太平館餐廳

營業中

休息中

香港老派約會餐廳——太平館環境：有七、八十年代的風格，而且保養做得很好，我很喜歡餐廳的環境，充滿懷舊的風格。服務：服務只點單、送菜、收拾餐具都很快，侍應都是有點年紀的叔叔菜式基本上都是經典款，沒有特別的創意菜色在，但是每一款都感覺做到用心極致了「梳乎厘」⭐️⭐️⭐️⭐️⭐️超超超超大蓬鬆！這真是超乎想像的美味，服務員捧上來時已經聞到一陣陣的蛋香，分量超巨型，差不多好像一個頭那麼大，四個人分食剛剛好。表層焗得帶少少焦香，內部非常綿密，使人垂涎三尺。「干炒牛河」⭐️⭐️⭐️⭐️⭐️這是我吃過最好味的乾炒牛河。每條河粉平均沾滿了醬汁，牛肉細嫩，一塊是偏軟的香香的，一塊是較爽口脆的，但份量不多，性比價一般。，花旗砵酒豬扒 $134味道一般，份量大

今日外母生日,我,老婆,外父和外母往尖沙咀太平館食午餐,我們點了午餐葡國雞飯,瑞士汁牛河,紅酒燴牛脷,瑞士汁雞翼午餐,另外我們點了瑞士雞翼,紅燒乳鴿,瑞士汁乳鴿和梳乎厘,午餐有忌廉湯,餐包和凍奶茶,忌廉湯温度和味道適中,餐包夠熱,凍奶茶茶味香濃,味道香滑,葡國雞飯葡汁味道香滑,雞肉肉質鮮嫩,但略嫌雞骨太多,如去骨口感更佳,瑞士汁牛河甜度惹味,牛肉肉味香濃,河粉爽口,瑞士雞翼和瑞士乳鴿食落惹味,瑞士汁雞翼和乳鴿肉質鮮嫩,食落啖啖肉,燒乳鴿炸得金黃,食落啖啖肉,佐酒一流,最後甜品梳乎厘賣相吸引,食落香滑,有啖啖蛋香,餐廳座位舒適,懷舊裝修,燈光舒適,外母很滿意今日生日安排,適合慶祝生日,家庭聚會和三五知己聚會好地方,我們食了一頓懷舊西式午餐

今次目標好明確，就係要食巨型梳乎厘😏一入餐廳就有復古嘅感覺，先行上一條鋪有紅地墊嘅樓梯再入座。星期六日都有午餐同下午茶（14:30-17:00）。未到下午茶時間嚟到，試埋瑞士雞翼😗-食咗：▪️太平館瑞士雞翼（4隻）跟意粉（另可選跟飯）🔺製作需時｜意粉同平時食嘅好唔同，偏腍身好嗦汁，蘸啲瑞士汁就已經好夠味。份量都幾大兜，食晒四隻雞翼都未食晒啲意粉🤣▪️太平館乾炒牛河 ｜覺得係呢三款之中最好味嘅，乾炒牛河夠鑊氣。炒河另有瑞士汁款可以揀。牛肉唔韌，上色均勻，不過偏重口味，要飲茶中和吓。▪️燒豬髀飯｜上到枱望到係有啲驚訝，原來豬髀係切片上。一份有兩片，燒汁偏鹹啱撈飯/意粉食。今次揀咗飯，飯量望落份量唔算多，不過都夠飽，仲有quota可以食梳乎厘。➿lunch set $102 跟餐湯（羅宋湯偏甜/忌廉湯偏杰身）+餐飲（橙汁/咖啡/茶）+餐包｜可以揀後上或者即上，不過當日叫咗即上都得咗好耐，中間有追問過幾次。到梳乎厘都嚟埋，再差唔多食到一半，職員先確認係漏單……▪️梳乎厘$152 🔺製作需時｜超巨大梳乎厘，幾乎係枱枱都叫。同一時間拎咗兩份出嚟，嗰吓真係驚訝咗😱放到面前併埋睇真係大過人頭。焗出嚟梳乎厘外觀

————————————————————————地址：太平館餐廳 (尖沙咀)尖沙咀加連威老道40號地舖擁有百年歷史的懷舊老店，古舊的燈飾，陳舊的紅地毯，西裝革履的waiter和古色古香歷史感的menu，無一不在述說著歷史的悠久～梳乎厘很signature而且超級巨型，一定要order一個打打卡呀🟠推薦食物 Recommended 🔹巨型梳乎厘🍮（$148）：即叫即整，order完需要耐心等候，超鬆軟，蛋香味十足，真的是很巨型🔸乳鴿（$160）：較為瘦小，一開為四方便食用，聞上去很香，尚算嫩滑但肉不多，性價比不算高🟡不推薦食物 Not Recommended 🔹無 No🟠員工 Waiters西裝革履，很有禮貌🟡環境 Environment 懷舊老店🟠總評分Overall (7/10）💰$150/person#ezukokofood #ezukokotsimshatsui #ezukoko尖沙咀 #ezukokochinese #ezukokocafe #ezukoko中式#foodiehk #foodie #hkfood #美食 #食好西 #隱世美食 #尖沙咀餐廳

宜家懷舊港式西餐廳真係買小見小 呢到更係有百年歷史相信唔小老一輩既人都聽過佢既大名 一入門口就已經感受到個種老香港既氛圍 有點陳舊既紅地墊 著西裝既叔叔waiter 典型中式menu而呢到最出名既當然係梳乎厘 瑞士汁菜式都係呢到招牌.🎈2人套餐 ($494)碟頭好大 建議女孩子3個人開心些牙都足夠~套餐仲包左兩杯餐飲同甜品 可以選擇jelly或者雪糕👉海龍皇湯海鮮湯兩大碗 入面有小小蝦肉幾有蝦味 味道剛剛好~加埋熱既餐包一齊食最完美！評分: 7/10.👉太平館燒乳鴿2人餐可以選擇瑞士雞翼或乳鴿 一份有一隻 店員貼心一開四仲有手套比你用手食 相當方便！乳鴿無常見既淮鹽 取而代之既係瑞士汁肉質好多油同夠嫩滑 算係做得不錯~評分: 7/10.👉煙肉炒雜菜 雖然都好有味但已經係成餐飯最清淡既一道菜😂份量大就不在話下 而且蔬菜煮得超有煙肉味啊評分: 7/10.👉太平館瑞士汁炒牛河炒牛河都分左兩款 甜既呢一款比較popular小小一開頭食既時候味道不錯 好適合重口味人士但越食到後期就可能會覺得有點油膩了肉既分量同樣非常慷慨 肉質嫩滑唔會咬唔開~評分: 7/10.🎈燒豬脾 ($124)呢個會有點兒顛

太平館餐廳平日見多了，也聽多了，但土生土長的我竟然這麼多年來也沒有吃過。這日剛巧跟朋友晚飯，在尖沙咀沒有其他想吃的餐廳，於是便到了太平館。一向也有聽聞太平館有名的，是他們的瑞士雞翼及梳乎厘。我跟朋友一行二人，本來是想點他們的二人餐的。但想到套餐沒有梳乎厘，如果另外再加的話便會十分昂貴，於是最後決定單點。我們點的都是他們的招牌菜，分別是瑞士汁炒牛河，瑞士雞翼，及疏乎厘。要注意梳乎厘需要30分鐘預備的，侍應都建議我們等到瑞士汁雞翼上菜時才點。首先上菜的是瑞士汁炒牛河。這裏的事濕炒可，更來佬餐廳的瑞士汁炒牛河是不同的。這裏的瑞士汁不太甜，跟平日吃的不太一樣。而且牛肉的味道也很一般，切得得薄沒有咬勁及牛味。接下來又等了差不多15分鐘，才上了這個瑞士汁雞翼。這裏的瑞士汁雞翼需要$185才有八隻，個人感覺是十分昂貴的。而且瑞士汁雞翼我以為是一早烹調好的，所以不明白他們為什麼要弄那麼久。跟牛河一樣，我覺得這裏的瑞士汁味道很淡，又不甜，因此雞翼沒有什麼味道的。最後上的梳乎厘蛋糕，份量十分大，拍照一流的。可是味道就像是... 蒸蛋糕.. 吃到後期也很膩了。整頓晚餐下來，也沒有好吃的菜式。太平館如此有名，

當大家都努力係尖沙咀覓食時，時尚新興不同的各地美食，總讓人忽略了一些百年食店，當失去時才感可惜。今天去到金巴利街(韓國街)行了很久，找不到想吃的韓館，卻發現久違的太平館，呵朋友說從未吃過喎！點了瑞士汁炒牛河和梳乎厘，炒河的瑞士汁很濃厚又顏色深，但味道普通，梳乎厘很巨形熱乎乎、滑嘟嘟，有少該焗脆外皮，內心又香又 軟滑(至愛甜點)，朋友不停打卡連吃也忘了。太平館是以前高級拍拖聖地，價格貴，所以下午茶餐比較抵食。當大家追捧日本梳乎厘班戟的同時希望也別忘這美妙古典梳乎厘

太平館餐廳 經典懷舊之選 是日跟朋友到了位於尖沙咀的太平館餐廳食晚飯，事先知道這間餐廳人氣挺旺，就先訂了座晚上七點鐘。我和朋友都早了少許到，但可以讓我們入座了。走進餐廳，就會覺得內部的裝潢的而且確非常懷舊feel，好像走進時光隧道一樣，去了花樣年華的年代。暗色的桃木餐桌和牆面，調至暗黃色的燈光，穿著打扮都官仔骨骨的侍應們…我們坐的座位較近廚房出菜位，所以有時當客人柯打的扒類餐盤從廚房出來的時候，可以早到肉類焦香的香氣。同時，我們也在點菜等待，或者是進食期暗，不斷看到廚房偶爾推出來的招牌巨型梳乎厘！非常震撼。為我們點單的叔叔侍應非常識做，除了提醒我們最後在十五分鐘後（即在進食主菜的時候）就好叫定梳乎厘，更加直情在我們時間到了都還未記得落單的時候，主動過來跟我們說，梳乎厘幫你地落好左啦！除此之外，大家的服務都比較到位，會來幫你加茶、拿走碟這些基本的都有。有些遺憾的是由於我們只有兩個人，所以餐桌不算很大，但也夠用。如果是四個人左右來，應該會再坐得舒服些。但我們兩個人都是坐小卡位，基本上都坐得舒服，談話空間也有的。這類餐廳還有一個好處就是大家談話聲是有，但又未去到酒樓那種吵雜，但亦不會水靜鵝飛

今日唔知點解好多人，好彩有訂位。不過，雖然訂咗位但係竟然寫錯姓氏，呢個要減少少分。叫咗個招牌煙倉魚，西冷牛扒，雜扒餐同一個著名梳乎厘。個牛尾湯，太濃似醬多個似湯。煙倉魚，保持一貫水準。西冷牛扒，冇咩特別。加左蒜蓉汁，都唔鮮到。個雜扒，咁同花X餐廳一樣，好普通，不過佢有個松露汁，令到菜式好味啲。個餐有個甜品跟，椰汁奶凍，第一次試，味道幾好，奶有棉滑嘅感覺。最後食咗個梳乎厘，份量細咗，味道依然。不過價錢上，並非不是不可的餐廳。

每年媽咪生日都會到銅鑼灣的太平館食最鍾意的梳乎厘，今年亦唔例外。但是我們改了到尖沙咀的太平館用膳。點了瑞士汁牛河，瑞士汁雞翼，葡國雞飯，梳乎厘。瑞士汁牛河味道跟以前一樣，濃濃的瑞士汁，好味！瑞士汁雞翼， 一碟有8隻， 色香味俱全，真係只有太平館先做到的瑞士汁雞翼！葡國雞飯，味道比較淡，雞肉有點硬！梳乎厘， 軟綿綿味道不是太甜，每次到太平館都會叫的一個甜品！但是服務質素就真係好差了， 有一位比較後生的侍應 (因為太平館入面多數都是上咗年紀的叔叔)服務態度真是麻麻。 第一我們叫梳乎厘的時候問佢有沒有蠟燭， 佢嘅答案係唔知道一係有一係冇， 仲要面色好難睇。 其實我覺得冇都唔緊要，但是唔需要畀脾氣客人。 之後我們問佢有沒有火機， 佢竟然叫我們自己去櫃筒度揾。當我們食完主菜的時候， 梳乎厘來到了，他們沒有主動更換碗碟， 但是我們亦沒有叫他們換了，費事又再受氣！ 到了埋單的時候， 同一位待應飛張單落枱度之後擰歪面， 真係一啲禮貌都冇！ 其實同場加映我後面嗰枱客人比我仲慘， 佢哋叫了梳乎厘但是漏單沒來了， 侍應不但止用好差的態度回應，還跟客人鬧交!其實太平館係一間好老字號的餐廳， 每個人慕名而來都係

太平館係經典中既經典，但我就未食過，雖然同學話銅鑼灣同中環好味啲，不過個日經開尖沙咀睇戲就食埋啦😋嗌左炒牛河、葡國雞飯同焗雙花。個牛河牛肉超多，小小甜，夠正。葡國雞飯就爭小小，雞肉唔太嫩，焗雙花個西蘭花好好味，椰菜花就好普通。梳乎里好大一個，不過少少稀，但夠睇頭，懷舊黎講真係一流😸

中秋佳節，梗係要揀一間好想去既餐廳，我同呢間老字號真係有D情意結，今晚再品嚐瑞士雞翼，鼓油汁乾炒牛肉河，梳乎厘 ，仲有令我喜出望外既咖哩雜菜蛋飯😋雞翼保持到水準，肉質鮮嫩，碟河粉亦冇失望，炒得好入味同乾身，咖哩飯辛辣適中，其他餐廳通常係煎蛋，但太平館用烚蛋，咁樣可以索到咖哩汁，好味😋,至於梳乎厘就有小小失望，略淡咗小小，不過整體都保持到水準，下次再黎😉

第一次和男友到太平館晚飯，去到人都算多，但等待入座還算快，未夠十分鐘便可以有位了。我們點了以下食物:蒜蓉炒時菜 (西蘭花) : 已經叫了小油，但仍然油得緊要。干炒牛河：男友點了這個，覺得還好，牛肉都算林，但不算叫好好吃。我點了捲筒斑：老實說，$155.00　只是兩件這個似炸的卷，裡面研究不到是什麼蝦肉，總之一定不是鮮蝦，汁多又偏有點咸，又貴又不划算。最後甜品是所謂馳名的梳乎厘。我們在上正餐時已經叫了梳乎厘，侍應生說要３０分鐘，我們說OK，誰知吃完晚餐，等等等，等到已過30分鐘，查問下竟然沒有下單！！！又要再等３０分鐘！結果是再等了４０分鐘！！梳乎厘真的超大，兩個人很難吃完，感覺太甜，味道不算特別好味，只是「大」而己。最後差兩口男友都無法再吃下去，因為太甜了。總括：不會再來試，五百幾一個晚餐，去正式西餐廳更多選擇及美味。

同老友慶祝生日，主角想食太平館的瑞士雞翼，我立即奉命去訂位。想不到星期一晚全場滿座，未過8點仲有不少人等位。其實我有好幾年無食過，裝修比以前光猛好多，好處就是影相清楚很多。一場來到，當然要叫齊招牌菜。由於只叫得三個主菜，所以只有三個餐包，雖然是普通的來貨餐包，不過夠地道，我們5個人一下子很快吃清。瑞士雞翼-用豉油、冰糖製的甜滷水汁，其實好多餐廳都食得到，不過勝在這裡夠老子號，特別加了幾分感情分。雞翼每隻也飽滿肥美，咬下去汁液立即四濺。煙倉魚-講到這味當然不及益新的，但價錢相比，這裡算不錯。外層深啡內裡雪白的魚肉，有著淡淡的煙燻香。岑味牛脷-要看看kc的食評，才知什麼是「岑味」。每塊厚厚的牛脷，入味非常，我嫌太腍，缺乏牛脷的煙韌彈牙口感。干炒牛河-可能河粉比一般特別深色，炒得很均勻，所以也特別夠味，而牛肉食不出梳打粉，但做到肉質好嫩滑，肉味又濃。蒜茸西蘭花-只是想食點蔬菜，不過做得幾爽身。雖然我鍾意食甜品，但對梳乎厘興趣不大，因為好似一陣風的，不夠實在，不過招牌菜，無可能不試。好像雲團的大大個，差點滿瀉而出，軟綿綿很鬆軟，而我反且欣賞周邊焗得又香又脆的蛋白。