聚興家

一直好想幫襯一次「聚興家」，了解一下點解呢間位於太子砵蘭街嘅街坊小館，可以連續五年攞到《米芝蓮車胎人推介》？根據《米芝蓮》食評人嘅往年慣例，除非質素暴跌；否則如無意外，今年年底公布嘅2023年版本應該又會冧莊。小店門面唔顯眼，內裡面積亦很細小，就算做茶餐廳都嫌舖位細；唔怪得出名之後多了客人，要租埋隔離舖位。偏偏兩個相鄰地舖之間是樓上住宅大廈的入口樓梯，廚房要集中在其中一個舖位，務求節省空間，增加用餐區面積。唔止面積細，裝修亦地痞簡陋，加上環境擠迫、冇乜服務、非常嘈吵；同一間舊區嘅街坊小館冇分別。但門口的細細個魚缸又竟然有南非鮑魚、澳洲龍蝦及東星班 / 蘇鼠班等貴價海鮮；再加上餐廳自家網站及媒體介紹有不少明星藝人曾經光顧，甚至是米芝蓮星級餐廳總廚的開飯宵夜秘竇；很有臥虎藏龍、大隱隱於市的格局。不過，實在很難想像到底有什麼本領，可以吸引一眾名人幫襯？店子細小，菜式選擇自然唔多，但就有不少時價海鮮菜式。餐牌上固然沒有標明價錢，環顧四周，亦沒有張貼任何海鮮價目；落單前一定要問清楚，以免爭拗。很隨意地問了侍應今日例湯是什麼，覺得啱飲就點了，沒有問價錢。粉葛粉腸豬橫脷煲豬踭（$398）有大大碟湯渣，一鍋湯只有8小碗。對比湯料及湯的份量，非常重料，豬踭肉又煲至非常淋滑，火喉十足；難怪味道鮮濃，係真真正正嘅老火靚湯，坊間其他酒樓的例湯完全無法比擬。埋單時望見手寫單才知道原來這鍋例湯索價 $398！雖然的確係足料老火湯、冇味精、好好味；但始終唔係燉湯、材料又普通，唔抵飲。原來例湯便宜的既定概念並不一定正確，下次要小心啲。豉椒炒蟶子配煎米粉（$412）係時價海鮮，以餐廳的級數來衡量都算貴。還好蟶子夠大隻，又炒得剛剛熟；鮮甜爽口彈牙，配豉椒夠惹味。雖然蟶子是主角，但煎米粉底也是另一亮點！米粉餅煎得香脆乾身，接近油炸口感，但咬落又有米粉煙靭，未去到全油炸的脆卜卜，配豉椒汁很好味，食完一塊又一塊。紅燒乳鴿(每只)（$68）比BB 鴿略大。鴿皮薄身，炸得香脆、又沒有過了火喉而變燶；鴿肉幼嫩多汁，浸泡滷水時間充足，味道濃郁。其實真係幾好食，難怪有不少食評讚好；但今次似乎失了水準，鴿翼明顯炸得過乾過了火喉，唯有只食鴿胸及鴿髀。講味道，港式風味的麻辣水煮手切牛肉（$198）當然不能同正宗四川麻辣水煮比較，紅油麻辣鍋底唔夠麻、亦唔夠辣，用料唔係四川風味。但也無可厚非，既然並非四川菜館，當然要迎合大眾香港人口味。手切牛肉就相當出色，牛味濃郁。雖然並非嫩滑肥牛、沒有什麼油花；但肉質鬆軟，勝在咀嚼下充滿肉味。下次再來會揀白妁金菇手切牛肉，吃牛肉原味、蘸豉油應該會更好食。椒鹽鮮魷（$128）咬落燙口，脆衣夠薄；魷魚鮮甜爽口，但稍嫌太薄肉，味道方面亦未夠惹味。鹹魚煎肉餅（$98）又係講求鑊氣的大排檔風味小炒。煎得夠香口，表面乾身唔油膩；咬落有肉汁、唔會乾癟癟。好吃，如果再多一點鹹魚蓉會更好食。啫啫芥蘭煲（$98）做法媲美高級粵菜館，裁走所有菜葉，又將所有芥蘭外皮刨走，去除澀味。咬落爽脆清甜，配搭用蝦米蒜蓉鹹魚蓉豬肉碎調製而成的醬料，鹹香惹味濃郁。小菜價錢唔算很貴，只較其他同級街坊小館貴少許，以其連續五年攞到《米芝蓮車胎人推介》的名氣，即使並非摘星，也是合理市場策略；但海鮮的定價就偏高了，直逼高級海鮮酒家，以餐廳的裝修及服務來衡量，就覺得唔抵食。至於烹調水準方面，無可否認又的確相當不錯，部份很好味，但又未至於每一碟皆很出色。始終用餐環境實在差、很嘈吵，某程度影響用餐心情；相信老闆也清楚此乃弱點，免茶免加一。…查看更多

老公常常跟老闆食好西，覺得這裡很讚，故襯奶奶三月生日，便來吃飯了。這裡地方不大，故不訂位的話是不可能walk-in的，熟客可能另計。想試的東西有好多，耐何只得4個人，仲要大家戰鬥力不佳，故最後點了6款老公覺得必試的(其實6碟都很多)，先上桌的是鹽焗雞，雞肉都算滑，醃得入味，不錯。接住有生炒骨，這個則一般，個人認為可以不試。再來是椒鹽鮮魷，上桌時已聞到好香，雖然調味有點不夠(可能我太重口味)，加點喼汁同吃就可提味，我也一件接一件吃過不停呢！跟住全場望住我們碟餸，就係豉椒牛肉煎米粉，賣相真係好吸睛，不過味道卻跟我預期有點出入，煎米粉雖然香脆，但應仍有米粉一條條的口感，但這裡做法像炸米粉，即像平時有 “雀巢”的餸咁，入口粉粉的，所以有點失望，還好配牛肉汁吃味道仍不錯的。油鹽水煮花甲是我幾喜歡的一個海鮮菜式，估唔到有咁多翠玉瓜，早知唔駛點最後一碟菜啦！講番花甲，不腥、冇砂，油鹽水調味不錯，用來送煎米粉很搭配。最後一碟炒芥蘭就沒有評語了，這裡定價貴，合唔合理就見仁見智吧，可以一試的，但不要期望有好好服務或舒適環境用餐。…查看更多

同男朋友收工之後，佢帶我去食屋企附近一間小菜，話幾個月前佢睇飲食男女定果籽講連啲酒店大廚都係係果間食宵夜當飯堂，一路都好想試。我見有啲食評話啲伙記態度好差，我又唔多覺，起碼serve我地果姐姐幾好禮貌，有問必答。我地今晚人少少都叫左4樣野，本身佢仲話想叫魚頭，好在有自知之明得2個人咋。椒鹽鮮魷 - 好脆口，粉唔厚，但係美中不足唔夠椒鹽果重香。咸魚茸炒白菜仔 - 叫蒜蓉炒會好食啲，因為唔食咸魚茸既話就無果重咸香味。金牌蒜香骨-呢個脆得黎又唔太乾，正！大千雞 - 我睇相既時候覺得佢似辣子雞，唔係咁想試，不過男朋友想食就食啦。估唔到超有驚喜。我本身好鐘意食麻辣但係又唔係食得辣，一食落去好香麻味又不太辣，最重要係炸得乾身唔多油得黎佢又唔會好似以前果啲辣子雞咁炸到乾爭爭，真心推介。我男朋友話呢度個大廚本身以前係專川菜，所以下次我地諗住再黎果陣要試下口水雞同剁椒魚頭。…查看更多

去年12月有同事介紹呢間食店，話食過，5錯。可惜同事係2條友去，只試到3道菜。於是我當晚就係谷開 po 問有冇人想去，幸好有6位同事馬上有回應，我就拿拿淋打電話訂檯。可能我太早訂(差不多1個月)，所以接線果位都無講到要幾點交檯。到1月2日(用餐前一天)，食店打來 reconfirm booking，仲會問要5要訂乳鴿及雞。我問過同事又爬過食評，決定訂3隻鴿+1隻雞。到1月3日，我地係太子站D出口右轉行幾間舖就見到食店，它有2個相連舖位。負責帶位係太子女，我地被編排坐在茶水間範圍，自成一角。見到檯面訂座牌貼有2張紙，1張係我、另1張係8pm 第二輪食客名稱及訂菜。噢。。。原來我地要8pm 交檯既~望一望個鐘已係6:40pm，快快落單先。落單果位男子就態度麻麻，反而其他阿姐就幾 nice。我地叫咗8餸+1支大啤+1壺茶(收$50，有refill，但只得鐵觀音)+2個白飯：1. 生炒排骨：排骨肉質有d 實，肉醃得無味，茨汁太杰，5得2. 椒鹽鮮魷：魷魚係新鮮貨，炸粉夠薄，好味!3. 乳鴿：不愧為signature food，好香口，又juicy4. 貴妃雞：幾嫩滑，無乜雪味，5知係咪新鮮雞，5使醮薑蔥都好入味，正~5. 啫啫芥蘭煲：好香咸魚，份量不大，5錯6. 上湯浸豆苗：份量不大，沒特別7. 酸菜斑魚：嘩。。。好大碟上檯，賣相掂。好香胡椒味，魚好鮮滑，酸菜好味，湯底又勁酸菜胡椒味，真係好正 8. 花甲蒸水蛋：連殼一齊蒸，當然肉殼已分離，都算有充足既花甲，水蛋滑到似豆腐花，好味!食飽又吹咗一陣水，見到7:50pm，埋單交檯俾下一轉。今次承惠$1,824，以質素來講，算值得!…查看更多

聚興家 @ 太子太子搵食…見到呢間好似幾多正評就點左呢間燈…訂位時話乳鴿已沽清😨…真係咁好味？下次搵人試下…因乳鴿我麻麻…😅坐低姐姐就問有冇留到雞…原來無訂又無得食…好奇心又作崇😂。咁就點左白灼牛肉…呢個好味……牛肉好味…個豉油都好味…上湯蝦配煎米粉底…味道唔錯…米粉底我比較鍾意唔好咁乾…好似潮州兩面黃外脆內軟會好d...拔絲生炒骨…味道都校得甜酸剛剛好…不過排骨就炸得乾左少少…同個汁好似芝士拉絲咁…懶到週圍都係汁😛…椒鹽鮮魷…咁道唔錯不過都炸得乾左少少…咕嚕肉同椒鹽鮮魷都係星記好味…最後就炒碟豆苗同石鍋飯…豆苗唔錯…個石鍋飯夠乾身…飯又粒粒分明又好味…整體野食唔錯…下次可以試下雞同乳鴿…見到個餐牌有龍蝦…個樣好似幾掂…不過都幾天價😏😏😏…服務唔錯…係有個老闆既物體就囂d...同場見到早藍同阿男一家人食飯…早藍唔算太親民…不過隔離檯有位姐姐就𤓓到核爆…我都戥佢覺得醜…大聲叫早藍做阿男…😅😅😅…俾我都唔睬你啦…😛😛……查看更多

上個月，跟一班好姊妹食飯，又是傷腦筋選擇餐廳的時候嘞！ 有位姊妹建議道太子砵蘭街的 2018 米芝蓮小店 <聚興家>！真是最好不過呀！之前，我跟一位長輩朋友、他太太及他一眾好友聚首一堂在這裡，品嚐過出色的小炒！令人回味無窮！上次到訪，由於他是熟客，還介紹了老闆兼大廚給我認識，因此！今次直接找老闆娘幫忙留枱！這裏嘈吵得很實在傾不到計， 而且坐得頗為逼夾，以圓枱為主，加上樓底不高兼座無虛席！ 可見實力所在好旺場呢！清秀漂亮的老闆娘熱情好客，向我們推介店子的招牌菜！自從店子早前獲得米芝蓮推介之後，餐牌上的菜式已加了價！她推介我們食花甲蒸水蛋 $198等位期間我們已見門外有一大兜花甲新鮮貨色！這是我們首次嘗到這個的配搭，蒸水蛋加了花甲，吸收花甲的精華，鮮味無比！ 而且花甲粒粒新鮮飽滿，鮮甜味美！意想不到是這樣出奇的搭夾配，食得津津有味又驚喜，令人一試愛上！不容錯過呀！生炒排骨 $88秘訣在於加入麥芽糖烹調，當我們舀起排骨，好像芝士拉絲的效果呀！ 甜酸有致，排骨外脆內嫩，配料還有彩色燈籠椒及菠蘿粒，酸香醒胃而不油膩！椒鹽鮮魷 $98這是令人又愛又恨的邪惡小食！ 師傅弄椒鹽鮮魷做得很有水準！外層炸漿薄而不會太乾身，火候恰到好處！同時可保持魷魚的鮮嫩，讓我們食出鮮美又多汁！金銀蛋浸莧菜 $78送上來時也很多，可見份量十足！皮蛋、鹹蛋可提升莧菜味道， 香口而不膩，莧菜入口柔軟而腍身，仍可保持翠綠！這裏的食物很有水準而且很抵食，貨真價實！不用加一，平均每人不用$130！美中不足卻是環境太嘈難以傾偈！…查看更多

因住在附近都經常經過這間食店，但一直都無機會光顧，而去年得知獲得米芝蓮推介，今日足之有機會一試，但一試後非常失望，名不符實，價錢貴味道一般又較鹹。18:20入座，起第一碟菜，就話有人等緊我們張枱，19:00已催我們埋單，慘過食快餐。一送上半隻鹽焗雞，我們都驚訝，咁細隻？似得1/4隻喎，肉質都算滑，但太少了，價錢還要$198。咕嚕雞好酸，汁又稀，不好吃鹹魚煎肉餅，煎得算香口，味道還可以椒鹽鮮魷好鹹滑蛋蝦仁煎米餅，都幾大碟，煎得香口，不過要2百幾稍貴呢…查看更多