品香樓中西風味餐廳

營業中

休息中

夜媽媽9點幾係city開完會就慣例來品香樓食宵夜8個人來到，今日個姐姐態度怪怪的，好似係因為太忙了，宜家多左個宵夜時分，我地就叫左個海蜇，炒花甲，仲有個豬紅，其他都係正常的，點知宵夜時分的份量係超級細超級濃味，豬紅一d都無腥，韭菜多d就好啦黃金蝦炸的剛剛好，加上上面d蛋黃，味道適中，直接連皮時埋，脆脆的火焰牛柳粒係呢到的特色菜，上左之後就會開火，好得意，不過有d驚，怕d火燒出來，keep住燒，所以d牛柳粒係熱的，而且好嫩口，加上呢個汁係甜甜的雞煲望落去唔大，其實入面好足料，見見都係肉，好正！西蘭花爽口！同埋d帶子好大隻，好新鮮椒鹽鮮魷覺得比較鹹左小小，但係魷魚嫩口呢個翻好好食，一粒粒，而且好足料成晚淨係覺得個羹味道好淡，好似未落鹽咁不過可能係佢其他餸味道太重而導致的最後埋單$929，平均每人116，都算唔錯，不過呢到淨係收現金，整體來講，品香樓d野係便濃味，重口味的朋友仔就岩曬啦！

今日一人五行去完成城大及浸大Info Day就專登過嚟南山村品香樓享用晚飯整體食物味道為中上水平。敗筆之作是「豉椒炒花甲」 退貨改叫其他。每一碟餸份量多適合一家大細。 由於入座時人流尚未到達高峰，所以我哋一人五行嘅環境坐得比較舒服咁。 但半小時後， 位與位之間都稍為迫硤。 品香樓有迎合節日，有相當多的萬聖節佈置。 整體味道與五年前讀大學時味道相約。味道：4/5賣相：4/5環境：3.5/5 服務：3.5/5整體評分：3.5 - 4 /5椒鹽鮮魷（$98） 評分：3/5- 味道中上， 鮮魷不會太過硬福建炒飯（$56）評分：3/5- 與一般茶餐廳餐廳相約，味道可以豉椒炒花甲 評分：0/5- 見到只有幾隻花甲，因此退貨處理大家可以從圖觀看椒鹽九肚魚（$85） 評分： 5/5- 全晚最好食嘅餸菜咖哩牛腩雜菜煲 評分： 3/5 - 味道與茶餐廳相約，份量夠多咸魚雞粒豆腐煲 （$82）評分：4 / 5- 值得推介， 豆腐不會太大舊， 入口夠鑊氣合理近超值晚餐，值得推介。

好耐冇黎品香樓晚飯, 黎到先知原來佢哋已經搬咗去隔籬幾個鋪位, 我哋訂咗位都要等十多分鐘左右, 今晚被安排坐在兩行卡位中間位置的圓檯, 兩邊勁窄的行人通道, 窄到一個大人行過都唔夠闊個種, 今晚背脊勁受罪, 每個人行過都會揩到我背脊或被大力撞到, 真係火都嚟埋, 但又唔怪得人家,  成餐飯感覺非常難受, 我唔介意坐逼啲, 但好介意比個個途經既客人撞囉, 相信坐卡位嘅食客會好啲, 真係新不如舊鋪, 總言之短期內一定唔會再嚟食！大眾化鑊氣小炒, 最緊要係價錢也非常大眾化, 故一直都客似雲來。椒鹽鮮魷薄薄的脆漿, 炸得頗乾身, 魷魚juicy爽口, 椒鹽落得唔多, 拈些香醋食, 幾好食。蒜蓉蒸勝瓜 ($60)沙薑豬手 ($88)全晚亮點, 豬手上鋪滿沙薑薑蓉及蒽蓉, 豬手皮爽滑, 豬手肉也腍滑, 撈埋沙薑蓉一齊食, 非常香口惹味剁椒水庫魚頭 ($88)魚頭蒸得滑嘟嘟, 剁椒香辣, 鹹度也適中, 魚頭新鮮, 完全唔腥, 味道不錯。蒜蓉大蝦糯米飯大蝦蒸得過了火喉, 有點鞋口, 糯米飯細細粒, 乾身, 口感煙韌, 撈埋蒜蓉食, 鹹鹹香香, 衹是食到底部比較多油。整體佢哋嘅食物其實唔差, 至少好味得

「核心既外圍係核心既內圍」「捍衛核心價值係最核心既核心價值」其實香港的核心價值究竟是甚麼？我會說核心價值是力淨上游的心。既使身處屋邨，你亦有自信，亦能努力做得比人好。就像品香樓，在石硤尾的屋邨之中，仍然有聲有色，聲名足以令門前天天都車水馬龍。我會說核心價值是胸襟和氣度無論學子哥或西裝友，街坊定食家，都湧來幫襯適合一大班人一起吃喝談風俗談理想你依然一視同仁，該寸的時候寸爆你！分批落單會直接話你煩！有人遲黎又會主動走過黎幫你落飲品。嬉笑怒罵，親民得來不失霸氣！我會說核心價值是創新和融合你會有花多眼亂的菜色，各色各樣的，你會有傳統的酒樓中菜火喉十足，芡汁打得恰到好處，說明廚房得到酒樓級訓練，有功架腐皮依然完整，沒有浸爛，好！風沙雞外脆內嫩，不老不韌西蘭花完整不散，賣相味道皆不錯。蔬菜依然翠綠爽口，受熱均勻。炸物外脆內嫩，在口中呵著氣感受到中間的熱力傾注而出。椒鹽製法雖一致，但味道則保留原材料的特色。鮮魷彈牙，九肚魚鬆化。你會有茶餐廳能手小菜一個尋常菜色最能吃出功架，芡汁均勻沒有結塊，斑塊炸粉沒有死硬，沒有全軟。大雜薈，這個賣相不佳，但味道還可以，用湯頗鮮。你會有街頭小食酥炸豬大腸，想像不到豬

記得上次黎食都係10 年前既事。。10 年後呢道多d菜式都與時俱進，好多新菜式豆腐芝士伊麵豆腐有d玉子豆腐，肉碎之類既野又唔會好膩。厚厚既芝士汁加埋伊麵。正ar!! 好似食緊龍蝦伊麵咁！南乳豬手，南乳汁都唔差既。，但係下次會試下南乳雞翼多d !黄金蝦 ,唔夠蛋黄。。唔講以為係炸蝦椒鹽鮮魷 不過不失，但係炸得唔夠乾身龍鳳球！呢個真係不得了！龍鳳球係雞肉加龍利柳！加上到層好似桃味既汁。。。簡直絕配ar

呢日同家人黎呢度食飯，由於手撕雞要早一日訂，我地都可以訂埋位。可能時間尚早，所以都唔算太多人既。南乳雞翼幾好食，好重南乳味。雞翼炸得好入味。芝士琵琶豆腐呢個我覺得無季季紅咁好食，因為佢豆腐裡面係有料既。但呢個只係好普通既炸豆腐。不過，個芝士汁真係幾濃架，撈飯真係好好食。蒜香牛仔骨呢個真係好普通，因為個汁係好鹹。牛仔骨就唔差既，算幾好食，不過個汁真係太鹹。係好難食得到既。菜煲唔記得叫乜名，不過有好多料既。有魷魚，又有菜。椒鹽鮮魷呢個好好食架，炸粉唔太重。魷魚既份量算幾多，真係叫得過黎食架。手撕雞呢個就唔太得啦，因為雞係無乜味既。我情願叫多個南乳雞翼都無咁嬲。凍朱古力講真係無乜特別，只係上面有舊cream。但又幾好飲架，唔算太甜又好滑。