文苑飯莊 (裝修中)

今年2024年米芝蓮必比登七間新入榜食店之一，食飯必須要預約，我在三個星期前預約，而部份菜式亦要預先訂製。對於其他人客來講，這間飯莊位置有点偏辟，不近港鐵站，乘巴士要走一段路，這裡有代客泊車服務。我們有三人，選了以下菜式:桂花片皮鴨一隻崧子仁金蠔鴨肉生菜包焦糖菠蘿咕噜五花腩陳皮欖角脆鱔球蟹醬蟹肉雙菇炆伊麵菜式加三位茶錢，再加餐前小食琥珀核桃及銀魚仔，再加外賣盒，埋單要$1581，有相為證，價錢可以参考其他人餐牌的價錢相片，我們是給現金埋單，沒有任何免費款待、贈送、優惠或折扣關連。這裡的服務還可以，只是上菜及埋單太慢了，以飯莊的風格及取價，客人吃完一道菜後，收完碗碟後就應送上下一道菜，今餐吃完片皮鴨後，等了廿分鐘才上另一道菜，而可笑的是，生菜包是最後呈上的菜式。洗手間有点狹窄及濕淋淋，和前廳不太協調。餐前小食琥珀核桃好好食，很快便已清碟，咕嚕肉份量略嫌少了一点，而菠蘿片沾有焦糖，片皮鴨沾桂花糖有特色及好吃。鱔球雖有特式，但陳皮味道沒有配合得好。堂炒炒飯本來很想食，可惜適合六至八位，我們三人只覺太多了，所以叫了炆伊麵，但蟹肉蟹膏是否煮溶不見了? 味道還不錯。…Read More

年初九，一行六人選擇咗文苑飯莊團拜，呢邊地點雖然唔係市區地段，係座屋苑嘅一間飯店，但都全院滿座！ 座位闊落，職員熱情，服務周到，有代客泊車，記得要泊佢地嘅泊車位，如果唔係冇得免費泊車。我地預訂咗桂花片皮鴨一份，到場再叫咗蜜汁叉燒王10件，蟹醬蟹肉炆伊麵，羊肚菌紅燒豆腐，炸子雞半隻，小炒王，瑤柱瑤柱陳皮火鴨絲羹。每樣嘢都好入味，好足料!有樣美中不足嘅就係冇試到文苑炒飯，因為需要提前預訂。唯有下次再試！…Read More

近期熱話之中菜廳，早於一個月前訂座，是晚終於有機會一嘗。提早預訂了片皮鴨、乳豬及炒飯，另外再加了點小菜。琥珀合桃: 餐前小食並非一般花生，而是琥珀合桃，相當有誠意。合桃香脆，加芝麻提香，讓人停不了口。桂花片皮鴨: 師傅會即場於桌邊片皮，另外鴨架可加二食。鴨片非常香脆，沒有鴨騷味，處理得很好，單點桂花糖吃更顯鴨肉香味及帶岀清新桂香。摩摩皮下有爐暖著，口感煙韌不過軟，配料及醬亦比一般選擇要多，除了青瓜及葱外，亦有哈密瓜條及韓式醃蘿蔔，醬料則有海鮮醬、蒜蓉醬及桂花糖。哈密瓜香甜清新，醃蘿蔔酸酸甜甜也很開胃，個人還是最喜歡青瓜和蔥的傳統組合。涼瓜枝竹炆鴨架: 片皮鴨二食選了炆鴨架。原以為醬汁深色會很濃味，但吃下調味適中不會咸，而且鴨很多肉，吃了一件鴨胸位置也很嫩滑，很有驚喜！涼瓜回甘，枝竹質素高口感好，很優質。堂剪乳豬: BB豬原隻先送上桌讓大家拍照，之後店員再在桌邊幫忙剪成一件件。乳豬皮非常鬆脆，而且不肥，調味亦適中，很是岀色。份量十足，而且多吃幾件會油膩吃不了其他菜式，建議人多可以點。蝦籽慢煮柚皮: 懷舊工夫菜，點一件試試味。柚皮清理得好，軟滑無澀味，如更入味更好。胡椒豬肚滑雞煲: 胡椒湯香辣，飲落暖笠笠，雞件也滑有雞味，豬肚更是精彩，又香又滑，沒有內臟腥味，很岀色。啫啫唐生菜煲: 上此菜時已有9分飽，開煲蓋一刻香氣撲鼻令人又再打開食慾！唐生菜取了較中間近芯的部分，爽脆鮮嫩，肉碎蝦乾炒得惹味且份量亦足，蝦乾很大條近乎有尾指般長，很好吃。堂炒文苑飯莊炒飯: 最後上菜的炒飯，由店員於桌邊即場料理，新鮮熱辣。上桌時香氣撲鼻，炒飯粒粒分明，加有蔥花、砂鍋炒熟的蛋粒、櫻花蝦、瑤柱絲、蝦粒及帶子粒，炒得均匀，啖啖有料，配料與飯的比例剛剛好，原本太飽只盛了幾口，也忍不住追加再叫幾口，炒飯看似簡單但做得岀色不容易，此道相當岀色，是近年吃過數一數二好的炒飯。壽桃: 剛好小妹生日，好友們預先訂了一籠壽桃。小小一個除了蓮蓉也有蛋黃，壽桃皮不黏牙，蓮蓉算滑也不過甜，不錯。整體質素甚高，環境雅致，價格稍高但食物水平很高，物有所值，店員也有禮，難怪地點雖然位於屋苑商場內，交通亦不便利，但仍有不少捧場客。…Read More

這間相信本地吃貨都聽過的人氣旺盛餐廳，素聞很難訂位，幸好主席的農曆壽辰剛巧在平日，加上早有預備足夠等待的時間和訂位攻略，一訂即可。題外話：這張桌的位置是我早已看中了，超喜歡波波燈籠🏮燈，打卡位不錯，餐具實而不華，樓底夠高和裝修讓人感到非常舒適。我一早就已經訂好這裡兩道招牌菜：桂花片皮鴨（二食）+ 蘋果蜜餞雞肝撻片皮鴨表皮很脆，而不太油膩，我更喜歡這裡的配料，除了常見的春卷皮、京蔥條、青瓜、片皮鴨甜醬之外，這裡仲加入哈密瓜🍈條、日本黃瓜條，而醬料也加了蒜茸醬和桂花糖。不得不說蒜茸醬和桂花糖一加入片皮鴨後，入口超有驚喜，不膩，連包幾片都不覺得很膩胃，可惜的是主席伉儷都不太會肯作出嘗試。鴨鬆松子生菜包 - 入口清脆利落，生菜入口爽脆清甜，跟鴨鬆松子仁配得好好，口感豐富蘋果蜜餞雞肝撻 - 比我想像中較為平庸，不過不失，雞肝入口較硬較乾，好似跟裡面配料不太相容，做不到fusion的效果果醋海哲皮 - 這個就交到貨，用料不錯蟲草花金湯菜 - 這個是整個晚餐的一股清泉，濕濕地而很滋潤千萬不要以為這間位於較偏僻的屋邨商場內的餐廳吃飯是非常性價比高。如果閣下想打算在不出名不起眼的屋邨商場內找到大件夾抵食的話，麻煩你要另覓地方，這裡走的是半私房菜的路線，絕對不似只想做附近的街坊生意。…Read More

Soy Egg 🥚同9 Flag 🏳️有屋企人生日🎂 緊係要食餐好啦😍 社交平台見到好多人介紹依間隱世🌍精緻性價比高💲既文苑飯莊🍚 雖然價錢唔平 但睇相片同comment 好似都幾好咁😍 為左屋企人食個開心生日飯 貴一貴都俾啦💸💸💸必試: 桂花片皮鴨🦢 文苑飯莊炒飯🍚 陳皮紅豆沙🔴 懷舊芝麻卷🖤價錢💰：人均$800是但總結: 食之前俾D隱世呀🌍 精緻呀 性價比呀💲 推到個期待值去到天花板🏠 入到去裝潢又幾靚咁 心諗一定無死錯人啦🤔點知D食物唔係好回應到個期待值😟 火侯🔥食材都處理得唔錯既 但調味👅真係弱項 一係過甜一係過咸😟 整體唔係難食 但CP值絕對唔算高💲 短期內應該都唔會回訪😟是但食評🌟💬✰環境😍古風 寬敞 舒服😍裝潢唔錯 係有種奢華感💃樓底好高 即使吊晒D大燈籠燈都唔覺壓逼🏮周圍都係木色同白色為主 🌳⚪️成個感覺典雅得黎不失modern 感成個環境簡潔企理 枱與枱中間好寬敞🪑坐得好舒適😍staff 都好好禮貌 會主動跟進我地上菜速度問我地對食物既意見 感覺好良好😍✰蘋果蜜餞雞肝撻 ($128 /4件) 🦆 小小過乾🙂雞肝小小乾😟撻皮係脆脆果隻 都幾夾成個菜🥧如果厚既撻皮可能就會有飽膩感🥧雞肝下邊有D青瓜同青蘋果粒 中和雞肝既膩感 幾好🙂✰龍眼蜜餞金蠔 ($218 /4件) 🦪 甜到蓋過左金蠔既鮮味😟金蠔本身處理得幾好👍唔會腥 外邊夠乾身 入邊濕潤💦可惜個人覺得D蜜落得太多🍯遮左金蠔本身個鮮味🦪食落得個甜字🐝✰蜜汁叉燒皇 ($138/5件) 🐷 咸左小小 甜左小小 可惜🙂半肥瘦 岩岩好🙂燒得幾好 有小小焦香🔥食落唔會乾噌噌仲係好juicy💦口感十分好😋但又係調味有小小重手 有小小過咸同過甜😟唔係好食到豬肉本身既肉香🐷✰桂花片皮鴨($560) 🦆 烤鴨 配料同包皮都做得好出色 😍隻鴨烤得好好 一上枱 每一片鴨都閃閃令✨咬落去 D油香爆出黎 超級香😍每一片都酥脆鬆化😍佢既配料除左基本既青瓜🥒 大蔥絲同烤鴨醬🦆仲有哈密瓜🍈 韓式醃蘿蔔🥕 蒜泥🧄同桂花糖🌸桂花糖唔係好feel到有桂花味 得甜味🐝哈密瓜可能唔當造 唔係好香 包左入去都無咩特別🍈反而蒜蓉既香辣味🧄 同片皮鴨夾埋一齊又幾驚喜😍 同醃蘿蔔一齊食都好好 中和左d油膩感 感覺幾新鮮🥕包鴨既皮都厚薄適中 保留小小彈性 唔會過乾 十分好😍✰崧子仁金蠔鴨肉生菜包 ($168) 🦆🥬 乾 乾 乾 乾 乾🤢生菜剪到一口size🥬D肉已經放晒係生菜上邊唔洗好似出邊食生菜包咁食一半 跌一半😋但係唔知做咩炒到D鴨肉十分乾💨金蠔既味唔係好食到🦪好似食左一個生菜兜住一堆好乾既肉乾咁🤢✰九層塔酥炸金沙廣島蠔 ($208) 🦪 九層塔搶晒咸蛋味既風頭🙂每隻蠔都飽滿 大粒🦪食落唔會腥 都幾鮮火喉掌握都岩岩好🔥外脆入邊juicy💦咸蛋味好似俾九層搭搶晒🥚🌿完全唔夠咸蛋味🥚✰陳皮欖角脆鱔球 ($268) 🐟 甜 甜 甜 甜 甜 甜😟廚師既火喉掌控功力係幾好🔥鱔球炸得好好 外邊夠脆 掛晒D汁🐟咬落去好嫩滑 魚油香鎖住左係脆衣入邊👍但味道上都係唔多岩我胃口😟陳皮唔夠香 食唔到陳皮果種甘香醇厚🍊欖角味都唔出 無咩欖香味🌿成碟菜得蜜汁既甜味🐝味道上完全無層次可言😟✰蒜香海蝦粉絲煲 ($338) 🧄🦐 粉絲唔夠味🙂海蝦好爽彈 鮮甜🦐 單食蝦好好食🦐粉絲都炒得幾乾身 幾好😋但係粉絲完全唔夠味😟✰家鄉艇家常炆豆腐 🍲 ($158) 咸香惹味😋豬肉幾香 唔知係唔係加左D粉落去D豬肉到🐷食落有小小似牛肉球既口感入邊仲有D蝦肉 成個菜既口感都豐富既🦐本身淡味既豆腐配個惹味既汁係幾正😋但食多2舊，就會覺得個汁太咸🙂✰文苑飯莊金牌小炒皇 ($208) 超級蝦 好鮮味但同時好咸🙂一上枱已經超香😋都幾足料 入邊好多蝦球🦐 蝦乾🦐 櫻花蝦🦐每一啖D蝦味都湧出黎🦐蝦球爽口彈牙 熟度剛剛好😋D韮菜都好嫩🥦但唔知唔係太多蝦乾同櫻花蝦既關係🦐成碟菜都幾咸下😟✰文苑飯莊炒飯 ($338) 🍚 好食 終於有碟咸度岩岩好😍一個炒飯要賣到三舊水 係要有D gimmick 既🎩個staff會推架餐車出黎🚗 上邊有晒所有配料同一大個砂窩🍲之後就會係你面前炒下炒下👋👋大家唔好expect 有D咩好睇 佢就係會係到密密炒👋唔會有D咩互動 唔會落酒著晒火咁🔥 又唔會拋鍋果D🍲個人覺得幾無謂 心諗做咩唔炒完先拎出黎😂咁樣唔係仲有鍋氣 仲好食咩🔥雖然個表演係無咩睇頭😂但個味道係成晚平衡得最好既一碟⚖️食落有瑤柱味🐚 蝦米味🦐同金華火腿味🍖咸度岩岩好之餘仲幾有層次D飯粒粒都金黃色 食到蛋香🥚又夠乾身入邊仲有蝦🦐 帶子🐚 櫻花蝦🦐 瑤柱🐚好食又足料😍✰陳皮紅豆沙 ($38) 小有起沙紅豆沙😍個紅豆沙起晒沙 好正🏖️甜度個人覺得可接受食食下D陳皮味會慢慢出黎 好食😍✰雲石馬豆糕 ($37/3件) ⛰️ 濃椰香 好滑 好食😋好鬼靚 整到有D雲石花紋係面😋食落好濃椰香味 都幾滑溜🥥馬豆可以再腍小小但overall都好食既😋✰擔仔砵仔糕 ($39/4件) 🍵 香滑 大大粒紅豆😋香軟黏滑 唔會太甜😋唔會實的的😋D紅豆大大粒 軟硬岩岩好🌱✰懷舊芝麻卷 ($37/4件) ⚫️ 芝麻味超香 簡單直接既好味道😍佢係香滑既芝麻卷⚫️唔係煙韌果隻😋一食落去 濃郁馥香既芝麻香充斥住成個口腔👄唔會太甜 食多舊都唔會太膩😍…Read More

近期大熱🔥平日都滿座1. 龍眼蜜餞金蠔 💰218/4件2. 炭燒金磚腩肉 💰118/6件不過不失，朋友們話义燒好食d3. 蜜汁义燒皇 💰138/6件超好味， 肉肥瘦適中，肉質軟綿，咸甜恰當4. 桂花片皮鴨 💰560隻鴨無乜味，唔夠油，好乾身，朋友們一致認為麻麻地 +崧子仁金蠔鴨肉生菜包 (+💰168/10件）偏咸，無乜特別。下次會試涼瓜炆鴨件5. 琥珀合桃 果仁前菜 💰25👍🏻👍🏻6. 蘋果蜜餞雞肝撻💰128/4件 (預訂菜式）7. 胡椒青花椒生煎雞 💰268/half有d 麻辣味，但唔會太辣，煎過好香口，肉質係嫩既，如果無咁油更好8. 是日老火湯 💰288/4-6位用西洋菜陳腎唐骨生魚湯9. 陳皮欖角脆鱔球 💰268超推介👍🏻 10. 上湯豆胚 💰108好嫩無渣，但偏咸11. 文苑飯莊金牌小炒皇 💰208蝦同蝦乾都好大隻，小炒皇黎講配料唔算多，同唔夠鍋氣12. 溫泉蛋生磨杏仁茶 (熱）💰40 溫泉蛋太熟， 如改為淨蛋白會好d ,杏仁茶夠糊狀唔太甜，值得推介👍🏻remark: 試唔到佢出名既堂剪迷利乳豬， 店員哥哥話要早2星期預訂，仲有懷舊芝麻卷都賣晒🥲🥲…Read More

精緻中菜除咗好多熱門同難訂位嘅餐廳之外, 開始有好多朋友討論呢間係黃大仙天馬苑中嘅新貴 - 文苑飯莊, 聽講開業幾個月已經非常多好評, 遇到朋友搞寫菜單飯局, 即刻嚟試試唔算花巧嘅裝修, 環境寬敞舒適, 唔會逼狹, 入到嚟同外邊屋苑商場非常唔同, 好似去咗其他地方咁🥢文苑飯莊三前菜果醋紅海蜇．清酒南非鮑魚．蜜汁叉燒皇先上清酒南非鮑魚, 即場噴上清酒, 充滿儀式感完美打響頭炮; 紅海蜇酸甜剛好非常開胃; 叉燒皇有少少燶邊而且入味軟腍🥢桂花片皮鴨可以話係片皮鴨三食, 第一係鴨皮蘸桂花糖, 第二就常見嘅連餅皮包上鴨肉, 第三係用淨餘鴨肉去整"牛油果蕃茄莎莎鴨肉生菜包", 三款都各有千秋🥢油鹽水沙白蜆極.鮮.甜. , 而且每隻蜆都好大隻漲卜卜, 大家都搶住食🥢九層塔酥炸金沙廣島蠔🥢蝦籽慢煮柚皮是晚MVP, 絕對係突顯廚師功架嘅一道手工菜, 將下欄嘅柚皮煮到綿柔無渣, 海量蝦籽提鮮, 芡汁味道濃厚度都拿捏得好好, 完全唔想浪費任何一滴芡汁🥢焦糖菠蘿咕嚕五花腩另一道必食菜色, 咕嚕汁酸甜惹味就唔洗講, 五花腩外層炸到香脆均衡上汁, 最出色係菠蘿, 用火槍燒過菠蘿, 加上脆口焦糖非常醒神🥢文苑飯莊金牌小炒皇🥢濃湯蟲草花浸娃娃菜 - 個濃湯令到娃娃菜變得更甜柔滑🥢桂花艇皇炒新竹米粉 - 賣相唔好睇, 但非常有實力嘅炒米粉, 料多而且分明🥢冰凍海帶綠豆沙是日美點 - 砵仔糕, 懷舊芝麻卷, 雲石馬豆糕用餐非常愉快, 多謝友人帶上, 係一個好食好飲嘅晚上, 出食評之時已經二訪咗…Read More

週末同屋企人飲茶午餐，初嘗天馬苑呢間隱世既中式餐廳.食物、服務同環境各方面都好高質定價都好合理...當日order當中最深刻印象既野食🫴🏻桂花片皮鴨暫時食過算係數一數二最好食既片鴨，無論隻鴨本身、配菜、醬汁、餅皮都無得彈一鴨二食，二食可以選擇鴨肉生菜包 或者 椒香爆脆鴨件。我哋揀咗生菜包，好refresh入面有牛油果粒同蕃茄粒.雞仔咸水角可愛雞仔造型，嗌咗好多野食黎唔切趁熱食但係都仲好好食:)下次要試吓熱辣辣入口既效果…Read More

黃大仙，除左黃大仙祠真係無乜點踏足過，呢日朋友介紹，發現天馬苑新開中菜，真係hello hongkong!平平無其乜都無既商場，竟然有間咁別緻既中菜廳！門口大大牌匾，落地大玻璃，木系裝潢，極高樓底配上竹簍燈飾，感覺很恬靜，而且枱與枱分隔很濶，座位很舒適！前菜有蘋果蜜餞雞肝撻，食得出師傅用心配搭！口感味道都好掂!叉燒肥瘦均勻，略帶焦香，肉質彈牙! Book枱時已經被片皮鴨深深吸引，睇住師傅即席切片已經好想食，片皮鴨外皮酥脆鬆化而且肉質嫩滑！第一次食片皮鴨加桂花糖，估唔到原來咁爽咁好味！桂花糖香甜食口感更豐富！真心推薦！二食既生菜包亦令人印象深刻！肉味香濃，牛油果莎莎醬中西合壁，互不搶味，食落零負擔，小鬆軟但又有生菜既脆口鵝掌可能好多中菜廳都有，但柚皮做到好食真係唔多，上一輩既人成日話柚皮工序繁複，所以好少地方有重要做得好味，柚皮非常鬆軟和入味，入口即溶，鵝掌軟軟綿綿，香濃的湯與醬汁直頭perfect match焦糖菠蘿咕嚕五花腩亦都好想推薦俾大家，一啲都唔油膩，完全唔係啖啖肥膏個種，外面香脆可口，入面肉嫩有驚喜，食埋個焦糖菠蘿更惹味豆醬雞香得黎調味合到好處，值得一試估唔到平平無其既屋邨商場都有咁高質既餐廳！連小食合桃同XO醬都好好食！新開張始終有少少甩漏，不過味道好性價比高勝於一切😂好期待下次可以試下呢度既點心！…Read More