聚興家

驅使我第一次寫食評係今晚的晚飯體驗係呢幾年最中伏的一次！馳名的生炒鮮排骨完全係乾柴。米粉大蝦，米粉片夠脆亦有米香，但不算米芝連級數，也不及過往我在平民洒家食過同類的食品。全晚菜式都只是「好一般」，最好的要算是花甲蒸水蛋，夠滑，也有鮮味。總的而言，大排檔格局、菜式普通, 相對收費, CP值非常低, 試過算吧!…查看更多

去開太子,諗起聚與家,諗住去回味吓的美食,點知...😥大約下午兩點去到,只有一位客人😅 佢走埋,我哋就包場啦🤣坐低就叫D名菜啦. 豆酥蒸奄仔蟹, 侍應無做. 可以做鹽焗奄仔蟹,咁却好啦. 問佢D蟹靚唔靚同埋有幾大隻佢話好靚,仲有5兩重,噚晚有枱客叫咗10隻. 咁咁好啦,叫一隻睇吓先.再叫咗生妙新鮮排骨,同埋一碟蒜茸蒸勝瓜.泡椒蒸勝子皇.生炒骨唔錯,諗住佢keep到D水準啦☺️點知,上咗勝子就跌眼鏡, 蒸過咗火😰跟住上蒸勝瓜,正常.到隻蟹,好細隻,無5兩啦,最大問題係唔新鮮😫即刻反映啦,個侍應話無理由喎,又話係生㗎. 我好肯定係就死個D慢爪蟹. D膏瀉晒又有異味😡佢最後取消咗隻蟹. 我再叫咗鹽焗雞.呢個好味👍我懷疑主廚未返工,所以品質唔掂. 下次dinner再試多次,一樣差嘅話,就black list.…查看更多

每隔一段時間，都會想再來這間店。招牌菜大蝦煎米粉當然是必點，脆卜卜的米粉、新鮮的大蝦，配上滋味海鮮醬汁，香口美味，真是食不停口！鹽焗雞也是必食的，雞味濃郁，有著應有的質感，連雞胸都好吃，不會過韌，薄薄的雞皮亦令人忍不住要一嚐。花甲蒸蛋，非常鮮甜。炸墨魚餅，粒粒墨魚很新鮮。紅燒豆腐，豆香取勝。上湯豆苗，質素也高。三五知己，簡簡單單食餐好，這間餐館是不二之選。…查看更多

平時好少寫食評,但實在太差,希望少D人中伏幾年前食過這家店,偏貴但值,因為真係好味。估唔到幾年後再光顧就.…....以為好彩早一日訂位都有,果日去到竟然唔滿。幾年前要早成個月訂位,門口排長龍,食完就明白點解啦！先講隻雞,上枱好細,但細得嚟唔係精緻,而係明顯抽水。再加上看上去少少黑黑地,唔知放左幾耐唔新鮮。再嚟乳鴿,正常乳鴿應該皮脆肉嫩,但這天乳鴿「乾,瘦,鞋」生平從末食過甘差蒸水蛋就正常發揮,因以前食過冇特別。豉汁蒸鱔,冇泥味但亦都冇鮮味因太鹹炒菜係最好,睇得出條條係心有窄過🫶食完之後果晚好口渴,唔知係味精定太鹹🤪…查看更多

朋友生日揀咗呢間中菜館食飯，裡面環境都算細，座位有啲迫，我哋就揀咗以下食物。椒鹽九肚魚：香脆，微辣，十分惹味！越式墨魚餅：香脆，內裏有墨魚粒，食落口感豐富，墨魚香味濃郁。新鮮鹽焗雞：鹹香嫩滑。白灼手切牛肉：牛味濃郁，有嚼勁。紅燒脆皮鴿：皮薄香脆，汁多肉嫩，香口又惹味！豉油煎蝦：爽口惹味，但比較鹹。花甲蒸蛋：花甲鮮甜，蒸蛋嫩滑。酸菜魚：魚肉鮮甜，嫩滑，湯底，唔夠酸又唔夠麻辣，比較清淡，味道一般。整體食物質素係好食嘅，店員服務態度良好，我哋個個食得好滿足，下次都會再嚟食。…查看更多

Haven’t been back in a while. Last visit was during the pandemic after learning that this spot is the chefs go-to after service. Last visit was alright. Fair execution. H said he wants to revisit so here we are again. Server recommended us having the pigeons. Loved the crispy exterior. It would have been better had the pigeon been meatier and marinated a tinge longer.Daqian chicken 大千雞. The chicken were deep fried to perfection with a golden exterior. Perfect to go with a pint.For veggie I wanted to try something different so we ordered Gracilaria in minced garlic （蒜茸龍鬚菜). The gracilaria has an interesting smooth texture and very luscious to the bite. Loved it.The most disappointing dish was the prawns with fried rice vermicelli. The prawns were alright but the fried rice vermicelli was bland and fried in a thick batter. The sauce that came with it though packed with lobster essence it still failed to redeem it. Overall a meal with hits and misses and it certainly has room for improvement.…查看更多

上菜慢，食物普通、但價錢就5星星😵‍💫，雞用冰鮮雞1 食就知，羌蔥牛肉冇特別，生炒骨普普通通，只是多名人和藝員常去，如想碰碰運氣看撞到藝員打咭，都可免強一試嘅！😏…查看更多

好耐未食過咁精彩的中菜，聽聞好多廚師都會喺呢度食飯，所以一定有返咁上下本事如果冇訂位，就唔好諗住walk in 可以有機會佢哋嘅龍蝦超級新鮮，龍蝦嘅鮮甜完全演繹得好出色，加上煎米粉揀食超筍，完全係酒店級嘅味道陳皮清蒸鮑魚，鮮味十足就咁一碟炒龍鬚菜都顯示到廚師嘅水準那個白灼牛肉就顯示到廚師的刀工以及烹調嘅時間白切雞味道好好，唯獨是有少少偏细朋友話一定要食的咕嚕肉，食咗大半先記得影相例湯火候夠，絕對冇味精絕對值得再食…查看更多

公司食開年飯。去左食，整體都好食😋最正係個帝王蟹三食法，最正個避風塘炒帝王蟹，食到停唔到口。因為係公司飯，所以基本上唔知埋單要幾銀，仲帶左紅酒同白酒去飲，王牌咕嚕肉真係超級無敵好食！！不愧係王牌米芝連…查看更多

🌕🌕🌕🌑🌑椒鹽豆腐🌕🌕🌕🌕🌑粉葛粉腸豬脷煲豬踭🌕🌕🌕🌕🌑紅燒乳鴿🌕🌕🌕🌕🌑白灼金菇手切牛肉🌕🌕🌕🌑🌑花甲蒸蛋🌕🌕🌕🌕🌑蒜茸龍鬚菜🌕🌕🌕🌑🌑油浸筍殼魚 約左朋友食飯，想食中菜，有人推介太子聚興家。座位方面都幾舒服，都係一般中菜圓枱設計。 因為未齊人，所以先叫一個椒鹽豆腐送下酒先。味道唔錯，但係豆腐外層略嫌唔夠脆。 🍲然後就飲一個湯，睇湯渣都知足料，粉葛粉腸豬脷煲豬踭。平時比較少食湯渣，但係應該都要試少少，點少少辣椒豉油都幾惹味。 🍗紅燒乳鴿味道唔錯又幾香脆，不過肉就偏少，可能本身比較瘦弱。 🥩白灼金菇手切牛肉可能係今晚之最，薑蔥加辣椒，看似簡單嘅配搭，但係又幾好食（雖然有少少宵夜/打冷feel）。墊底芽菜更加係神來之筆，美中不足係部分牛肉食落有少少潺🤔 🥚花甲蒸蛋，都幾滑嘅，不過就有少少沙。 🥬蒜茸龍鬚菜，本身少接觸龍鬚菜，食落幾好味咁啦。 🐟油浸筍殼魚，外皮香脆，肉質嫩滑。 …查看更多

我睇完ViuTV節目去食，發現唔抵食偏向貴嗰個胡椒蟹又細隻仲煮得唔好食 仲非常貴喂隻雞冇特別半隻收我幾百蚊基本上嘢食冇乜特色 訂枱時又指名食個半鐘頭其實去到大把枱試咗一次唔會唔？…查看更多

上星期同朋友去咗呢間超難食嘅餐廳。本人想搵間坐得舒服，食啲材料靚嘅餐廳，結果嚴重中伏（係我一世人覺得最中伏）我哋叫咗鹽焗雞半隻，嗰半隻雞細嗰隻乳鴿，肉質唔掂，而且有部份係生嘅，有啲地方仲有好似瘀血，我去其他酒樓加少少錢食一隻好食過佢多多聲，value for money 直程係-100.叫咗個胡椒蟹, 味道淡而奇怪,嗰隻蟹又超級細隻，價錢就超級高叫咗個蝦餅，一個字極難食，唔需要係食家都覺得難食，佢個價錢係無比無比無比高得六小塊反而服務態度都可以。呢間嘢直程係玩裝修特別、裝高檔及食物新鮮來呃人我保證呢間係有1000個伏的食肆，有錢都唔好俾佢劏，我哋食嘢價錢都不是最緊要，但求食得開心好食，可惜呢間呢間唔得，係謀人寺反而之後去對面食甜品（好似叫甜品叔叔），就真係覺得良心鋪，好正…查看更多

這裏可謂是我的飯堂了，因為我試過這裏很多菜式都是很好吃的，而且價錢經濟實惠，不過今天不太肚餓，就指點了兩樣菜式。干燒伊麵這個伊麵，我是無意中看到別人食才點的，沒想到居然是很好吃的，因為這個伊麵的麵質和平日吃到的完全不一樣，平日吃的一咬即斷的，但這個是有咬勁、煙韌的。紅燒乳鴿 $68這個我認為是暫時在我吃過的乳鴿中最好食的，因為皮薄而脆、肉又嫩，而且多汁，味道亦恰到好處，不用點鹽吃都夠味，價錢還很實惠。總括而言，每次來的食物水準都是一樣好，除了地方比較擠迫及嘈吵，只能食物質素是超班的。…查看更多

今天一家人外出食晚飯，見這間太子砵蘭街418號地鋪【聚興家】門口魚缸海鮮生猛，就决定在這吃，7點多入席，點了一條筍殻魚清蒸(市價)，金牌祘香骨，油鹽水浸蜆，啫啫芥蘭煲。等了約10多分鍾金牌祘香骨上枱，熱辣辣香噴噴，都不錯，吃着吃着，清蒸筍殻魚上枱，好大衹碟，魚都算大條，魚蒸到剛剛好，清甜，肉嫩。跟著䔉香骨吃完，魚也吞哂，剩返兩個可以照鏡的碟，過了好一會，服務員過來收碟，我們也齊齊追其它兩個餸，跟着又過了好大一會，還是沒有菜送來，我們又追，一次又一次追單，無下文，服務員似啞的，完全無回應，已9點有多了，我們决定結帳，幾個服務員們望着我們也是一聲不亨，真無耐，衹講帳單$586元。菜就算再出色再好食，我們也不會再光顧…查看更多

又貴又細碟，仲要逐碟逐碟上菜，追下佢，仲要比佢寸，垃圾食店，食物碟碟咸過咸蛋，又要扮私房菜，收私房菜價錢，但質素衰過大x樂，未試過連小朋友都會食唔飽，成家人要去第二間繼續食囉…查看更多