朝

呢一間居酒屋既裝修設計好舒服而且主打串燒同清酒，好有日本風味場內環境幾乾淨企理場內掛有一張日出既畫掛左係比較高既位置稍稍抬頭就可以見到畫風幾靚，舒服掛係店內，令人有休閒舒適既感覺想靜靜咁係度坐下，食下野➽薄牛豆腐壽喜燒 $158 滿滿幾層嘅牛肉量鋪滿成個鍋牛肉厚薄適中，不會太薄用筷子夾起牛肉見到有少少粉嫩色，再等多一陣等d 熱湯再浸一下，然後就食，肉質就岩岩好食入口唔會韌，易咬，好食而且壽喜燒湯底冇失望，甜度帶起整個食慾鍋底都唔少既大白菜，金菇同豆腐浸過壽喜燒嘅湯底，甜到咁出而且重點個湯好熱，熱嘅湯係好基本，亦都係好重要既一環所以整體呢個好食推薦➽朝玉子燒 $78 好食做到好滑好嫩玉子燒既中間位置係有輕微水水地既質感整體係燒得岩岩好，唔會太熟而令蛋變得乾身或鞋師傅既功力好而且甜度夠呢個真係要試份量好多，兩個人都食唔晒➽鹽燒牛舌 $78牛舌好厚身雖然厚身，但牛舌做到軟腍外層煎得微焦香➽汁燒雞腿肉 ＄40雞腿肉既肉質係比較軟滑烤燒完個肉汁都保持到相當度數做得幾好➽燒豬頸肉 $68 外層燒烤到微焦脆有蜜糖既甜味肉邊有少少肥既口感，所以幾juicy 肉質唔靭，夠軟身整體好食➽牛油蒜香燒帆立貝 $68帆立貝好大粒有3大粒份量俾得幾大方我地兩個人lunch 去因為每樣野既份量都幾多，雖然冇食烏冬等主食，但都食到好飽幾抵食見到佢仲有提供好多款唔同既清酒隔離兩枱既食客都叫左支酒，lunch 時間都可以小斟一杯而且晚上仲有一個任飲放題，可以任飲指定清酒同生啤下次同朋友放工黎食下串燒，傾下計都幾開心 …查看更多

萬聖節🎃book咗太子呢間居酒屋撐枱腳，一入去就見到店員打扮成魷魚遊戲角色，仲拎住支玩具槍同食客互動😂 非常搞野😂😂😂 裝飾都好有氣氛🙌🏻朝玉子燒 ($78)必試！甜甜地，食落口感非常鬆軟綿密，夠濕潤，火喉啱啱好👍🏻 睇得出師父好比心機整，蛋味濃d會更好。甲羅燒 ($138)職員介紹，係當日限量供應。第一次食甲羅燒🥺 擺盤非常精緻，忍唔住影左10幾張相打卡🦀 將蛋黃同蟹膏蟹肉撈匀，食落咸香鮮味，用黎點玉子燒食都好正！牛舌 ($78)都係限量供應所以嗌左，燒得好香好好味，但份量偏少😿炒野菜 ($68)蒜香味好惹味，比較特別係佢用咗紫椰菜黎炒🤔醬燒雞肉 ($40)食落有驚喜！雞肉非常juicy彈牙，醬汁錦上添花！蒲燒鰻魚 ($78)鰻魚份量大，抵食，醬汁濃郁偏咸，好適合送酒～ASA ($108)店員推介嘅cocktail，與餐廳同名，係老細特調，青瓜味為主調，帶點柚子味，成個感覺好清新，唔覺唔覺就飲曬成杯😂Cube Libre ($88)味道好似檸樂加酒，酒味無咁濃，比ASA易入口🍹…查看更多

黎到居酒屋就必定要食清酒煮蜆🤤 蜆肉新鮮，酒湯都好香甜，酒味亦唔會過分濃郁；蕃茄沙律非常開胃，剝左皮嘅蕃茄配上醋汁，酸酸地令蕃茄嘅味道更有提升！必點店員推介嘅蝦多士！多士非常脆口，蝦香都煎得好香，夾埋紅椒絲一齊食，有辣辣地嘅味道，非常特別！另外點左玉子燒，蛋味同奶味都好香，味道甜甜，口感嫩滑，熱辣辣好好味！炒野菜都唔錯，味道不過不失；鯖魚用左岩鹽燒，魚嘅外皮脆香，好香魚味！雞扒都好香，味道唔錯🤤…查看更多

🥚🥚🐷太子日月居酒屋✨性價比：8/10🍳食物：7.5/10🌏環境：7.5/10🕺🏻服務：8/10💰是次消費：人均 $318#蛋蛋豬 
🏝地點分類: #蛋蛋豬在旺角 
🍰食物分類: #蛋蛋豬吃日本菜————————以日月朝晨為主題的日式居酒屋，在太子站附近，內外看來都有種神秘感， 內部環境以灰黑色為主調，高掛的燈飾都令人聯想到星夜，在這間居酒屋吃一頓晚飯都幾浪漫。小店招牌菜是ᴅᴀɴɪᴇʟ蝦多士和邪惡玉子燒，最近還加添了款精緻小食：金箔黑魚子脆味牛油果沙律批，這幾項都是我們今次到訪的目標！ᴅᴀɴɪᴇʟ蝦多士 ($128) 好好奇為什麼蝦多士會被命名，原來因為副社長叫ᴅᴀɴɪᴇʟ。原隻虎蝦佈在多士上，表面亦疊滿一大堆麵包糠，原來還夾雜了蟹肉，真材實料，厚多士也烘得很脆。雖然以份量來看價格偏高，但材料都值得這個價錢。金箔黑魚子脆味牛油果沙律批 ($128) – 推薦*可以選配龍蝦、帶子或蟹肉，我們選的是龍蝦和帶子。龍蝦肉彈牙，帶子滑溜，牛油果軟綿，連同點綴的金箔黑魚子一口咬下，啖啖肉，採用了自家製醬汁，把整體味道都昇華了。最令人難忘的是薄批，好像多層紙張般薄的脆皮疊在一齊，酥脆得十分驚喜。用了矜貴材料，金箔、黑魚子等，價錢合理，推薦。朝玉子燒 ($68) ᴀsᴀ ᴛᴀᴍᴀɢᴏʏᴀᴋɪ即叫即做，熱燙燙冒煙地上枱，玉子燒充滿層次，蛋香嫰滑，帶少少甜味。已經幫客人切開一份份，但又不會散開，玉子依然整齊地排好。薄牛豆腐壽喜燒 ($118) ʙᴇᴇғ ᴀɴᴅ ᴛᴏғᴜ sᴜᴋɪʏᴀᴋɪ鍋中央的蛋黃就想太陽般耀眼，第一時間就想刺穿它流出蛋液。壽喜燒味十分濃，甜度適中我幾喜歡。牛肉質素一般，筋較多，有點韌，豆腐很易散。腐皮和娃娃菜浸到吸滿精華，好入味。整鍋幾足料，又有菜有冬菇金菇等。自家製醬汁燒豆腐 ($48) ɢʀɪʟʟᴇᴅ ᴛᴏғᴜ ᴡɪᴛʜ ʜᴏᴍᴇᴍᴀᴅᴇ sᴀᴜᴄᴇ醬汁混入薑蓉口味特別，蓋上大量蔥花。自家製醬燒安格斯牛肉串 ($58) ɢʀɪʟʟᴇᴅ ᴀɴɢᴜs ʙᴇᴇғ ᴡɪᴛʜ ʜᴏᴍᴇᴍᴀᴅᴇ sᴀᴜᴄᴇ自家製醬混得幾好味，牛肉保持肉汁。ᴍᴀᴛsᴀ ($88)個人對酒精類飲品一般，但去居酒屋還是要飲一杯。有輕微抹茶味，但酒精味為主，上面有朵小紫花點綴一下。要讚的是：一眼望落餐牌其實每款都幾便宜，最貴都只是 $128，連一碗拉麵都只是$78，就算叫多幾個小食都不會overbudget，又能飽腹。小店的理念就是想以平民價錢讓大眾都可以吃到高質食材，這個想法令人尊敬。提提你：每日19:00前離座會享有全單85折優惠，星期一至三飲品半價，很容易做到的優惠！朝 ᴀsᴀ @asaizakayahk🚦太子大南街39號地舖(太子站 A 出口, 步行約5分鐘)🕰營業時間：17:00 – 22:00 (一至五)/ 14:00 – 22:00 (六至日)…查看更多

.📍 朝 𝙰𝚂𝙰..「今『朝』有酒今朝醉，明日愁來明日愁」，一見到《朝》呢個名就覺得同居酒屋好match，決定入去飲返杯，暫時拋開煩惱🏮 餐廳嘅室內設計簡約舒適，猶如喺日月星辰嘅照明下進餐，後來先知道呢個設計係帶出「朝」字代表日月，帶有偏向自然簡樸嘅意思🌖 .⚪️ 清酒煮蜆 🍶 - HK$58✏️ 我哋認為呢碟蜆嘅性價比好高， 一碟大約有八隻，雖然蜆殼唔算大，但蜆肉全部都漲卜卜，幾乎霸佔曬一邊殼嘅面積😚 廚師喺烹調之前亦都確保每隻蜆「嘔」得乾乾淨淨，一啲沙都冇🤣 個湯非常之清甜，飲落去有解熱氣嘅感覺，有理由相信廚師用上糖分較高、酒精比例較低嘅甘口清酒🍶.⚫️ 朝玉子燒 🍳 - HK$68✏️ 玉子燒一嚟到就聞到一陣蛋香味😙 廚師將整塊玉子燒切成六件，每件最外層同內裏每一層嘅黃色深淺幾乎一樣，一啲燶咗嘅啡色都冇，煎得好平均👍🏼 蛋亦都非常之滑，唔會太實亦唔會一夾就散開，煎嘅時間把握得好好😋 食得出有層次感 😍.⚪️ 北海道蟹肉糕魚干燒 🦀️ - HK$118✏️ 呢款小食係由一塊由魚干整成嘅脆餅🐟 以及一絲絲嘅蟹肉搭配而成，食落有一脆一軟兩種口感😲 小食嘅調味適中，唔會過鹹，好啱送酒🥃 唯一美中不足嘅係蟹肉堆積喺脆餅嘅中間，唔能夠每啖都食到蟹同魚，如果蟹肉可以平均分佈喺脆餅上面會更佳😆 .⚫️ DANIEL 蝦多士 🦐 - HK$128✏️ 蝦多士係呢間居酒屋嘅招牌菜，雖然叫蝦多士，但配料唔係淨係得隻蝦😍 而且望落去好豪華😆呢款蝦多士係厚多士上面放咗一隻原隻大蝦，再鋪上蟹肉同蝦肉，所有鮮味出曬嚟🤤 而且完全唔油膩，食完都唔會成口油😋.⚪️ 燒宮崎手羽 🐔 - HK$38✏️ 講起送酒嘅小食通常都會食雞翼😍 雞翼一串兩隻，外皮燒得好香脆，而入面嘅肉汁亦能夠鎖住到🤤 雞肉都好嫩滑，唔會燒到過咗龍😍.⚫️ 醬燒室津蠔 🦪 - HK$88✏️ 蠔嘅size算中上，燒完之後一啲都唔乾身，依然好多汁，而且食落覺得新鮮🤤 不過一碟得一隻真係唔夠喉😢..…查看更多

朝係喺一間位於太子酒吧街嘅居酒屋，裝修簡潔，入面有好多圍繞星星月亮嘅擺設，感覺有種屋企嘅親切感，食物亦係以小食為主，方便大家飲酒談心。。。🔘朝玉子燒 | $68評分: 🌕🌕🌕🌕🌑評語: 一個幾期待嘅菜式。玉子好滑唔會好乾身，滑到好似食緊布甸咁，味道偏甜岩晒大家送酒！另外仲有一款邪惡玉子燒(加入芝士)俾大家選擇添！。。🔘Daniel蝦多士 | $128評分: 🌕🌕🌕🌕🌗評語: 呢款蝦多士係餐廳廚師推介。說實話成但多士都幾靚，面頭係一隻原隻大虎蝦，而另外再加入左好多蝦蓉，味道非常濃郁。最底下嘅厚多士烘到香脆可口，果然係廚師推介呀！。。🔘金泊黑魚子脆味牛油果沙律批 | $128評分: 🌕🌕🌕🌕🌑評語: 一份有四件沙律批，可以選擇龍蝦/帶子/蟹肉其中兩款口味，而今次我就試左龍蝦同帶子。每一個沙律批上面都有金泊同黑魚子作點滴，望落都好靚，配搭埋牛油果令口感非常豐富，而批底仲要熱辣辣脆卜卜！非常好食。。。🔘岩鹽燒鯖魚 | $68評分: 🌕🌕🌕🌗🌑評語: 鯖魚表面燒到好脆，一篤落去就有好清脆裂開嘅聲音😂而魚肉都算幾嫩滑，魚肉之間都仲好有肉汁。。。🔘清酒煮蜆 | $58評分: 🌕🌕🌕🌕🌑評語: 蜆肉清洗得夠乾淨，一啲沙都冇。蜆肉吸晒清酒嘅味道，有淡淡的酒香又唔會太過濃郁，而且仲好清甜，推介！。。🔘燒宮崎手羽 | $38評分: 🌕🌕🌕🌕🌑評語: 雞翼燒得外脆內嫩，而且面頭塗上蜜糖先拎去燒，食落有一種脆嘅口感。雞肉多汁好食，送酒都幾一流架。。。🔻性價比幾高🔻位於太子鬧市，夠晒方便🔻放工同朋友小聚一流推介指數: ⭐⭐⭐⭐️…查看更多

放工鬆一鬆最啱就係同朋友去居酒屋😙 一邊食吓嘢一邊飲返杯啦！🍶 一開門條小酒廊好有日本高級居酒屋感覺，好似穿過呢條路就接通日本咁呀！🤭 呢度啲食物好多樣化，都要研究咗一陣先決定叫咩👀❤️ 豆腐柚子沙律 $78朋友想食菜，所以叫咗個沙律🥗 柚子汁酸酸甜甜，配豆腐同新鮮蔬菜都非常清新開胃🌿❤️ 朝玉子燒 $68佢有普通同加芝士兩款揀，我哋揀咗普通蛋。蛋煎得好滑同充滿蛋香，啱哂甜蛋控😍❤️ 自家製醬汁燒豆腐 $48我哋兩個都好鍾意食豆腐，佢個外皮煙韌，入面非常滑溜😆 醬汁唔會過濃之餘帶出豆味，唔錯唔錯！❤️ DANIEL 蝦多士 $128見掛喺牆上有啲廚師推介👨🏻‍🍳 所以就叫咗嚟試，果然係呢度嘅招牌！✨ 外型非常吸精，原條大蝦放喺多士上面🦐 店員會等你打完卡後幫你起殼，好細心！🙆🏻‍♀️ 食起嚟啖啖肉非常方便！除咗蝦肉仲加咗啲蟹肉同蝦膏，所以味道特別濃郁鮮味！😚❤️ 薄牛豆腐壽喜燒 $118牛肉有好多塊好軟腍，甜甜哋嘅壽喜燒湯同牛肉好夾👏🏻 蛋黃係橙紅色好濃蛋味🥚 每塊牛肉食前都沾一沾蛋汁，非常正！湯入要仲有豆腐，冬菇，娃娃菜同日式腐皮，個人最鍾意日式腐皮，吸哂壽喜燒湯底簡直無敵！❤️ 蒲燒鰻魚 $78Wow！😲 超大塊鰻魚，食落嫩滑👌🏻 鰻魚汁又好夠，兩個人share 非常滿足！💕另外仲試咗杯cocktail，飲落偏甜好清新，青瓜味突出🥒 酒精味唔算好勁，好啱女士飲！唔怕第二日起唔到身返工啦～🤣餐廳推薦度：⭐️⭐️⭐️⭐️ (4/5)食物質素比預期好，價錢合理，性價比都算高🙌🏻補返Menu先👇🏻…查看更多

今日難得放假，就捐窿捐罅嚟到太子衣間今年開張嘅居酒屋🏮食好啲啲！ 龍力 純米吟釀 山田錦 1.8L 🍶 酒味醇香，富有淡淡嘅水果果香及清爽感！清酒煮蜆 🐚 去居酒屋必點的菜式，用清酒instead of 白酒煮蜆多了一番清雅，多了一份鮮甜。蜆肉除了多肉脹卜卜之外，餐廳亦都花了不少心機將蜆吐沙，值得一讚！雞軟骨丸🐣彈牙嘅魚腐丸入面咬到啲一粒粒細雞軟骨，加上少少七味粉，非常香口，絕對係佐酒佳餚之一！自家製醬燒安格斯牛肉串🐮牛味香濃而且唔會韌，非常juicy，食得辣嘅話記得加番啲七味粉提升香口度🔥燒宮崎手羽 🐔 雞翼夠大隻，肉質鮮嫩多汁，絕對唔會燒得太乾😉朝玉子燒🥚非常鬆軟棉滑，蛋味香濃🐥，口感一流，有入口即溶嘅感覺！但覺得味醂落得太重手，應該加返少少鹽來調味！下次絕對要試埋邪惡芝士玉子燒！Daniel蝦多士🦐🍞 必食推介！脆卜卜嘅厚多士上面舖住隻開咗邊起曬肉嘅大蝦🍤爽蛋嘅蝦肉，再加上大量蟹肉🦀、自家條配嘅秘製醬汁、及畫龍點睛嘅辣椒絲🌶️，絕對係對味蕾一大驚喜衝擊🤤記住趁熱食！薄牛豆腐壽喜燒 🍲 食材用料新鮮豐富，薄牛肉拼湊上日本雞蛋、腐皮、豆腐、冬菇、旺菜、金菇、珍珠筍，再加上食用鮮花💐，看上去色彩繽紛，味道亦都非常正宗，絕對是必叫之選。自家製醬汁燒豆腐🧈如果你鍾意食蔥及薑蓉，衣碟炸豆腐絕對有驚喜！🍶 朝 Asa 居酒屋📍太子大南街39號地舖(地鐵太子站近C2出口)#hkig #asia #foodie #foodies #eating #sichodd #eatout #yummy #太子居酒屋 #朝ASA #邪惡玉子燒 #清酒 #japanesefood #又開始掛住日本 #太子美食 #隱世小店…查看更多