兩種口感，唔同滋味感受配上雪糕一冷一熱，老闆仲話個朱古力漿煲自家調配，比出面濃的！係好食既，相信好多人都會喜歡，冇介紹錯喔！食完唔夠喉～點多一樣美麗槤夢露 $48我係被它的榴槤＋芒果呢個組合所吸引的。雲尼拿雪糕同細細粒既西米令到整體口感更加提升，顏色十分和諧，不錯不錯。芒果果肉粒好甜，西米又夠軟身，榴槤好香濃所以甜度較高，一整碗綿綿的，怎會不討好？！味覺享受！！！！整體三款甜品質素挺高的，新鮮材料，多款選擇，食到我好滿足，甜品果然係有兩個胃的喔！下次再來幫襯你!!!老闆。…查看更多

香港人識飲識食，同時愛新鮮感，一間成功嘅食肆，要懂得在創新與傳統之間取得平衡，再加上用心經營，自然會客似雲來。大圍呢間「糖宮甜品專門店」正正就是深明此道，每晚黃昏過後，客人總是絡繹不絕，大排長龍，好嘢自然被廣傳啦。:)店舖分地下及二樓兩層，樓上面積可容納四、五十人，地下分室內及室外兩區，牆壁上掛上結他，不知是裝飾還是有即興演出，但已經成功營造出休閑的感覺每日限量供應的椰皇燉蛋白，可説是這裡重中之重的推介，店主明言每天限量8-10個左右，經過多番嘗試、改良，材料包括：椰皇、 椰皇水、北海道3.6牛乳鮮奶、蛋白，再隔水蒸燉，製作過程須小心處理，特別花功夫，好味又滋補香滑蛋白散出濃奶香味，震騰騰，滑嘟嘟，甜度標準合乎健康人士口味，有美白功效，啱哂愛美人士榴槤雪花冰，喜歡吃榴槤的朋友絕對不能錯過，亦是季節限定每一啖都充滿榴槤獨有的香味，絕對是齒頰留香，回味無窮，雪花冰涼浸浸，食甜品嘅最高享受心太軟，外皮硬脆、內夾醇美熱巧克力漿的小型巧克力蛋糕，附二球自選雪糕，與別不同的地方是，甜味經過多番改良，朱古力味特別重，但甜味又不會喧賓奪主，背後一定經過多番嘗試、調較，絕對是用心製作，值得一讚一切開就有像熔岩一樣的朱古力漿流出. 而且一定要熱食，否則就沒有流心效果，朱古力味香濃，配兩款雪糕，一冷一熱，味蕾在冷靜與熱情之間穿梭食甜品，往往會令人感覺到開心快樂，亦留意到，店員與客人的關係特別親切友善，尤其緊張客人對食物的反應及意見，一間能夠用心經營的小店，絕對值得大家支持…查看更多

依間甜品店，裝修幾特別，門外有結他擺設！如果今晚唔係遇上落雨天，我一定揀露天坐位，好feel嘛！內裡環境也很舒適，感覺很乾淨。小店有樣好，人情味特別濃厚，店員又親切又熱心介紹有什麼最受歡迎同最新款，唔計佢介紹的，其實餐牌上很多款式都好特別又好少見，真係引死人㗎！"菠多野結冰" 店員說很多少男會點這款，我也偷笑了，正因為甜品名攪笑，所以點了。重點: 菠蘿係時令水果，所言非虛，用菠蘿汁製成的雪花冰，真的超甜，加上夠冰凍，另配一碗黑涼粉椰果，仲要有好多塊新鮮菠蘿片(好juice)，真係又好味又抵食，爽！"椰皇燉蛋白" 用椰皇水加3.6牛奶製作，好滑好清甜，夠晒滋潤，而且限量供應，今日早到有得食，好幸運呢！"大雜丸" 新出品，內裡有三色芋丸，口感好煙韌；芝麻味及花生味湯丸、小丸子，全部都係我至愛，加上薑汁湯水好夠薑。今晚甜品當晚餐，真的又甜又滿足，心情都靚晒！ …查看更多

今日食完晚飯之後同2個朋友仲想繼續吹水, 於是其中一個話不如車入大圍食糖水, 其實我都未試過, 九龍城就試過~XD 一於跟佢地入大圍睇下有咩正糖水。佢地揀左呢間糖宮話OK食過唔錯，入到去環境都幾舒適，大概有6-7張枱, 好似仲有上層, 不過冇上到去, 坐左係下面, 幾寛躺, 裝修簡簡單單，侍應(我估佢係老闆)都好好人, ANYWAY, 最緊要係野食好味!!!椰皇燉蛋白(熱) $55雖然夏天, 但我呢個半養生人士都係想食返熱野!!而且呢個老闆特別推介, 好快就揀好左。椰皇SIZE適中, 但入面真係滿曬蛋白, 滿滿的, 而且仲熱騰騰, 蛋白滑到一個點!!甜度剛好, 冇偏甜冇偏淡!!!好中意呢個蛋白呢, 棷皇仲有椰肉, 唔使好用力就「不」到出黎, 好正呀!!大愛!!朱古力心太軟伴兩球雪糕 $52另外朋友點左個心太軟!!! 兩球雪糕揀左朱古力味, 綠茶味!!老闆好好, 因為佢話個心太軟OVERCOOKED, 所以要再幫我地整個新, 叫我地等多陣!!其實都唔係等左好耐, 耐心等待之後就會得到好結果, 個心太軟超正!!!一吉落去D朱古力漿就流出黎, 焗到岩岩好, 老闆仲話D朱古力係佢地自己調出黎, 所以唔會太甜, 真係好岩好味!!可惜夏天真係好熱, 雪糕熔得勁快, 食慢D都唔得!!榴槤飄香 $45…查看更多

都未到8月天氣已經都咁炎熱🌞要食點東西 消消暑😌今日來到大圍食甜品🍧✨Like fb或 follow ig可以減$2😍牆壁貼了甜品既相片，可以知道甜品係點既樣仲有甜品推介岩曬選擇困難的人🤣夏天消暑既好拍檔 當然係西瓜🍉啦！👉🏼洛重西 $68▪︎呢個西瓜盅🍉無得輸呀🤩夠晒消暑透心涼😆 有士多啤梨🍓、椰果、蒟蒻 、3粒西瓜波波💛 中間既雪花冰原本以為係西瓜雪花冰，食落既味道又唔似 酸酸地又戴點甜味，原來係洛神雪花冰！西瓜盅內裡仲有涼粉，完全係夏天必食的😚🌟溫馨提示∶係 ig 或Fb 影相打卡📸，可少即減$10喔‼️👉🏼朱古力窩夫伴雪糕 $49▪︎店員整既時候，聞到成間店都散發出香噴噴既朱古力味🤩估到應該係整緊個窩夫，已經溜曬口水🤤上面沈上了可可粉同糖霜～朱古力窩夫外層夠曬脆😚朱古力味好濃🍫有偏小小苦，唔會甜到好漏既感覺！👍🏼苦苦地無咩罪惡感😈怕甜既朋友仔都可以試下喔！雪糕有幾隻味可以選擇，小胖子就簡左綠茶味🍵 雪糕🍦又唔會溶得太快，對於影相食先📸的我來說 試過影到一半相 雪糕已溶了🙈 今次都影左一陣相，之後又慢慢食個窩夫，雪糕溶得唔快 ɢᴏᴏᴅ ᴀʀ👍🏼👉🏼椰皇燉蛋白 $55▪︎椰皇燉蛋白每日限定售的！好幸運呀😎叫到🤟🏼打左果蓋好香的椰皇味，蛋白又香又滑🥛入口即溶🤤 好滋潤呢😚…查看更多

今夜晚飯後在大圍散步幫助消化，我們走過人車往來川流不息，日夜都很熱鬧的大圍道，又逛逛靜中帶旺的横街，又另有一番感覺，不經覺行到積信街看到糖宮甜品專門店，大家心有靈犀，二話不說齊齊走進糖宮吃甜品。友人揀櫻花水玄信餅，櫻花水玄信餅的確有很漂亮的視覺效果，我們都欣賞，櫻花水玄信餅晶瑩通透，口感滑唧唧味道淡淡的，吃的時候用小瓶盛載的黑糖伴吃，我貪吃了一茶羹。椰皇燉蛋白（熱）是我的養顏甜品，椰皇&蛋白都是天然食物，無得輸！另一位友人選擇芒果黑珍珠，也是我的至愛，我貪吃一匙，黑珍珠果然好有口感，甜度也恰到好處，讚！…查看更多

星期六天寒地凍, 收工都係要出街食下飯通通氣, 食飽晚飯, 要食埋個甜品先叫滿足.大圍開左好多糖水舖, 今次試下"糖宮甜品專門店".門口有個魚缸, 已經吸引左BB要入去玩.店舖細細, 有一排SOFA座位, 燈光微暗, 氣氛休閒.MANUAL都幾多選擇, 新派至舊款中式糖水都有齊.一行3人叫左3款凍熱甜品:椰皇燉蛋白 - 原個椰皇, 椰皇連肉的, 應該保留了椰皇水再加入3.6牛奶及蛋白去燉.牛奶味及蛋白味較淡, 留有極香的椰汁味, 好香, 好滑, 食完燉蛋白可以食埋椰肉!朱古力窩夫伴雪糕 - 雪糕可以自選口味, 我們選了雪呢拿, 心形朱古力窩夫加上了朱古力醬及伴有香蕉, 賣相80分, 雪糕及香蕉都OK, 但食第一口朱古力窩夫, 心寒了....朱古力窩夫的味道有點變了, 好難食. 材料出了問題嗎?朱古力心太軟伴雪糕 - 一碟四格的擺碟, 賣相80分, 同樣係雪糕可以自選口味, 選了綠茶及雪呢拿. 亦有香蕉.甜品一上檯, 我又嚇呆了, 一條最少10寸長頭髮夾在雪糕球內, 應該係"筆"雪糕前已掉進了雪糕內. 只好叫STAFF換一碟.雪糕及香蕉都係OK, 朱古力心太軟又出事了. 蛋糕焗得耐左少少, 沒有流心, 只見裡面亦有朱古力醬. 再吃第一口, 同朱古力窩夫一樣味道!是朱古力選材問題罷, 最後整個心太軟放棄了, 食一啖就無食.…查看更多