橋本·串燒

呢間餐廳一入到嚟 個氣氛真係好似日本嘅居酒屋 最啱放咗工放鬆吓 小酌一番🍻廚師‍即場幫你燒串燒 一坐低店員就會幫你準備暖笠笠嘅日本綠茶🍵同埋一個前菜配芝麻醬 仲有調味品：鹽, 魚子柚子醬, 檸檬 可以自己調味 蔬菜非常新鮮爽脆🧂.📌豚肉秋葵卷 $38 /串豚肉薄燒香脆 加埋秋葵 好少見到呢個配搭 可以減少肉類油膩感🐷不過豚肉嘅味道唔夠突出 但整體唔錯都幾好食😋.📌豚肉蘆筍卷 $42 /串蘆筍水份比較多 味道有少少掩蓋左本身豚肉嘅味道 反而秋葵比較乾身 如果鍾意口感濕潤啲嘅可以選擇呢個💦.📌香蔥鵝肝多士 $88 /件鵝肝燒到啱啱好 夠晒肥美 再加埋上面啲炸蔥好香口🦢多士卜卜脆 同鵝肝夾埋一齊食 完美融合左 超香👍🏻做到上面creamy下面香脆 一口咬落去大滿足🤩值得推薦💕.📌凍日本蕃茄配柚子汁 $48居酒屋必點 柚子汁配蕃茄好fresh好清爽✨酸酸甜甜 新鮮蕃茄要好新鮮先可以做到口感爽脆 非常開胃🍅.📌櫻花蝦茶漬飯 $78櫻花蝦個湯味好濃🦐本身係一個飯團嚟 煎到脆脆地🍙有啲Wasabi同紫菜香蔥 再鋪上滿滿既櫻花蝦 唔嗆唔辣 浸左一陣 本身脆既飯團軟左 口感更煙靭😌.📌厚牛舌 $52 /串好香濃既牛味 有黑胡椒同鹽提味 食落更香口😋但係因為太厚好韌 要咬好耐 要趁熱食👅.📌雞膝軟骨 $28 /串燒得好脆好香口 好有雞味🐔炭燒過好香口 已經調左味 有少少雞肉連住軟骨位置 好好食🥰.📌雞皮 $36 /串雞皮比較厚身 本身味道唔夠 要配合調味品較佳 同魚子柚子醬都幾夾 同樣係經過炭燒 燒到脆卜卜 油脂感都揮發了😆.📌雞肝 $34 /串口感潤澤又豐盈 用咗炭燒汁調味 好有雞味😚雞肝有少少粉 送酒會比較好啲 如果唔係會好腥🙈.📌雞尾 $38 /串表皮燒到好香脆 雖然雞尾脂肪比較多 但係佢唔係咬完會炸出油個隻 一啲騷味都冇 鍾意食雞尾嘅朋友可以試吓呢個🤓.📌日本赤雞翼 $34 /隻雞肉好嫩 用左淮鹽調味😛雞皮燒到脆卜卜 但係味道全部都集中喺雞皮表面 入面啲肉就冇乜味 不過整體係好食嘅😎.📌焦糖菠蘿 $32 /串燒過嘅菠蘿好清甜 唔係好感覺到焦糖嘅味道 食咗咁多串燒解膩一流 好juicy好香濃菠蘿味🍍.📌北秋田濁酒 $78/杯酒味比較淡口 幾適合女仔 如果想小酌一杯 加左冰相對比較易入口 後調有少少酒精嘅苦味 後勁幾勁 有米酒嘅後勁🥃.📌靜岡蜜柑梳打汽水 $48/支唔會好甜 柑桔味唔係好出🍊汽水嚟講 佢唔似平時飲芬達嗰種咁化學嘅味道 比較天然味道嘅蜜柑汽水 幾好飲🥤…查看更多

[#尖沙咀串燒] / 鳥居下的串燒夜 - 橋本·串燒 / 講女搵食團  = = = = = = = = = = = = = = =美食集中地尖沙咀綿登徑，有好幾間日式串燒店，食邊間好？今次去了門口用上採用鮮紅色神社鳥居設計，掛上日式大燈籠 - 橋本·串燒，淨係門面都好吸睛，感覺有如置身日本當地。疫情期間去唔到日本，食住日式串燒都是另一種安慰。我同親愛的被安排坐吧枱，可以近距離欣賞廚師不停製作串燒，就算唔係自己Order，睇下人地食咩都開心。————————————————【麻醬椰菜】 - 坐底後就會放底，蘸上麻醬食，清清甜甜，作開胃前菜不錯【慢煮赤雞胸溫泉蛋野菜沙律 - $58】 - 慢煮雞胸配上半熟溫泉蛋，慢煮雞胸肉嫩不嚡口，將蛋汁同油醋汁撈匀新鮮沙律菜，味道清新開胃。【炸薯條伴黑松露沙律醬 - $38】炸得乾身入口不油脆脆薯條，配上黑松露沙律醬，邊食邊等串燒。————————————————橋本·串燒既鳥燒系列，特別採用岩手縣的雞肉，點了好多款唔同既雞料理。【自家製免治雞肉棒（配溫泉蛋） - $38】免治雞肉中有軟骨，軟骨的脆感口感層次豐富，嫩而多汁，配上香滑溫泉蛋汁，有2種層次味道。（左至右）【雞肝 - $34】同樣一試難忘，雞肝滑嫩的口感，濃郁肉味，味道香濃。【大蔥雞腿肉 - $38】雞腿肉多汁，包著大蔥，大蔥不會有辛辣味，反而帶有甜甜味道，加上照燒汁特別美味。【雞腎 - $38】串燒必點，鹹香口感，咬感爽口。【頸肉 - $32】又一個較少有的部位，表面油而不膩且，食落肉質爽口有彈性。【燒雞尾 - $38】雞尾 = 雞屁股，係整隻雞脂肪含量最高既部位，同樣入口油分充足甘香，沒有羶味，一試難忘。（上至下）【日本赤雞翼 - $34】燒雞翼外皮香脆，肉質保持軟嫩多汁。————————————————除了鳥燒系列，更有其他特式串燒（上至下）【豚肉酒盜芝士卷 - $48 】豚肉卷著芝士，外脆內軟，包覆軟身芝士，口感有層次。【豚肉煙肉荔枝卷 - $38】特別既配搭，用豬肉片卷起荔枝果肉，入口有清新荔枝甜味，一解肉類油膩感。【厚牛舌 - $52】牛舌厚度十足，入口爽嫩內裡多汁，甘香彈牙，有嚼勁既口感。————————————————【活鰻 - $78】肥嘟嘟鰻魚，逼出油脂香氣，肉質嫩滑。【粟米 - $28】粟米先塗上牛油後燒製， 每口充滿牛油香氣， 滋味吸引。【焦糖菠蘿 - $32】最後食返件焦糖菠蘿，用上新鮮原條菠蘿，菠蘿鮮甜多汁，表層塗上一層焦糖醬汁，更能帶出香甜果香味。題外話：橋本·串燒仲有好多款清酒提供，可以同朋友飲返杯，摸下酒杯底。————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍 橋本·串燒 網址: https://s.openrice.com/QrbS0nGiB00~uEWuIAw地址: 尖沙咀棉登徑13-15號棉登大廈地下A號舖電話: 22443320————————————————#尖沙咀串燒 #串燒 #清酒 #尖沙咀美食 #𝑚𝑠𝐶𝑎𝑚𝑚𝑦𝐹𝑜𝑜𝑑＃講女C生活 ＃講女搵食團 ＃卡咪黃 …查看更多

店面採用神社的鳥居設計⛩️紅色夠哂搶眼！店內都以日式居酒屋裝潢為主，鳥燒串燒系列特別採用岩手縣雞肉，加以自家製燒汁調味🤪呢間店烤嘅串燒同Menu上圖片喺一樣咖！串燒圖文相乎嘅情況太好了🤣🥗慢煮赤雞胸溫泉蛋野菜沙律 $58　流心溫泉蛋不得了🤤雞胸肉夠哂大塊嫩滑，加上沙律醋同蛋汁，好開胃囓一道沙律🍖美國安格斯牛柳粒 $68　超級軟腍！影完相襯熱即刻食呢個，感覺入口即融，哎落去好Juicy！！🍖厚牛舌 $52　有點厚度嘅牛舌、🔸活鰻 $78　表面烤得脆一脆，裡面肉質魚味十足！肉質外脆內軟！🍢豚肉煙肉荔枝卷 $38　咬落去第一口食到煙肉油膩感，第二口喺荔枝清爽甜美味道，成個感覺好Fresh🥰🍢五花腩 梅醬 $38　啖啖肉啊！加上梅醬可以去一去脂肪油膩感～🍗烤雞串大蔥雞腿肉 $38 一層大蔥一層雞腿肉，大蔥清爽雞腿夠嫩！😍雞腿肉 明太子醬 $34　明太子醬滿滿喺雞腿肉上面，味道略咸😂日本赤雞翼 $34　正常燒雞翼🍗雞皮 $36 油脂感重，脆卜卜雞腎 $38 肉質較硬有彈性🤪雞尾 $38 呢款幾特別，望落同雞軟骨差唔多樣，比較多油脂雞膝軟骨 $32　好脆爽口雞頸肉 $32　肉質彈性有嚼勁🤤烤蔬菜🌽粟米 $28 🫑明太子青椒仔 $48 🍍焦糖菠蘿 $32 一定要食燒菠蘿！暖暖哋咬落去菠蘿汁酸酸甜甜，清一清口腔油脂可以再戰！…查看更多