品越越式料理 (雅蘭中心) (已結業)

聽人講話呢間幾好食。今日喺旺角出末。突然間望到呢間野就諗起，所以試一試唔使等位就入得。本來坐窗口位2人枱幾舒服叫完嘢食就幫我換另外一張枱.唔知係咪叫得多。張枱擺唔晒嘅關係🤣結果掉咗埋去廚房門口坐落覺得油煙味幾重。待應都好好人主動拉埋個屏風。雖然冇乜用不過都叫做貼心既舉動，值得一讚。講返食物叫咗烤豬好鬼大碟。圖片無噤多😂😂不過略嫌太肥。同埋好似有食評話過。豬有一陣蘇味。真係要大班人食先得。金邊粉OK正常未。咖喱牛腩必食。叫咗蒜蓉包其實應該叫埋薄餅不過太飽。重有春卷都好食的。

同舊同事來吃飯，出旺角就方便大家。餐廳環境幾好，幾寬敞，可以好好傾談。兩個人叫咗三樣菜色，分別係金菠蘿炒飯、香茅椰子雞湯、春卷同一杯飲品。飲品我要飲，所以就評唔到了。炒飯屬正常水準，有兩雙蝦，兩粒帶子同少少魷魚。蝦都算大隻，但都係雪藏貨，所以冇乜味。但整體都ok。雞湯就煮得幾好味，香茅味好香，不過，雞湯始終都係比較油，要撇下油先飲會健康啲。春巻炸得幾好，啲料都好足，吃時忘了沾魚露，如果唔係應該更好味。