甜牙牙

營業中

休息中

早幾日喺旺角食飽飯覺得有啲意猶未盡😂諗住搵間甜品店去食下糖水啦～然後就喺廣華街見到呢間「甜牙牙」相信大家對呢間舖頭都唔陌生🤣🤣佢屹立左喺旺角好多年多年來為我哋提供又平又抵食嘅甜品！.餐廳有最低消費，所以我同個friend一人叫咗一款嘢食 ～.抹茶窩夫派對 $98一嚟到嘅感覺係❗️好大份❗️窩夫口感鬆軟上面足足有五球抹茶雪糕😍仲佈滿一層好厚嘅紅豆蓉😆.椰汁燉桃膠 $36老闆話係啱啱煮好出嚟😍😍糖水好足料滿滿嘅桃膠！

難得出街食飯，飯後諗住食埋甜品先返歸，其實旺角都有唔少甜品鋪，見呢間乾淨企理又唔逼，就呢間啦！😋入到去客員亦殷勤招待，證明冇揀錯。甜品選擇都唔少喎，店員話「椰汁燉桃膠」剛煲好，$36好抵食，就食呢個，仲可選凍或熱，椰汁味剛好，桃膠份量都唔少，感覺滋潤補番下☺️☺️另外見到餐牌上有榴槤鬆餅（$68），都好吸引喎🤩，叫來試試！一上枱已經飄來榴槤之香，榴槤蓉好大球呀！勁之香甜！鬆餅有兩件，同出邊好Hit嘅pancake質感有啲不同，感覺無咁軟身和似蛋糕啲，上面仲有兩pat榴槤蓉添，我開頭以為係忌廉就咁搽咗😂😂其實忌廉係另外吱得好靚嗰舊花。呢個鬆餅仲附送雲呢拿雪糕， pancake加雪糕實在係最好嘅配搭啊！

夜媽媽接朋友仔收工，收工後去咗食糖水，呢間糖水舖位於旺角廣華街3號百利達廣場地下4號舖，舖頭名仲好特別，叫做：甜牙牙🤤 🦷🦷冬冰冰既天氣想食熱既糖水，但又想食凍冰冰既雪糕，所以最後叫咗兩份甜品＋一杯熱飲，滿足哂我地既願望。🍫朱古力棉花糖窩夫配雪糕🍦 $52即焗外脆內軟既窩夫，窩夫好脆口，有2條脆朱古力條，有3粒輕微烤過又軟棉棉既棉花糖，白雪雪既忌廉，仲有我最愛既朱古力味雪糕，加上甜甜既朱古力醬。因為窩夫係即叫即焗，所以制作時間需要等約8分鐘。🥥椰汁燉桃膠 $36熱辣辣既糖水，用咗好香濃既椰汁，加上有大大粒又養顏既桃膠，再有好多好滑好爽口既雪耳制作而成。食完個胃即刻暖哂。🍋檸檬水果茶 $38熱辣辣又清甜既檸檬水果茶，水果茶既材料有綠茶茶包、好足料既水果，切粒既士多啤梨🍓，切粒既奇異果🥝，3片檸檬🍋，切半既藍莓，又有水果食，又可以暖胃。水果茶伴上糖漿，如果想甜啲就可以加少許。