大鍋口海鮮火鍋店

營業中

休息中

愈黎愈多火鍋放題，尼間特別之處係有雞煲+火鍋。可以任飲任食2小時，價錢$198起，加一。星期五六日加$10。假日晚市5點入座，已經有唔少食客。入座後揀湯底，椰子滑雞湯底，清甜，雞肉滑身入味。之後就寫紙落order，侍應好快就送食物。肉類方面有質素，淥完d肉完全唔鞋唔韌。✔️極品肥牛，味道最濃郁，油脂分佈平均，紋理清晰✔️金錢牛𦟌，煮熟會捲埋，好香牛味✔️豬頸肉柳軟脆，油脂豐富另外亦有羊肉片、黑豚肉片，難得肉款齊全。✔️牛筋腩預先炆好，入味，淥一淥就食得✔️2款魚片都處理得好好，白鱔片有少少脆骨口位既感覺✔️脆鯇魚片肉甜口感較嫩身丸餃中最特別係手打雞軟骨丸，有爽脆咬口，一口size方便食，而墨魚滑丸彈牙。黑松露水餃內餡有木耳，爽脆，肉鮮甜。蔬果類中，少見鮮淮山軟綿。菇類吸汁超甜，雞脾菇、茶樹菇味道濃郁。凍豆腐都係吸汁食物，爆汁過癮。鮮腐竹大大片唔油膩。唐生菜、超甜粟米都係新鮮。份量唔會太多，可以食多幾款。飲品必定要去出面飲品櫃拎竹蔗茅根水，超滋潤，超甜。亦有雪糕機。整體，愈夜愈多人，侍應做野好快手，主動加湯、收走空碟、上菜又快，讚。而且平日/假日價錢亦唔貴添。

平時一大班朋友出街食野，book好曬枱是常識吧！但有時一對對情侶，或者3、4個朋友突然餐敘，要搵個位食好野，真係一位難求。好彩的可以慢慢排隊，唔好彩的，可能直接被拒絕（因為full booking)呢間火鍋店都幾出名好食，過往試過book位食，唔book位無得食，今次諗住食早場（17:30），唔book位都應該有位食掛！只差一點點就無機會食，好彩仲有幸運之神眷顧，俾我walk in到最後一個位，否則就無得食（見到之後有數對朋友上黎問一問就走）。其實唔知係唔係book左無人黎，佢地俾左門口果張大枱我，本身可以坐8人的俾我兩個人坐，呢餐食得特別舒適講完自己ge好彩，講講火鍋內容湯底有好多款，款款都唔駛特別加錢呢個係椰子滑雞湯底，個湯好香，當然唔及果d賣湯底出名，賣成～200蚊個果d比。但任食火鍋黎講絕對高質素，唔係清湯加色就算。混醬款式唔多，係得基本野，但可能火鍋料掂，其實唔太洗醬料都可以。火鍋料有太多選擇，而我又十分肚餓，所以想睇清楚有咩食，去試一次仲好。任食的果款牛唔係膏肉分明果種，唔駛太擔心中伏。呢度同其他都一樣，有任飲，唔駛擔心又要俾多筆。除此之外，而家仲有雪糕同toppings俾

最鐘意三五好友一路打邊爐一路傾下計，這間位於佐敦的＂大鍋口＂是不錯的選擇，食物選擇多樣又新鮮又抵食，不過記得一定要book位，否則都要等幾耐😉醬料椰子滑雞湯底 - 椰子味濃，湯很奶白，雞就不算太滑😆生猛海蝦，魚雲，鮮蝦滑 - 海蝦真的非常生猛，爽口彈牙有鮮味，魚雲很新鮮滑口，鮮蝦滑蝦味足亦很彈牙鮮美😋金菇，冰豆腐，鮮腐皮 - 金菇條條脹卜卜，冰豆腐放湯後吸晒湯的精華，鮮腐皮很滑有豆味各式丸，炸魚皮，炸響鈴卷，薯仔片 - 芝士丸爆芝，炸魚皮和響鈴很香口，不過薯仔片有點硬不夠粉脆鯇魚腩，脆鯇 - 脆鯇不太脆反而脆腩肉質又脆又爽很味美肥牛 - 肥牛比較薄身，幸好不算太肥也有牛肉味