酩鬼居酒屋

營業中

休息中

每月27號既紀念日，我哋同平時一樣都會上OpenRice去望一望有冇咩特別野想食，通常記念日都會食西餐浪漫下，但係今次想特別啲轉食日本野。最後揀左間居酒屋，可以飲下酒食下串燒。我地樣樣都想試，但個胃又無咁大，唯有先揀必食既串燒、炸物同壽司。呢度每樣野都係即叫即整，所以等既時間比平時耐。之但係我地唔趕時間，無咩所謂。食完成餐飯，基本上樣樣都好有水準，特別推介既係左口魚壽司，個壽司師傅叫我地乜都唔駛加，直接食，我放入口之後，食到好多層次，帶出左口魚既味道，真心正！

元朗的日本餐廳有很多，不過數到以居酒屋形式為主的卻又寥寥可數。於壽司之神隔離就開了間叫酩鬼的居酒屋，見食友講環境與食物都不錯，happy Friday 晚就過去一趟，而且門外可以泊車，對於駕車人士都很方便。 呈長形的餐廳除了一列長bench外，還有四人檯和屋酒屋必備的吧檯，就算推著bb車前往也不成問題。店內佈置都很精緻，牆上的壁畫、天花的紙傘，具日本風情味。 至於餐牌，屋酒屋常見的刺身、串燒、小吃和熱食等項目都有提供，唯獨因店方剛取到酒牌，drink list尚未準備好，點酒就要問問店員了。 對於梅酒愛好者來說，店方自家釀製的梅酒($68)又怎可以放過。味道淡雅甘甜，酒香醇和，好想多來一杯呢。 既然點了梅酒，佐酒的小吃亦少不了：雞泡魚干$88。縱然魚乾燒得未夠乾身，但仍然很香口，表面塗抹的醬油令黏口感增強，即使不蘸點沙律醬也很可口。 然後到刺身類，精選刺身拼盤($388)中的生蠔不是我們杯茶，詢問店員後可以作出更改，小店就是具彈性的可塑性。 這一道煙燻目張魚以透明盒籠罩著，打開後白煙徐徐飄出，伴隨一股煙燻味。灑上花瓣和芽蔥，令擺盤多添份精緻。當造的目張魚肉

元朗一向都有好多優質日本食店，媽咪係元朗本地人，當然知道有咩好食，佢嘅朋友介紹呢間日本餐廳，好食而且環境舒適，梗係要試吓啦！呢度嘅食物新鮮，而且配搭有趣，充滿驚喜！煙燻白身魚刺身日本野食得多，來點新意思，用櫻花木燻日本白身魚，配上柚子粉，將清爽魚肉帶來新味道！師傅更比日本鹽我都陪魚，味道更夾！超級推介！海膽上面用醋啫喱代替其他調味，更清楚食到蠔的鮮味！我同媽咪都超級鍾意食海膽，師傅話依家係食日本海膽最佳時機，建議我食北海道紫海膽，真係超好食，新鮮又大粒，師傅話配鹽食更好！其實香港好多海膽都落咗明礬，保持海膽無變壞，其實明礬對身體唔好，所以師傅佢地嚴選，確保品質，果然有heart！壽司方面，我地叫左甜蝦同帆立貝壽司，刺身大大件，佢嘅飯係用左醋飯，提升左魚生鮮味！當然唔少得食而家最興嘅甲羅燒啦！呢度並非磯燒，而係廚師燒好，唔會有燒過龍，蟹膏痴住蟹蓋嘅情況！而且提供多士作配搭，層次更佳！鐘意杯中之物，更加要叫呢度梅酒，味道清甜易入口，唔會太甜，配刺身一流！店鋪設計好靚，佢地個洗手間好似日本咁，有齊配套架！