八居酒屋 (旺角新城)

營業中

休息中

開放時間方便，營業至午夜，今次最正既係2小時Free Flow Sake，店員無阻止我地飲，仲介紹3款唔同嘅Sake 比我地按次序試，3種不同辛度，個人最有金箔的那一支，基本上同朋友一個最少5支細sake。食物方面都好食，自己大愛三文魚牛油果芝士卷，同明太子玉子燒，用來送酒的確不錯，至於壽喜燒就比較普通，味道是可以的，但牛肉不夠軟滑。至終餐廳環境方面，可能是平日比較晏，用餐客人人數不多，很好的環境可以跟朋友聊天暢飲。以上為自費真實食評

今日黎到旺角呢間樓上居酒屋食晚餐。😚一入門口就見到夾公仔機，根據人數而比代幣你玩，夾到有餐飲/figure獎品一坐低，店員就攞左兩杯茶同QR code比我地落單，同埋提到尖沙咀店已經開左8年，好有經驗～ 亦特別推介仙店牛舌，可惜我地唔識食就冇叫到，大家有興趣嘅就一定要試吓！呢間居酒屋有酒放題，好多日本酒啊🤩，但今晚唔想飲酒就冇叫呢個咁抵嘅package了。平時愛飲酒嘅你地留意啦！🍻我地兩個人叫左明太子玉子燒、吉列蠔、火炙三色丼、特上八盛丼。明太子醬好好👍🏻，好惹味，咸咸甜甜😋🥰 吉列蠔都唔錯，炸衣唔會太厚。火炙丼有鰻魚、三文魚、左口魚。特上丼有海膽、蝦、帆立貝、三文魚、三文魚子等等🤩😋總結：今餐都幾好味、交通方便，旺角E2出口行出黎向左直行，就見到旺角新城大門口👍🏻

同朋食生日飯，想揾個地方靜靜地坐低傾吓偈，所以想食居酒屋，朋友知道呢間居酒屋係尖沙咀係第一間，旺角呢兩個月新開分店，我哋就黎試下分店地點好方便，係旺角信和隔離，要約朋友食飯呢度都好啱，電梯上到5樓一開門就係餐廳餐廳環境企理，座位闊落，係飲酒傾偈嘅一個好地方我哋揀咗窗台位，望到出邊個景，好chill 睇吓餐牌有咩食，原來主打壽司同刺身，仲有牛舌我哋見到有個超抵食嘅一人套餐（ $103 ）已經包一杯酒同三個串燒或者小食，好抵食套餐我哋點咗1.威士忌High-ball2.日本魷魚串3.忌廉蟹肉薯餅3.鹽燒雞翼串價錢平，質素又唔錯朋友飲開酒都讚佢威士忌High-ball唔錯👍🏻我哋單點嘅帆立貝刺身（ $68 ）好快就出現，肉質鮮甜，有水準，唔怪得知刺身係主打一人套餐既忌廉蟹肉薯餅熱辣辣香噴噴，忌廉味好香濃，外面炸得好脆好香口，配酒真係一流之後燒物陸續上枱，睇得出係即叫即燒，上菜時串燒有陣焦香味，咁先夠風味，串燒比我想像中出色，尤其係串燒魷魚，外皮燒到少少焦香，以為會好乾，點知咬落好彈牙好Juice，醬汁唔會係死咸，反而味道較清淡，突顯返魷魚本身嘅鮮味鹽燒雞翼都唔錯，雞皮燒得好香脆，少少鹽吊味已

這間居酒屋位於旺角，鄰近旺角地鐵站，主打多元化的日式料理，包括刺身、壽司、串燒等。店內環境寬敞舒適，設有卡位具備私隱度，適合約會或多人聚會。菜式及飲品均即叫即製，午市時段設有十多款套餐選擇，亦可以優惠價加配飲品或小食，其中刺身更每日新鮮空運到港。和風汁燒牛肉便當 - $128一片片汁燒牛肉肥瘦兼備，鮮嫩多汁，更有一條條雞腿菇爽滑彈牙；三件時令壽司厚切特別有口感，分別為三文魚、鯛魚及魷魚，紮實爽口富魚脂香；胡麻豆腐沙律新鮮翠嫩平衡肉膩感，更有三塊金黃酥脆的炸雞。銀鱈魚西京燒定食 - $138大大塊銀鱈魚扒含豐厚的魚脂，魚肉細嫩多汁，甜甜鹹鹹的味醂更突顯鮮味。茶碗蒸細軟的日式蒸蛋加入高湯特別鮮味，裡面更有蟹柳及雞肉。味噌湯富濃厚的豆香，有昆布和豆卜。甜品多款口味本地品牌Victoria雪糕杯，伯爵茶香中隱隱泛著佛手柑油，而朱古力則含濃厚的可可豆香。唐揚炸雞 +$28外脆內軟，咬開雪白的雞肉流出濃濃肉汁，毫不油膩。明太子玉子燒 - $58一層層的玉子燒紮實豐厚帶點甜滋滋，明太子鹹甜微辣。日本桃汁 +$18日本蘋果汁 +$18有著濃厚香甜的豐富果香。