黑龍

營業中

休息中

朋友表示食盡香港拉麵，黑龍既牛筋沾麵係全港最好食，梗係要去試下啦！開左鋪個幾鐘沾麵同大部分拉麵已經賣哂，果然好受歡迎👍🏻┄┅┄┅┄┅┄┅┄𖣒 牛筋𝑩𝒍𝒂𝒄𝒌沾麵 $98個湯真係超濃郁既牛味，但一d膻味都冇，反而係越食越好食！如果覺得太鹹可以加d熱湯沖淡少少，但我覺得岩岩好。牛筋好入味好腍，但份量可以多d😢 沾麵彈牙又掛湯，鍾意唔同口感，甚至要凍／熱都可以request！男朋友食到讚不絕口～評分：🌕🌕🌕🌕🌕-𖣒 柚子檸檬鹽拉麵 $88拉麵我就覺得比沾麵失色少少，不過都係好好味🤤 湯底係雞白湯，加左檸檬係面，所以啖啖都有檸檬既清香味。我一直都食唔到柚子味，原來d柚子皮係哂個底到…記得食之前要撈勻個湯😂 上面仲有2-3塊雞肉，雖然係幾嫩滑，但薄同細塊到一個點。。評分：🌕🌕🌕🌕🌘-呢到既湯底真係好出色，濃既做到濃而不膩，清既又可以取其精華而唔會淡到水咁！唯一要彈既就係料真係少左d。

灣仔有唔少拉麵店，今次食黎間有驚喜😆餐廳裝修同其他拉麵店差唔多，都係有bar 台，可以望到師傅製作拉麵嘅過程！我通常第一次去嘅拉麵店都會試下佢最傳統/ 推介嘅拉麵，但係我今次竟然要左個特別口味😂 /柚子檸檬鹽拉麵 $88/我本身個人都幾食得酸，同埋好鍾意柚子檸檬清新嘅感覺，黎d 配搭點品就食得多，加入拉麵湯底真係第一次試，估唔到係咁夾！見到湯底非常清，食落口酸酸地鹹鹹地，加埋彈牙嘅拉麵，一d 都唔油膩，攪到我不停飲d 湯😂🙈 黎碗麵都內有乾坤，拉麵底下有柚子皮，令碗麵多左一陣甘甜嘅味道👍🏻