深深甜品

營業中

休息中

上次試咗“凍愛玉仙草“， 同埋“椰果檸檬愛玉“， 前者嘅組合都幾夾，我唔太鍾意食芋圓，覺得食完太飽肚又晾住個胃， 愛玉＋仙草加上少少淡奶， 食完都唔會太飽， 又唔會太甜。“椰果檸檬愛玉“， 係感覺比較清新嘅甜品，好似食緊檸檬茶愛玉咁， 比較健康，減低食甜品嘅邪惡感， 仲有粒熊仔糖放咗喺入面，幾得意🐻🐻今次試咗“腐竹馬蹄露“， 呢個不過不失， 馬蹄足料， 唯獨腐竹味不夠濃。因為今次買嘅糖水一凍一熱， 員工刻意幫我分開咗兩個袋， 好細心

今日晚市解封食肆可以入座到晚上十點鐘,但係我哋食完晚飯九點半先去到糖水舖,都係買外賣算！我哋叫咗兩個糖水,一個係豆花紫花園（裏面有黑糖水晶、紫米、芋圓、紫薯雪糕）,一個係椰果檸檬愛玉°個紫薯好好味有好多唔同嘅質感,有豆花啫喱雪糕煙韌所有感覺°大大碗好好味！你唔好睇佢啲雪糕溶溶地,係因為我買外賣行下行下溶咗一半°我諗喺現場食個紫薯雪糕再凍啲應該仲好味！個檸檬愛玉除咗上面有隻啤啤熊軟糖好得意,整體感覺都有啲寡°不過因為酸酸地都好易入口°

🍋椰果檸檬愛玉 $27好清新，夏天食好舒服消暑。最搞笑係上面有粒gummy bear🐻呢度有超多款糖水，由傳統嘅芝麻糊去到比較潮嘅包心芋圓同雪糕都有，另加配料方面仲有我最愛嘅清心丸，可惜冇叫到，下次去一定會試👍🏻另外裝修都好特別，富有香港舊式情懷，牆係油咗綠色去模仿六七十年代嘅大排檔，另外仲佈置咗啲舊式嘅信箱。

正當人人吃晚餐 我就趁機食個甜品 喺小小懷舊嘅環境下享受一個人嘅清靜一入店舖，你會只會感覺懷舊，但沒有丁點殘舊。環境企理，乾淨！無點人氣高嘅芋圓，反而選擇咗椰果檸檬愛玉。清新又開胃，不太甜，啱晒注意自己身型嘅少女呀！(即係我😂😂😂😂）檸檬片上仲配一粒小熊軟糖，好可愛！值得一讚係呢間小店相當環保，叫甜品一般都一個起兩個止，所以手寫單上一定用唔晒啲位！ 而喺呢度，張手寫單竟然會重用同紙嘅兩邊都會用晒！ 地球多謝您😊！

深深甜品走懷舊風，主要賣傳統中式糖水，再cross over台式甜品~價位唔高，幾抵食！🔥石磨芝麻糊(凍) $20🔥一上枱，香氣撲鼻，色澤烏黑。鐵羹𢳂起，見到係竭身。即使係凍食，入口依然有濃郁芝麻味，亦唔會過甜，幾好😋一定唔係用粉開，唔會好似鼻涕咁😂🔥椰果檸檬愛玉 $27🔥酸酸甜甜，係一種清新冰涼嘅感覺~ 椰果唔會好甜，煙韌有咬口。🔥叄元豆花配愛玉 $33🔥呢碗大雜燴有芋圓、地瓜圓、豆腐花、黑糖珍珠、紫薯西米同愛玉。芋圓同地瓜圓都煙韌有味，唔會成舊粉咁。愛玉繼續清爽。豆腐花中規中矩，唔會太粉。黑糖珍珠同紫薯西米就唔太有食材嘅味道，主要增加口感🤣Feast Level: 🔥🔥🔥🔥/5

在深水埗食下午茶，之後到這間新的甜品店試一試！地點好方便，近地鐵站！行2-3分鐘就已經見到！滿滿的客人品嚐甜品！用中文字寫在木板上！簡單不花巧的裝飾及設計，但却給客人友善親切的服務態度！有家的感覺！甜品糖水有熱有凍，有傳統也有台灣式的，不用去台灣都可以品味到！1. 椰果檸檬愛玉黃色又透明！好大碗好靚的顏色！愛玉在台灣旅行經常飲的愛玉冰，喜歡它QQ的口感；這個有酸酸的檸檬味、又帶甜甜的味道，好清新好適合夏天哦！椰果好有咬口，好多纖維；還有一片檸檬及小熊仔糖作裝飾，好可愛！2.桑寄生蓮子蛋茶：好大碗！好多料哦！有：紅棗、蓮子、蛋！桑寄生茶好香好濃郁，味道剛剛好！我喜歡這裡的甜品不會太甜膩！蛋都好入味又香濃！這個甜品最適合女仕們品嚐，可以補身又暖胃